Author: mathewsrenny

ഇന്ത്യ വെസ്റ്റ് ഇൻഡീസ് ട്വന്റി ട്വന്റി പരമ്പരയിലെ ആദ്യത്തെ മത്സരം ഇന്നലെ സമാപിച്ചിരുന്നു. മത്സരത്തിൽ വെസ്റ്റ് ഇൻഡീസ് ഇന്ത്യയെ നാല് റൺസിന് തോൽപിച്ചു. വെസ്റ്റ് ഇൻഡീസ് ഉയർത്തിയ 150 റൺസ് പിന്തുടർന്ന് ഇന്ത്യൻ ഇന്നിങ്സ് 20 ഓവറിൽ ഒൻപത് വിക്കറ്റ് നഷ്ടത്തിൽ 145 റൺസിന് അവസാനിച്ചു.എന്നാൽ ഈ തോൽവിയിലും ഇന്ത്യക്ക് പ്രതീക്ഷ വഹമായ ഒരു കാര്യം കൂടി സംഭവിച്ചിരുന്നു.

യുവ താരം തിലക് വർമയുടെ അരങ്ങേറ്റ മത്സരത്തിലെ വെടികെട്ട് ഇന്നിങ്സിനെ പറ്റിയാണ് പറഞ്ഞു വരുന്നത്.22 പന്തിൽ 39 റൺസാണ് അദ്ദേഹം സ്വന്തമാക്കിയത്.ഇതിൽ രണ്ട് ഫോറും മൂന്നു സിക്സും സ്വന്തമാക്കി.

ഇതിൽ അന്താരാഷ്ട്ര ക്രിക്കറ്റിൽ താൻ നേരിട്ട ആദ്യത്തെ മൂന്നു പന്തുകളിൽ രണ്ട് സിക്സാണ് അദ്ദേഹം സ്വന്തമാക്കിയത്.അതും വെസ്റ്റ് ഇൻഡീസിന്റെ ഏറ്റവും മികച്ച പേസ് ബൗളേറായ അലിസരി ജോസഫിനെതിരെ. മാത്രമല്ല ഒരു ട്വന്റി ട്വന്റി മത്സരത്തിൽ മൂന്നു സിക്സ് നേടുന്ന ഏറ്റവും പ്രായം കുറഞ്ഞ ഇന്ത്യൻ താരാമെന്ന റെക്കോർഡും തിലക് ഈ മത്സരത്തിൽ സ്വന്തമാക്കി.

Takes a blinder.
Hits back to back sixes to kick off his innings.
A dashing debut for Tilak Varma 😎#INDvWIAdFreeonFanCode #WIvIND pic.twitter.com/VpcKOyfMSR

— FanCode (@FanCode) August 3, 2023

ഇപ്പോൾ നടന്ന് കൊണ്ടിരിക്കുന്ന വെസ്റ്റ് ഇൻഡീസ് ഇന്ത്യ ഏകദിന പരമ്പര സഞ്ജു സാംസൺ വളരെ നിർണായകമാണ്. ലോകകപ്പ്‌ ടീമിലേക്കുള്ള അദ്ദേഹത്തിന്റെ പ്രവേശനം ഈ പരമ്പര അനുസരിചായിരിക്കും. മൂന്നു മത്സരങ്ങൾ അടങ്ങിയ ഏകദിന പരമ്പരയിലെ ആദ്യത്തെ മത്സരത്തിൽ സഞ്ജുവിന് ഇടം ലഭിച്ചില്ല.

എന്നാൽ രണ്ടാം ഏകദിനത്തിൽ ഇടം ലഭിച്ചുവെങ്കിലും സഞ്ജുവിന് തന്റെ മികവിലേക്ക് ഉയരാൻ കഴിഞ്ഞില്ല. പക്ഷെ മൂന്നാമത്തെ ഏകദിനത്തിൽ തന്റെ സ്വതസിദ്ധമായ ശൈലിയിൽ ബാറ്റ് ചെയ്യുകയാണ്.റുതുരാജ് ഗെയ്ക്വാദ് പുറത്തായപോളാണ് സഞ്ജു ക്രീസിലേക്ക് എത്തിയത്.

