Category: India

ഒരു അന്താരാഷ്ട്ര മത്സരത്തിൽ തന്റെ അന്താരാഷ്ട്ര കരിയറിലെ ആദ്യ വിക്കറ്റ് അതും ആ ഫോർമാറ്റിലെ ഏറ്റവും മികച്ച ബാറ്ററേ പുറത്താക്കി കൊണ്ട് നിങ്ങൾ നിങ്ങളുടെ അന്താരാഷ്ട്ര കരിയറിന് തുടക്കമിട്ടാൽ അവൾ ചില്ലറകാരിയല്ലലോ.എന്താണ് സംഭവം എന്ന് മനസിലാവാത്തരെ ഇന്ന് നടക്കുന്ന ഇന്ത്യ ഓസ്ട്രേലിയ വനിതാ ട്വന്റി ട്വന്റി മത്സരത്തിലേക്ക് ഞാൻ ഒന്ന് കൊണ്ട് പോവാം.പരമ്പരയിലെ മൂന്നാമത്തെ മത്സരം, മത്സരത്തിന്റെ രണ്ടാം ഓവർ. ആദ്യ ഓവറിൽ തന്നെ ഓസ്ട്രേലിയക്ക്‌ ആദ്യ പ്രഹരമേറ്റു.

രണ്ടാമത്തെ ഓവർ നേരിടാൻ എത്തുന്നത് ലോകത്തിലെ ഏറ്റവും മികച്ച ബാറ്ററായ താഹ്ലിലിയ മാക്ഗ്രത്ത്.ഒരു മത്സരം മാത്രം പരിചയമുള്ള 25 കാരി അഞ്ജലി സർവാണി ബൗളുമായി എത്തി. ആദ്യ രണ്ട് ഡെലിവറികൾക്ക്‌ ശേഷവും ഒരു റൺസ് പോലും ലോക ഒന്നാം നമ്പർ ബാറ്റർക്ക് കണ്ടെത്താൻ കഴിഞ്ഞില്ല. മൂന്നാമത്തെ ബോൾ ഒരു ഇൻസ്വിങ്ങിങ് ഡെലിവറി, അതിനും ഉത്തരമില്ലാതെയായ മാക്ഗ്രത്തിന്റെ സ്റ്റമ്പുകൾ തെറിക്കുന്നതാണ് പിന്നീട് കണ്ടത്.അതെ ഒരു അന്താരാഷ്ട്ര മത്സരത്തിൽ തന്റെ അന്താരാഷ്ട്ര കരിയറിലെ ആദ്യ വിക്കറ്റ് അതും ആ ഫോർമാറ്റിലെ ഏറ്റവും മികച്ച ബാറ്ററേ പുറത്താക്കി കൊണ്ട് നിങ്ങൾ നിങ്ങളുടെ അന്താരാഷ്ട്ര കരിയറിന് തുടക്കമിട്ടാൽ അവൾ ചില്ലറകാരിയല്ലലോ.

മത്സരത്തിൽ ആദ്യത്തെ തകർച്ചക്ക്‌ ശേഷം ഓസ്ട്രേലിയ തിരകെ വരുകയാണ്.അഞ്ചു മത്സരങ്ങൾ അടങ്ങിയ പരമ്പരയിലെ മൂന്നാമത്തെ മത്സരമാണ് ഇപ്പോൾ നടന്നു കൊണ്ടിരിക്കുന്നത്.പരമ്പരയിൽ നിലവിൽ ഇരു ടീമുകളും ഒപ്പത്തിന് ഒപ്പമാണ്. പരമ്പരയിലെ അടുത്ത മത്സരം ശനിയാഴ്ച നടക്കും.

Playing 11 :

India :Smriti Mandhana, Shafali Verma, Jemimah Rodrigues, Harmanpreet Kaur (c), Richa Ghosh (wk), Deepti Sharma, Devika Vaidya, Radha Yadav, Anjali Sarvani, Renuka Thakur Singh, Rajeshwari Gayakwad.

