Month: August 2023

സമൂഹത്തിൽ അറിയപ്പെടാതെ പോകേണ്ട ഒരുപാട് പ്രതിഭകൾക്ക്, സോഷ്യൽ മീഡിയ സൃഷ്ടിച്ച ആശയവിനിമയ വിപ്ലവത്തിൻ്റെ ഫലമായി, തങ്ങളുടെ മികവുറ്റ പ്രകടനങ്ങൾ ലോകത്തിന് മുന്നിൽ കാഴ്ച്ചവെക്കാനുള്ള ഭാഗ്യം ലഭിച്ചിട്ടുണ്ട് എന്നതിന് ഒട്ടേറെ ഉദാഹരണങ്ങൾ നിലവിലുണ്ട്. ഒരു പത്തോ ഇരുപതോ സെക്കൻഡ് മാത്രം ദൈർഘ്യമുള്ള വീഡിയോ വഴി ലോകം മുഴുവൻ അറിയപ്പെടാൻ ഇന്ന് സാധിക്കുന്നു.

അത്തരത്തിൽ ഒരു വീഡിയോയിലൂടെ ഇപ്പോൾ ഇൻ്റർനെറ്റിൽ തരംഗം സൃഷ്ടിച്ചുകൊണ്ടിരിക്കുന്നത് ഒരു യുവ പൊലീസുകാരനാണ്. മുംബൈ ഇന്ത്യൻസ് തങ്ങളുടെ സമൂഹമാധ്യമങ്ങളിൽ കഴിഞ്ഞ ദിവസം ഷെയർ ചെയ്ത ഒരു വീഡിയോയെ കുറിച്ചാണ് പറഞ്ഞുവരുന്നത്. നെറ്റ്സിൽ ബാറ്റ് ചെയ്യുന്നവർക്ക് ഫുൾ യൂണിഫോമിൽ എത്തി പന്തെറിഞ്ഞുകൊടുക്കുന്ന ഒരു യുവ പോലീസുകാരൻ. ചുമ്മാ വെറുതെ പന്തെറിഞ്ഞു കൊടുക്കുന്ന ഒരു വീഡിയോ അല്ല ഇത്.

വളരെ മികച്ച ഒരു പേസറുടെ മെയ് വഴക്കത്തോടെയാണ് അദ്ദേഹത്തിൻ്റെ ബോളിങ്. ദേശീയ താരങ്ങളെ അനുസ്മരിപ്പിക്കും വിധമുള്ള റൺഅപ്പ്. മാത്രമല്ല, ബാറ്റ് ചെയ്യുന്നവർക്ക് പന്തിൻ്റെ പേസും സ്വിങ്ങും മനസ്സിലാക്കാൻ പാടുപെടുന്ന കാഴ്ച്ച. തുടർച്ചയായി വിക്കറ്റിൽകൊണ്ട് സ്റ്റമ്പുകൾ പറപറക്കുന്നു. ഏതായാലും നിമിഷനേരത്തിനുള്ളിൽ ഈ വീഡിയോ ക്രിക്കറ്റ് ആരാധകർ ഏറ്റെടുത്തുകഴിഞ്ഞിരിക്കുകയാണ്.

വീഡിയോ..

You can take a man out of cricket but not cricket out of a man! #loveforthegame

— Varun (@Slogovers) August 11, 2023

ഇന്ത്യൻ ക്രിക്കറ്റ്‌ കണ്ട എക്കാലത്തെയും മികച്ച ഏകദിന ക്രിക്കറ്റ്‌ ഓപ്പനർമാരിൽ ഒരാളാണ് ശിഖർ ധവാൻ. ധവാന്റെ ചിറകിലേറിയാണ് ഇന്ത്യ 2013 ചാമ്പ്യൻസ് വിജയിച്ചതും 2017 ചാമ്പ്യൻസ് ട്രോഫി ഫൈനൽ വരെ എത്തിയതും.2013-19 കാലഘട്ടത്തിൽ ഇന്ത്യൻ ക്രിക്കറ്റിന്റെ വിജയങ്ങളിൽ ചുക്കാൻ പിടിച്ചത് രോഹിത്തിന് ഒപ്പം അദ്ദേഹം നൽകാറുള്ള തുടക്കത്തിലാണ്.