23 മത്തെ ഓവറിലെ രണ്ടാമത്തെ പന്തിലാണ് സഞ്ജു ആദ്യത്തെ പന്ത് നേരിടുന്നത്.നേരിട്ട ആദ്യത്തെ പന്തിൽ അദ്ദേഹം ഡബിൾ സ്വന്തമാക്കി.തൊട്ട് അടുത്ത പന്തിൽ തന്റെ ഇന്നിങ്സിന്റെ രണ്ടാമത്തെ പന്തിൽ കാറിയയുടെ ലെഗ് സ്പിൻ ലോങ്ങ്‌ ഓണിന് മുകളിലൂടെ നിലം തൊടാതെ ഗാലറിയിലേക്ക്.തന്റെ 12 മത്തെ ഏകദിനത്തിൽ മൂന്നാമത്തെ ഫിഫ്റ്റി + സ്കോറാണ് സഞ്ജു ഈ ഇന്നിങ്സിന് ഇടയിൽ സ്വന്തമാക്കിയത്.41 പന്തിൽ 51 റൺസ്സുമായി സഞ്ജു മടങ്ങി.

pic.twitter.com/V6zuP15EDn

— Xtremedesportes (@xtremedesporte) August 1, 2023

ഇന്ത്യ കണ്ട എക്കാലത്തെയും മികച്ച മലയാളി താരമാണ് ശ്രീശാന്ത്. കേരളത്തിന് വേണ്ടി രഞ്ജിയിൽ ആദ്യമായി ഹാട്ട്രിക്ക് നേടിയ താരം 2007 ട്വന്റി ട്വന്റി ലോകക്കപ്പും 2011 ഏകദിന ലോകകപ്പും നേടിയ ഇന്ത്യൻ ടീമിലെ അംഗവുമായിരുന്നു. ഇതിൽ 2007 ട്വന്റി ട്വന്റി ലോകകപ്പ് സെമി ഫൈനലിൽ ഓസ്ട്രേലിയക്കെതിരെ എറിഞ്ഞ സ്പെൽ തന്റെ കരിയറിലെ ഏറ്റവും മികച്ച സ്പെല്ലുകളിൽ ഒന്നായിരുന്നു.ഇപ്പോഴും ഒരു ട്വന്റി ട്വന്റി ലോകക്കപ്പിന്റെ സെമിയിലും ഫൈനലിലും മൈഡൻ എറിഞ്ഞ ഒരേ ഒരു ബൗളേർ ശ്രീശാന്ത് തന്നെയാണ്. കുട്ടി ക്രിക്കറ്റിലെ തന്റെ അക്രമൽസ്വകാത്ത ഒട്ടും തന്നെ വിട്ട് കൊടുക്കാൻ ശ്രീ ഇപ്പോഴും ഒരുക്കമല്ല.

തന്റെ ബൗളിംഗ് മികവിൽ അഫ്രോ ഏഷ്യൻ t10 ടൂർണമെന്റിലും അദ്ദേഹം പുറത്തേടത്തിരിക്കുകയാണ്.ഹരാരെ ഹരിക്കൻസും കേപ്പ് ടൌൺ സാമ്പ് ആർമിസും തമ്മിലായിരുന്നു മത്സരം.10 ഓവറിൽ 116 റൺസ് പിന്തുടരാൻ ഇറങ്ങിയ കേപ്പ് ടൌൺ അവസാന ഓവറിൽ ജയിക്കാൻ വേണ്ടത് 8 റൺസ്. ഹരിക്കൻസിന് വേണ്ടി പന്ത് എറിയാൻ ശ്രീശാന്ത് എത്തി.

ആദ്യ പന്തിൽ കരിം ജനറ്റ് ബൗളേഡ്.രണ്ടാം പന്തിൽ വില്യംസ് സിംഗിൾ നേടുന്നു. മൂന്നാമത്തെ പന്തിൽ ബ്രീറ്റ്സ്കെ ബൗണ്ടറി സ്വന്തമാക്കി. ഇനി 3 പന്തിൽ ജയിക്കാൻ വേണ്ടത് 3 റൺസ്.അടുത്ത ബോൾ ലെഗ് ബൈ,1 റൺസ്. തൊട്ട് അടുത്ത പന്തിൽ വില്യംസ് റൺ ഔട്ട്‌. അവസാന പന്ത് വീണ്ടും ലെഗ് ബൈ. മത്സരം സൂപ്പർ ഓവറിലേക്ക്.സൂപ്പർ ഓവറിൽ ഹരിക്കൻസിന് വിജയം.