Aus : Alyssa Healy (c & wk), Beth Mooney, Tahlia McGrath, Ashleigh Gardner, Ellyse Perry, Grace Harris, Annabel Sutherland, Nicola Carey, Alana King, Megan Schutt, Darcie Brown

ഇന്ത്യ ബംഗ്ലാദേശ് ഏകദിന പരമ്പരയിലെ മൂന്നാമത്തെയും അവസാനത്തേയും മത്സരത്തിൽ ഇന്ത്യക്ക് 227 റൺസിന്റെ തകർപ്പൻ ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ടീം ഇന്ത്യ കൂറ്റൻ സ്കോർ കണ്ടെത്തി. ഇരട്ട സെഞ്ചുറി നേടിയ ഓപ്പണർ ഇഷാൻ കിഷന്‍റെയും സെഞ്ചുറി നേടിയ സീനിയർ താരം വിരാട് കോഹ്‌ലിയൂടെയും മികവിലാണ് ഇന്ത്യ നിശ്ചിത 50 ഓവറിൽ 8 വിക്കറ്റ് നഷ്ടത്തിൽ 409 റൺസ് എടുത്തത്. ബംഗ്ലാദേശ് ടീം 34 ഓവറിൽ 182 റൺസിന് എല്ലാവരും പുറത്തായി. ആദ്യ രണ്ട് മത്സരങ്ങളും പരാജയപ്പെട്ട ഇന്ത്യക്ക് പരമ്പര നേരത്തെതന്നെ നഷ്ടമായിരുന്നു.

ഓപ്പണർ ശിഖർ ധവാൻ 8 പന്തിൽ 3 റൺസ് എടുത്ത് മടങ്ങിയപ്പോൾ രണ്ടാം വിക്കറ്റിൽ ഒത്തുചേർന്ന കോഹ്‌ലിയും കിഷനും 290 റൺസിന്റെ കൂട്ടുകെട്ട് സൃഷ്ടിച്ചു. ഒരറ്റത്ത് തകർപ്പനടികളുമായി കിഷൻ നിറഞ്ഞുനിന്നപ്പോൾ വിരാട് കോഹ്‌ലി മികച്ച പിന്തുണ നൽകി കളിക്കുകയാണ് ചെയ്തത്. കിഷാന്റെ ഏകദിനത്തിലെ ഉയർന്ന സ്കോർ 93 റൺസ് ആയിരുന്നു. തന്റെ കന്നി ഏകദിന സെഞ്ചുറി നേട്ടം ഒരു ഇരട്ട സെഞ്ചുറി നേട്ടവുമായി ആഘോഷിക്കാൻ അദ്ദേഹത്തിന് കഴിഞ്ഞു. അതും ഏകദിന ക്രിക്കറ്റ് ചരിത്രത്തിലെ ഏറ്റവും വേഗമേറിയ ഇരട്ട സെഞ്ചുറിയായി. 138 പന്തിൽ ഇരട്ട സെഞ്ചുറി നേടിയ ക്രിസ് ഗെയിലിന്റെ റെക്കോർഡ് തകർത്ത് വെറും 126 പന്തിലാണ്‌ കിഷൻ ചരിത്രം കുറിച്ചത്. മത്സരത്തിൽ 210 റൺസ് നേടിയാണ് അദ്ദേഹം പുറത്തായത്.

മത്സരത്തിൽ ഇന്ത്യൻ സൂപ്പർ താരം വിരാട് കോഹ്‌ലി തന്റെ കരിയറിലെ എഴുപത്തിരണ്ടാം സെഞ്ചുറി നേട്ടം പൂർത്തിയാക്കി. മേഹിദീ ഹസൻ മിറാസ് എറിഞ്ഞ ഏഴാം ഓവറിന്റെ മൂന്നാം പന്തിൽ കോഹ്‌ലി നൽകിയ അനായാസ ക്യാച്ച് ബംഗ്ലാദേശ് നായകൻ ലിട്ടൻ ദാസ് നിലത്തിട്ടിരുന്നു. മിഡ് വിക്കറ്റിലൂടെ ഫ്ളിക് ഷോട്ട് കളിക്കാൻ ശ്രമിച്ചപ്പോൾ നേരെ ദാസിന്റെ കയ്യിലേക്ക് പോകുകയായിരുന്നു. ഒരു റൺ മാത്രം എടുത്തുനിൽക്കെ തനിക്ക് ലഭിച്ച പുതുജീവൻ ശരിക്ക് മുതലാക്കി കോഹ്‌ലി കരുത്തുകാട്ടി. 91 പന്തിൽ 11 ഫോറും 2 സിക്‌സും അടക്കം 113 റൺസ് നേടിയാണ് കോഹ്‌ലി പുറത്തായത്.

