Category: India

ഏഷ്യക്കപ്പിലെ ആവേശപോരാട്ടത്തിൽ പാകിസ്ഥാനെതിരെ 5 വിക്കറ്റിന്റെ തകർപ്പൻ വിജയവുമായി ഇന്ത്യ. അവസാന ഓവർ വരെ നീണ്ടു നിന്ന മത്സരം 2 പന്തുകൾ ബാക്കി നിൽക്കെ ഹർദിക് പാണ്ഡ്യ സിക്സ് പറത്തിയാണ് വിജയക്കൊടി പാറിപ്പിച്ചത്. 148 വിജയലക്ഷ്യവുമായി ചെയ്‌സിങിന് ഇറങ്ങിയ ഇന്ത്യയെ പാകിസ്ഥാൻ ബൗളർമാർ സമ്മർദ്ദത്തിലാക്കിയെങ്കിലും ജഡേജയുടെയും ഹർദിക്കിന്റെയും കൂട്ടുകെട്ട് മത്സരം ഇന്ത്യയുടെ വരുതിയിലാക്കുകയായിരുന്നു.

ഹർദിക് പാണ്ഡ്യ  17 പന്തിൽ 4 ഫോറും 1 സിക്‌സും ഉൾപ്പെടെ 33 റൺസ് നേടി പുറത്താകാതെ നിന്നു. ചെയ്‌സിങിൽ ഹർദികിനൊപ്പം അവസാന ഓവർ വരെ ഉണ്ടായിരുന്ന ജഡേജ 29 പന്തിൽ 35 റൺസ് നേടി. അവസാന ഓവറിൽ ആദ്യ പന്തിൽ ബൗൾഡ് ആവുകയായിരുന്നു.

അതേസമയം മത്സരത്തിനിടെ റൗഫും ജഡേജയും ഓടുന്നതിനിടെ കൂട്ടിമുട്ടിയിരുന്നു. 19ആം ഓവറിലെ രണ്ടാം പന്തിൽ സ്‌ട്രൈക്കിൽ ഉണ്ടായിരുന്ന ജഡേജ സിംഗിളിനായി ഓടുകയായിരുന്നു, എന്നാൽ ബോൾ നോക്കി കൊണ്ട് ഓടുകയായിരുന്ന ജഡേജ ഡെലിവറി കഴിഞ്ഞ് റൺ അപ്പിൽ ഉണ്ടായിരുന്ന റൗഫിന്റെ ദേഹത്ത് ഇടിച്ചു. ഉടനെ തന്നെ ക്ഷമ ചോദിച്ച് ജഡേജ എത്തുകയും റൗഫിനെ ചേർത്ത് പിടിക്കുകയും ചെയ്തു.

148 റൺസ് വിജയലക്ഷ്യവുമായി ഇറങ്ങിയ ഇന്ത്യയ്ക്ക് ആദ്യ ഓവറിൽ തന്നെ ഓപ്പണർ രാഹുലിനെ നഷ്ട്ടപെട്ടിരുന്നു. അരങ്ങേറ്റം കുറിച്ച നസീം ഷായാണ് രാഹുലിനെ ബൗൾഡാക്കി വിറപ്പിച്ചത്. തുടർന്ന് ക്യാപ്റ്റൻ രോഹിതും കോഹ്‌ലിയും ചേർന്നാണ് ഇന്ത്യൻ സ്‌കോർ പതുക്കെ ഉയർത്തിയത്. ഇന്ത്യൻ സ്‌കോർ 50ൽ എത്തിയപ്പോൾ രോഹിതിനെയും നഷ്ട്ടമായി. 18 പന്തിൽ 12 റൺസ് മാത്രമാണ് നേടാനായത്.