pic.twitter.com/mEblqpjgU7

— parag_deibam (@Panparagdeibam) July 26, 2023

ഇന്ത്യ വെസ്റ്റ് ഇൻഡീസ് ടെസ്റ്റ്‌ പരമ്പര ഇന്നലെ അവസാനിച്ചിരുന്നു. ഇരു മത്സരങ്ങൾ അടങ്ങിയ പരമ്പര 1-0 ത്തിന് ഇന്ത്യ സ്വന്തമാക്കി. ആദ്യത്തെ ടെസ്റ്റ്‌ മത്സരത്തിൽ ഇന്ത്യ ഇന്നിങ്സിനും 141 റൺസിനും വിജയിച്ചു. ഇരു ഇന്നിങ്സുകളിൽ വിൻഡിസിനെ തകർത്ത അശ്വിനായിരുന്നു കളിയിലെ താരം.

രണ്ടാം ടെസ്റ്റ്‌ ഇന്നലെയാണ് അവസാനിച്ചത്.ടോസ് നേടി ആദ്യം ബാറ്റിംഗ് ആരംഭിച്ച ഇന്ത്യ വിരാട് കോഹ്ലിയുടെ സെഞ്ച്വറി മികവിൽ 438 റൺസിലെത്തി. ജെയ്സ്വാലും രോഹിത്തും ജഡേജയും ഫിഫ്റ്റി നേടി.മറുപടി ഇന്നിങ്സിൽ സിറാജിന്റെ അഞ്ചു വിക്കറ്റ് മികവിൽ വെസ്റ്റ് ഇൻഡീസിനെ 255 റൺസിന് പുറത്താക്കി.തുടർന്ന് നായകൻ രോഹിത്തിന്റെയും കിഷന്റെയും അതിവേഗ ഫിഫ്റ്റിയുടെ മികവിൽ വെസ്റ്റ് ഇൻഡീസിന് മുന്നിലേക്ക് 365 റൺസ് എന്നാ വിജയലക്ഷ്യം മുന്നോട്ടു വെച്ചു.

വെസ്റ്റ് ഇൻഡീസ് 2 വിക്കറ്റ് നഷ്ടത്തിൽ 76 റൺസ് എന്നാ നിലയിൽ നിലക്കെ മഴ തടസമായി വന്നതോടെ വെസ്റ്റ് ഇൻഡീസ് സമനില സ്വന്തമാക്കി.സിറാജാണ് കളിയിലെ താരം. എന്നാൽ ഇപ്പോൾ മത്സരത്തിന് ഇടയിൽ നായകൻ രോഹിത് ശർമ മഴ മാറിയോ എന്ന് പുറത്തേക്ക് നോക്കുന്നോ ഒരു ചിത്രം വളരെ രസകരമായ രീതിയിൽ സമൂഹമാധ്യമങ്ങളിൽ തരംഗമാണ്. വീഡിയോ ഇതാ.

Rohit Sharma – the accidental Captain of Team INDIA#RohitSharma𓃵 pic.twitter.com/EUOaw97y1L

— Ajinkya 🇮🇳 (@vajinkya16) July 24, 2023

ഇന്ത്യൻ വനിതാ ക്രിക്കറ്റ്‌ ടീം ക്യാപ്റ്റൻ ഹർമൻപ്രീത് കൗർ കഴിഞ്ഞ രണ്ട് ദിവസങ്ങളായി വിവാദത്തിലാണ്. ഇന്ത്യ വനിതാ ബംഗ്ലാദേശ് വനിതാ ഏകദിന പരമ്പരക്ക് ശേഷമാണ് കൗർ വിവാദത്തിലായത്. കൗറിന്റെ അതിര് വിട്ട പെരുമാറ്റമാണ് താരത്തിനെ വിവാദങ്ങളിലേക്ക് കൊണ്ടെത്തിച്ചിരിക്കുന്നത്. എന്താണ് സംഭവം എന്ന് നമുക്ക് പരിശോധിക്കാം.

