KeralaCricInfo

ഇന്ന് ഉച്ചകഴിഞ്ഞു നടക്കുന്ന ഐപിഎൽ മത്സരത്തിൽ പോയിന്റ് പട്ടികയിൽ മൂന്നാം സ്ഥാനത്തുള്ള ലഖ്നൗ, ചെന്നൈയെ നേരിടുകയാണ്. മത്സരത്തിൽ ടോസ് നേടിയ ചെന്നൈ നായകൻ മഹേന്ദ്രസിംഗ് ധോണി, ലഖ്നൗവിനെ ബാറ്റിങ്ങിന് അയയ്ക്കുകയായിരുന്നു. ചെന്നൈ നിരയിൽ പരുക്ക് ഭേദമായ പേസർ ദീപക് ചഹാർ, ആകാശ് സിങ്ങിന് പകരം ടീമിൽ മടങ്ങിയെത്തി. ലഖ്നൗ നായകനായ രാഹുലിന് കഴിഞ്ഞ മത്സരത്തിൽ ഫീൽഡിംഗിനിടെ പരുക്കേറ്റ് പുറത്തായിരുന്നു. ഓൾറൗണ്ടർ ക്രുനാൽ പാണ്ഡ്യയാണ് ഇന്ന് അവരെ നയിക്കുന്നത്.

ഇന്ന് മത്സരത്തിലെ ടോസ് സമയത്ത് അവതാരകനായ ഡാനി മോറിസൺ ചെന്നൈ‌‌ നായകനായ ധോണിയോട് വിടവാങ്ങൽ സീസൺ കളിക്കുന്നതിനെകുറിച്ച് ചോദിച്ചിരുന്നു. ലഖ്നൗവിന്റേ ഹോംഗ്രൗണ്ടായ എകന സ്റ്റേഡിയത്തിൽ മുഴുവൻ മഞ്ഞ പുതപ്പിച്ചാണ് ധോണി ഫാൻസ് അദ്ദേഹത്തെ വരവേറ്റത്. ഫാൻസിന്റെ ഈയൊരു സ്വീകരണം വിടവാങ്ങൽ സീസണിൽ എങ്ങനെ തോന്നുന്നു എന്നാണ് അദ്ദേഹം ധോണിയോട് ചോദിച്ചത്.

ഈ സീസണിൽ ഉടനീളം ഈയൊരു പ്രതിഭാസം ദൃശ്യമായിരുന്നു. ചെന്നൈ ചെപ്പോക് സ്റ്റേഡിയത്തിൽ എന്നപോലെ, എവെമത്സരം കളിക്കുന്ന സമയത്തും ചെന്നൈ ടീമിനെ ഗാലറി മുഴുവൻ മഞ്ഞയണിഞ്ഞ് ധോണി ഫാൻസ്, അദ്ദേഹത്തിന്റെ അവസാന സീസൺ ആഘോഷിച്ചുവരികയായിരുന്നു. എന്നാലിപ്പോൾ ധോണി മറുപടി നൽകിയത്, എന്റെ അവസാന സീസൺ എന്ന് നിങ്ങളാണ് പറയുന്നത്; ഞാനല്ല.. എന്നാണ്. ഇതോടെ അടുത്ത സീസണിലും ധോണി കളിക്കുമോ എന്നുള്ള ആകാംഷയിലാണ് ധോണി ഫാൻസ്.

pic.twitter.com/R6AR9fvCva

— Don't Buy Samsung (@cricket82182592) May 3, 2023

കഴിഞ്ഞദിവസം നടന്ന ഐപിഎൽ മത്സരത്തിനിടെ ഉണ്ടായ പ്രശ്നങ്ങൾ ചില്ലറയല്ല. ഇരു ടീമിന്റെയും താരങ്ങൾ തമ്മിൽ മത്സരശേഷം കൊമ്പ് കോർത്തത് സോഷ്യൽ മീഡിയയിൽ ആരാധകർ ആഘോഷമാക്കിയിരിക്കുകയാണ്. ഈ പ്രവർത്തിയുടെ പേരിൽ ലക്നൗവിന്റെ മെന്ററായ ഗൗതം ഗംഭീറിനും ബാംഗ്ലൂർ സൂപ്പർതാരം വിരാട് കോഹ്ലിക്കും മാച്ച് ഫീസിന്റെ 100% പിഴയൊടുക്കാൻ മാച്ച് റഫറി വിധിച്ചിരുന്നു. ബാംഗ്ലൂർ വിജയത്തിന് ശേഷമാണ് തർക്കങ്ങൾ ഓരോന്നായി ഉടലെടുത്തത്.