എന്നാൽ ഒരു വേള താരത്തെ ടീമിൽ നിന്ന് ഒഴിവാക്കി. തുടർന്ന് ശുബ്മാൻ ഗിൽ രോഹിത്തിന് ഒപ്പം ഓപ്പണിങ്ങിൽ തിളങ്ങിയതോടെ ധവാന്റെ തിരിച്ചു വരവ് അസാധ്യമായി.എന്നാലും ഏഷ്യൻ ഗെയിസിന് ഒള്ള ടീമിന്റെ നായകൻ അദ്ദേഹമായിരിക്കും എന്നാ തരത്തിൽ വാർത്തകൾ പുറത്ത് വന്നു. പക്ഷെ താരത്തെ ടീമിൽ പരിഗണിച്ചത് പോലുമില്ല. ഇപ്പോൾ ധവാൻ തന്റെ മനസ്സ് തുറന്നിരിക്കുകയാണ്.

അദ്ദേഹത്തിന്റെ വാക്കുകളിലേക്ക് വാർത്തകൾ എല്ലാം താൻ ക്യാപ്റ്റനാവുമെന്ന് തരത്തിലായിരുന്നു.എന്നാൽ എന്റെ പേര് പോലും ടീമിലുണ്ടായിരുന്നില്ല. എനിക്ക് അത് ഒരു ഷോക്കായിരുന്നു.പക്ഷെ അവർക്ക് വേറെ ചിന്തകളായിരുന്നു. ഞാൻ അതിനോട് യോജിക്കുകയും ചെയ്യുന്നു.ടീമിനെ എല്ലാം വിധ ആശംസകളും നേരുന്നു എന്നും അദ്ദേഹം കൂട്ടിച്ചേർത്തു.

Shikhar Dhawan takes everything in a positive way.

One of the most humble cricketers ever. pic.twitter.com/9Z071JTsXh

— Johns. (@CricCrazyJohns) August 10, 2023

ഏകദിന ലോകക്കപ്പിന് ഇനി ഏതാനും ദിവസങ്ങൾ മാത്രമേ ബാക്കിയൊള്ളു. ഇപ്പോഴും ഇന്ത്യൻ ക്രിക്കറ്റ്‌ ടീമിന്റെ മധ്യനിരയിലെ പ്രശനങ്ങൾക്ക് പരിഹാരങ്ങൾ ഉണ്ടായിട്ടില്ല. കെ എൽ രാഹുലും ശ്രെയസും പരിക്ക് മാറി വരാത്ത പക്ഷം സഞ്ജു സാംസണോ സൂര്യ കുമാർ യാദവോ ഈ സ്ഥാനത്തേക്ക് എത്തിയേക്കാം.

എന്നാൽ ഇപ്പോൾ ഇതിനുള്ള ഉത്തരവുമായി ആകാശ് ചോപ്ര രംഗത്ത് എത്തിയിരിക്കുകയാണ്.അമ്പാട്ടി റയുഡുവിനെ പോലെ സഞ്ജു സാംസന്റെ കരിയർ അവസാനിക്കുമോ എന്നാ ചോദ്യത്തിന് മറുപടിയുമായിയാണ് ചോപ്ര പറഞ്ഞു തുടങ്ങിയത്.നിലവിലെ സാഹചര്യത്തിൽ കെ എൽ രാഹുൽ തിരകെ വന്നാൽ സഞ്ജു സാംസൺ ഒരിക്കലും ടീമിൽ സാനിധ്യമുണ്ടാവില്ല.

