Month: February 2023

ഇന്ത്യ-ഓസ്ട്രേലിയ ബോർഡർ ഗവാസ്കർ ട്രോഫിയിലെ രണ്ടാം മത്സരം ന്യൂഡൽഹിയിൽ പുരോഗമിക്കുകയാണ്. ഡൽഹിയിലെ അരുൺ ജയ്റ്റ്ലി സ്റ്റേഡിയത്തിലാണ് മത്സരം നടക്കുന്നത്. ആദ്യം ഓസ്ട്രേലിയ ഇന്ത്യക്കെതിരെ 263 റൺസ് നേടിയിരുന്നു. ടോസ് നേടിയ ഓസ്ട്രേലിയൻ ക്യാപ്റ്റൻ പാറ്റ് കമ്മിൻസ് ബാറ്റിംഗ് തെരഞ്ഞെടുക്കുകയായിരുന്നു. കഴിഞ്ഞ മത്സരത്തിന് അപേക്ഷിച്ചു മികച്ച രീതിയിലാണ് ആദ്യ ഇന്നിങ്സിൽ ഓസ്ട്രേലിയൻ ബാറ്റ്സ്മാൻമാർ ബാറ്റ് ചെയ്തത്.

ഓസ്ട്രേലിയക്കായി ഉസ്മാൻ ഖ്വാജാ ആദ്യ ഇന്നിങ്ൻസിൽ 81 റൺസ് നേടി. പീറ്റർ ഹാൻസ്കോമ്പ് 72 റൺസ് നേടി പുറത്താകാതെ നിന്നു. ഇന്ത്യക്കായി മുഹമ്മദ് ഷമി നാലു വിക്കറ്റ് സ്വന്തമാക്കിയപ്പോൾ അശ്വിനും ജഡേജയും മൂന്ന് വിക്കറ്റ് വീതം നേടി. മികച്ച രീതിയിൽ ആയിരുന്നു ഇന്ത്യൻ സ്പിൻ ബോളർമാർ പന്തെറിഞ്ഞത്. ഓസ്ട്രേലിയക്കായി ഹാൻസ്കോമ്പ് – പാറ്റ് കമ്മിൻസ് കൂട്ടുകെട്ട് 200 റൺസ് നടക്കുന്നതിൽ നിർണായകമായി.

മറുപടി ബാറ്റിംഗ് ഇറങ്ങിയ ഇന്ത്യയുടെ ഓപ്പണർ രാഹുൽ പതിവുപോലെ പരാജയപ്പെട്ടു. ഓസ്ട്രേലിയ ഉയർത്തിയ സ്കോറിന് അടുത്ത് പോലും എത്തുമെന്ന് ഇന്ത്യൻ മുൻവിര ബാറ്റ്സ്മാൻമാരുടെ പ്രകടനം തോന്നിപ്പിച്ചില്ല എങ്കിലും അക്സർ പട്ടേലും രവിചന്ദ്രൻ അശ്വിനും ഇന്ത്യയെ കരകയറ്റി. ഇവർ രണ്ടുപേരും ചേർന്ന് ഇന്ത്യൻ ടോട്ടൽ 262 എത്തിച്ചു. അതുകൊണ്ടുതന്നെ ഒരു റൺ ലീഡ് മാത്രമാണ് ഓസ്ട്രേലിയ സ്വന്തമാക്കിയത്. വിരാട് കോഹ്ലിയും നന്നായി ബാറ്റ് ചെയ്തു.

രണ്ടാം ഇന്നിംഗ്സിൽ ബാറ്റിംഗ് ആരംഭിച്ച ഓസ്ട്രേലിയ ഇന്നലെ മികച്ച രീതിയിൽ ബാറ്റ് ചെയ്തുവെങ്കിലും ഇന്ന് തകർന്നടിയുകയാണ്. ഇന്ത്യൻ സ്പിൻ ബോളർമാരായ അശ്വിനും ജഡേജയും ഗംഭീര പ്രകടനമാണ് നടത്തിക്കൊണ്ടിരിക്കുന്നത്. ആദ്യ ഓവറിൽ തന്നെ ഇന്ന് ഓസ്ട്രേലിയയുടെ ബാറ്റ്സ്മാൻ ആയ ട്രാവിസ് ഹെഡ് പുറത്തായി. ഇന്നലെ മികച്ച രീതിയിൽ ആയിരുന്നു ഹെഡ് ബാറ്റ് ചെയ്തു കൊണ്ടിരുന്നത്. പക്ഷേ ഇന്ന് മത്സരം തുടങ്ങിയ ഉടനെ തന്നെ അശ്വിൻ ഹെഡിനെ പുറത്താക്കി. ഇതോടെ ഓസ്ട്രേലിയൻ വിക്കറ്റുകൾ തുരുതുരാ വീണു തുടങ്ങി.