താരതമ്യേന കുറഞ്ഞ സ്കോർ മാത്രം ഉയർത്തപ്പെട്ട മത്സരത്തിൽ 18 റൺസിനാണ് ബാംഗ്ലൂർ വിജയം കരസ്ഥമാക്കിയത്. സ്പിന്നിനെ തുണക്കുന്ന പിച്ച് ആയിരുന്നു ലക്നൗവിൽ ക്യൂറേറ്റർമാർ ഒരുക്കിയത്. ആദ്യം ബാറ്റ് ചെയ്ത ബാംഗ്ലൂർ ഉയർത്തിയത് 127 റൺസിന്റെ ചെറിയ വിജയലക്ഷ്യമാണ് എങ്കിലും ലക്‌നൗവിന് കാലിടറി. ലക്നൗ ഇന്നിംഗ്സ് 108 റൺസിന് അവസാനിച്ചു.

മത്സരശേഷം ഗൗതം ഗംഭീറും വിരാട് കോഹ്ലിയും കൊമ്പ് കോർത്തു. ഇതിനുപുറമെ അഫ്ഗാൻ താരമായ നവീൻ ഉൾ ഹക്കും വിരാട് കോഹ്ലിയും ഏറ്റുമുട്ടി. മിക്ക താരങ്ങളും പരസ്പരം സംവാദത്തിലും വാക്ക് തർക്കത്തിനും മത്സരശേഷം ഏറ്റുമുട്ടിയിരുന്നു. ഇതിന് പ്രധാനമായും കാരണമായത് ഈ സീസണിൽ ഇതിനുമുമ്പേ ഇരു ടീമുകളും ഏറ്റുമുട്ടിയ സമയത്ത് സൂപ്പർ ജയനന്റസ് നടത്തിയ അമിത ആഘോഷമായിരുന്നു. ഇതിനൊരു പ്രതികാരം എന്നപോലെയായിരുന്നു ബാംഗ്ലൂർ കഴിഞ്ഞദിവസം ആഘോഷിച്ചത്.

പലതരത്തിലുള്ള പ്രശ്നങ്ങൾ ഇരുടീമുകളും തമ്മിൽ ഉടലെടുത്തപ്പോഴും ഇന്ത്യൻ ടീമിൽ സഹതാരങ്ങളായ വിരാട് കോഹ്ലിയും രാഹുലും തമ്മിൽ സ്നേഹപൂർവ്വമുള്ള സംഭാഷണവും നടന്നു. രാഹുലിന് ബാംഗ്ലൂർ ബാറ്റ് ചെയ്യവേ ഫീൽഡിങ് നടത്തുന്ന ശ്രമത്തിനിടയിൽ പരിക്കേറ്റിരുന്നു. മത്സരശേഷം വിരാട് കോഹ്ലി രാഹുലിന്റെ അടുത്ത് പരിക്കിനെ കുറിച്ച് ചോദിച്ച് ഓക്കെയാണോ എന്ന് വിലയിരുത്താൻ മറന്നില്ല. പ്രശ്നങ്ങൾക്കിടയിലും കോഹ്ലി നടത്തിയ ഈ സംഭാഷണം സോഷ്യൽ മീഡിയയിൽ ശ്രദ്ധ പിടിച്ചു പറ്റുന്നുണ്ട്. ഡാ നീ ഒക്കെ അല്ലേ എന്ന് വിരാട് കോഹ്ലി രാഹുലിന്റെ അടുത്ത് ചോദിക്കുന്ന സംഭാഷണത്തിന്റെ വീഡിയോ ദൃശ്യം കാണാം.