വീഡിയോ :

ചത്തോഗ്രാമിലെ സഹൂർ അഹമ്മദ് ചൗദരി സ്റ്റേഡിയത്തിൽ നടന്ന മത്സരത്തിൽ, നേരത്തെ ടോസ് നേടിയ ബംഗ്ലാ നായകൻ ലിറ്റൻ ദാസ് ആദ്യം ഫീൽഡിംഗ് തെരഞ്ഞെടുക്കുകയായിരുന്നു. കഴിഞ്ഞ മത്സരത്തിൽ വിരലിന് പരുക്കേറ്റ് ചികിത്സയിൽ കഴിയുന്ന നായകൻ രോഹിത് ശർമ്മയ്ക്ക് പകരം ഇന്ന് കെ എൽ രാഹുലാണ്‌ ഇന്ത്യയെ നയിച്ചത്. രോഹിതിന്റെ അഭാവത്തിൽ ഓപ്പണറായി ഇഷാൻ കിഷനും പരുക്കേറ്റ പേസർ ദീപക് ചഹാറിന് പകരം സ്പിന്നർ കുൽദീപ് യാദവും ഇന്ത്യൻ നിരയിൽ ഇടംപിടിച്ചു.

നീണ്ട 3 വർഷങ്ങൾക്ക് ശേഷം ഏകദിനത്തിൽ സെഞ്ചുറിയുമായി കോഹ്ലി. ബംഗ്ലാദേശിനെതിരായ മൂന്നാം മത്സരത്തിൽ 85 പന്തിൽ നിന്നാണ് ഏകദിനത്തിലെ 44ആം സെഞ്ചുറിയും അന്താരാഷ്ട്ര കരിയറിലെ 72ആം സെഞ്ചുറിയും നേടിയത്. 11 ഫോറും 1 സിക്‌സും ഉൾപ്പെടെയാണ് സെഞ്ചുറി. 2019 നവംബറിലാണ് അവസാനമായി കോഹ്ലി ഏകദിന സെഞ്ചുറി നേടിയത്, അതും ബംഗ്ലാദേശിന് എതിരെ തന്നെയായിരുന്നു.

അതിന് ശേഷമുള്ള 3 വർഷം സെഞ്ചുറിയില്ലാതെയാണ് കോഹ്ലിയുടെ കരിയർ കടന്ന് പോയത്. ഈ വർഷം സെപ്റ്റംബറിൽ നടന്ന ഏഷ്യാകപ്പിൽ അഫ്ഗാനിസ്ഥാനെതിരെ ടി20യിൽ സെഞ്ചുറി നേടി കോഹ്ലി സെഞ്ചുറി ക്ഷാമം അവസാനിപ്പിച്ചിരുന്നു. ഇന്നത്തെ സെഞ്ചുറിയോടെ ഏകദിനത്തിലും അതിന് അറുതിയായി.

40 ഓവർ പിന്നിട്ടപ്പോൾ ഇന്ത്യ 3ന് 339 എന്ന നിലയിലാണ്. ഡബിൾ സെഞ്ചുറി നേടിയ ഇഷാന്റെയും 3 റൺസ് നേടിയ അയ്യറിന്റെയും വിക്കറ്റാണ് ഒടുവിൽ നഷ്ട്ടമായത്. 126 പന്തിൽ നിന്ന് ഡബിൾ സെഞ്ചുറി നേടിയ ഇഷാൻ 210 റൺസ് നേടിയാണ് മടങ്ങിയത്. 24 ഫോറും 10 സിക്‌സും പറത്തിയിരുന്നു.

ഡബിൾ സെഞ്ചുറി നേടുന്ന നാലാം ഇന്ത്യൻ താരമെന്ന റെക്കോർഡും ഇഷാൻ സ്വന്തമാക്കി. അന്താരാഷ്ട്ര ക്രിക്കറ്റിലെ ഏഴാമത്തെ താരമാണ്. ആദ്യ 2 മത്സരങ്ങളിൽ ഇന്ത്യൻ ബാറ്റർമാർക്ക് മേൽ ആധിപത്യം നേടിയ ബംഗ്ലാദേശ് ബൗളർമാരെ അനായാസമാണ് ഇഷാൻ നേരിട്ടത്.