8ആം ഓവറിൽ നവാസിനെതിരെ രണ്ടാം സിക്സ് നേടാൻ ശ്രമിക്കുന്നതിനിടെ ക്യാച്ചിൽ അവസാനിക്കുകയായിരുന്നു.
പിന്നാലെ 10ആം ഓവറിലെ ആദ്യ പന്തിൽ കോഹ്ലിയും നവാസിന് തന്നെ വിക്കറ്റ് നൽകി മടങ്ങി. മധ്യനിരയിൽ 18 പന്തിൽ 18 റൺസ് നേടി സൂര്യകുമാർ യാദവ് നിരാശപ്പെടുത്തി.

നേരെത്തെ ടോസ് നഷ്ട്ടപ്പെട്ട് ബാറ്റിങ്ങിന് ഇറങ്ങിയ പാകിസ്ഥാൻ വേണ്ടി ഓപ്പണർ റിസ്‌വാനാണ് മികച്ച പ്രകടനം പുറത്തെടുത്തത്. റൺസ് കണ്ടെത്താൻ ബാറ്റർമാർ ബുദ്ധിമുട്ടിയ പിച്ചിൽ 42 പന്തിൽ 1 സിക്‌സും 4 ഫോറും ഉൾപ്പെടെ 43 റൺസ് നേടി. തുടക്കത്തിൽ തകർപ്പൻ ഷോട്ടുകളുമായി ബാബർ നിറഞ്ഞു നിന്നെങ്കിലും അധികം ആയുസ്സ് ഉണ്ടായിരുന്നില്ല, 10 റൺസ് നേടി ഭുവനേശ്വർ കുമാറിന്റെ പന്തിൽ പുറത്തായി.

ഇന്നിംഗ്സ് അവസാനത്തിൽ റൗഫിന്റെയും ദഹനിയുടെയും കൂട്ടുകെട്ടാണ് 147 എന്ന പൊറുതാവുന്ന സ്കോറിൽ എത്തിച്ചത്. പതിനൊന്നാമനായി എത്തിയ ദഹനി 2 സിക്സറുകൾ അടക്കം 6 പന്തിൽ 16 റൺസ് നേടി. റൗഫ് പുറത്താകാതെ 7 പന്തിൽ 13 റൺസ് നേടി. ഇന്ത്യയ്ക്ക് വേണ്ടി ഭുവനേശ്വർ കുമാർ 4 വിക്കറ്റും ഹർദിക് പാണ്ഡ്യ 3 വിക്കറ്റും വീഴ്ത്തി.

2021 ടി20 ലോകക്കപ്പിലെ പരാജയത്തിന് കണക്ക് വീട്ടി ഏഷ്യക്കപ്പിൽ പാകിസ്ഥാനെതിരെ 5 വിക്കറ്റിന്റെ തകർപ്പൻ ജയം. 148 വിജയലക്ഷ്യവുമായി ഇറങ്ങിയ അവസാന ഓവറിലാണ് ലക്ഷ്യം കണ്ടത്.  ജഡേജയുടെയും ഹർദിക് പാണ്ഡ്യയുടെയും അഞ്ചാം വിക്കറ്റിലെ 52 റൺസ് കൂട്ടുകെട്ടാണ് ഇന്ത്യയുടെ വിജയത്തിൽ നിർണായകമായത്. 29 പന്തിൽ ജഡേജ 35 റൺസ് നേടിയപ്പോൾ 17 പന്തിൽ 33 റൺസുമായി പുറത്താകാതെ നിന്ന് ഹാർദികും തകർപ്പൻ പ്രകടനം പുറത്തെടുത്തു.

12 പന്തിൽ 21 റൺസ് വേണമെന്ന ഘട്ടത്തിൽ 19ആം ഓവറിൽ റൗഫിനെതിരെ 14 റൺസും അവസാന ഓവറിൽ 7 റൺസ് എന്ന നിലയിൽ 2 പന്ത് ബാക്കി നിൽക്കേ സിക്സ് പറത്തി ജയിപ്പിക്കുകയായിരുന്നു.