രാഹുൽ തിരകെ എത്തിയില്ലെങ്കിൽ സഞ്ജു തീർച്ചയായും ടീമിൽ ഉണ്ടാവും.മാത്രമല്ല സഞ്ജുവിന് ഇപ്പോൾ 28 വയസ്സായിട്ടുള്ളു. ഇനിയും അദ്ദേഹത്തിൽ ഒരുപാട് ക്രിക്കറ്റ്‌ ബാക്കിയുണ്ട്.ഇരുപതുകളുടെ അവസാനത്തിലുള്ള ഒരു താരത്തിന്റെ കരിയർ അത്ര പെട്ടെന്നു അവസാനിക്കില്ല.2024 ട്വന്റി ട്വന്റി ലോകക്കപ്പും അദ്ദേഹത്തിന് മുന്നിലുണ്ട് എന്നും ചോപ്ര കൂട്ടിച്ചേർത്തു.

ഇന്ത്യ വെസ്റ്റ് ഇൻഡീസ് ട്വന്റി ട്വന്റി പരമ്പരയിലെ മൂന്നാമത്തെ മത്സരം ഇന്ന് 8 മണിക്ക് ആരംഭിക്കേണ്ടതായിരുന്നു. ആദ്യത്തെ രണ്ട് മത്സരങ്ങൾ തോറ്റ ഇന്ത്യക്ക് ഈ മത്സരം അതിനിർണായകമാണ്.ആദ്യത്തെ മത്സരത്തിൽ വെസ്റ്റ് ഇൻഡീസ് നാല് റൺസിന് വിജയിച്ചു.

രണ്ടാം മത്സരത്തിൽ ഇന്ത്യ തിരച്ചടിക്കുമെന്ന് കരുതി.പക്ഷെ 2 വിക്കറ്റിന് ഇന്ത്യ വീണ്ടും തോറ്റു. ഇപ്പോൾ മൂന്നാമത്തെ മത്സരം വൈകുകയാണ്. മത്സരം വൈകുന്നതിന്റെ കാരണമാണ് രസകരം.പ്രൊവിഡൻസിലാണ് മൂന്നാമത്തെ ട്വന്റി ട്വന്റിയും നടക്കുന്നത്. ഗ്രൗണ്ടിലേക്ക് എത്തിയപ്പോൾ എന്തോ ഒരു കുറവ് പോലെ താരങ്ങൾക്കും അമ്പയർക്ക് തോന്നുന്നു.

30 യാർഡ് സർക്കിൾ വരിക്കാൻ ഗ്രൗണ്ട് സ്റ്റാഫ്‌ മറന്നു പോയിരുന്നു. ഈ ഒരു കാരണമാണ് മത്സരം വൈകിച്ചതും.തുടർന്ന് 30 യാർഡ് സർക്കിൾ സ്ഥാപിച്ചതിന് ശേഷം മത്സരം ആരംഭിച്ചു. ഈ മത്സരം കൂടി തോറ്റാൽ ഒരു ട്വന്റി ട്വന്റി സീരീസിൽ മൂന്നു മത്സരങ്ങൾ തോൽക്കുന്ന ആദ്യത്തെ ഇന്ത്യൻ ക്യാപ്റ്റനായി ഹാർദിക് പാന്ധ്യ മാറും.

30 yard circle is not drawn so there is a delayed start….!!!! pic.twitter.com/7dSwju4jCe

— Johns. (@CricCrazyJohns) August 8, 2023

രോഗങ്ങൾ ഒരു മനുഷ്യനെ നന്നായി ക്ഷീണിപിച്ചേക്കാം.ആഗ്രഹങ്ങൾ പലതും ഈ രോഗങ്ങൾ കാരണം വേണ്ടെന്ന് വെച്ചേക്കാം. അവസരങ്ങൾ പലതും ഒഴിവാക്കി വിട്ടേക്കാം.എന്നാൽ ഇത്തരത്തിൽ ഉള്ളവർ മാതൃകയാക്കേണ്ട ഒരാളെ പറ്റിയാണ് ഇനി പറയാൻ പോകുന്നത്.മുൻ സ്കോട്ടീഷ് താരം അലക്സ്‌ സ്റ്റീലാണ് ഈ താരം.