ഇന്ന് അശ്വിൻ ഓസ്ട്രേലിയയുടെ തുറുപ്പു ചീട്ടായ സ്റ്റീവ് സ്മിത്തിനെ അനായാസം പുറത്താക്കി. അശ്വിൻ എറിഞ്ഞ പന്ത് സ്മിത്ത് സ്വീപ്പിന് ശ്രമിക്കുകയായിരുന്നു. പക്ഷേ ബോള് ബാറ്റിൽ അടുത്ത് പോലും കിട്ടാതെ കാലിലു കൊണ്ടു. അമ്പയർ എൽ ബി ഡബ്ല്യു വിധിക്കുകയും ചെയ്തു. സ്മിത്ത് റിവ്യൂ ചെയ്തെങ്കിൽ ഔട്ടാണ് എന്ന് റീപ്ലേയിൽ വ്യക്തമായി. സ്മിത്തിന്റെ ഈ പുറത്താക്കലിന്റെ വീഡിയോ ദൃശ്യം കാണാം.

വീറും വാശിയും നിറഞ്ഞ ബോർഡർ ഗവസ്കർ ട്രോഫി ആവേശകരമായി മുന്നേറുകയാണ്. ആദ്യ മത്സരത്തിൽ ഇന്നിങ്സ് തോൽവി രുചിച്ച ഓസ്ട്രേലിയ രണ്ടാം ടെസ്റ്റിൽ വിജയം നേടാൻ പൊരുതുകയാണ്. എന്നാൽ പതിവ് പോലെ തന്നെ ഇന്ത്യൻ സ്പിന്നർമാർക്ക് മുന്നിൽ ഓസ്ട്രേലിയ പതറുകയാണോ എന്ന് തോന്നൽ ഉണ്ടാവുകയാണ്.ബോർഡർ ഗവസ്കർ ട്രോഫിയിലെ മൂന്നാമത്തെ ദിവസമായ ഇന്നും പതിവ് പോലെ തന്നെ അശ്വിനും സ്മിത്തും തന്നെയാണ്.അശ്വിനെ കളിക്കാൻ വേണ്ടി പ്രത്യേക പരിശീലനമാണ് ഓസ്ട്രേലിയ നടത്തിയിരുന്നത്. എന്നാൽ പതിവ് പോലെ അശ്വിനും മങ്കാടിങ്ങും തന്നെയാണ് ഈ മണിക്കൂറിലെ ഏറ്റവും വലിയ വാർത്ത.

ബോർഡർ ഗവസ്കർ ട്രോഫിയിലെ രണ്ടാം ടെസ്റ്റ്‌, ഡൽഹിയിലെ മൂന്നാമത്തെ ദിവസം. ഇരു ടീമുകളും ഒപ്പത്തിന് ഒപ്പം പോരാടുകയാണ്.ഓസ്ട്രേലിയുടെ രണ്ടാം ഇന്നിങ്സ്. അശ്വിൻ പന്ത് എറിയുകയാണ്.എന്നാൽ അശ്വിൻ ബൗൾ എറിയുന്നതിന് മുന്നേ സ്മിത്ത് ക്രീസ് വിട്ട് ഇറങ്ങാൻ ശ്രമിക്കുന്നു. അശ്വിൻ പതിവ് പോലെ തന്നെ മങ്കാടിങ്ങിന് ശ്രമിക്കുന്നു.19 പന്തിൽ 9 റൺസ് എടുത്ത സ്മിത്തിനെ അശ്വിൻ തന്നെ വിക്കറ്റിന് മുന്നിൽ കുടുക്കി.

ഡൽഹി ടെസ്റ്റിലെ ആദ്യത്തെ ദിവസവും ഇത്തരത്തിൽ ഒരു സംഭവം നടന്നിരുന്നു. അശ്വിൻ ബൗൾ എറിയുന്നതിന് മുന്നേ ലാബുഷാനെ ക്രീസ് വിട്ട് ഇറങ്ങാൻ ശ്രമം നടത്തുന്നു. അശ്വിൻ പതിവ് പോലെ മങ്കാടിങ് ചെയ്യാൻ ശ്രമിക്കുന്നു.എന്നാൽ തൊട്ട് അടുത്ത ബോളിൽ ലാബുഷാനെ സ്റ്റമ്പിന് പുറകിൽ പോയി ഓടാൻ നിൽക്കുന്നു. നിലവിൽ ഓസ്ട്രേലിയ ഇന്ത്യൻ സ്പിന്നർക്ക്‌ മുന്നിൽ പതറുകയാണ്.

ഇന്ത്യ-ഓസ്ട്രേലിയ ബോർഡർ ഗവാസ് ട്രോഫിയിലെ രണ്ടാം മത്സരം ഡൽഹിയിൽ പുരോഗമിക്കുകയാണ്. മികച്ച രീതിയിലാണ് ഓസ്ട്രേലിയ ആദ്യ ഇന്നിങ്സിൽ ബാറ്റ് ചെയ്തത്. മറുപടി ബാറ്റിംഗിന് ഇറങ്ങിയ ഇന്ത്യ-ഓസ്ട്രേലിയ ഉയർത്തിയ റണ്ണിന് തൊട്ടടുത്തുപോലും എത്തുമെന്ന് തോന്നിച്ചില്ല എങ്കിലും കോഹ്ലിയും, അശ്വിനും, അക്സർ പട്ടേലും ചേർന്ന് ഇന്ത്യയെ കരകയറ്റുകയായിരുന്നു. ഒരു റൺ മാത്രമാണ് ഓസ്ട്രേലിയ നേടിയ ലീഡ്.

മത്സരത്തിൽ വിരാട് കോടി നല്ല രീതിയിൽ ബാറ്റ് ചെയ്തു വരികയായിരുന്നു. ബൗൺസ് നന്നേ കുറഞ്ഞ പന്തുകളും പെട്ടെന്ന് കുത്തി പൊങ്ങി വരുന്ന പന്തുകളും വിരാട് കോഹ്ലി നന്നായി സൂക്ഷ്മതയോടെ കളിച്ചു. ഒരുതരത്തിലും വിരാട് കോലിക്ക് വെല്ലുവിളിയാകാൻ ഓസ്ട്രേലിയൻ സ്പിന്നർമാരെ കൊണ്ട് കഴിഞ്ഞില്ല. ഏറെക്കാലത്തിനു ശേഷമാണ് വിരാട് കോഹ്ലി ഒരു ടെസ്റ്റ് മത്സരത്തിൽ ഇത്ര നന്നായി ബാറ്റ് ചെയ്യുന്നത് എന്നായിരുന്നു ഹർഷാ ബോഗ്ലെ പറഞ്ഞ കമന്റ്.

പക്ഷേ അപ്രതീക്ഷിതമായി വിരാട് കോഹ്ലി 44ഇൽ എത്തി നിൽക്കവേ അരങ്ങേറ്റ ബോളർ മാത്യു കുന്നമ്മൻ എറിഞ്ഞ ബോളിൽ വിരാട് കോഹ്ലി പുറത്തായി. സാമൂഹ്യ മാധ്യമങ്ങളിൽ ഒന്നടങ്കം കോഹ്ലിയുടെ പുറത്താകലിന് അമ്പയർക്ക് തെറ്റ് പറ്റി എന്നുള്ള വിമർശനം ഉയർന്നിട്ടുണ്ട്. മാത്യു എറിഞ്ഞ പന്തിൽ അമ്പയർ നിതിൻ മേനോൻ എൽ ബി ഡബ്ലിയു നൽകിയതാണ് വൻ വിവാദമായിരിക്കുന്ന സംഭവം.

ഔട്ട് കൊടുത്ത ഉടനെ കോഹ്ലി റിവ്യൂ ചെയ്തു. റിവ്യൂവിൽ കോഹ്ലിയുടെ ബാറ്റിനും പാഡിനും ഒരേ സമയം ബോൾ തട്ടുന്നത് ആയാണ് കണ്ടത്. പക്ഷേ ഓൺഫീൽഡ് അമ്പയർ ഔട്ട് നൽകിയതിനാൽ തേർഡ് അമ്പയർ നിതിൻ മേനോൻ നൽകിയ തീരുമാനം മാറ്റിയില്ല. പക്ഷേ നിയമപ്രകാരം ഒരേ സമയത്ത് ബാറ്റിനും പന്ത് കൊള്ളുന്നുണ്ട് എങ്കിൽ അത് ബാറ്റ്സ്മാൻ അനുകൂലമായ വിധി നൽകണം എന്നാണ് നിയമത്തിൽ പറയുന്നത്.

ഈ വിധിയിൽ വിരാട് കോഹ്ലിയും ഇന്ത്യൻ ഡഗ്ഔട്ടും നിരാശരാണ് എന്നത് വ്യക്തമായി മനസ്സിലാകുന്നുണ്ടായിരുന്നു. ഔട്ട് ആയ ശേഷം വിരാട് കോഹ്ലി ഡ്രസ്സിംഗ് റൂമിൽ എത്തിയപ്പോഴാണ് വളരെ കൗതുകം നിറഞ്ഞ സംഭവം അരങേയേറിയത്. ഔട്ട് ആയ ശേഷം റിപ്ലൈ ഡ്രസ്സിംഗ് റൂമിൽ ഇരുന്ന് കോഹ്ലി കാണുകയായിരുന്നു. തൊട്ടടുത്തിരുന്ന ഇന്ത്യൻ കോച്ചിംഗ് സ്റ്റാഫുമായി അത് ഔട്ട് അല്ല എന്നുള്ള സംവാദത്തിൽ ഏർപ്പെട്ടിരിക്കുകയായിരുന്നു വിരാട് കോഹ്ലി.

ഈ സമയത്ത് ചായയുമായി ഇന്ത്യൻ സപ്പോർട്ട് സ്റ്റാഫ് കോഹ്ലിയുടെ അടുത്തെത്തി. കോഹ്ലി വേണ്ട എന്നു പറഞ്ഞു മടക്കി അയച്ചു. പലയാളുകളും ഈ രംഗം നാടോടിക്കാറ്റ് സിനിമയിലെ രംഗവുമായി താരതമ്യപ്പെടുത്തുന്നുണ്ട്. തിലകനും ചായയുമായി വരുന്ന ആളും തമ്മിലുള്ള രംഗവുമായാണ് പലയാളുകളും ഈ സംഭവത്തെ താരതമ്യപ്പെടുത്തുന്നത്. സോഷ്യൽ മീഡിയ ഒന്നടങ്കം ചിരിയോടെയാണ് ഈ വീഡിയോ ഇപ്പോൾ ഏറ്റെടുത്തിരിക്കുന്നത്. നാടോടിക്കാറ്റ് സിനിമയിലെ രംഗം ഓർമ്മിപ്പിക്കുന്ന വിധത്തിലുള്ള ഈ സംഭവത്തിന്റെ വീഡിയോ ദൃശ്യം കാണാം.

ഇന്ത്യ-ഓസ്ട്രേലിയ ബോർഡർ ട്രോഫിയിലെ രണ്ടാം മത്സരത്തിന്റെ രണ്ടാം ദിവസം അവസാനിക്കുമ്പോൾ ഓസ്ട്രേലിയ ഇന്ത്യക്കെതിരെ നേരിയ മുൻതൂക്കം നേടിയെടുത്തിട്ടുണ്ട്. ടോസ് നേടി ബാറ്റിംഗ് ആരംഭിച്ച ഓസ്ട്രേലിയ ആദ്യ ഇന്നിംഗ്സിൽ 263 റൺസാണ് ഇന്ത്യയ്ക്കെതിരെ സ്വന്തമാക്കിയത്. ഉസ്മാൻ ഖ്വാജയുടെ മികച്ച ബാറ്റിംഗ് ആയിരുന്നു ആദ്യം ഇന്നിങ്സിൽ ഓസ്ട്രേലിയയെ മികച്ച സ്കോറിൽ എത്തിച്ചത്. 81 റൺസ് ആണ് ഖ്വാജ നേടിയത്.

ഓസ്ട്രേലിയക്കായി പീറ്റർ ഹാൻസ്കോമ്പും മികച്ച രീതിയിൽ ബാറ്റ് ചെയ്തു. ഹാൻസ്കോമ്പ് 72 റൺ നേടി പുറത്താകാതെ നിന്നു. ക്യാപ്റ്റൻ പാറ്റ് കമ്മിൻസ് 33 റൺസ് നേടി. ഹാൻസ്കോമ്പ് പാറ്റ് കമ്മിൻസ് കൂട്ടുകെട്ടാണ് ഓസ്ട്രേലിയയെ 200 കടത്തിയത്. മുഹമ്മദ് ഷമി നാലു വിക്കറ്റ് സ്വന്തമാക്കിയപ്പോൾ രവീന്ദ്ര ജഡേജയും അശ്വിനും മൂന്നു വിക്കറ്റ് വീതം വീഴ്ത്തി. മറുപടി ബാറ്റിംഗിന് ഇറങ്ങിയ ഇന്ത്യ തകർന്നടിഞ്ഞു.

ഇന്ത്യൻ ഓപ്പണർ കെ എൽ രാഹുൽ വീണ്ടും നിരാശപ്പെടുത്തി. 17 റൺസ് ആണ് രാഹുലിന്റെ സമ്പാദ്യം. വളരെ മനോഹരമായ രീതിയിൽ ബാറ്റ് ചെയ്ത രോഹിത് ശർമയെ 32 റൺസ് നേടി നിൽക്കവേ ലിയോൺ ബൗൾഡ് ചെയ്തു. തന്റെ നൂറാം മത്സരത്തിനായി ഇറങ്ങിയ ചെതേശ്വർ പൂജാര പൂർണ്ണമായും നിരാശപ്പെടുത്തി. പുജാര റൺസ് ഒന്നും നേടിയില്ല. ശ്രേയസ് അയ്യർ നാലു റൺസ് മാത്രം നേടി പുറത്തായി.

വിരാട് കോലിയും രവീന്ദ്ര ജഡേജയും ഇന്ത്യയെ കരകയറ്റാനായി ശ്രമിച്ചു എങ്കിലും 26 റൺസിൽ നിൽക്കവേ ജഡേജ എൽ ബി ഡബ്ല്യു ആയി മടങ്ങി. ബോളർമാർക്ക് ഒരു പഴുതുപോലും നൽകാതെ ബാറ്റ് ചെയ്ത വിരാട് കോലി അപ്രതീക്ഷിതമായി 44 റൺസിൽ നിൽക്കവേ പുറത്തായി. വരുംദിവസങ്ങളിൽ വലിയ വിവാദമാകാൻ സാധ്യതയുള്ള പുറത്താക്കാൻ ആയിരുന്നു വിരാട് കോലിയുടെത്.

കെ എസ് ഭരത്തും പെട്ടെന്ന് തന്നെ പുറത്തായി. പക്ഷേ പിന്നീട് കണ്ടത് ഇന്ത്യയുടെ വാലറ്റത്തിന്റെ ചെറുത്തുനിൽപ്പായിരുന്നു. ഓൾ റൗണ്ടർമാരായ അശ്വിനും അക്സർ പട്ടേലും ചേർന്ന് ഇന്ത്യയെ കര കയറ്റി. മികച്ച രീതിയിൽ ആയിരുന്നു ഇരുവരും ബാറ്റ് ചെയ്തത്. ഓസ്ട്രേലിയയുടെ സ്കോറിന്റെ അടുത്തെത്തുമെന്ന് ഒരുതരത്തിലും തോന്നാത്ത സ്ഥലത്ത് നിന്നും ഇന്ത്യ അതിവേഗം മുന്നോട്ട് നീങ്ങി. അക്സർ പട്ടേൽ 74ഉം രവിചന്ദ്രൻ അശ്വിൻ 37 ഉം റൺസ് നേടി.

ഇന്ത്യ 262 റൺസ് നേടി പുറത്തായി എങ്കിലും ഓസ്ട്രേലിയക്ക് ഒരു റണ്ണിന്റെ ലീഡ് മാത്രമാണ് ഇന്ത്യ നൽകിയത്. മറുപടി ബാറ്റിംഗിന് ഇറങ്ങിയ ഓസ്ട്രേലിയ തകർത്ത് അടിക്കുകയാണ്. രണ്ടാം ഇന്നിങ്സിൽ 12 ഓവർ ആണ് ഇന്ന് ബോൾ ചെയ്തത് എങ്കിലും ഓസ്ട്രേലിയ 61 റൺസ് നേടി നിൽക്കുകയാണ്. ഉസ്മാൻ ഖ്വാജയുടെ വിക്കറ്റ് മാത്രമാണ് നഷ്ടപ്പെട്ടത്. രവീന്ദ്ര ജഡേജയാണ് ഈ വിക്കറ്റ് സ്വന്തമാക്കിയത്. 200 നു മുകളിൽ ഓസ്ട്രേലിയ ലീഡ് സ്വന്തമാക്കിയാൽ ഇന്ത്യക്ക് പിന്തുടരുക എന്നത് ചിലപ്പോൾ അപ്രാപ്യമായേക്കാം.

ജഡേജയുടെ പന്തിൽ ഉസ്മാൻ ഖ്വാജ സ്വീപ്പ് കളിക്കാൻ ശ്രമിച്ചാണ് പുറത്തായത്. ആ ഓവറിൽ ഒരു ബൗണ്ടറിൽ നേടി നിൽക്കെയാണ് ഉസ്മാൻ ഖ്വാജ അനാവശ്യ ഷോട്ടിന് മുതിർന്നത്. ശ്രേയസ് അയ്യർ മികച്ച ക്യാച്ച് ആണ് ഇന്ത്യക്കായി ഉസ്മാൻ ഖ്വാജയുടെ വിക്കറ്റ് നേടാനായി കൈക്കൂള്ളിൽ ആക്കിയത്. ശ്രേയസ് അയ്യറിന്റെ ഈ ഗംഭീര ഫീൽഡിങ് പ്രകടനത്തിന്റെ വീഡിയോ ദൃശ്യം കാണാം.

ഡൽഹി സ്റ്റേഡിയത്തിൽ നടക്കുന്ന ബോർഡർ ഗാവസ്കർ ട്രോഫി ടെസ്റ്റ് പരമ്പരയിലെ രണ്ടാം മത്സരത്തിൽ ഇന്ത്യക്ക് വൻ ബാറ്റിംഗ് തകർച്ച. ഓസ്ട്രേലിയയുടെ ഒന്നാം ഇന്നിംഗ്സ് സ്കോറായ 263 റൺസ് പിന്തുടർന്ന ഇന്ത്യക്ക് 150 റൺസ് എടുക്കുന്നതിനിടെ 7 വിക്കറ്റുകൾ നഷ്ടമായിട്ടുണ്ട്. ഓപ്പണർമാരായ നായകൻ രോഹിത് ശർമ 32 റൺസും രാഹുൽ 17 റൺസും എടുത്ത് പുറത്തായപ്പോൾ പൂജാര പൂജ്യനായും ശ്രേയസ് അയ്യർ നാല് റൺസ് എടുത്തും മടങ്ങി. 66/4 എന്ന നിലയിൽ ആയിരുന്ന ഇന്ത്യയെ ജഡേജയും കോഹ്‌ലിയും ചേർന്ന 59 റൺസ് കൂട്ടുകെട്ടാണ് രക്ഷിച്ചത്. അൽപം പ്രതീക്ഷ നൽകിയെങ്കിലും ഈ കൂട്ടുകെട്ടും ഒടുവിൽ തകർന്നു. ജഡേജ 26 റൺസും കോഹ്‌ലി 44 റൺസും എടുത്ത് പുറത്തായി.

വരും ദിവസങ്ങളിൽ വൻ വിവാദങ്ങൾക്ക് വഴിവയ്ക്കുന്ന രീതിയിൽ ഉള്ള ഒരു പുറത്താകൽ ആയിരുന്നു ഇന്ന് വിരാട് കോഹ്‌ലിയുടെ വിക്കറ്റ്. അരങ്ങേറ്റമത്സരം കളിക്കുന്ന ഇടംകൈയ്യൻ സ്പിന്നർ മാത്യൂ കൻഹെമാനാണ് തന്റെ കരിയറിലെ ആദ്യ ടെസ്റ്റ് വിക്കറ്റ് സ്വന്തമാക്കിയത്. എന്നാൽ അതൊരു പൂർണമായി അംഗീകരിക്കാൻ കഴിയാത്ത അവസ്ഥയിലാണ് സംഭവിച്ചത്. വിക്കറ്റിന് മുന്നിൽ കുരുങ്ങി കോഹ്‌ലി പുറത്താകുമ്പോൾ പന്ത് ഒരേസമയം ബാറ്റിനും പാഡിനും ഇടയിൽ ആയിരുന്നു.

അമ്പയർ നിതിൻ മേനോൻ ആദ്യം ഔട്ട് വിളിച്ചിരുന്നു. അതുകൊണ്ട് തന്നെ അമ്പയേഴ്സ് കോളിൽ അത് ഔട്ട് തന്നെയായി തേർഡ് അമ്പയർ വിധിച്ചു. ആദ്യം പന്ത് ബാറ്റിൽ ആണോ അതോ പാഡിൽ ആണോ കൊണ്ടത് എന്നത് കണ്ടെത്തുക വളരെ പ്രയാസമായിരുന്നു. ഒരുപാട് തവണ കണ്ടതിനുശേഷമാണ് തേർഡ് അമ്പയർ ഔട്ട് വിളിച്ചത്. മാത്രമല്ല, എൽബിഡബ്ലിയൂ സ്റ്റമ്പിന്റെ തൊട്ടു എഡ്ജിൽ ആയിരുന്നു കൊള്ളുമായിരുന്നത് എന്ന് റീപ്ലേകളിൽ തെളിഞ്ഞു. അമ്പയർ നിതിൻ മേനോൻ അത് നോട്ട്ഔട്ട് വിളിച്ചിരുന്നു എങ്കിൽ ആ തീരുമാനം നിലനിൽക്കുമായിരുന്നു. വളരെ നിരാശനായാണ് കോഹ്‌ലി മൈതാനം വിട്ടത്.

വീഡിയോ :

ഇന്ത്യ-ഓസ്ട്രേലിയ ബോർഡർ ഗവാസ്കർ ട്രോഫി ഡൽഹിയിൽ പുരോഗമിക്കുകയാണ്. ടോസ് നേടിയ ഓസ്ട്രേലിയ ഇന്ത്യയ്ക്കെതിരെ ബാറ്റിംഗ് തിരഞ്ഞെടുത്തിരുന്നു. കഴിഞ്ഞ മത്സരത്തിന് അപേക്ഷിച്ചു താരതമ്യേന മെച്ചപ്പെട്ട ബാറ്റിംഗ് പ്രകടനമാണ് ഓസ്ട്രേലിയൻ ബാറ്റ്സ്മാൻമാർ പുറത്തെടുത്തത്. ഉസ്മാൻ ഖ്വാജ 81 റൺസ് നേടി ആദ്യ ഇന്നിംഗ്സിൽ ഓസ്ട്രേലിയയുടെ ടോപ് സ്കോററായി. ആക്രമിച്ചാണ് ഉസ്മാൻ ഖ്വാജാ ഇന്ത്യൻ ബോളർമാരെ നേരിട്ടത്.

ഓസ്ട്രേലിയ ഇന്ത്യക്കെതിരെ ആദ്യ ഇന്നിംഗ്സിൽ 263 റൺസ് നേടി. ഇന്ത്യയ്ക്കായി മുഹമ്മദ് ഷമി നാലു വിക്കറ്റ് വീഴ്ത്തി. രവീന്ദ്ര ജഡേജിയും രവിചന്ദ്രൻ അശ്വിനും മൂന്നു വിക്കറ്റ് വീതം സ്വന്തമാക്കി. ഓസ്ട്രേലിയക്കായി പീറ്റർ ഹാൻസ്കോംമ്പ് 72 റൺസ് സ്വന്തമാക്കി പുറത്താകാതെ നിന്നു. ഹാൻസ്കോംമ്പ് – പാറ്റ് കമ്മിൻസ് കൂട്ടുകെട്ടാണ് ഓസ്ട്രേലിയക്ക് 200 നു മുകളിലുള്ള സ്കോർ സമ്മാനിച്ചത്. പാറ്റ് കമ്മിൻസ് 33 റൺസ് സ്വന്തമാക്കി.

മികച്ച ഓപ്പണിങ് പാർട്ണർഷിപ്പ് ആണ് ഡേവിഡ് വാർണറും ഉസ്മാൻ ഖ്വാജയും ഓസ്ട്രേലിയക്ക് നൽകിയത്. കഴിഞ്ഞ ടെസ്റ്റ് മത്സരത്തിൽ ഓസ്ട്രേലിയൻ ഓപ്പണർമാർ പരാജയപ്പെട്ടത് വിമർശനങ്ങൾ ഉയർത്തിയിരുന്നു. പക്ഷേ കഴിഞ്ഞ മത്സരത്തിൽ നിന്നും വ്യത്യസ്തമായി 50 റൺസ് പാർട്ണർഷിപ്പ് ഇരുവരും ഓസ്ട്രേലിയയിലേക്ക് സമ്മാനിച്ചു. ഇതിൽ വാർണർ 15 റൺസ് മാത്രമേ നേടിയുള്ളൂ എങ്കിലും തീരെ ഫോം ഔട്ട് ആയ വാർണറിന് 15 റൺസ് ആത്മവിശ്വാസം നൽകുന്ന ഒന്നാണ്.

ബാറ്റ് ചെയ്യുന്നതിനിടെ വാർണർ 44 പന്തുകൾ നേരിട്ടു. ഇതിൽ ഇന്ത്യയുടെ ഫാസ്റ്റ് ബോളർമാർ നന്നായി വാർണറെ വെള്ളം കുടിപ്പിച്ചു. പലതവണയാണ് ഓസ്ട്രേലിയയുടെ മെഡിക്കൽ സ്റ്റാഫ് ഗ്രൗണ്ടിലെത്തിയത്. കയ്യിലും തലയിലും ഒക്കെ വാർണർ നിരവധി തവണ ബോളുകൾ സ്വീകരിച്ചു. അതിൽ സിറാജ് എറിഞ്ഞ ബൗൺസർ വാർണറുടെ തലയിൽ കൊണ്ടു. 9.5 ഓവറിലെ പന്താണ് വാർണറിന് പരിക്ക് സമ്മാനിച്ചത്.

സിറാജ് എറിഞ്ഞ മുന്നിലത്തെ ബോൾ വാർണറുടെ കയ്യിൽ കൊണ്ടുവെങ്കിൽ തൊട്ടടുത്ത ബോൾ കൊണ്ടത് വാർണറുടെ തലയിൽ ആയിരുന്നു. ഇപ്പോൾ പുറത്തുവരുന്ന വാർത്ത വാർണർ കൺകഷൻ ബാധിച്ച് ഇനിയുള്ള ദിവസങ്ങളിൽ ഈ ടെസ്റ്റ് മത്സരത്തിൽ പങ്കെടുക്കില്ല എന്നാണ്. വാർണർക്ക് പകരം കഴിഞ്ഞ മത്സരത്തിൽ കളിച്ച മാറ്റ് റെൻഷോ കൺകഷൻ സബ്‌സിട്യൂട്ടായി ഓസ്ട്രേലിയൻ ടീമിൽ എത്തിയിട്ടുണ്ട്. വർണർക്ക് പരിക്ക് പറ്റിയ ഈ സിറാജിന്റെ ബോൾ കാണാം.