pic.twitter.com/nXbBS1CeSg

— Cricket Trolls (@CricketTrolls8) May 2, 2023

ഇന്നലെ രാത്രി ലഖ്നൗ ഏകന സ്റ്റേഡിയത്തിൽ നടന്ന ബംഗളൂരു-ലഖ്നൗ ഐപിഎൽ മത്സരവും അതിനെത്തുടർന്നുണ്ടായ സംഭവവികാസങ്ങളും ഇപ്പോഴും സമൂഹമാധ്യമങ്ങളിൽ ചർച്ചാവിഷയമായി തുടരുകയാണ്. വേഗം കുറഞ്ഞ പിച്ചിൽ നടന്ന ലോസ്കോറിംഗ് പോരാട്ടത്തിൽ 18 റൺസിനാണ് ബംഗളൂരു, ലഖ്നൗവിനെ കീഴടക്കിയത്. മത്സരത്തിൽ ടോസ് നേടി ആദ്യം ബാറ്റിംഗിനിറങ്ങിയ അവർ നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 126 റൺസ് എടുത്തപ്പോൾ, ലഖ്നൗ മറുപടി ബാറ്റിങ്ങിൽ 19.5 ഓവറിൽ 108 റൺസിൽ ഓൾഔട്ടാകുകയായിരുന്നു.

ലഖ്നൗ നിരയിലെ അഫ്ഗാൻ പേസർ നവീൻ ഉൾ ഹഖ്, ബാറ്റിങ്ങിന് ഇടയിൽ വിരാട് കോഹ്‌ലിയുടെ മുഖാമുഖം വരികയും ഇരുവരും പരസ്പരം വാക്കുകൾകൊണ്ട് ഏറ്റുമുട്ടുകയും ചെയ്തു. ലഖ്നൗ ഇന്നിങ്സിലെ പതിനേഴാം ഓവറിൽ ആയിരുന്നു സംഭവം. തുടർന്ന് ഇരുവരെയും പിന്തിരിപ്പിക്കാനെത്തിയ നോൺസ്ട്രൈക്കർ എൻഡിൽ ഉണ്ടായിരുന്ന അമിത് മിശ്രയുടെ നേർക്കായി കോഹ്‌ലിയുടെ ദേഷ്യം. മത്സരം കഴിഞ്ഞിട്ടും തർക്കത്തിന് അറുതിവന്നിരുന്നില്ല.

ടീമംഗങ്ങൾ പരസ്പരം ഹസ്തദാനം ചെയ്യുന്ന സമയത്ത് വീണ്ടുമൊരിക്കൽകൂടി കോഹ്‌ലി – നവീൻ വാക്പോര് രൂക്ഷമായിരുന്നു. അതിനു ശേഷം കോഹ്‌ലിയോട് സംസാരിക്കാനെത്തിയ കൈൽ മെയേഴ്സിനെ പിന്തിരിപ്പിച്ചു കൊണ്ടുപോകുകയായിരുന്ന ലഖ്നൗ പരിശീലകൻ ഗൗതം ഗംഭീറും കോഹ്‌ലിയും തമ്മിലായി സംഘർഷം. ഒടുവിൽ ഏറെ പണിപ്പെട്ടാണ് സഹതാരങ്ങളും കോച്ചിംഗ് സ്റ്റാഫും ചേർന്ന് രംഗം ശാന്തമാക്കിയത്. ഇതിനുമുൻപ് 2013 ഐപിഎൽ സീസണിലും കോഹ്‌ലിയും ഗംഭീറും മുഖാമുഖം വന്നിരുന്നു.

