ബോർഡർ ഗവസ്കർ ട്രോഫിയിലെ മൂന്നാമത്തെ ടെസ്റ്റ്‌ മത്സരം ആവേശകരമായി പുരോഗമിക്കുകയാണ്. നാല് ടെസ്റ്റുകൾ അടങ്ങിയ പരമ്പരയിലെ ആദ്യത്തെ രണ്ട് മത്സരങ്ങൾ ഇന്ത്യ വിജയിച്ചിരുന്നു. ആദ്യത്തെ ടെസ്റ്റ്‌ ഇന്ത്യ ഇന്നിങ്സിനും 132 റൺസിനും വിജയിച്ചു. രണ്ടാമത്തെ ടെസ്റ്റ്‌ ഇന്ത്യ 6 വിക്കറ്റിനും ജയിച്ചിരുന്നു. ഈ രണ്ട് ടെസ്റ്റ്‌ വിജയങ്ങളോടെ ഇന്ത്യ ബോർഡർ ഗവസ്കർ ട്രോഫി സ്വന്തമാക്കി.
പരമ്പരയിൽ മാനം രക്ഷിക്കാനാണ് ഓസ്ട്രേലിയ ഇപ്പോൾ നടന്ന് കൊണ്ടിരിക്കുന്ന മൂന്നാമത്തെ ടെസ്റ്റിന് ഇറങ്ങിയത്.ടോസ് നേടിയ ഇന്ത്യ ബാറ്റിംഗ് തിരഞ്ഞെടുത്തു. എന്നാൽ ഓസ്ട്രേലിയുടെ സ്പിൻ കെണിയിൽ ഇന്ത്യ വീണു. അഞ്ചു വിക്കറ്റ് നേടിയ മാത്യു കുന്ഹേമാനാണ് ഇന്ത്യയേ തകർത്തത്.22 റൺസ് നേടിയ കോഹ്ലിയാണ് ഇന്ത്യൻ ടോപ് സ്കോർർ. മറുപടി ബാറ്റിങ്ങിന് ഇറങ്ങിയ ഓസ്ട്രേലിയ കവാജയുടെ ഫിഫ്റ്റി മികവിൽ ലീഡ് സ്വന്തമാക്കി. മൂന്നാമത്തെ ഇന്നിങ്സിൽ മികച്ച രീതിയിൽ ബാറ്റ് ചെയ്തു മത്സരത്തിലേക്ക് തിരകെ വരാമെന്ന് കരുതിയ ഇന്ത്യയെ ഈ തവണ ലിയോൺ വട്ടം കറക്കി.എട്ടു വിക്കറ്റുകളാണ് ലിയോൺ സ്വന്തമാക്കിയത്.76 റൺസാണ് ഓസ്ട്രേലിയുടെ വിജയലക്ഷ്യം.
എന്നാൽ ഇൻഡോറിൽ നിന്ന് ഇപ്പോൾ പുറത്ത് വരുന്നത് ബോഡി ഷെയ്മിങ്ന്റെ വാർത്തയാണ്.രോഹിത് ബാറ്റ് ചെയ്യുമ്പോളാണ് സംഭവം.ഇന്ത്യയുടെ രണ്ടാം ഇന്നിങ്സിന്റെ 11 മത്തെ ഓവറിലാണ് സംഭവം. രോഹിത് ബാറ്റ് ചെയ്യാൻ നിന്നപ്പോൾ വടപാവ് എന്ന് ആരാധകർ വിളിച്ചു കൂവുന്ന വിഡിയോകൾ വൈറലാവുകയാണ്. ഇത്തരത്തിലുള്ള ബോഡി ഷെയമിങ്ങുകൾ തികച്ചും അപലനിയമാണ്.