പാകിസ്ഥാൻ ക്രിക്കറ്റ്‌ ടീം ഒരു ക്രിക്കറ്റ്‌ മത്സരം കളിച്ചാൽ ചിരിക്കാനുള്ള വക അവർ തന്നെ എന്നും ഉണ്ടാക്കി തരുന്നത് എന്നും ക്രിക്കറ്റ്‌ ആരാധകർ കണ്ടിട്ടുള്ളതാണ്. ഈ ലോകക്കപ്പിലും സ്ഥിതി വ്യത്യസ്തമല്ല. ഓസ്ട്രേലിയക്കെതിരെ സന്നാഹ മത്സരത്തിലെ ഫീൽഡിങ് ഇതിന് ഉത്തമ ഉദാഹരണവുമാണ്.
സന്നാഹം വിട്ട് ലോകക്കപ്പിലേക്ക് എത്തിയപ്പോൾ പാകിസ്ഥാൻ വീണ്ടും ക്രിക്കറ്റ്‌ ആരാധകർക്ക് ചിരിക്കാനുള്ള വക നൽകുകയാണ്.പക്ഷെ ഈ തവണ ഫീൽഡിങ് അല്ലെന്ന് മാത്രം. നെതർലാണ്ട്സ് പാകിസ്ഥാൻ മത്സരത്തിന് ഇടയിലാണ് ഈ സംഭവം. എന്താണ് സംഭവം എന്ന് നമുക്ക് പരിശോധിക്കാം.
പറഞ്ഞു വരുന്നത് പാകിസ്ഥാൻ വേണ്ടി മികച്ച രീതിയിൽ ബാറ്റ് ചെയ്തു കൊണ്ടിരുന്ന നവാസിന്റെ റൺ ഔട്ടിനെ പറ്റിയാണ്.47 മത്തെ ഓവറിലെ രണ്ടാമത്തെ പന്ത്, ഷഹീൻ റിവേഴ്‌സ് സ്വീപ് ചെയ്യുന്നു.നവാസ് ക്രീസ് വിട്ട് ഇറങ്ങി പകുതിയോളം എത്തുന്നു. ഫീൽഡറുടെ കയ്യിലേക്ക് പന്ത് പോയ ഷഹീന് നവാസിനെ തിരകെ അയക്കുന്നു. എന്നാൽ ആ ബോൾ ഓവർത്രോയാകുന്നു. ഷഹീൻ വീണ്ടും റണ്ണിനായ് വിളിക്കുന്നു.ഈ തവണ കീപ്പർ എൻഡിൽ ഡയറക്റ്റ് ത്രോയിൽ നവാസ് റൺ ഔട്ടാകുന്നു.