ഇതിനെല്ലാമിടയിലും വിരാട് കോഹ്‌ലിയ്‌ക്ക് ലഖ്നൗവിൽ തടിച്ചുകൂടിയ ആയിരക്കണക്കിനു ആരാധകരിൽനിന്നും വളരെ മികച്ച പിന്തുണയാണ് ലഭിച്ചിരുന്നത്. അതിനെ സാധൂകരിക്കുന്ന ഒരു വീഡിയോ ഇപ്പോൾ ഇന്റർനെറ്റിൽ തരംഗമായി മാറിയിരിക്കുകയാണ്. മത്സരശേഷമുള്ള പോസ്റ്റ് മാച്ച് പ്രസന്റേഷൻ സമയത്തെ ഒരു നിമിഷമാണിത്. മത്സരത്തിലെ ഗെയിംചെയിഞ്ചർ അവാർഡ് ഏറ്റുവാങ്ങാൻ 3 വിക്കറ്റ് വീഴ്ത്തിയ ലഖ്നൗ പേസർ നവീൻ ഉൾ ഹഖ് എത്തിയ നിമിഷം, ഗാലറിയിൽനിന്നും കേട്ടത് കോഹ്‌ലി… കോഹ്‌ലി… എന്ന് ആർപ്പുവിളിക്കുന്ന ഫാൻസിന്റെ ബഹളമായിരുന്നു.

pic.twitter.com/RVb3u2VNhl

— Cric Videos (@PubgtrollsM) May 2, 2023

pic.twitter.com/MpJilfBJVp

— Don't Buy Samsung (@cricket82182592) May 2, 2023

ഇന്നലെ ലഖ്നൗവിൽ നടന്ന ആവേശപോരാട്ടത്തിൽ ബംഗളൂരു റോയൽ ചലഞ്ചേഴ്സ്, 18 റൺസിന് ലഖ്നൗ സൂപ്പർ ജയന്റ്‌സിനെ കീഴടക്കിയിരുന്നു. മത്സരത്തിൽ ടോസ് നേടി ആദ്യം ബാറ്റ് ചെയ്ത ബംഗളൂരു ഓപ്പണർമാരായ വിരാട് കോഹ്‌ലിയുടെയും(30 പന്തിൽ 31), നായകൻ ഡു പ്ലെസ്സിയുടെയും(40 പന്തിൽ 44) മികവിൽ നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 126 റൺസ് എടുത്തു. കൃത്യമായ ഇടവേളകളിൽ വിക്കറ്റ് വീഴ്ത്തിയ ബംഗളൂരു ബോളർമാർക്കു മുന്നിൽ പതറിയ ലഖ്നൗ ബാറ്റിംഗ് നിര, 19.5 ഓവറിൽ 108 റൺസിൽ ഓൾഔട്ടാകുകയായിരുന്നു.

ഇതിനുമുൻപ് ഈ സീസണിൽ ബംഗളൂരു ചിന്നസ്വാമി സ്റ്റേഡിയത്തിൽ ഇരുടീമുകളും ഏറ്റുമുട്ടിയപ്പോൾ ലഖ്നൗവാണ് വിജയിച്ചിരുന്നത്. അന്ന് ബംഗളൂരു ഉയർത്തിയ 213 റൺസ് വിജയലക്ഷ്യം ഒരു വിക്കറ്റ് ശേഷിക്കെ അവസാന പന്തിൽ മറികടന്ന ലഖ്നൗ, ചിന്നസ്വാമിയെ അക്ഷരാർഥത്തിൽ നിശബ്ദമാക്കിയിരുന്നു. അതിനുള്ള പകരംവീട്ടലായി ബംഗളൂരുവിന് ഇന്നലെത്തെ വിജയം. നായകൻ ഫാഫ്‌ ഡു പ്ലസ്സിയാണ് കളിയിലെ താരമായി തിരഞ്ഞെടുക്കപ്പെട്ടത്. വിജയത്തിനായി വീറും വാശിയും നിറഞ്ഞ പോരാട്ടത്തിൽ ഇരുടീമുകളിലേയും താരങ്ങൾ പരസ്പരം വാക്കുകൾകൊണ്ട് ഏറ്റുമുട്ടുന്ന അനേകം നിമിഷങ്ങൾ മത്സരത്തിനിടയിലും മത്സരശേഷവും അരങ്ങേറിയിരുന്നു.