24ആം ഓവറിൽ നേരിട്ട 85ആം പന്തിൽ സെഞ്ചുറി പൂർത്തിയാക്കിയ ഇഷാൻ കിഷൻ ഡബിൾ സെഞ്ചുറി ലക്ഷ്യമാക്കി കുതിക്കുകയായിരുന്നു. 41 പന്താണ് ഡബിൾ സെഞ്ചുറിയിലേക്ക് എത്താൻ ഇഷാൻ വേണ്ടി വന്നത്. 23 ഫോറും 9 സിക്‌സും സഹിതമാണ് ഇഷാന്റെ ഇന്നിംഗ്സ്.

ഇന്ത്യയുടെ ബംഗ്ലാദേശ് പര്യടനത്തിന് ഏകദിന മത്സരത്തോടെ തുടക്കമായി. ആദ്യ മത്സരത്തിൽ ടോസ് നേടിയ ബംഗ്ലാദേശ് ഇന്ത്യയെ ബാറ്റിങിന് അയച്ചു. മത്സരം 15 ഓവർ പിന്നിട്ടപ്പോൾ ഇന്ത്യ 3 വിക്കറ്റ് നഷ്ട്ടത്തിൽ 71  റൺസ് നേടിയിട്ടുണ്ട്. 11 പന്തിൽ 10 റൺസുമായി രാഹുലും, 8 റൺസുമായി അയ്യറുമാണ് ക്രീസിൽ.

ഏറെ നാളുകൾക്ക് ശേഷം ഇന്ത്യയ്ക്ക് വേണ്ടി ഓപ്പണിങ്ങിൽ ധവാനും രോഹിതുമാണ് എത്തിയത്. എന്നാൽ 23 റൺസിൽ നിൽക്കെ കൂട്ടുകെട്ട് തകർന്നു. 7 റൺസ് നേടിയ ധവാനെ പുറത്താക്കിയാണ് മെഹിദി ഹസൻ ഇന്ത്യയ്ക്ക് ആദ്യ പ്രഹരം സമ്മാനിച്ചത്.

പിന്നാലെ ക്രീസിൽ എത്തിയ കോഹ്ലിയും രോഹിതും പതുക്കെ റൺസ് ഉയർത്തുന്നതിനിടെ ഒരോവറിൽ ഇരുവരെയും വീഴ്ത്തി ശാഖിബുൽ ഹസൻ ഇന്ത്യൻ നില പരുങ്ങലിലാക്കി. 27 റൺസ് നേടിയ രോഹിതിനെ ബൗൾഡ് ആക്കുകയായിരുന്നു. പിന്നാലെ ഒരു പന്തുകൾ ശേഷം കോഹ്ലിയെ തകർപ്പൻ ക്യാച്ചിലൂടെ ലിറ്റണ് ദാസ് മടക്കി.

ശാഖിബിന്റെ ഫുൾ ലെങ്ത് ഡെലിവറി ഡ്രൈവ് ചെയ്ത കോഹ്ലിയെ ഫുൾ ഡൈവിൽ കൈപിടിയിൽ ഒതുക്കുകയായിരുന്നു. അതേസമയം ആരോഗ്യ പ്രശ്നം കാരണം ഏകദിന സീരീസിൽ നിന്ന് തന്നെ റിഷഭ് പന്തിനെ ഒഴിവാക്കിയിട്ടുണ്ട്. കുൽദീപ് സെൻ ഇന്ത്യക്കായി അരങ്ങേറ്റം കുറിച്ചിട്ടുണ്ട്.