മൂന്നാമത്തെ ഏകദിനത്തിന്റെ 34 മത്തെ ഓവറിലാണ് വിവാദങ്ങളുടെ തുടക്കം.കൗറിനെ അമ്പയർ ഔട്ട്‌ വിളിച്ചതിനെ തുടർന്ന് താരം സ്റ്റമ്പ് തല്ലി തെറിപ്പിക്കുകയും അമ്പയർ ആയിട്ട് ചൂടൻ വാഗ്വാദത്തിൽ ഏർപെടുകയും ചെയ്തു.മത്സരം ശേഷം ഇതേ അമ്പയർമാരെ രൂക്ഷമായി താരം വിമർശിക്കുകയും ചെയ്തു.എന്നാൽ ഏറ്റവും ചൂടൻ രംഗം നടന്നത് പോസ്റ്റ്‌ മാച്ച് പ്രസന്റേഷനിൽ ട്രോഫി കൊടുക്കുമ്പോളായിരുന്നു.

അവസാന ഏകദിനം ടൈയായതോടെ ഇരു ടീമുകളും ട്രോഫി പങ്കിടുകയായിരുന്നു.കിരീടം നൽകുന്ന സമയത്ത് ബംഗ്ലാദേശ് നായകയുടെ അടുത്ത് നിങ്ങളുടെ ടീം മേറ്റ് അമ്പയർ എവിടെ എന്ന് ചോദിക്കുന്ന കൗറും തുടർന്ന് തന്റെ ടീമിനെ ഫോട്ടോക്ക് നില്കാതെ ഡ്രസ്സിങ് റൂമിലേക്കെ തിരകെ വിളിച്ച ബംഗ്ലാദേശ് നായിക നിഗർ സുൽത്താനയുമാണ് ഇപ്പോൾ ക്രിക്കറ്റ്‌ ആരാധകരുടെ ഇടയിലെ പ്രധാന ചർച്ച വിഷയം.

pic.twitter.com/ZSUzN3qOYo

— Xtremedesportes (@xtremedesporte) July 24, 2023

ഇന്ത്യ വെസ്റ്റ് ഇൻഡീസ് രണ്ടാം ടെസ്റ്റ്‌ പുരോഗമിക്കുകയാണ്. ടോസ് നേടിയ വെസ്റ്റ് ഇൻഡീസ് ക്യാപ്റ്റൻ ക്രൈഗ്ഗ് ബ്രാത്വെയിറ്റ് ബൗളിംഗ് തിരഞ്ഞെടുത്തു. വെസ്റ്റ് ഇൻഡീസ് ക്യാപ്റ്റൻ എടുത്ത തീരുമാനം തീർത്തും തെറ്റാണെന്ന് ഇന്ത്യൻ ബാറ്റർമാർ തെളിയിച്ചു.ഇന്ത്യൻ നായകൻ രോഹിത് ശർമയും യഷ്സ്‌വി ജെയസ്വവാളും നിറഞ്ഞാടി.

തുടർച്ചയായ രണ്ടാമത്തെ ഇന്നിങ്സിലും കൂട്ടുകെട്ട് 100 കടന്നു.രോഹിത് 80 റൺസും ജയ്സ്വാൾ 57 റൺസ്സുമായി മടങ്ങി. പുറകെ വന്ന ഗില്ലിന് കാര്യമായ സംഭാവന നൽകാൻ കഴിഞ്ഞില്ല.10 റൺസ്സുമായി ഗിൽ മടങ്ങി.500 മത്തെ അന്താരാഷ്ട്ര മത്സരം കളിക്കാൻ വന്ന കോഹ്ലി കത്തിക്കയറി. കോഹ്ലി നിലവിൽ സെഞ്ച്വറിയിലേക്ക് നീങ്ങുകയാണ്.

എന്നാൽ ഇത്തരത്തിൽ ഇന്ത്യൻ ബാറ്റിംഗ് ആസ്വദിക്കുമ്പോഴും മലയാളി ക്രിക്കറ്റ്‌ ആരാധകരുടെ ശ്രദ്ധ മറ്റൊരു കാര്യത്തിലേക്ക് പോവുകയാണ്.ഇന്ത്യൻ ഇന്നിങ്സിന്റെ 9 മത്തെ ഓവറിന് ശേഷം സ്റ്റേഡിയത്തിൽ മലയാളം ഗാനങ്ങൾ പ്ലേ ചെയ്തിരിക്കുകയാണ്. നിലവിൽ ഈ ഒരു വീഡിയോ ഇപ്പോൾ സമൂഹ മാധ്യമങ്ങളിൽ തരംഗമാണ്. വീഡിയോ താഴെ ചേർക്കുന്നു