സ്കോട്ട്ലാൻഡിന് വേണ്ടി 14 ഫസ്റ്റ് ക്ലാസ്സ്‌ മത്സരങ്ങൾ അദ്ദേഹം കളിച്ചിട്ടുണ്ട്.2020 ൽ തന്റെ 80 മത്തെ വയസിൽ അദ്ദേഹത്തിന് ഇഡിയൊപാത്തിക് പൾമണറി ഫൈബ്രോസിസ് എന്നാ രോഗം പിടിപെട്ടു.തനിക്ക് ഇനി അധിക കാലമില്ലെന്ന് ഡോക്ടർ വിധി എഴുതി.എന്നാൽ ഇപ്പോൾ ലോകത്തെ മുഴുവൻ ഞെട്ടിച്ച ഒരു സംഭവമാണ് പുറത്ത് വരുന്നത്.

തന്റെ 83 മത്തെ വയസിൽ അദ്ദേഹം ഓക്സിജൻ സിലനഡർ തന്റെ പുറത്ത് ഇട്ടു അദ്ദേഹം ഒരു മത്സരത്തിൽ കീപ് ചെയ്തിരിക്കുകയാണ്.30 ഓവറാണ് അദ്ദേഹം മത്സരത്തിൽ കീപ് ചെയ്തത്.ഈ 30 ഓവർ കീപ് ചെയ്യാൻ സാധിച്ചതിൽ താൻ വളരെ ത്രില്ല് ആണെന്ന് അദ്ദേഹം മത്സര ശേഷം പറഞ്ഞു.

❤️ pic.twitter.com/KuuEmeQAqu

— ROHAN (@roha_n___) August 8, 2023

ഇന്ത്യ വെസ്റ്റ് ഇൻഡീസ് ട്വന്റി ട്വന്റി പരമ്പരയിലെ ആദ്യത്തെ മത്സരം ഇന്നലെ സമാപിച്ചിരുന്നു. മത്സരത്തിൽ വെസ്റ്റ് ഇൻഡീസ് ഇന്ത്യയെ നാല് റൺസിന് തോൽപിച്ചു. വെസ്റ്റ് ഇൻഡീസ് ഉയർത്തിയ 150 റൺസ് പിന്തുടർന്ന് ഇന്ത്യൻ ഇന്നിങ്സ് 20 ഓവറിൽ ഒൻപത് വിക്കറ്റ് നഷ്ടത്തിൽ 145 റൺസിന് അവസാനിച്ചു.എന്നാൽ ഈ തോൽവിയിലും ഇന്ത്യക്ക് പ്രതീക്ഷ വഹമായ ഒരു കാര്യം കൂടി സംഭവിച്ചിരുന്നു.

യുവ താരം തിലക് വർമയുടെ അരങ്ങേറ്റ മത്സരത്തിലെ വെടികെട്ട് ഇന്നിങ്സിനെ പറ്റിയാണ് പറഞ്ഞു വരുന്നത്.22 പന്തിൽ 39 റൺസാണ് അദ്ദേഹം സ്വന്തമാക്കിയത്.ഇതിൽ രണ്ട് ഫോറും മൂന്നു സിക്സും സ്വന്തമാക്കി.

ഇതിൽ അന്താരാഷ്ട്ര ക്രിക്കറ്റിൽ താൻ നേരിട്ട ആദ്യത്തെ മൂന്നു പന്തുകളിൽ രണ്ട് സിക്സാണ് അദ്ദേഹം സ്വന്തമാക്കിയത്.അതും വെസ്റ്റ് ഇൻഡീസിന്റെ ഏറ്റവും മികച്ച പേസ് ബൗളേറായ അലിസരി ജോസഫിനെതിരെ. മാത്രമല്ല ഒരു ട്വന്റി ട്വന്റി മത്സരത്തിൽ മൂന്നു സിക്സ് നേടുന്ന ഏറ്റവും പ്രായം കുറഞ്ഞ ഇന്ത്യൻ താരാമെന്ന റെക്കോർഡും തിലക് ഈ മത്സരത്തിൽ സ്വന്തമാക്കി.