പ്ലെയിങ് ഇലവൻ ഇന്ത്യ– രോഹിത് ശർമ (ക്യാപ്റ്റൻ), ശിഖർ ധവാൻ, വിരാട് കോഹ്‌ലി, ശ്രേയസ് അയ്യർ, കെ.എൽ രാഹുൽ (വിക്കറ്റ് കീപ്പർ), വാഷിങ് ടൺ സുന്ദർ, ഷഹബാസ് അഹമ്മദ്.  ഷർദൂൽ താക്കൂർ, ദീപക് ചാഹർ, മുഹമ്മദ് സിറാജ്, കുൽദീപ് സെൻ,
പ്ലെയിങ് ഇലവൻ– ബംഗ്ലദേശ്– ലിട്ടൺ ദാസ് (ക്യാപ്റ്റൻ), അനമുൽ ഹഖ്, നജ്മുൽ ഹുസൈൻ ഷാന്റോ, ഷാക്കിബ് അൽ ഹസൻ, മഹമ്മദുല്ല, ഓഫീസ് ഹുസൈൻ, മെഹിദി ഹസൻ മിറ, ഹസൻ മഹമൂദ്, മുസ്തഫിസുർ റഹ്മാൻ, എബദോട്ട് ഹൊസൈൻ.

ന്യുസിലാൻഡിനെതിരായ രണ്ടാം ടി20യിൽ ഇന്ത്യയ്ക്ക് കൂറ്റൻ ജയം. 192 വിജയലക്ഷ്യം പിന്തുടർന്ന ന്യുസിലാൻഡിനെ 126ൽ ഒതുക്കി 65 റൺസിന്റെ ജയമാണ് ഇന്ത്യൻ നേടിയത്. 18.5 ഓവറിൽ ഇന്ത്യൻ ബൗളർമാർ ന്യുസിലാൻഡിന്റെ 10 വിക്കറ്റും വീഴ്ത്തി. ഇതോടെ 3 മത്സരങ്ങൾ അടങ്ങുന്ന ടി20 പരമ്പരയിൽ 1-0 ന് ഇന്ത്യ മുന്നിലായി. ആദ്യത്തെ മത്സരം മഴക്കാരണം ഉപേക്ഷിച്ചിരുന്നു.

52 പന്തിൽ 61 റൺസ് നേടിയ ക്യാപ്റ്റൻ വില്യംസനാണ് ടോപ്പ് സ്‌കോറർ. ഇന്ത്യയ്ക് വേണ്ടി ഹൂഡ 4 വിക്കറ്റ് വീഴ്ത്തി. 19ആം ഓവറിൽ 3 വിക്കറ്റ് വീഴ്ത്തി ഹൂഡയാണ് ന്യുസിലാൻഡിന്റെ പതനം വേഗത്തിലാക്കിയത്. സിറാജും ചാഹലും 2 വിക്കറ്റ് വീതം വീഴ്ത്തിയിട്ടുണ്ട്. സെഞ്ചുറി നേടിയ സൂര്യകുമാർ യാദവാണ് ടോപ്പ് സ്‌കോറർ.

192 വിജയലക്ഷ്യം പിൻതുടർന്ന ന്യുസിലാൻഡിന് രണ്ടാം പന്തിൽ തന്നെ ഫിൻ അലനെ നഷ്ട്ടപ്പെട്ടിരുന്നുവെങ്കിലും രണ്ടാം വിക്കറ്റിൽ വില്യംസനും കൊണ്വെയും ചേർന്ന് 56 റൺസ് അടിച്ചു കൂട്ടിയിരുന്നു. എന്നാൽ ആ കൂട്ടുകെട്ട് തകർന്നതിന് പിന്നാൽ ന്യുസിലാൻഡ് തകർന്നടിയുന്ന കാഴ്ച്ചയാണ് കണ്ടത്.

ലോകകപ്പിൽ തകർപ്പൻ ഫോമിൽ ഉണ്ടായിരുന്ന ഗ്ലെൻ ഫിലിപ്പ്സ് 6 പന്തിൽ 12 റൺസ് നേടിയാണ് പുറത്തായത്. ഡാരിൽ മിച്ചൽ 11പന്തിൽ 10 റൺസ് നേടി നിരാശപ്പെടുത്തി. നേരെത്തെ ഇന്ത്യൻ ഇന്നിംഗ്‌സിൽ സൂര്യകുമാർ യാദവും (111) ഇഷൻ കിഷനുമാണ് (36) തിളങ്ങിയത്.