148 റൺസ് വിജയലക്ഷ്യവുമായി ഇറങ്ങിയ ഇന്ത്യയ്ക്ക് ആദ്യ ഓവറിൽ തന്നെ ഓപ്പണർ രാഹുലിനെ നഷ്ട്ടപെട്ടിരുന്നു. അരങ്ങേറ്റം കുറിച്ച നസീം ഷായാണ് രാഹുലിനെ ബൗൾഡാക്കി വിറപ്പിച്ചത്. തുടർന്ന് ക്യാപ്റ്റൻ രോഹിതും കോഹ്‌ലിയും ചേർന്നാണ് ഇന്ത്യൻ സ്‌കോർ പതുക്കെ ഉയർത്തിയത്. ഇന്ത്യൻ സ്‌കോർ 50ൽ എത്തിയപ്പോൾ രോഹിതിനെയും നഷ്ട്ടമായി. 18 പന്തിൽ 12 റൺസ് മാത്രമാണ് നേടാനായത്.

8ആം ഓവറിൽ നവാസിനെതിരെ രണ്ടാം സിക്സ് നേടാൻ ശ്രമിക്കുന്നതിനിടെ ക്യാച്ചിൽ അവസാനിക്കുകയായിരുന്നു.
പിന്നാലെ 10ആം ഓവറിലെ ആദ്യ പന്തിൽ കോഹ്ലിയും നവാസിന് തന്നെ വിക്കറ്റ് നൽകി മടങ്ങി. മധ്യനിരയിൽ 18 പന്തിൽ 18 റൺസ് നേടി സൂര്യകുമാർ യാദവ് നിരാശപ്പെടുത്തി.

നേരെത്തെ ടോസ് നഷ്ട്ടപ്പെട്ട് ബാറ്റിങ്ങിന് ഇറങ്ങിയ പാകിസ്ഥാൻ വേണ്ടി ഓപ്പണർ റിസ്‌വാനാണ് മികച്ച പ്രകടനം പുറത്തെടുത്തത്. റൺസ് കണ്ടെത്താൻ ബാറ്റർമാർ ബുദ്ധിമുട്ടിയ പിച്ചിൽ 42 പന്തിൽ 1 സിക്‌സും 4 ഫോറും ഉൾപ്പെടെ 43 റൺസ് നേടി. തുടക്കത്തിൽ തകർപ്പൻ ഷോട്ടുകളുമായി ബാബർ നിറഞ്ഞു നിന്നെങ്കിലും അധികം ആയുസ്സ് ഉണ്ടായിരുന്നില്ല, 10 റൺസ് നേടി ഭുവനേശ്വർ കുമാറിന്റെ പന്തിൽ പുറത്തായി.

ഇന്നിംഗ്സ് അവസാനത്തിൽ റൗഫിന്റെയും ദഹനിയുടെയും കൂട്ടുകെട്ടാണ് 147 എന്ന പൊറുതാവുന്ന സ്കോറിൽ എത്തിച്ചത്. പതിനൊന്നാമനായി എത്തിയ ദഹനി 2 സിക്സറുകൾ അടക്കം 6 പന്തിൽ 16 റൺസ് നേടി. റൗഫ് പുറത്താകാതെ 7 പന്തിൽ 13 റൺസ് നേടി. ഇന്ത്യയ്ക്ക് വേണ്ടി ഭുവനേശ്വർ കുമാർ 4 വിക്കറ്റും ഹർദിക് പാണ്ഡ്യ 3 വിക്കറ്റും വീഴ്ത്തി.

ഞായറാഴ്ച ദുബായിൽ നടക്കുന്ന 2022 ഏഷ്യാ കപ്പിൽ ഇന്ത്യയുടെ ആദ്യ മത്സരത്തിൽ പാകിസ്ഥാനുമായി ഏറ്റുമുട്ടും. പാകിസ്ഥാനെതിരെ ഇന്ത്യ ഇറങ്ങുമ്പോൾ എല്ലാവരും ഉറ്റു നോക്കുന്ന താരങ്ങളിൽ ഒരാളായിരിക്കും വിരാട് കോഹ്‌ലി. മുൻ ഇന്ത്യൻ ക്യാപ്റ്റൻ ഒരു മാസത്തെ ഇടവേളയ്ക്ക് ശേഷം കളത്തിലിറങ്ങുകയാണ്. മോശം ഫോമിനെ തുടർന്ന് ഇംഗ്ലണ്ട് പര്യടനത്തിന് പിന്നാലെ കോഹ്ലി വിശ്രമം ആവശ്യപ്പെടുകയായിരുന്നു.