Takes a blinder.
Hits back to back sixes to kick off his innings.
A dashing debut for Tilak Varma 😎#INDvWIAdFreeonFanCode #WIvIND pic.twitter.com/VpcKOyfMSR

— FanCode (@FanCode) August 3, 2023

ട്രിനിഡാഡിലെ ബ്രയാൻ ലാറ സ്റ്റേഡിയത്തിൽ നടക്കുന്ന ഇന്ത്യ വെസ്റ്റിൻഡീസ് ട്വൻ്റി ട്വൻ്റി പരമ്പരയിലെ ആദ്യ മത്സരത്തിൽ ഇന്ത്യക്ക് 150 റൺസ് വിജയലക്ഷ്യം. മത്സരത്തിൽ ടോസ് നേടി ആദ്യം ബാറ്റിംഗിനിറങ്ങിയ വെസ്റ്റ് ഇൻഡീസിന് നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 149 റൺസ് എടുക്കാനേ കഴിഞ്ഞുള്ളൂ. 48 റൺസെടുത്ത നായകൻ പവലും, 41 റൺസെടുത്ത പൂരനുമാണ് അവരുടെ ടോപ് സ്കോറർമാർ.

ഇന്ത്യൻ നിരയിൽ അർഷദീപ് സിംഗും ചഹലും 2 വിക്കറ്റ് വീതം വീഴ്ത്തിയപ്പോൾ, നായകൻ പാണ്ഡ്യയും കുൽദീപ് യാദവും ഓരോ വിക്കറ്റ് വീതവും വീഴ്ത്തി. ടീം ഇന്ത്യ കളിക്കുന്ന ഇരുന്നൂറാം രാജ്യാന്തര ട്വൻ്റി ട്വൻ്റി മത്സരം എന്ന പ്രത്യേകത കൂടി ഇന്നുണ്ട്. സീനിയർ താരങ്ങളായ ജഡേജ, രോഹിത്, വിരാട് എന്നിവരൊന്നും ഇല്ലാതെ ഇറങ്ങുന്ന ടീം ഇന്ത്യയെ നയിക്കുന്നത് ഓൾറൗണ്ടർ ഹാർദിക് പാണ്ഡ്യയാണ്.

അരങ്ങേറ്റ മത്സരം കളിക്കുന്ന തിലക് വർമ തൻ്റെ രാജ്യാന്തര കരിയറിന് മികച്ച തുടക്കമാണ് കുറിച്ചിരിക്കുന്നത്. ആദ്യം ഫീൽഡിംഗ് സമയത്ത് രണ്ട് മികച്ച ക്യാച്ചുകൾ എടുത്ത വർമ, ബാറ്റിംഗിലും ഗംഭീര പ്രകടനമാണ് കാഴ്ച്ചവെച്ചത്. 6 റൺസെടുത്ത ഓപ്പണർ ഇഷാൻ കിഷൻ പുറത്തായശേഷം എത്തിയ തിലക്, നേരിട്ട രണ്ടാം പന്തിലും മൂന്നാം പന്തിലും സിക്സ് അടിച്ചാണ് വരവറിയിച്ചത്. അൽസാരി ജോസഫ് എറിഞ്ഞ ആറാം ഓവറിൻ്റെ മൂന്ന്, നാല് പന്തുകളിൽ ഡീപ് മിഡ് വിക്കറ്റിലേക്കും ഡീപ് സ്ക്വയർ ലെഗിലേക്കും പന്ത് പറന്നു.

വീഡിയോ..

