അന്താരാഷ്ട്ര ഏകദിന ക്രിക്കറ്റ്‌ ലോകക്കപ്പിൽ തുടർച്ചയായ നാലാം വിജയം ലക്ഷ്യവെച്ച് ഇന്ത്യ ബംഗ്ലാദേശിനെ നേരിടുകയാണ്.ഷാക്കിബ് അൽ ഹസൻ ഇല്ലാതെയാണ് ബംഗ്ലാദേശ് ഇറങ്ങിയത്.ഷാകിബിന് പകരം ശാന്റോയാണ് ബംഗ്ലാദേശിനെ നയിക്കുന്നത്
.ടോസ് നേടിയ ബംഗ്ലാദേശ് നായകൻ ശാന്റോ ബാറ്റിംഗ് തിരഞ്ഞെടുത്തു. താൻസിദും ലിട്ടണും മികച്ച രീതിയിൽ തുടങ്ങി. കൃത്യമായ ഇടവേളകളിൽ ബൗണ്ടറി കണ്ടെത്തി അവർ ഇന്ത്യയെ സമ്മർദ്ദത്തിലാക്കി.ക്യാപ്റ്റൻ രോഹിത് ഹാർദിക്കിനെ ബൗൾ ചെയ്യാൻ വിളിച്ചു.
തന്റെ ഓവറിലെ മൂന്നാമത്തെ പന്തിൽ ഹാർദിക്കിനെ നിർഭാഗ്യകരമായ രീതിയിൽ പരിക്ക് ഏൽക്കുന്നു. ഹാർദിക് ഗ്രൗണ്ട് വിടുന്നു. അടുത്ത മൂന്നു പന്ത് എറിയാൻ രോഹിത് കോഹ്ലിയേ വിളിക്കുന്നു. ആറ് വർഷത്തിന് ശേഷം ഏകദിന ക്രിക്കറ്റിൽ പന്ത് എറിഞ്ഞ കോഹ്ലി 3 പന്തിൽ രണ്ട് റൺസ് മാത്രം വിട്ടു കൊടുക്കുന്നു.
