ക്രിക്കറ്റ്‌ ആരാധകർ കാത്തിരുന്ന ഇന്ത്യ പാകിസ്ഥാൻ മത്സരം ആവേശകരമായിരിക്കുകയാണ്. ഇന്ത്യ യും പാകിസ്ഥാൻ നാല് കൊല്ലങ്ങൾക്ക് ശേഷം ഏകദിനത്തിൽ ഏറ്റുമുട്ടിയപ്പോൾ അതി നാടകീയമായ സംഭവങ്ങൾ തന്നെയാണ് സംഭവിക്കുന്നത്. മഴ രസം കൊല്ലിയായി എത്തുന്ന മത്സരത്തിൽ ഇതിനോടകം തന്നെ പല മുഹൂർത്തങ്ങളും സംഭവിച്ചു കഴിഞ്ഞു.
ഷഹീന്റെ ഓപ്പണിങ് സ്പെല്ലിൽ രോഹിത്തും കോഹ്ലിയും വീണതും. കിഷന്റെയും ഹാർദിക്കിന്റെ രക്ഷപ്രവർത്തനവും അത്തരത്തിൽ ഒള്ള മുഹൂർത്തങ്ങളാണ്. അവസാന ഓവറുകളിൽ അടിച്ച തകർത്ത ബുമ്ര പാകിസ്ഥാൻ പേസ് ത്രയവും മത്സരത്തെ ചൂട് പിടിപ്പിച്ചു. എന്നാൽ ഇപ്പോൾ മറ്റൊരു ചൂടൻ സംഭവം കൂടി ക്രിക്കറ്റ്‌ ആരാധകർക്ക് ഇടയിൽ ചർച്ചയാവുകയാണ്
.ഇന്ത്യൻ ഇന്നിങ്സിന്റെ 38 മത്തെ ഓവർ. ഇഷൻ കിഷൻ മികച്ച രീതിയിൽ ബാറ്റ് ചെയ്യുകയാണ്. ഹാരിസ് റൗഫാണ് പാകിസ്ഥാൻ വേണ്ടി ബൗൾ ചെയ്യുന്നത്.ഓവറിലെ മൂന്നാമത്തെ പന്തിൽ ഒരു ഷോർട്ട് ഓഫ്‌ ലെങ്ത് ഡെലിവറി.കിഷൻ പുൾ ചെയ്യുന്നു.ബോൾ മിഡ്‌ ഓണിൽ പാക് നായകന്റെ കൈയിൽ വിശ്രമിക്കുന്നു.എന്നാൽ അതിന് ശേഷം ഹാരിസ് റൗഫ് ഡഗ് ഔട്ടിലേക്ക് പോവുക എന്നാ രീതിയിൽ കൈ നീട്ടി ആഘോഷിക്കുകയുണ്ടായി.