Takes a blinder.
Hits back to back sixes to kick off his innings.
A dashing debut for Tilak Varma 😎#INDvWIAdFreeonFanCode #WIvIND pic.twitter.com/VpcKOyfMSR

— FanCode (@FanCode) August 3, 2023

ഇന്ത്യ – വെസ്റ്റിൻഡീസ് ട്വൻ്റി ട്വൻ്റി പരമ്പരയ്ക്ക് ട്രിനിഡാഡിലെ ബ്രയാൻ ലാറ സ്റ്റേഡിയത്തിൽ തുടക്കമായിരിക്കുകയാണ്. മത്സരത്തിൽ ടോസ് നേടിയ വെസ്റ്റിൻഡീസ് ആദ്യം ബാറ്റിംഗ് തെരഞ്ഞെടുത്തു. ഏകദിന പരമ്പര 2-1ന് സ്വന്തമാക്കിയ ആത്മവിശ്വാസത്തിലാണ് ടീം ഇന്ത്യ ഇറങ്ങുന്നത്. സീനിയർ താരങ്ങൾക്ക് വിശ്രമം അനുവദിച്ചപ്പോൾ ഹാർദിക് പാണ്ഡ്യയാണ് ഇന്ത്യയെ നയിക്കുന്നത്. 

ഇന്ത്യൻ നിരയിൽ തിലക് വർമയ്ക്കും മുകേഷ് കുമാറിനും ട്വൻ്റി ട്വൻ്റി അരങ്ങേറ്റ മത്സരം ലഭിച്ചു. ടെസ്റ്റ് പരമ്പരയിൽ തിളങ്ങിയ യുവതാരം യശസ്വി ജൈസ്വാൾ ഇനിയും കാത്തിരിക്കണം. ടീം ഇന്ത്യയുടെ ഇരുന്നൂറാം രാജ്യാന്തര ട്വൻ്റി ട്വൻ്റി മത്സരം എന്ന പ്രത്യേകത കൂടി ഇന്നുണ്ട്. ഇന്ത്യയുടെ ട്വൻ്റി ട്വൻ്റിയിലെ എക്കാലത്തെയും മികച്ച വിക്കറ്റ് വേട്ടക്കാരനായ യൂസ്വെന്ദ്ര ചഹാൽ, ഇന്ന് മികച്ച തുടക്കമാണ് ഇന്ത്യക്ക് സമ്മാനിച്ചത്.

ഏകദിന പരമ്പരയിലെ മൂന്ന് മത്സരങ്ങളിലും പുറത്തിരുന്ന അദ്ദേഹം, ഇന്ന് അഞ്ചാം ഓവറിലാണ് പന്തെറിയാൻ എത്തിയത്. ആദ്യ പന്തിൽ തന്നെ കൈൽ മെയേഴ്‌സിനെ വിക്കറ്റിന് മുന്നിൽ കുരുക്കി അപ്പീൽ ചെയ്തപ്പോൾ അമ്പയർ വിരലുയർത്തി. മെയേഴ്സ് റിവ്യൂ നൽകാതെ മടങ്ങിയനേരം, റീപ്ലേകളിൽ അത് വിക്കറ്റിൽ കൊള്ളാതെ പോകും എന്ന് വ്യക്തമായി. ഇന്ത്യക്ക് അതൊരു ഭാഗ്യമായി.

തുടർന്ന് മൂന്നാം പന്തിൽ ബ്രാൻഡൻ കിങ്ങിനെ വിക്കറ്റിന് മുന്നിൽ കുരുക്കി അപ്പീൽ ചെയ്തപ്പോൾ, അമ്പയർ ഒരിക്കൽ കൂടി വിക്കറ്റ് നൽകി. ഇത്തവണ വെസ്റ്റിൻഡീസ് റിവ്യൂ നൽകിയെങ്കിലും, അത് വിക്കറ്റിൽ കൊള്ളും എന്ന് വ്യക്തമായി. 19 പന്തിൽ 28 റൺസ് നേടി നന്നായി തുടങ്ങിയ കിംഗ്, അതോടെ പുറത്താവുകയും ഒരു റിവ്യൂ നഷ്ടമാകുകയും ചെയ്തു.

വീഡിയോ..