അതേസമയം പാകിസ്ഥാനെതിരായ മത്സരത്തിന് മുന്നോടിയായുള്ള
കോഹ്ലിയുടെ പരിശീലന വീഡിയോകൾ സോഷ്യൽ മീഡിയയിൽ ഇതിനോടകം തന്നെ വൈറലായി കഴിഞ്ഞിരുന്നു. ഈ ലിസ്റ്റിൽ ഏറ്റവും ഒടുവിൽ എത്തിയിരിക്കുന്നത് പരിശീലനത്തിനിടെ കോഹ്ലി റിവേഴ്സ് സ്വീപിന് ശ്രമിക്കുന്ന വീഡിയോയാണ്. ക്രിക്കറ്റ് ലോകം കണ്ട ഏറ്റവും മികച്ച ബാറ്റർമാരിൽ ഒരാളായ കോഹ്ലി ഇത്തരം ഷോട്ടുകൾ കളിക്കുന്നത് വിരളമായിട്ടാണ് കണ്ടിട്ടുള്ളത്. 

പരിശീലനത്തിനിടെ ചാഹലിന്റെ ഡെലിവറിയിലാണ് കോഹ്ലി റിവേഴ്സ് സ്വീപിന് ശ്രമിച്ചത്. കോഹ്ലിയുടെ ഷോട്ട് കണ്ട് നെറ്റ്സിൽ ഉണ്ടായിരുന്ന ജഡേജ ഉൾപ്പെടെയുള്ള മറ്റ് താരങ്ങൾ ചിരിക്കുന്നതും വീഡിയോയിൽ കാണാം. പിന്നാലെ പന്തെറിഞ്ഞ ചാഹലിന് ഫിസ്റ്റ് ബംബ് നൽകുന്നുമുണ്ട്. കോഹ്ലി 2.0 യ്ക്കുള്ള തയ്യാറെടുപ്പിലാണോയെന്നാണ് ആരാധകരുടെ ചോദ്യം.

അതേസമയം 2021 ടി20 ലോകക്കപ്പിന് ശേഷം ആദ്യമായാണ് ഇന്ത്യയും പാകിസ്ഥാനും ഏറ്റുമുട്ടുന്നത്. ദയനീയ തോൽവിയായിരുന്നു ഇന്ത്യ ഏറ്റുവാങ്ങിയത്. കോഹ്ലി അന്ന് അർധ സെഞ്ചുറി നേടിയിരുന്നുവെങ്കിലും ടീമിന് ഡിഫെൻഡ് ചെയ്യാവുന്ന സ്‌കോർ കെട്ടിപാടുക്കാൻ ആയിരുന്നില്ല. അന്ന് ഇന്ത്യൻ ബാറ്റിങ്ങിൽ നാശം വിതച്ച പാക് പേസർ ഷഹീൻ അഫ്രീദി ഇത്തവണ കളത്തിൽ ഇറങ്ങില്ല. കാലിനേറ്റ പരിക്ക് കാരണം ടീമിൽ നിന്ന് പുറത്താണ്.

നിലവിലെ ഏഷ്യ കപ്പ്‌ ജേതാക്കളാണ് ഇന്ത്യ, ഏറ്റവും കൂടുതൽ തവണ(7) കപ്പ്‌ നേടിയതും ഇന്ത്യ തന്നെയാണ്, ശ്രീലങ്ക 5 തവണ ജേതാക്കൾ ആയപ്പോൾ, 2 തവണ പാക്കിസ്ഥാൻ കപ്പുയർത്തി, 3 തവണ ഫൈനലിലെത്താൻ സാധിച്ചെങ്കിലും ഇത് വരെ ബംഗ്ലാദേശിന് ഏഷ്യ കപ്പിൽ മുത്തമിടാൻ സാധിച്ചിട്ടില്ല.

