പാകിസ്ഥാൻ ക്രിക്കറ്റ് ആരാധകർ ഈ അടുത്ത് ഏറെ തവണ വിരാട് കോഹ്ലിയുമായി താരതമ്യം ചെയ്ത താരമാണ് ബാബർ അസം.ഏകദിന ക്രിക്കറ്റിൽ നിലവിൽ ഒന്നാം റാങ്കിലുള്ള ബാറ്ററുമാണ് ബാബർ. നിലവിൽ പാകിസ്ഥാൻ നായകൻ കൂടിയാണ് ബാബർ അസം.
എന്നാൽ കഴിഞ്ഞ ഏഷ്യ കപ്പിൽ നേപ്പാളിനെതിരെ സെഞ്ച്വറി നേടിയ ശേഷം തന്റെ ഫോമിലേക്ക് തിരികെ വരാൻ ബുദ്ധിമുട്ടുകയാണ് അദ്ദേഹം. ഏഷ്യക്കപ്പിൽ നേപ്പാൾ ഒഴിച്ച ബാക്കി എല്ലാം ടീമിനെനെതിരെയും മോശം പ്രകടനമായിരുന്നു അദ്ദേഹത്തിന്റെത്. ലോകക്കപ്പിലെ സന്നാഹ മത്സരത്തിൽ ഓസ്ട്രേലിയക്കെതിരെ 90 റൺസ് സ്വന്തമാക്കിയെങ്കിലും വീണ്ടും കളി മറന്നിരിക്കുകയാണ് ബാബർ.
നെതർലാണ്ട്സിനെതീരെ 18 പന്തിൽ വെറും 5 റൺസ് മാത്രം സ്വന്തമാക്കി കൊണ്ടാണ് അദ്ദേഹം ഇന്ന് മടങ്ങിയത്. കോളിന് അക്കർമാന് എറിഞ്ഞ പാകിസ്ഥാൻ ഇന്നിങ്സിന്റെ ഒൻപതാം ഓവറിലാണ് അദ്ദേഹം പുറത്തായത്.അക്കർമാന്റെ പന്ത് പുൾ ചെയ്യാൻ ശ്രമിച്ച അദ്ദേഹത്തെ മിഡ്‌ വിക്കറ്റിൽ സുൽഫിഖർ കൈപിടിയിൽ ഒതുക്കുകയായിരുന്നു.