Chahal changes the game around in 3 balls.
.
.#INDvWIAdFreeonFanCode #WIvIND pic.twitter.com/6ltlUhqH0q

— FanCode (@FanCode) August 3, 2023

Chatur Chahal ne aate he kari wickets☝️ ki pahal 🌪️

Are you happy to see #YuzvendraChahal spin the game away from the #Windies?😍#SabJawaabMilenge #JioCinema #WIvIND #TeamIndia pic.twitter.com/2nE36Wz7kU

— JioCinema (@JioCinema) August 3, 2023

പുതുച്ചേരിയിൽ നടക്കുന്ന ദേവ്ധർ ട്രോഫി ഏകദിന ക്രിക്കറ്റ് ടൂർണമെൻ്റിൻ്റെ ഫൈനൽ പോരാട്ടത്തിൽ ഈസ്റ്റ് സോണിനെതിരെ സൗത്ത് സോണിന് കൂറ്റൻ സ്കോർ. മത്സരത്തിൽ ടോസ് നേടി ആദ്യം ബാറ്റിംഗിനിറങ്ങിയ സൗത്ത് സോൺ ടീം, ഓപ്പണറും മലയാളി താരവുമായ രോഹൻ കുന്നുമ്മലിൻ്റെ വെടിക്കെട്ട് സെഞ്ചുറിയുടെ മികവിൽ നിശ്ചിത 50 ഓവറിൽ 8 വിക്കറ്റ് നഷ്ടത്തിൽ 328 റൺസാണ് നേടിയിരിക്കുന്നത്.

നായകൻ മായങ്ക് അഗർവാളിനൊപ്പം ഒന്നാം വിക്കറ്റിൽ കുന്നുമ്മൽ 24.4 ഓവറിൽ 181 റൺസാണ് കൂട്ടിച്ചേർത്തത്. അഗർവാൾ 63 റൺസും, ജഗദീശൻ 54 റൺസും എടുത്ത് കുന്നുമ്മലിന് മികച്ച പിന്തുണ നൽകി. ടൂർണമെൻ്റിൽ കളിച്ച അഞ്ച് മത്സരങ്ങളിലും പരാജയമറിയാതെ ഫൈനലിലേക്ക് മുന്നേറിയ ടീമാണ് സൗത്ത് സോൺ. എല്ലാ മത്സരങ്ങളിലും ഓപ്പൺ ചെയ്യാൻ രോഹന് അവസരം ലഭിച്ചു. 70(61), 5(8), 87*(58), 18(22), 24(27) എന്നിങ്ങനെയാണ് സീസണിൽ രോഹൻ നേടിയ സ്കോറുകൾ.

ഇന്ന് തുടക്കം മുതലേ ആക്രമിച്ചു കളിച്ച രോഹൻ, സീനിയർ ഇന്ത്യൻ താരവും സൗത്ത് സോൺ നായകനുമായ മായങ്കിനെ ഒരു വശത്ത് കാഴ്ച്ചക്കാരനാക്കി നിർത്തി. ഈസ്റ്റ് സോൺ ബോളർമാരെ തലങ്ങും വിലങ്ങുമായി പ്രഹരിച്ച രോഹൻ, 75 പന്തിൽ നിന്നും 107 റൺസ് നേടിയാണ് പുറത്തായത്. 11 ബൗണ്ടറികളും 4 സിക്സുകളും നിറം ചാർത്തിയ ഇന്നിങ്സ്!

വീഡിയോ..

ഇന്നലെ ട്രിനിഡാഡിൽ നടന്ന മൂന്നാമത്തെയും അവസാനത്തെയും ഏകദിന മത്സരത്തിൽ വെസ്റ്റിൻഡീസിനെ 200 റൺസിന് കീഴടക്കിയ ഇന്ത്യ, ഏകദിന പരമ്പര 2-1ന് സ്വന്തമാക്കിയിരുന്നു. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ടീം ഇന്ത്യ, ഓപ്പണർമാരായ കിഷൻ്റെയും ഗില്ലിൻ്റെയും, മധ്യനിരയിൽ മലയാളി താരം സഞ്ജു സാംസൻ്റെയും നായകൻ ഹർദിക്കിൻ്റെയും തകർപ്പൻ അർദ്ധസെഞ്ചുറികളുടെ മികവിൽ നിശ്ചിത 50 ഓവറിൽ 5 വിക്കറ്റ് നഷ്ടത്തിൽ 351 റൺസ് എന്ന കൂറ്റൻ സ്കോർ കണ്ടെത്തി. 4 വിക്കറ്റ് വീഴ്ത്തിയ താക്കൂർ, 3 വിക്കറ്റ് വീഴ്ത്തിയ മുകേഷ് കുമാർ എന്നിവരുടെ നേതൃത്വത്തിൽ ഇന്ത്യ അവരെ 151 റൺസിൽ ഓൾഔട്ടാക്കി.