ഇന്ത്യ – സിംബാബ്‌വെ തമ്മിലുള്ള രണ്ടാം മത്സരത്തിനിടെ ഇഷാൻ കിഷനും അക്‌സർ പട്ടേലും തമ്മിൽ രസകരമായ പോര് അരങ്ങേറിയിരുന്നു. സിംബാബ്‌വെ ഇന്നിംഗ്‌സിനിടെ ഹൂഡ എറിഞ്ഞ 28ആം ഓവറിൽ ബൗണ്ടറി ലൈനിൽ നിന്ന് വിക്കറ്റ് കീപ്പർക്കായി ഇഷാൻ കിഷൻ എറിഞ്ഞ പന്ത് ഇടയിൽ നിൽക്കുകയായിരുന്ന അക്‌സർ പട്ടേലിന്റെ ദേഹത്ത് കൊണ്ടതാണ് സംഭവം. ദേഹത്ത് പന്ത് കൊണ്ട അക്‌സർ പട്ടേലിന് ഇത് രസിച്ചില്ല.

ഉടനെ പ്രകോപിതനായി ഇഷാൻ കിഷൻ നേരെ നോക്കുകയും ദേഷ്യപ്പെടുകയും ചെയ്തു. തന്റെ തെറ്റ് മനസ്സിലാക്കിയ യുവതാരം കിഷൻ ഉടനെ കൈ ഉയർത്തി മാപ്പ് പറഞ്ഞ് രംഗത്തെത്തി. ഏതായാലും സോഷ്യൽ മീഡിയയിൽ ആരാധകർക്കിടയിൽ ഇതിന്റെ വീഡിയോ തരംഗമായിരിക്കുകയാണ്.

അതേസമയം 162 വിജയലക്ഷ്യവുമായി ബാറ്റിങ്ങിന് ഇറങ്ങിയ ഇന്ത്യ ഒടുവിൽ റിപ്പോർട്ട് ലഭിക്കുമ്പോൾ 18 ഓവറിൽ 4 വിക്കറ്റ് നഷ്ട്ടത്തിൽ 116 റൺസ് നേടിയിട്ടുണ്ട്. 15 പന്തിൽ 9 റൺസുമായി സഞ്ജു സംസനും 21 പന്തിൽ 17 റൺസുമായി ഹൂഡയുമാണ് ക്രീസിൽ. രാഹുൽ (1), ധവാൻ(33), ഗിൽ (33), കിഷൻ (6) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ട്ടമായത്.

നേരെത്തെ ആദ്യം ബാറ്റിങ്ങിന് ഇറങ്ങിയ സിംബാബ്‌വെയെ ഇന്ത്യൻ ബൗളർമാർ 161 റൺസിൽ എറിഞ്ഞൊതുക്കുകയായിരുന്നു. 42 പന്തിൽ 42 റൺസെടുത്ത മധ്യനിര താരം സീൻ വില്യംസാണു സിംബാബ്‍വെയുടെ ടോപ് സ്കോറർ. റിയാൻ ബുള്‍ 47 പന്തിൽ 39 റൺസെടുത്തു പുറത്താകാതെ നിന്നു.ഇന്ത്യയ്ക്ക് വേണ്ടി താക്കൂർ 3 വിക്കറ്റ് വീഴ്ത്തി. മുഹമ്മദ് സിറാജ്, പ്രസിദ് കൃഷ്ണ, അക്സർ പട്ടേൽ‌, കുൽദീപ് യാദവ്, ദീപക് ഹൂഡ എന്നിവർ ഓരോ വിക്കറ്റ് വീതവും സ്വന്തമാക്കി.