ലഖ്നൗ ബാറ്റിങ്ങിന് ഇടയിൽ നവീൻ ഉൾ ഹഖ്, വിരാട് കോഹ്‌ലിയുമായി തർക്കത്തിൽ ഏർപ്പെടുകയും മത്സരശേഷമുള്ള ഹസ്തദാനസമയത്തും ഇരുവരും വീണ്ടും ഏറ്റുമുട്ടുകയും ചെയ്തിരുന്നു. അതിനുശേഷം ലഖ്നൗ ഓപ്പണർ കൈൽ മേയേഴ്‌സ്‌, കോഹ്‌ലിയോട് സംസാരിക്കുകയും അതിന്റെ തുടർച്ചയായി ലഖ്നൗ പരിശീലകൻ ഗൗതം ഗംഭീറും വിരാട് കോഹ്‌ലിയും പരസ്പരം നടന്നടുക്കുന്നതും വാക്കുതർക്കത്തിൽ ഏർപ്പെടുന്നതും സമൂഹമാധ്യമങ്ങളിൽ തരംഗമായി മാറിയിരിക്കുകയാണ്.

അത് മാത്രമല്ല, ഇപ്പോൾ മറ്റൊരു വീഡിയോ കൂടി ശ്രദ്ധേയമാകുന്നുണ്ട്. ലഖ്നൗ ബാറ്റിങ്ങിൽ നവീൻ ഉൾ ഹഖ് ബാറ്റ് ചെയ്യുന്ന സമയം. പതിനേഴാം ഓവർ എറിഞ്ഞത് പേസർ മുഹമ്മദ് സിറാജ്. അവസാന പന്തിൽ സിറാജ് മികച്ചൊരു യോർക്കർ എറിയുമ്പോൾ നവീന് കാര്യമായി ഒന്നും ചെയ്യാൻ കഴിയുന്നില്ല. പന്ത് വിക്കറ്റ് കീപ്പർ എടുക്കുന്നതിന് മുൻപായി അദ്ദേഹം ഒരു സിംഗിൾ നേടാൻ ശ്രമിക്കുന്നു. എങ്കിലും അതിനു കഴിയാതെ തിരികെ ക്രീസിൽ നിൽക്കുന്ന സമയത്ത് സിറാജ് അങ്ങോട്ട് നടന്നടുക്കുന്നു. കീപ്പർ ദിനേശ് കാർത്തിക് വിക്കറ്റിലേക്ക് എറിഞ്ഞ പന്ത് കൈക്കലാക്കി അല്പനേരം രൂക്ഷമായി നവീനെ നോക്കി നിന്ന സിറാജ്, ഒടുവിൽ പന്തെടുത്ത് വിക്കറ്റിലേക്ക് ഒരേറു വച്ചുകൊടുത്തുകൊണ്ടാണ് മടങ്ങുന്നത്.

pic.twitter.com/zjQjN6PB5L

— Cric Videos (@PubgtrollsM) May 2, 2023

കഴിഞ്ഞദിവസം നടന്ന ഐപിഎൽ മത്സരത്തിലെ വിവാദങ്ങൾ കനക്കുകയാണ്. വാഗ്വാദത്തിന്റെ പേരിൽ വിരാട് കോഹ്ലിയും ഗൗതം ഗംഭീറിനും മാച്ച് ഫീസിന്റെ 100% പിഴ അടക്കാൻ മാച്ച് റഫറി വിധിച്ചിരുന്നു. ആവേശം നിറഞ്ഞ മത്സരത്തിൽ ബാംഗ്ലൂർ 18 റൺസിന് ലക്നൗവിനെ പരാജയപ്പെടുത്തിയിരുന്നു. താരതമ്യേന കുറഞ്ഞ റൺസ് മാത്രം സ്കോർ ചെയ്ത മത്സരമാണ് കടന്നുപോയത്.