കഴിഞ്ഞ മത്സരത്തിൽ വിരാട് കോഹ്‌ലിയ്ക്കും നായകൻ രോഹിത് ശർമയ്ക്കും ടീം മാനേജ്മെൻ്റ് വിശ്രമം നൽകിയിരുന്നു. പരമ്പരയിൽ ആദ്യമായി അവസരം ലഭിച്ച മലയാളി താരം സഞ്ജു വി സാംസൺ, 19 പന്തിൽ 9 റൺസ് മാത്രം എടുത്താണ് പുറത്തായത്. മത്സരം ഇന്ത്യ പരാജയപ്പെട്ടതോടെ പരമ്പരയിൽ വെസ്റ്റ് ഇൻഡീസ് ഒപ്പമെത്തുകയും ചെയ്തു. അതുകൊണ്ട് തന്നെ മൂന്നാം ഏകദിനത്തിൽ കോഹ്‌ലിയും രോഹിതും തിരികെ എത്തുമ്പോൾ സഞ്ജുവിന് പുറത്തേക്കുള്ള വഴി തെളിയും എന്നാണ് എല്ലാവരും പ്രതീക്ഷിച്ചത്.

എന്നാലും നിർണായകമായ അവസാന ഏകദിനത്തിലും കോഹ്‌ലിയും രോഹിതും ടീമിൽ എത്തിയില്ല. അതോടെ ലഭിച്ച അവസരം സഞ്ജു ഇന്നലെ നന്നായി മുതലാക്കി. 41 പന്തിൽ നിന്നും 4 സിക്സും 2 ഫോറും അടക്കം 51 റൺസ് നേടിയാണ് സഞ്ജു മടങ്ങിയത്. ട്വൻ്റി ട്വൻ്റി ശൈലിയിൽ കൗണ്ടർ അറ്റാക്കിങ് ക്രിക്കറ്റ്, സഞ്ജു കളിച്ചതോടെ വെസ്റ്റിൻഡീസ് പ്രതിരോധത്തിലായി.

അതിനിടെ മത്സരത്തിന് മുൻപുള്ള പരിശീലനവേളയിൽ നായകൻ രോഹിത് ശർമ സഞ്ജുവിനോടു ഏറെനേരം സംസാരിക്കുകയും നിർദേശങ്ങൾ നൽകുകയും ചെയ്യുന്ന വീഡിയോയാണ് ഇപ്പോൾ ഇൻ്റർനെറ്റിൽ തരംഗമായിരിക്കുന്നത്. കഴിഞ്ഞ മത്സരത്തിലെ മോശം സ്കോറിൻ്റെ സമ്മർദ്ദത്തിൽ നിന്നിരുന്ന സഞ്ജുവിന് നായകൻ്റെ ഉത്തരവാദിത്വത്തോടെ പിന്തുണ നൽകിയ ഹിറ്റ്മാൻ്റെ നീക്കമാണ് ഇന്നലെ സഞ്ജുവിൻ്റെ മികച്ച പ്രകടനത്തിന് അടിസ്ഥാനമായതെന്നാണ് രോഹിത് ആരാധകരുടെ വാദം.

വീഡിയോ…

Rohit Sharma was seen sharing his valuable advice with Sanju Samson after he finished his batting in the nets at the Queens Park Oval.

For more details watch the video 👇.@Wowmomo4u @debasissen #WIvsIND pic.twitter.com/F2EIrjeWKT

— RevSportz (@RevSportz) August 1, 2023