pic.twitter.com/Ptgsl0HA01

— Xtremedesportes (@xtremedesporte) July 21, 2023

ചെന്നൈ സൂപ്പർ കിങ്‌സ് കണ്ട എക്കാലത്തെയും മികച്ച വിദേശ താരമാണ് ഡ്വയെൻ ബ്രാവോ. പ്രതിസന്ധി ഘട്ടങ്ങളിൽ പല തവണ ചെന്നൈ സൂപ്പർ കിങ്സിനെ അദ്ദേഹം രക്ഷിച്ചിട്ടുണ്ട്. തന്റെ സ്ലോ ബോൾ ഡെലിവറി കൊണ്ടും വെടികെട്ടു ബാറ്റിങ്ങും ചെന്നൈ സൂപ്പർ കിങ്സിന് വളരെ പ്രസിദ്ധമായ വിജയങ്ങൾ ബ്രവോ നേടി കൊടുത്തിട്ടുണ്ട്.

ഇപ്പോൾ ചെന്നൈ സൂപ്പർ കിങ്സിന്റെ മറ്റൊരു ഫ്രാഞ്ചൈസിയായ ടെക്സസ് സൂപ്പർ കിങ്സിന് വേണ്ടി അത്ഭുത പ്രകടനങ്ങൾ പുറത്തെടുക്കകയാണ് ബ്രാവോ.മേജർ ലീഗ് ക്രിക്കറ്റിലെ ചെന്നൈ സൂപ്പർ കിങ്‌സ് ഫ്രാഞ്ചൈസിയാണ് ടെക്സസ് സൂപ്പർ കിങ്‌സ്.തങ്ങളുടെ ആദ്യ മത്സരം ജയിച്ച ടെക്സസ് രണ്ടാം മത്സരത്തിൽ വാഷിങ്ടോൺ ഫ്രീഡത്തെ നേരിടുകയാണ്മാത്യു ഷോർട്ടിന്റെ 80 റൺസ് മികവിൽ വാഷിംഗ്‌ടൺ 5 വിക്കറ്റ് നഷ്ടത്തിൽ 163 റൺസ് സ്വന്തമാക്കി

.മറുപടി ബാറ്റിങ്ങിന് ഇറങ്ങിയ ടെക്സസ് 8.5 ഓവറിൽ 50 റൺസിന് 5 വിക്കറ്റ് എന്നാ നിലയിൽ പതറുമ്പോളാണ് ബ്രാവോ ക്രീസിലേക്കെത്തുന്നത്.ആദ്യത്തെ 18 പന്തിൽ വെറും 10 റൺസ് മാത്രം നേടിയ അദ്ദേഹം പിന്നീട് സ്കോർ ചെയ്തത് ഇങ്ങനെയായിരുന്നു. 6, 1, 6, 6, 1b, 1, 6, 1, 4, 4, 4, 2, 4, 1, 2, 6, 2, 0, 4, 6. ഇതിൽ നോർത്ജേയുടെ 18 മത്തെ 20 മത്തെ ഓവറിൽ അദ്ദേഹത്തിന്റെ 10 പന്തുകൾ നേരിട്ട ബ്രാവോ അടിച്ചു കൂട്ടിയത് 35 റൺസാണ്.39 പന്തിൽ 76 റൺസ് സ്വന്തമാക്കിയെങ്കിലും ബ്രാവോക്ക് ടെക്സസിന് വിജയത്തിയിലേക്ക് എത്തിക്കാൻ കഴിഞ്ഞില്ല.ആറ് റൺസിന്റെ തോൽവി ടീം ഏറ്റുവാങ്ങി.

pic.twitter.com/WanP7GfcHU

— Xtremedesportes (@xtremedesporte) July 17, 2023

മൂന്നാമത്തെ വേൾഡ് ടെസ്റ്റ്‌ ചാമ്പ്യൻഷിപിലെ ഇന്ത്യയുടെ ആദ്യത്തെ മത്സരമാണ് ഇപ്പോൾ വെസ്റ്റ് ഇൻഡീസിനെതിരെ നടന്ന് കൊണ്ടിരിക്കുന്നത്. യുവ താരങ്ങൾക്ക് കൂടുതൽ അവസരങ്ങൾ നൽകിയ ടീമുമായിയാണ് ഇന്ത്യ കളത്തിലേക്ക് ഇറങ്ങിയത്. യഷ്ശ്വവി ജെയ്സ്വാലും, ഭരതിന് പകരം ഇഷൻ കിഷനും അരങ്ങേറ്റം കുറിച്ചു. ശുഭമാൻ ഗിൽ പൂജാരക്ക് പകരം മൂന്നാമത്തെ പൊസിഷനിൽ ബാറ്റ് ചെയ്തു.

