ഒടുവിൽ രാജാവ് ദൈവത്തിന് ഒപ്പമെത്തിയിരിക്കുകയാണ്.ഏകദിന ക്രിക്കറ്റിൽ ഏറ്റവും കൂടുതൽ സെഞ്ച്വറി നേടിയ താരങ്ങളുടെ പേരിൽ ഇനി ഒരുമിച്ചു രാജാവും ദൈവവും. അന്താരാഷ്ട്ര ഏകദിന ക്രിക്കറ്റിൽ ഇരുവരുടെയും സെഞ്ച്വറികളുടെ എണ്ണം 49.
ലോകക്കപ്പിൽ ദക്ഷിണ ആഫ്രിക്കക്കെതിരെയാണ് കോഹ്ലി തന്റെ 49 മത്തെ സെഞ്ച്വറി കുറിച്ചത്. ബംഗ്ലാദേശിനെതിരെ ലോകക്കപ്പിൽ തന്നെ തന്റെ 48 മത്തെ സെഞ്ച്വറി കുറിച്ചതോടെ ആരാധകർ കോഹ്ലിയുടെ 49 മത്തെ സെഞ്ച്വറിക്ക് വേണ്ടിയുള്ള കാത്തിരിപ്പിലായിരുന്നു.ഒടുവിൽ സൗത്ത് ആഫ്രിക്കക്കെതിരെ ഇന്ത്യൻ ഇന്നിങ്സിന്റെ 49 മത്തെ ഓവറിൽ അദ്ദേഹം ആ സെഞ്ച്വറി സ്വന്തമാക്കുകയും ചെയ്തു
.റബാഡ എറിഞ്ഞ ഓവറിലെ മൂന്നാമത്തെ പന്ത് കവറിലേക്ക് തട്ടിയിട്ടാണ് കോഹ്ലി തന്റെ സെഞ്ച്വറി സ്വന്തമാക്കിയത്. പതിവിന് വിപരീതമായി കോഹ്ലി ശാന്തമായി സെഞ്ച്വറി സ്വന്തമാക്കുന്നു. ഹെൽമെറ്റ്‌ ഊരി ബാറ്റ് പൊക്കി കാണികളെ അഭിവാദ്യം ചെയ്യുന്നു.121 പന്തിൽ 101 റൺസുമായി കോഹ്ലി പുറത്താവാതെ നിൽക്കുന്നു.