ആദ്യ മത്സരത്തില്‍ സിംബാബ്‌വെ ഉയർത്തിയ 190 വിജയലക്ഷ്യം ഓപ്പണിങ് കൂട്ടുകെട്ട് തകരാതെ ഇന്ത്യ ചെയ്‌സ് ചെയ്തിരുന്നു. 10 വിക്കറ്റിന് ജയിച്ചപ്പോള്‍ ഓപ്പണര്‍മാരായ ശിഖര്‍ ധവാന്‍ (81), ശുഭ്മാന്‍ ഗില്‍ (82) എന്നിവര്‍ക്ക് മാത്രമാണ് ബാറ്റ് ചെയ്യാന്‍ അവസരം ലഭിച്ചത്. പരമ്പരയിൽ ശേഷിക്കുന്ന അവസാന മത്സരം 22നാണ്.

രണ്ടാം ഏകദിന മത്സരത്തിൽ 161 റൺസ് വിജയലക്ഷ്യവുമായി ഇറങ്ങിയ ഇന്ത്യയ്ക്ക് വേണ്ടി കഴിഞ്ഞ കളിക്ക് വിപരീതമായി ഓപ്പണിങ്ങിൽ ധവാൻ ഒപ്പം ക്യാപ്റ്റൻ കെഎൽ രാഹുലായിരുന്നു എത്തിയത്. കഴിഞ്ഞ മത്സരത്തിൽ ഓപ്പണിങ് കൂട്ടുകെട്ട് തകരാതെയാണ് ഗിലും ധവാനും ചേർന്ന് 190 റൺസ് ചെയ്‌സ് ചെയ്തത്. എന്നാൽ ഇത്തവണ ഓപ്പണിങ്ങിൽ എത്തിയ രാഹുലിന് 1 റൺസ് മാത്രം നേടി മടങ്ങേണ്ടി വന്നു.

രണ്ടാം ഓവറിലെ നാലാം പന്തിൽ ന്യാചിയുടെ ഡെലിവറി ഫ്ലിക് ഷോട്ടിന് ശ്രമിച്ച രാഹുലിന് പിഴക്കുകയായിരുന്നു, പാഡിൽ തട്ടിയ പന്തിൽ സിംബാബ്‌വെ അപ്പീൽ ചെയ്തു അമ്പയർ ശരിവെക്കുകയും ചെയ്തു. ഓണ്ഫീൽഡ് അമ്പയറിന്റെ വിധി ചലഞ്ച് ചെയ്ത് രാഹുൽ തേർഡ് അമ്പയറെ സമീപിച്ചുവെങ്കിലും വിധി അനുകൂലമായിരുന്നില്ല. ഇതോടെ കടുത്ത നിരാശയോടെ പവലിയനിലേക്ക് മടങ്ങേണ്ടി വന്നു. 

നേരെത്തെ ആദ്യം ബാറ്റിങ്ങിന് ഇറങ്ങിയ സിംബാബ്‌വെയെ ഇന്ത്യൻ ബൗളർമാർ 161 റൺസിൽ എറിഞ്ഞൊതുക്കുകയായിരുന്നു. 42 പന്തിൽ 42 റൺസെടുത്ത മധ്യനിര താരം സീൻ വില്യംസാണു സിംബാബ്‍വെയുടെ ടോപ് സ്കോറർ. റിയാൻ ബുള്‍ 47 പന്തിൽ 39 റൺസെടുത്തു പുറത്താകാതെ നിന്നു.ഇന്ത്യയ്ക്ക് വേണ്ടി താക്കൂർ 3 വിക്കറ്റ് വീഴ്ത്തി. മുഹമ്മദ് സിറാജ്, പ്രസിദ് കൃഷ്ണ, അക്സർ പട്ടേൽ‌, കുൽദീപ് യാദവ്, ദീപക് ഹൂഡ എന്നിവർ ഓരോ വിക്കറ്റ് വീതവും സ്വന്തമാക്കി.