ബാംഗ്ലൂർ ഉയർത്തിയ 127 റൺസിന്റെ വിജയലക്ഷ്യം പിന്തുടർന്ന ലക്നൗ 108 റൺസിന് ഓൾഔട്ട് ആയിരുന്നു. ബാംഗ്ലൂരിനായി ഫാഫ് ഡുപ്ലസി നേടിയ 44 റൺസും വിരാട് കോഹ്ലി നേടിയ 31 റൺസും മത്സര ഗതിയിൽ ഏറെ നിർണായകമായി. ബാംഗ്ലൂർ ബാറ്റിംഗിന് ഇറങ്ങിയ ആദ്യ ഓവറുകളിൽ തന്നെ ക്യാപ്റ്റൻ രാഹുൽ പരിക്കേറ്റു പുറത്തു പോയിരുന്നു. രാഹുലിന് ഏറ്റ പരിക്ക് ഗുരുതരമാണ് എങ്കിൽ വേൾഡ് ടെസ്റ്റ് ചാമ്പ്യൻഷിപ്പിന് ഇന്ത്യയ്ക്ക് തിരിച്ചടിയാകും.

മത്സരശേഷം താരങ്ങൾ തമ്മിൽ വാഗ്വാദങ്ങളിൽ ഏർപ്പെട്ടത് ഇപ്പോൾ സോഷ്യൽ മീഡിയയിൽ കനത്ത ചർച്ച ആവുകയാണ്. നവീൻ ഉൾ ഹക്കും വിരാട് കോഹ്ലിയും മത്സരശേഷം കനത്ത വാക്ക് പോരിൽ ഏർപ്പെട്ടു. ഇതിനിടയിൽ ഇപ്പോൾ പുറത്തുവരുന്ന മറ്റൊരു വീഡിയോ ദൃശ്യം കൈൽ മയെര്സും വിരാട് കോലിയും വാക്ക് തർക്കത്തിൽ ഏർപ്പെട്ടതാണ്. ഇതിനിടയിൽ ഗൗതം ഗംഭീർ വന്ന് മേയെസിനെ പിടിച്ചുമാറ്റുന്നതും മിണ്ടാതിരിക്കാൻ പറയുന്നതും ദൃശ്യത്തിൽ നിന്ന് വ്യക്തമാണ്. ഈ വീഡിയോ ദൃശ്യം കാണാം.

pic.twitter.com/Pz4sBCccTQ

— Cric Videos (@PubgtrollsM) May 1, 2023

കഴിഞ്ഞദിവസം നടന്ന ബാംഗ്ലൂർ റോയൽ ചലഞ്ചേഴ്സ് ലക്നൗ സൂപ്പർ ജയന്റസ് മത്സരം തീർന്നിട്ടും വിവാദങ്ങൾ അവസാനിക്കുന്നില്ല. വേറെ ആവേശം നിറഞ്ഞ മത്സരം തീർന്നപ്പോൾ വിജയ പാതയിൽ ആയിരുന്നു ബാംഗ്ലൂർ. താരതമ്യേന കുറവ് ഫ്രണ്ട് മാത്രം സ്കോർ ചെയ്യപ്പെട്ട മത്സരത്തിൽ ബാംഗ്ലൂർ വിജയിച്ചത് 18 റൺസിനാണ്.

മത്സരത്തിൽ ആദ്യം ബാറ്റ് ചെയ്ത ബാംഗ്ലൂർ ഉയർത്തിയത് 126 റൺസാണ്. ഫാഫ് ഡ്യൂപ്ലിസിസ് നേടിയ 44 റൺസ് മത്സര ഗതിയിൽ ഏറെ നിർണായകമായി. ഇദ്ദേഹം തന്നെയാണ് മത്സരത്തിലെ താരമായി തിരഞ്ഞെടുക്കപ്പെട്ടത്. മത്സരത്തിൽ വിരാട് കോഹ്ലി 31 റൺസ് നേടിയപ്പോൾ ദിനേശ് കാർത്തിക് 16 റൺസും സ്വന്തമാക്കി.