ടോസ് നേടി ബാറ്റിംഗ് തിരഞ്ഞെടുത്ത വെസ്റ്റ് ഇൻഡീസ് ആദ്യ ദിവസം തന്നെ അശ്വിന്റെ മാജിക്കൽ സ്പെല്ലിൽ ഓൾ ഔട്ടായി.അഞ്ചു വിക്കറ്റ് അശ്വിൻ നേടിയപ്പോൾ മൂന്നു വിക്കറ്റ് സ്വന്തമാക്കി ജഡേജ മികച്ച പിന്തുണ നൽകി. മറുപടി ബാറ്റിങ്ങിന് ഇറങ്ങിയ ഇന്ത്യയെ ഒരു നിമിഷം പോലും പ്രതിരോധത്തിലാക്കാൻ വെസ്റ്റ് ഇൻഡീസിന് സാധിച്ചില്ല. നായകൻ രോഹിത് ശർമയും അരങ്ങേറ്റ ഇന്നിങ്സിൽ തന്നെ ജെയ്സ്വാലും സെഞ്ച്വറി സ്വന്തമാക്കി.

അരങ്ങേറ്റ മത്സരത്തിൽ തന്നെ സാക്ഷാൽ വിരാട് കോഹ്ലിക്ക് നിർദേശങ്ങൾ കൊടുക്കുന്ന ഇഷൻ കിഷനാണ് ക്രിക്കറ്റ്‌ പ്രേമികൾക്ക് ഇടയിലെ ഇപ്പോഴത്തെ സംസാര വിഷയം. വെസ്റ്റ് ഇൻഡീസിന്റെ ആദ്യ ഇന്നിങ്സിന് ഇടയിലാണ് സംഭവം.സ്ലിപ്പിൽ നിന്ന വിരാട് കോഹ്ലിയോട് കുറച്ചു സ്ട്രൈറ്റായി നീങ്ങി നിൽക്കാനാണ് കിഷൻ ആവശ്യപെട്ടത്. എന്തായാലും നിലവിൽ ഈ ഒരു വീഡിയോ സമൂഹമാധ്യമങ്ങളിൽ തരംഗമാണ്

pic.twitter.com/8nXTp3jHjy

— Xtremedesportes (@xtremedesporte) July 14, 2023

മൂന്നാമത്തെ വേൾഡ് ടെസ്റ്റ്‌ ചാമ്പ്യൻഷിപ്പിലെ ഇന്ത്യയുടെ ആദ്യത്തെ മത്സരമാണ് ഇന്നലെ ആരംഭിച്ചത്. വെസ്റ്റ് ഇൻഡീസാണ് ഇന്ത്യയുടെ എതിരാളികൾ. തുടർച്ചയായ രണ്ട് ഫൈനലുകൾ തോറ്റ ഇന്ത്യ പുതിയ മാറ്റങ്ങളുമായിയാണ് വെസ്റ്റ് ഇൻഡീസിനെതിരെ ഇറങ്ങിയത്. യഷ്സ്‌വി ജെയസ്വാളിനും ഇഷൻ കിഷനും അരങ്ങേറ്റം നൽകിയതാണ് ഇതിൽ പ്രധാനം

മാത്രമല്ല ഗിൽ മൂന്നാം നമ്പറിൽ ബാറ്റ് ചെയ്യും എന്നത് മറ്റൊരു പ്രത്യേകതയാണ്. ടോസ് നേടിയ വിൻഡിസ് നായകൻ ക്രൈഗ് ബ്രാത്വെയ്റ്റ് ബാറ്റിംഗ് തിരഞ്ഞെടുത്തു. പതിവ് പോലെ തന്നെ അശ്വിൻ വിൻഡിസ് ബാറ്റിംഗ് നിരയേ തകർത്തു.60 റൺസ് വിട്ട് കൊടുത്തു 5 വിക്കറ്റാണ് അദ്ദേഹം സ്വന്തമാക്കിയത്. ജഡേജ മൂന്നു വിക്കറ്റും സ്വന്തമാക്കി.