ആദ്യ മത്സരത്തില്‍ സിംബാബ്‌വെ ഉയർത്തിയ 190 വിജയലക്ഷ്യം ഓപ്പണിങ് കൂട്ടുകെട്ട് തകരാതെ ഇന്ത്യ ചെയ്‌സ് ചെയ്തിരുന്നു. 10 വിക്കറ്റിന് ജയിച്ചപ്പോള്‍ ഓപ്പണര്‍മാരായ ശിഖര്‍ ധവാന്‍ (81), ശുഭ്മാന്‍ ഗില്‍ (82) എന്നിവര്‍ക്ക് മാത്രമാണ് ബാറ്റ് ചെയ്യാന്‍ അവസരം ലഭിച്ചത്. പരമ്പരയിൽ ശേഷിക്കുന്ന അവസാന മത്സരം 22നാണ്.

2022ലെ റോയൽ ലണ്ടൻ ഏകദിന കപ്പിൽ അറ്റാക്കിങ് ബാറ്റിങ്ങിലൂടെ ആരാധകരെ അമ്പരപ്പിച്ച് ഇന്ത്യൻ മുതിർന്ന താരം ചേതേശ്വർ പൂജാര.
സ്ലോ ബാറ്റിങ്ങിനും കുറഞ്ഞ സ്‌ട്രൈക്ക് റേറ്റിനും പേരുകേട്ട ഇന്ത്യയുടെ ടെസ്റ്റ് സ്‌പെഷ്യലിസ്റ്റ് ചേതേശ്വര് പൂജാരയാണ് ചെയ്‌സിങ്ങിൽ ഒരോവറിൽ 22 റൺസ് അടിച്ചു കൂട്ടിയത്. ഒപ്പം 73 പന്തിൽ സെഞ്ചുറിയും പൂർത്തിയാക്കിയിട്ടുണ്ട്.

വാർവിക്ഷയറിനെതിരെ 311 റൺസ് പിന്തുടർന്ന് ഇറങ്ങിയ സസ്സെക്സിന് വേണ്ടിയാണ് പൂജാര തന്റെ പതിവ് ശൈലി മാറ്റിവെച്ച് അറ്റാക്കിങ് ശൈലി പുറത്തെടുത്തത്. പൂജാര 79 പന്തിൽ 7 ഫോറും 2 സിക്സും ഉൾപ്പെടെ 107 റൺസ് നേടി. 45ആം ഓവറിലാണ് പൂജാര 22 റൺസ് അടിച്ചു കൂട്ടിയത്. 4, 2, 4, 2, 6, 4 എന്നിങ്ങനെയാണ് ആ ഓവറിൽ പൂജാര സ്‌കോർ ചെയ്തത്.

അതേസമയം പൂജാരയുടെ തകർപ്പൻ ഇന്നിംഗ്സ് സസ്സക്സിന് ജയം നേടി കൊടുക്കാനായില്ല. 4 റൺസിന് പരാജയപ്പെടുകയായിരുന്നു. 22ആം ഓവറിൽ നാലാമനായി ക്രീസിൽ എത്തിയ പൂജാര 49ആം ഓവറിലാണ്  പുറത്തായത്. പൂജാരയെ കൂടാതെ അലി ഒറും സസ്സക്സിന് വേണ്ടി മികച്ച ബാറ്റിങ് പ്രകടനം നടത്തിയിട്ടുണ്ട്.

അവസാന രണ്ടോവറില്‍ 20 റണ്‍സായിരുന്നു ജയിക്കാന്‍ വേണ്ടിയിരുന്നത്. പൂജാര പുറത്തായതോടെ വിജയത്തിനരികെ സസ്സക്സ് വീണു. അവസാന ആറോവറില്‍ സസ്സക്സിന് 67 റണ്‍സായിരുന്നു ജയിക്കാന്‍ വേണ്ടിയിരുന്നത്. 102 പന്തിൽ 3 സിക്‌സും 6 ഫോറും ഉൾപ്പെടെ 82 റൺസ് നേടി. ആദ്യം ബാറ്റ് ചെയ്‌ത വാർവിക്ഷയറിന് വേണ്ടി റോബ് യട്സ് (111 പന്തിൽ 114), വിൽ റോഡ്‌സ് (70 പന്തിൽ 76) എന്നിവർ തിളങ്ങി.