മറുപടി ബാറ്റിങ്ങിന് ഇറങ്ങിയ ലക്‌നൗ തകർന്നടിഞ്ഞു. മുൻനിര ബാറ്റ്സ്മാൻമാർ ഒക്കെ റൺ കണ്ടെത്തുവാൻ നന്നായി ബുദ്ധിമുട്ടി. കൃഷ്ണപ്പ ഗൗതം 23 റൺസ് നേടി ടോപ്സ്കോററായി എങ്കിലും വിജയിക്കാൻ കഴിഞ്ഞില്ല. ക്യാപ്റ്റൻ കെ എൽ രാഹുൽ പരിക്കേറ്റു പുറത്തു പോയിരുന്നു എങ്കിലും ഒടുവിൽ ബാറ്റ് ചെയ്യാൻ എത്തി. പക്ഷേ മൂന്നു പന്ത് നേരിട്ടുവെങ്കിലും റൺ കണ്ടെത്താൻ കഴിഞ്ഞില്ല.

മത്സരം വിവാദമായത് താരങ്ങൾ പരസ്പരം ഉണ്ടായ വാഗ്വാദങ്ങളാണ്. മത്സരശേഷം വിരാട് കോഹ്ലിയും ഗൗതം ഗംഭീറും ഏറ്റുമുട്ടി. ഇതിനുപുറമേ നവീൻ ഉൾ ഹക്ക് കോഹ്ലി പോരാട്ടവും നടന്നു. കോഹ്ലി നവീനിന്റെ അടുത്ത് പറഞ്ഞത് എന്റെ ഷൂവിലെ ചളിയുടെ വിലപോലും നിനക്കില്ല എന്നാണ്. ഇത് നവീനനെ ചൊടിപ്പിച്ചു. ഈ വീഡിയോ ദൃശ്യം കാണാം.

pic.twitter.com/EsZyJzIMY8

— Don't Buy Samsung (@cricket82182592) May 2, 2023

Did Virat Kohli and Naveen-ul-Haq cross the line last night?

📸: Jio Cinema pic.twitter.com/gPz1dr73gr

— CricTracker (@Cricketracker) May 2, 2023

Kohli did this to Naveen-ul-haq. Said by action that "u r not even equivalent to dirt of my shoes"

The reason why Naveen was so pissed off. pic.twitter.com/lmavQxGyuT

— David. (@CricketFreakD3) May 1, 2023

pic.twitter.com/IkwaJa1bj6

— Don't Buy Samsung (@cricket82182592) May 2, 2023

pic.twitter.com/6N5ABmKJ0P

— Don't Buy Samsung (@cricket82182592) May 2, 2023

pic.twitter.com/nvVUJ1CTRD

— Don't Buy Samsung (@cricket82182592) May 1, 2023

ഐപിഎൽ മത്സരങ്ങൾ ഓരോ ദിവസവും ആവേശകരമായ രീതിയിൽ പുരോഗമിച്ചു കൊണ്ടിരിക്കുകയാണ്. കഴിഞ്ഞദിവസം നടന്ന ബാംഗ്ലൂർ റോയൽ ചലഞ്ചേഴ്സ് ലക്നൗ സൂപ്പർ ജയന്റസ് മത്സരം വിവാദങ്ങൾക്ക് തിരികൊളുത്തി കൊണ്ടിരിക്കുകയാണ്. മത്സരത്തിൽ ആദ്യം ബാറ്റ് ചെയ്ത ബാംഗ്ലൂർ 9 വിക്കറ്റ് നഷ്ടത്തിൽ 126 റൺസാണ് നേടിയത്. മത്സരത്തിൽ അതിവേഗം റൺ കണ്ടെത്തുവാൻ ബാംഗ്ലൂർ ബാറ്റ്സ്മാൻമാർ നന്നായി വിയർത്തു.