എന്നാൽ ഇപ്പോൾ ക്രിക്കറ്റ്‌ ആരാധകർക്ക് ഇടയിൽ ചർച്ചയായി കൊണ്ടിരിക്കുന്നത് മുഹമ്മദ് സിറാജ് എടുത്ത ഒരു ക്യാച്ചാണ്.വെസ്റ്റ് ഇൻഡീസ് ഇന്നിങ്സിന്റെ 28 മത്തെ ഓവർ. രവീന്ദ്ര ജഡേജയാണ് ഇന്ത്യക്ക് വേണ്ടി ബൗൾ ചെയ്യുന്നത്. ജർമയന് ബ്ലാക്ക്വുഡാണ് വിൻഡിസ് ബാറ്റർ. ഓവറിലെ അവസാനത്തെ പന്ത്, ഔട്ട്‌ സൈഡ് ഓഫ്‌ സ്റ്റമ്പിന് പുറത്ത് വന്ന ഒരു ഫുൾ ലെങ്ത് ഡെലിവറി ബ്ലാക്‌വുഡ് ജഡേജയുടെ തലക്ക് മീതെ അടിക്കാൻ ശ്രമിക്കുന്നു.മിഡ്‌ ഓഫിൽ അതിമനോഹരമായ രീതിയിൽ സിറാജ് ഒരു ഡൈവിംഗ് ക്യാച്ച് പൂർത്തിയാക്കുന്നു

pic.twitter.com/aJHIdJOerm

— Xtremedesportes (@xtremedesporte) July 13, 2023

അന്താരാഷ്ട്ര വനിതാ ക്രിക്കറ്റിൽ ഇന്ത്യ മികച്ച രീതിയിൽ മുന്നോട്ടു പോവുകയാണ്. ഇപ്പോൾ ഈ ഇന്ത്യൻ വനിതാ ടീമിലേക്ക് ഒരു മലയാളി കൂടി വന്നെത്തിയിരിക്കുകയാണ്.ടിനു യോഹനാനും ശ്രീശാന്തിനും സഞ്ജു സാംസണും ശേഷം ഇന്ത്യൻ ടീമിലെക്കുത്തുന്ന ആദ്യത്തെ താരമാണ് മിന്നു. ബംഗ്ലാദേശ് വനിതാ ടീമിനെതിരെയാണ് മിന്നു അരങ്ങേറിയത്.

തന്റെ അന്താരാഷ്ട്ര കരിയറിലെ ആദ്യത്തെ ഓവറിൽ തന്നെ ഇപ്പോൾ മിന്നു തന്റെ ആദ്യത്തെ അന്താരാഷ്ട്ര വിക്കറ്റ് സ്വന്തമാക്കിയിരിക്കുകയാണ്.ഇന്ത്യൻ നായകൻ ഹർമൻപ്രീത് കൗർ ടോസ് നേടി ബംഗ്ലാദേശിനെ ബാറ്റിങ്ങിനെ അയച്ചു.ആദ്യത്തെ നാല് ഓവറിൽ 14 റൺസ്സുമായി ബംഗ്ലാദേശ് നിൽകുമ്പോളാണ് മിന്നു തന്റെ ആദ്യത്തെ ഓവർ എറിയാൻ വരുന്നത്.

ആദ്യത്തെ പന്തിൽ റാണി ദീപ് സ്‌ക്വർ ലെഗിലൂടെ സിംഗിൾ നേടുന്നു. രണ്ടാമത്തെ പന്തിൽ ശമിമാ സുൽത്താൻ ദീപ് മിഡ്‌ വിക്കറ്റിലൂടെ സിക്സർ സ്വന്തമാക്കി. അടുത്ത പന്തിൽ ശമിമാ വീണ്ടും ബൗണ്ടറി സ്വന്തമാക്കി. ഒരിക്കൽ കൂടി ബൗണ്ടറിക്ക് ശ്രമിച്ച താരത്തെ സ്‌ക്വർ ലെഗിൽ ജെമിമ കൈപിടിയിൽ ഒതുക്കുന്നു. മിന്നുവിന് തന്റെ കരിയറിലെ ആദ്യത്തെ വിക്കറ്റും..

pic.twitter.com/rZqskUR83l

— Xtremedesportes (@xtremedesporte) July 9, 2023