വെസ്റ്റ് ഇൻഡീസ് താരങ്ങൾ എന്നും ക്രിക്കറ്റിലെ എന്റർടൈൻമാരാണ്. ഇന്ത്യൻ പ്രീമിയർ ലീഗിലും തങ്ങളുടെതായ വ്യക്തിമുദ്ര പതിപ്പിച്ച താരങ്ങളാണ് ഇവർ. റോയൽ ചലഞ്ചേഴ്‌സ് ബാംഗ്ലൂരിന് വേണ്ടി ക്രിസ് ഗെയ്ൽ നടത്തിയ പ്രകടനങ്ങളും കൊൽക്കത്ത നൈറ്റ്‌ റൈഡർസിനെ വേണ്ടി സുനിൽ നരേനും ആൻഡ്രേ റസ്സലും നടത്തിയ പ്രകടനങ്ങളും ഇതരത്തിലുള്ളതാണ്.
പുതിയ ഇന്ത്യൻ പ്രീമിയർ ലീഗ് സീസണിലും ഇത്തരത്തിൽ ഒരു വെസ്റ്റ് ഇൻഡീസ് താരം അത്ഭുതങ്ങൾ സൃഷ്ടിക്കുകയാണ്. ലക്ക്നൗ സൂപ്പർ ജയന്റ്സിന് വേണ്ടി കളിക്കുന്ന കൈൽ മേയർസാണ് ഈ താരം.പതിവ് പോലെ തന്നെ കണ്ണഞ്ചിപ്പിക്കുന്ന സിക്സറുകൾ അടങ്ങിയ ആക്രമണ ബാറ്റിംഗ് തന്നെയാണ് ഈ വിൻഡിസ് താരത്തിന്റെയും പ്രത്യേകത.
ഇപ്പോൾ ഇത്തരത്തിൽ ഒരു അത്ഭുതമായ സിക്സർ പറത്തിയിരിക്കുകയാണ് മേയർസ്.ഇന്ത്യൻ പ്രീമിയർ ലീഗിലെ 38 മത്തെ മത്സരം. ലക്ക്നൗ സൂപ്പർ ജയന്റ്സ് പഞ്ചാബ് കിങ്സിനെ നേരിടുകയാണ്. ടോസ് നേടിയ പഞ്ചാബ് ക്യാപ്റ്റൻ ശിഖർ ധവാൻ ബൗളിംഗ് തിരെഞ്ഞെടുത്തു.ലക്ക്നൗ ഇന്നിങ്സിന്റെ മൂന്നാമത്തെ ഓവർ.പഞ്ചാബ് യുവ താരം എറിഞ്ഞ ഓവറിലെ മൂന്നാമത്തെ പന്ത് നോ ബോൾ വിളിക്കുന്നു. അടുത്ത ബോൾ ഫ്രീഹിറ്റ്‌. കെയ്ൽ മേയർസ് ആണ് സ്ട്രൈക്കിൽ.എന്നാൽ മേയർസ് 55 മീറ്റർ ഉയരത്തിൽ ഗാലറിയുടെ ആറാം നിരയിലേക്ക് മിഡ്‌ വിക്കറ്റിന് മുകളിലൂടെ ഒരു കിടിലൻ സിക്സർ സ്വന്തമാക്കുന്നു.