ബാംഗ്ലൂരിനായി ഫാഫ് ഡുപ്ലസി 44 റൺസും വിരാട് കോഹ്ലി 31 റൺസും നേടി. താരതമ്യേന റൺ കണ്ടെത്തുവാൻ ദുഷ്കരമായ പിച്ചായിരുന്നു ലക്നൗവിൽ ഒരുക്കിയത്. ഇതിനെതിരെ വ്യാപക വിമർശനങ്ങളും സോഷ്യൽ മീഡിയയിൽ നിറഞ്ഞു കഴിഞ്ഞു. സ്പിൻ ബോളർമാരെ തുണക്കുന്ന പിച്ചായിരുന്നു ലക്നൗവിൽ ക്യൂറേറ്റർമാർ ഒരുക്കിയത്. ആദ്യ ബാറ്റ് കഴിഞ്ഞപ്പോൾ ബാംഗ്ലൂരിന് ജയിക്കാൻ വളരെ ബുദ്ധിമുട്ടാകും എന്ന് പലയാളുകളും പറഞ്ഞു എങ്കിലും ട്വിസ്റ്റ് നടന്നത് രണ്ടാം ഇന്നിംഗ്സിലാണ്. മറുപടി ബാറ്റിങ്ങിന് ഇറങ്ങിയ ലക്നൗ തകർന്നടിഞ്ഞു.

മറുപടി ബാറ്റിംഗിന് ഇറങ്ങിയ ലക്നൗ 108 റൺസ് നേടുമ്പോഴേക്കും ഓൾ ഔട്ടായി. മിക്ക ബാറ്റ്സ്മാൻമാറും റൺ കണ്ടെത്താൻ നന്നായി ബുദ്ധിമുട്ടി. മത്സരശേഷം ബാംഗ്ലൂർ നടത്തിയ വിജയാഘോഷവും ഇപ്പോൾ വാർത്തകളിലും സോഷ്യൽ മീഡിയയിലും നിറയുകയാണ്. കഴിഞ്ഞ മത്സരത്തിൽ ലക്നൗ ബാംഗ്ലൂരിനെതിരെ ആഘോഷിച്ച അതേ മാതൃകയിലാണ് ബാംഗ്ലൂർ ഇത്തവണ തിരിച്ചടിച്ചത്.

ആഘോഷത്തിനിടെ മിക്ക താരങ്ങളും പരസ്പരം തർക്കത്തിൽ ഏറ്റുമുട്ടി. വിരാട് കോഹ്ലിയും ഗൗതം ഗംഭീറും തമ്മിൽ ഉണ്ടാവുന്ന വാക്വാദങ്ങൾ പലപ്പോഴും വാർത്തകളിൽ ഇടം പിടിച്ച ഒന്നാണ്. ഇന്നലെ വീണ്ടും ഗംഭീറും കോഹ്ലിയും ഏറ്റുമുട്ടി. സോഷ്യൽ മീഡിയയിൽ എല്ലാരും ആഘോഷിക്കുന്ന മറ്റൊരു ഏറ്റുമുട്ടൽ അഫ്ഗാനി താരം നവീൻ ഉൾ ഹക്കും വിരാട് കോഹ്ലിയും ഏറ്റുമുട്ടിയതാണ്.

നവീൻ വിരാട് തർക്കത്തിനിടയിൽ സീനിയർ താരം അമിത് മിശ്ര ഇടപെട്ടു. പ്രശ്നം ഒത്തുതീർക്കുക എന്നതായിരുന്നു അമിത് മിശ്രയുടെ ശ്രമം. പക്ഷേ പിന്നീട് കണ്ടത് പ്രശ്നം ഒത്തുതീർപ്പാക്കാൻ വന്ന അമിത് മിശ്രയും വിരാട് കോഹ്ലിയും തമ്മിൽ ഏറ്റുമുട്ടുന്നതാണ്. നല്ല സുഹൃത്തുക്കളായ ഇരുവരും കളിക്കളത്തിൽ ഏറ്റുമുട്ടിയത് സോഷ്യൽ മീഡിയ ആഘോഷിക്കുകയാണ്. പ്രശ്നം ഒത്തുതീർപ്പാക്കാൻ വന്ന ആളും കോഹ്ലിയും തമ്മിൽ ഉണ്ടായ തർക്കത്തിന്റെ വീഡിയോ ദൃശ്യം കാണാം.

pic.twitter.com/6N5ABmKJ0P

— Don't Buy Samsung (@cricket82182592) May 2, 2023

pic.twitter.com/5RxouTsmj9

— Don't Buy Samsung (@cricket82182592) May 1, 2023

pic.twitter.com/nvVUJ1CTRD

— Don't Buy Samsung (@cricket82182592) May 1, 2023