ഇന്ത്യയ്ക്ക് വേണ്ടി ഓപ്പണിങ്ങിൽ റിഷഭ് പന്തും ഇഷാൻ കിഷനുമാണ് എത്തിയത്. ആറാം ഓവറിലെ ആദ്യ പന്തിൽ 13 പന്തിൽ 6 റൺസ് നേടിയ റിഷഭ് പന്ത് പുറത്തായി. ഇഷൻ കിഷൻ 31പന്തിൽ 36 റൺസും ശ്രേയസ് അയ്യർ 13 റൺസും നേടിയാണ് പുറത്തായത്. 12.4 ഓവറിൽ 3ന് 108 എന്ന നിലയിൽ ഉണ്ടായിരുന്ന ഇന്ത്യയെ സൂര്യകുമാർ യാദവാണ് കൂറ്റൻ സ്കോറിൽ എത്തിച്ചത്. ഹർദിക് പാണ്ഡ്യയെ കൂട്ടുപിടിച്ച് നാലാം വിക്കറ്റിൽ 82 റൺസ് അടിച്ചു കൂട്ടി.

ന്യുസിലാൻഡിനെതിരായ രണ്ടാം ടി20 മത്സരത്തിൽ സൂര്യകുമാർ യാദവിന്റെ സെഞ്ചുറി ഇന്നിങ്‌സ് മികവിൽ ഇന്ത്യയ്ക്ക് തകർപ്പൻ സ്‌കോർ. 20 ഓവറിൽ 6 വിക്കറ്റ് നഷ്ട്ടത്തിൽ ഇന്ത്യ 191 റൺസ് നേടിയിട്ടുണ്ട്. 51 പന്തിൽ 7 സിക്‌സും 11 ഫോറും ഉൾപ്പെടെ പുറത്താകാതെ 111 റൺസാണ് നേടിയത്. ടി20യിലെ ഈ വർഷത്തെ രണ്ടാം സെഞ്ചുറിയാണിത്.

ഇന്ത്യയ്ക്ക് വേണ്ടി ഓപ്പണിങ്ങിൽ റിഷഭ് പന്തും ഇഷാൻ കിഷനുമാണ് എത്തിയത്. ആറാം ഓവറിലെ ആദ്യ പന്തിൽ 13 പന്തിൽ 6 റൺസ് നേടിയ റിഷഭ് പന്ത് പുറത്തായി. ഇഷൻ കിഷൻ 31പന്തിൽ 36 റൺസും ശ്രേയസ് അയ്യർ 13 റൺസും നേടിയാണ് പുറത്തായത്. 12.4 ഓവറിൽ 3ന് 108 എന്ന നിലയിൽ ഉണ്ടായിരുന്ന ഇന്ത്യയെ സൂര്യകുമാർ യാദവാണ് കൂറ്റൻ സ്കോറിൽ എത്തിച്ചത്. ഹർദിക് പാണ്ഡ്യയെ കൂട്ടുപിടിച്ച് നാലാം വിക്കറ്റിൽ 82 റൺസ് അടിച്ചു കൂട്ടി.

19ആം ഓവറിൽ ഫെർഗൂസനെതിരെ 22 റൺസ് അടിച്ചു കൂട്ടി സൂര്യകുമാർ യാദവ് സെഞ്ചുറിയും പിന്നിട്ടു. വെറും 49 പന്തുകളിൽ നിന്നാണ് ടി20 കരിയറിലെ രണ്ടാം സെഞ്ചുറി പിന്നിട്ടത്. രോഹിത് ശർമ്മയ്ക്ക് ശേഷം ഒരു വർഷം 2 ടി20 സെഞ്ചുറി നേടുന്ന ഇന്ത്യൻ താരം എന്ന നേട്ടവും സൂര്യകുമാർ യാദവ് സ്വന്തമാക്കി.

ഈ വർഷം ടി20യിൽ മികച്ച ഫോമിലുള്ള സൂര്യകുമാർ ഇതുവരെ 30 ഇന്നിംഗ്‌സിൽ നിന്ന് 1151 റൺസ് നേടിയിട്ടുണ്ട്. അതേസമയം അവസാന ഓവറിൽ സൗത്തി ഹാട്രിക് വിക്കറ്റ് നേട്ടവും സ്വന്തമാക്കിയിട്ടുണ്ട്. ഹർദിക് പാണ്ഡ്യ, ഹൂഡ, വാഷിങ്ടൺ സുന്ദർ എന്നിവരുടെ വിക്കറ്റുകളാണ് വീഴ്ത്തിയത്.

വീഡിയോ കാണാം: