Category: Video

അഹമ്മദാബാദിൽ നടന്ന ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ അവസാനമത്സരത്തിൽ 168 റൺസിന് കിവീസിനെ തകർത്ത ടീം ഇന്ത്യ പരമ്പര 2-1ന് സ്വന്തമാക്കി. ടോസ് നേടി ആദ്യം ബാറ്റിങ്ങിന് ഇറങ്ങിയ ഇന്ത്യ, സെഞ്ചുറി(126*) നേടി പുറത്താകാതെ നിന്ന ഓപ്പണർ ശുഭ്മൻ ഗില്ലിന്റെ തകർപ്പൻ ഇന്നിംഗ്സിന്റെ പിൻബലത്തിൽ നിശ്ചിത 20 ഓവറിൽ 4 വിക്കറ്റിന് 234 റൺസ് കണ്ടെത്തി. അവരുടെ മറുപടി 12.1 ഓവറിൽ വെറും 66 റൺസിൽ ഓൾഔട്ടായി അവസാനിക്കുകയായിരുന്നു. നായകൻ ഹാർദിക് പാണ്ഡ്യ 4 വിക്കറ്റ് വീഴ്ത്തി.

1 റൺ മാത്രം എടുത്ത ഓപ്പണർ ഇഷാൻ കിഷനെ മത്സരത്തിന്റെ രണ്ടാം ഓവറിൽ തന്നെ ഇന്ത്യക്ക് നഷ്ടമായെങ്കിലും, ശുഭ്മൻ ഗിൽ രാഹുൽ ത്രിപാഠിയെ കൂട്ടുപിടിച്ച് സ്കോർ മുന്നോട്ട് നീക്കി. 22 പന്തിൽ നിന്നും 4 ഫോറും 3 സിക്സും ഉൾപ്പെടെ 44 റൺസ് നേടിയാണ് ത്രിപാഠി പുറത്തായത്. അതിനുശേഷം എത്തിയ സൂര്യകുമാർ യാദവ് 13 പന്തിൽ 24 റൺസോടെ മടങ്ങി. പിന്നീട് എത്തിയ നായകൻ ഹാർദ്ദിക് പാണ്ഡ്യയോടൊത്ത് സെഞ്ചുറി കൂട്ടുകെട്ടിലും ഗിൽ പങ്കാളിയായി. 17 പന്തിൽ 30 റൺസെടുത്ത പാണ്ഡ്യ അവസാന ഓവറിലെ ആദ്യ പന്തിലാണ് പുറത്തായത്. ദീപക് ഹൂഡ 2 റൺസോടെ പുറത്താകാതെ നിന്നു. 63 പന്തിൽ 12 ഫോറും 7 സിക്സും അടക്കമാണ്‌ ഗിൽ 126 റൺസ് നേടിയത്. ഇത് ഒരു ഇന്ത്യൻ താരത്തിന്റെ അന്താരാഷ്ട്ര ട്വന്റി ട്വന്റി ക്രിക്കറ്റിലെ ഏറ്റവും ഉയർന്ന വ്യക്തിഗത സ്കോറാണ്‌.

മത്സരത്തിൽ ന്യൂസിലൻഡ് ടീമിലെ വെടിക്കെട്ട് ബാറ്റർ മൈക്കൽ ബ്രൈസ്വെല്ലിനെ ക്ലീൻ ബോൾഡാക്കി പുറത്താക്കിയത് പേസർ ഉമ്രാൻ മാലിക്കായിരുന്നു. കഴിഞ്ഞ മത്സരത്തിൽ കളിച്ച സ്പിന്നർ ചഹലിന് പകരം ടീമിൽ എത്തിയതായിരുന്നു ഉമ്രാൻ. ഈ വിക്കറ്റോടെയാണ് അഞ്ചോവറിനുള്ളിൽ അഞ്ച് വിക്കറ്റ് നഷ്ടമായ അവർ വൻ തകർച്ചയിലേക്ക് കൂപ്പുകുത്തിയത്. അഞ്ചാം ഓവറിന്റെ മൂന്നാം പന്തിൽ ഒരു ക്രോസ് ബാറ്റഡ് ഷോട്ട് കളിക്കാൻ ശ്രമിച്ച ബ്രൈസ്വെല്ലിന് പിഴച്ചപ്പോൾ പന്ത് മിഡിൽ സ്റ്റമ്പിന്റെ മുകൾഭാഗത്ത് പതിച്ചു.

അന്നേരം ബൈൽസ് വിക്കറ്റ് കീപ്പറുടെ തലയ്ക്ക് മുകളിലൂടെ പറന്ന്, മുപ്പതുവാര വൃത്തവും കടന്ന് തെറിച്ചുപോകുന്ന വീഡിയോ ഇപ്പോൾ സമൂഹമാധ്യമങ്ങളിൽ തരംഗമായി മാറിയിരിക്കുകയാണ്. മണിക്കൂറിൽ 150 കിലോമീറ്റർ വേഗത്തിൽ എറിഞ്ഞ പന്ത് അതിൽ ഏൽപ്പിച്ച ആഘാതം അത്ര വലുതായിരുന്നു. തന്റെ വേഗതകൊണ്ട് ഉമ്രാൻ എതിർ ടീമിലെ ബാറ്റർമാരെ വെള്ളം കുടിപ്പിച്ചുകൊണ്ടിരിക്കുകയാണ്. മത്സരത്തിൽ 2.1 ഓവറിൽ 9 റൺസ് വഴങ്ങി രണ്ടു വിക്കറ്റ് വീഴ്ത്തിയ അദ്ദേഹം തന്നെയാണ് ന്യൂസിലൻഡ് നിരയിലെ ടോപ് സ്കോറർ ഡാരിൽ മിച്ചലിനെ(35) പുറത്താക്കി ഇന്ത്യക്ക് വിജയം സമ്മാനിച്ചതും.

ട്വന്റി ട്വന്റി പരമ്പരകളിലെ ഡിസൈഡർ മത്സരങ്ങളിലെ ഇന്ത്യയുടെ അപ്രമാദിത്യം ഊട്ടി ഉറപ്പിക്കുന്ന ട്വന്റി ട്വന്റി മത്സരം തന്നെയാണ് ഇപ്പോൾ അഹ്‌മദാബാദിൽ കാണുന്നത്. മൂന്നു മത്സരങ്ങളുടെ പരമ്പരയിൽ നിലവിൽ ഇന്ത്യയും ന്യൂസിലാൻഡും ഓരോ മത്സരം വീതം ജയിച്ചിരുന്നു. ആദ്യ മത്സരത്തിൽ ന്യൂസിലാൻഡ് ഇന്ത്യയെ തകർത്ത്. രണ്ടാം മത്സരത്തിൽ ഇന്ത്യ ഒപ്പമെത്തി.

എന്നാൽ ഇപ്പോൾ നടന്നു കൊണ്ടിരിക്കുന്ന മൂന്നാമത്തെ മത്സരത്തിൽ ഇന്ത്യ സർവ്വാധിപത്യം നേടുന്ന കാഴ്ചയാണ് കാണുന്നത്. ടോസ് നേടി ബാറ്റിംഗ് തിരഞ്ഞെടുത്ത ഹാർദിക് പാന്ധ്യയുടെ തീരുമാനം ശെരിയാണെന്ന് ഗിൽ തെളിയിക്കുന്നതാണ് പിന്നീട് കണ്ടത്.63 പന്തിൽ ഗിൽ നേടിയ 126 റൺസ് ഇന്ത്യൻ സ്കോർ 4 വിക്കറ്റ് നഷ്ടത്തിൽ 234 റൺസ് എന്നാ നിലയിലെത്തിച്ചു.ഹാർദിക്കും സൂര്യയും ട്രിപാഠിയും തങ്ങളുടെ ഉത്തരവാദിത്തങ്ങൾ ഭംഗിയാക്കി.

എന്നാൽ 235 റൺസ് പിന്തുടരാൻ ഇറങ്ങിയ കിവിസിന് ഏഴു റൺസ് എടുക്കുന്നതിന് ഇടയിൽ തന്നെ നാല് വിക്കറ്റുകൾ നഷ്ടമായി.എന്നാൽ ഇപ്പോൾ ചർച്ചയാകുന്നത് സൂര്യ കുമാർ യാദവ് നേടിയ രണ്ട് അസാമാന്യ ക്യാച്ചുകളാണ് .ഇന്ത്യക്ക് വേണ്ടി ഹാർദിക് പാന്ധ്യയാണ് ബോൾ എറിയുന്നത്. കിവിസ് ഇന്നിങ്സ് ആദ്യ ഓവറിലെ നാലാമത്തെ പന്തിൽ ഫിന്ന് അല്ലെൻ ബാറ്റ് വീശുന്നു. എഡ്ജ് എടുത്ത ബോൾ കൃത്യമായ ചാട്ടത്തിലൂടെ സൂര്യ കൈപിടിയിൽ ഒതുക്കുന്നു.

എന്നാൽ ഈ ഒരു ക്യാച്ച് കൊണ്ട് സൂര്യ നിർത്താൻ തീരുമാനിച്ചില്ല.മൂന്നാമത്തെ ഓവറിലെ നാലാമത്തെ പന്ത്. വീണ്ടും ഹാർദിക്. വീണ്ടും ഒരിക്കൽ കൂടി ഫിന്ന് അല്ലനെ പുറത്താക്കിയ അതെ രീതിയിൽ തന്നെ വീണ്ടും സൂര്യ ക്യാച്ച് നേടുന്നു.ഈ തവണ കിവിസ് ബാറ്റർ ഫിലിപ്സാണെന്ന് മാത്രം.

ഇന്ത്യൻ ക്രിക്കറ്റ്‌ കണ്ട മികച്ച ഓപ്പണിങ് ബാറ്റസ്മാന്മാരിൽ ഒരാളാണ് രോഹിത് ശർമ. ഇപ്പോഴത്തെ ഇന്ത്യൻ ക്യാപ്റ്റൻ കൂടിയായ രോഹിത് അനവധി ബാറ്റിംഗ് റെക്കോർഡുകളും മുംബൈ ഇന്ത്യൻസിനെ അഞ്ചു തവണ നയിച്ച ക്യാപ്റ്റനും കൂടിയാണ്. ഈ കാരണങ്ങൾ ഒക്കെ കൊണ്ട് തന്നെ രോഹിത്തിന് വളരെയധികം ആരാധകരും ഉണ്ടായിട്ടുണ്ട്.ഇപ്പോൾ അത്തരത്തിൽ രോഹിത്തിന്റെ ആരാധകപിന്തുണ പുറത്ത് വരുന്ന മറ്റൊരു സംഭവം ഇപ്പോൾ സംഭവിച്ചിരിക്കുകയാണ്.

ഇന്ത്യ ന്യൂസിലാൻഡ് രണ്ടാം ഏകദിനം. ഇന്ത്യൻ ഇന്നിങ്സിന്റെ ഇടയിലാണ് സംഭവം. രോഹിത്തിന്റെ ഒരു കുഞ്ഞു ആരാധകൻ ഗാലറിയിൽ നിന്ന് നേരെ ഗ്രൗണ്ടിലേക്ക് ചാടി ഓടുന്നു.നേരെ വന്ന് രോഹിത്തിനെ കെട്ടിപിടിക്കുന്നു.ഇത് കണ്ട സെക്യൂരിറ്റി ഗാർഡ് ആ കുട്ടിയെ വലിച്ചു മാറ്റാൻ നോക്കുന്നു.എന്നാൽ രോഹിത് സെക്യൂരിറ്റി ഗാർഡുകളോട് അവൻ കുട്ടിയാണ് അവനെ വിട്ടേക്ക് എന്ന് പറയുന്നു.

വളരെ മനോഹരമായ ഒരു പ്രവർത്തിയാണ് രോഹിത് ചെയ്തത്. ഈ ഒരു പ്രവർത്തി നിലവിൽ കൈയടികൾ നേടുകയാണ്.ന്യൂസിലാൻഡ് ഉയർത്തിയ 109 റൺസിലേക്ക് ഇന്ത്യ കുതിച്ചു കൊണ്ടിരിക്കുകയാണ്.നേരത്തെ ഇന്ത്യൻ ബൗളേർമാരുടെ കൃത്യമായ ലൈനും ലെങ്തും കൊണ്ട് കിവിസ് ഇന്നിങ്സ് 108 റൺസിന് അവസാനിക്കുകയായിരുന്നു.ഇന്ത്യക്ക് വേണ്ടി ഗംഭീര തുടക്കം നൽകിയ ശേഷം രോഹിത് പുറത്തായി.50 പന്തിൽ 51 റൺസ് നേടിയാണ് രോഹിത് പുറത്തായത്.ഏഴു ഫോ‌റും രണ്ട് സിക്സും രോഹിത്തിന്റെ ഇന്നിങ്സിൽ പിറന്നിരുന്നു..

ഇന്ത്യയും ഓസ്ട്രേലിയയും തമ്മിലുള്ള രണ്ടാം ട്വന്റി-20 മത്സരത്തിൽ സൂപ്പർ ഓവറിൽ ഇന്ത്യക്ക് ത്രസിപ്പിക്കുന്ന ജയം, ഇതോടെ 5 മത്സരങ്ങളടങ്ങിയ പരമ്പരയിൽ ഇന്ത്യ 1-1 ഒപ്പത്തിനൊപ്പം എത്തി, മത്സരത്തിൽ ആദ്യം ബാറ്റ് ചെയ്ത ഓസീസിന് മൂണിയും 82* താലിയ മഗ്രാത്തും 70* നേടിയ അർധ സെഞ്ച്വറികളുടെ കരുത്തിൽ നിശ്ചിത 20 ഓവറിൽ 187/1 എന്ന കൂറ്റൻ ടോട്ടൽ നേടാൻ സാധിച്ചു.

മറുപടി ബാറ്റിങ്ങിനിറങ്ങിയ ഇന്ത്യയെ സ്മൃതി മന്ദാന (79) മുന്നിൽ നിന്ന് നയിച്ചപ്പോൾ ഇന്ത്യൻ സ്കോർ ബോർഡ്‌ വേഗത്തിൽ ചലിച്ചു, വെറും 49 ബോളിൽ 9 ഫോറും 4 സിക്സും അടക്കമാണ് മന്ദാനയുടെ തകർപ്പൻ ഇന്നിങ്സ്, ഇടവേളകളിൽ ഓസീസ് ബോളർമാർ വിക്കറ്റ് വീഴ്ത്തിയതോടെ മത്സരം ഇന്ത്യയുടെ കൈയിൽ നിന്ന് വഴുതി പോവുകയാണെന്ന് തോന്നി, പത്തൊമ്പതാം ഓവറിൽ ദീപ്തി ശർമ കൂടി വീണതോടെ 170/5 എന്ന നിലയിൽ പരുങ്ങലിൽ ആയി ഇന്ത്യ.

ദീപ്തി ശർമ വീണെങ്കിലും വിക്കറ്റ് കീപ്പർ റിച്ച ഘോഷും ദേവികയും അത്ര പെട്ടന്ന് തോറ്റ് കൊടുക്കാൻ തയ്യാറല്ലായിരുന്നു, അവസാന ഓവറിൽ 14 റൺസ് ആയിരുന്നു ഇന്ത്യക്ക് ജയിക്കാൻ വേണ്ടിയിരുന്നത്, ഓവറിലെ രണ്ടാമത്തെ ബോളിൽ ബൗണ്ടറി നേടിക്കൊണ്ട് ദേവിക വൈദ്യ ഇന്ത്യക്ക് പ്രതീക്ഷ സമ്മാനിച്ചു, ഓവറിലെ നാലാമത്തെ ബോൾ ലോങ്ങ്‌ ഓണിലേക്ക് റിച്ച ഘോഷ് പായിച്ചെങ്കിലും ബൗണ്ടറിക്ക് തൊട്ട് അരികെ ഗാർഡ്നർ മികച്ച ഫീൽഡിങ്ങിലൂടെ ഫോർ തടയുകയായിരുന്നു, അവസാന ബോളിൽ ഇന്ത്യക്ക് ജയിക്കാൻ 5 റൺസ് വേണം എന്നിരിക്കെ മേഗൻ ഷൂട്ട് എറിഞ്ഞ മികച്ച ഒരു ബോൾ ബൗണ്ടറി നേടിക്കൊണ്ട് ദേവിക വൈദ്യ വിജയത്തിന് സമാനമായ ടൈയിൽ മത്സരം എത്തിച്ചു.
Written By: അഖിൽ. വി.പി. വള്ളിക്കാട്.

ആ ഓവറിലെ ഒരു ബോൾ രോഹിത്തിന് സ്ട്രൈക്ക് കിട്ടിയിരുന്നെങ്കിൽ??.. പൊരുതി തോറ്റ രോഹിത്തിന് കൂടാതെ ഇപ്പോൾ ചർച്ചയാകുന്നത് മുഹമ്മദ് സിറാജാണ്.താരത്തിന്റെ മികച്ച ബൌളിംഗ് അല്ല ഇപ്പോൾ ഇവിടെ വിഷയം. കഴിഞ്ഞ മത്സരത്തിൽ മികച്ച രീതിയിൽ പന്ത് കൊണ്ട് ബംഗ്ലാദേശിനെ വട്ടം കറക്കിയ സിറാജ് ഈ മത്സരത്തിൽ ഇന്ത്യക്ക് വേണ്ടി ബാറ്റ് ചെയ്തു ബംഗ്ലാദേശിനെ ജയിപ്പിച്ചു എന്നാണ് ഒരു കൂട്ടം ആരാധകരുടെ പക്ഷം.

മത്സരത്തിന്റെ 48 ആം ഓവറിലാണ് സംഭവം. ഇന്ത്യക്ക് ജയിക്കാൻ വേണ്ടത് 18 ബോളിൽ 40 റൺസാണ്. മുസ്താഫിസറാണ് ബംഗ്ലാദേശിന് വേണ്ടി ബൗൾ ചെയ്യുന്നത്.സിറാജ് ഇന്ത്യക്ക് വേണ്ടി സ്ട്രൈക്കിൽ.ആദ്യ ബൗളിൽ ഡ്രൈവ് ചെയ്യാൻ ശ്രമിച്ച സിറാജിന് ബാറ്റിൽ ബോൾ മുട്ടിക്കാൻ സാധിച്ചില്ല.സ്ട്രൈക്ക് രോഹിത്തിന് എത്രയും വേഗം കൈമാറുന്നത് തന്നെയായിരുന്നു ഉചിതമെങ്കിലും അടുത്ത ബോളും സിറാജ് നഷ്ടമാക്കുന്നു.മൂന്നാമത്തെ ബോളിലും സ്ഥിതി വിത്യാസത്തമല്ല.

നാലാം പന്തിൽ സിറാജ് ഗ്ലോറി ഷോട്ടിന് ശ്രമിക്കുന്നു. ഒരിക്കൽ കൂടി പന്ത് കീപ്പറിന്റെ കൈയിൽ വിശ്രമിക്കുന്നു. വീണ്ടും ഡോട്ട് ബോൾ.അഞ്ചാം ബോളിൽ മുസ്താഫിസുർ ഒരിക്കൽ കൂടി തന്റെ അതിമനോഹരമായ സ്ലോ ബോൾ പുറത്തെടുക്കുന്നു. ഒരിക്കൽ കൂടി സിറാജ് നഷ്ടമാക്കുന്നു.ഒടുവിൽ അവസാന പന്തിൽ സിറാജ് ബാറ്റ് കൊള്ളിക്കുന്നു. താരത്തിന്റെ സിംഗിൾ രോഹിത് വേണ്ടെന്ന് പറയുന്നു.ആ ഓവറിലെ ഒരു പന്ത് എങ്കിലും രോഹിത് നേരിട്ടായിരുന്നേൽ ചിലപ്പോൾ മത്സരഫലം മറ്റൊന്നായി മാറിയേനെ എന്ന് തന്നെ പറയേണ്ടി വരും.മൂന്നു മത്സരങ്ങൾ അടങ്ങിയ പരമ്പര നിലവിൽ ബംഗ്ലാദേശ് 2-0 ത്തിന് മുന്നിലെത്തി കഴിഞ്ഞു.

വീഡിയോ :

വീണ്ടും വീണ്ടും എറിഞ്ഞു കൊല്ലുകയാണോ ഉമ്രാൻ മാലിക്. ഇന്ത്യൻ ക്രിക്കറ്റ്‌ ടീമിന് ഒരിക്കൽ പോലും കണ്ടിട്ടില്ലാത്ത ഒരു പ്രത്യേക താരം ബൗളേർ തന്നെയാണല്ലോ ഉമ്രാൻ മാലിക്.150 കിലോമീറ്റർ മുകളിൽ സ്ഥിരമായി പന്ത് എറിയുന്ന ലോകത്തിലെ ചില അപൂർവ ഫാസ്റ്റ് ബൗളേർമാരിൽ ഒരാളാണ് അദ്ദേഹം. ഇത്തരത്തിൽ ഇന്ത്യയിൽ ജന്മമെടുത്തെ ആദ്യത്തെ ഫാസ്റ്റ് ബൗളേർ .ഇന്ത്യൻ പ്രീമിയർ ലീഗിൽ 150 കിലോമീറ്റർ മുകളിൽ സ്ഥിരമായി പന്ത് എറിഞ്ഞ താരത്തെ ഇന്ത്യൻ ടീമിലേക്ക് ക്ഷണിക്കുക്കായിരുന്നു.അന്താരാഷ്ട്ര തലത്തിലും തന്റെ സ്പീഡ് കൊണ്ട് എതിരാളികളെ ഭയപ്പെടുത്തുക തന്നെയാണ് ഉമ്രാൻ.

തന്റെ അരങ്ങേറ്റ മത്സരം മുതൽ അദ്ദേഹം അത് തെളിയിക്കുന്നതാണ്. ഇന്ത്യ ബംഗ്ലാദേശ് രണ്ടാമത്തെ ഏകദിന മത്സരത്തിലും സ്ഥിതി വിത്യസതമല്ല.ലോകം കണ്ട എക്കാലത്തെയും മികച്ച ഓൾ റൗണ്ടർമാരിൽ ഒരാളായ ഷാക്കിബ് അൽ ഹസനെ തന്റെ വേഗത കൊണ്ട് പരീക്ഷിക്കുകയാണ് അദ്ദേഹം .ബംഗ്ലാദേശ് ഇന്നിങ്ങിസിന്റെ 12 ആമത്തെ ഓവറിലാണ് സംഭവം.ആദ്യ പന്ത് ഷാക്കിബിന് റൺസ് ഒന്നും കണ്ടെത്താൻ കഴിഞ്ഞില്ല. രണ്ടാം പന്തിൽ ഒരു അതിവേഗ ബൗണസർ. എറിഞ്ഞു കൊല്ലലെ എന്ന് ഷാക്കിബ് പറയാതെ പറഞ്ഞു.മൂന്നാമത്തെ പന്തിൽ വീണ്ടും ബൗണസർ. വീണ്ടും നിലതെറ്റി ഷാക്കിബ് ഗ്രൗണ്ടിൽ വീണു. തുടരെ തുടരെ 149 എന്നാ ശരാശരി സ്പീഡിൽ അദ്ദേഹം ആ ഓവർ പൂർത്തിയാക്കി.

അത് കൊണ്ട് അദ്ദേഹം നിർത്തിയില്ല. വീണ്ടും വീണ്ടും അതിവേഗ ഡെലിവറികൾ . ഒടുവിൽ അർഹിച്ചത് പോലെ ഒരു 151 കിലോമീറ്റർ വേഗതയിൽ വന്ന പന്തിൽ ശാന്റോ പവിലിയിനിലേക്ക്. ഈ ഒരു വേഗത തുടർന്നാൽ ഇന്ത്യ കണ്ട എക്കാലത്തെയും മികച്ച ഫാസ്റ്റ് ബൗളേർ എന്നാ പേര് തന്റെ പേരിൽ ചേർക്കാൻ ഉമ്രാൻ അധിക നാൾ വേണ്ടി വരില്ല.പരികേറ്റ കുൽദീപ് സെനിന് പകരമാണ് ഇന്ത്യ ഉമ്രാനെ ടീമിലെടുത്തത്.