Category: Latest News

ഇന്ത്യ ദക്ഷിണാഫ്രിക്ക ട്വന്റി ട്വന്റി പരമ്പരയിലെ രണ്ടാം മത്സരത്തിൽ ഇന്ത്യക്ക് കൂറ്റൻ സ്കോർ. ഗുവാഹത്തിയിൽവെച്ച് നടക്കുന്ന മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യ നിശ്ചിത ഇരുപത് ഓവറിൽ വെറും 3 വിക്കറ്റ് നഷ്ടത്തിൽ നേടിയത് 237 റൺസ്!!!

വന്നവരും പോയവരുമെല്ലാം മാലപ്പടക്കത്തിനു തിരി കൊളുത്തിയ പോലെ തകർപ്പൻ ബാറ്റിംഗ് പ്രകടനമാണ് കാഴ്ചവെച്ചത്. ആദ്യ വിക്കറ്റിൽ നായകൻ രോഹിത് ശർമയും കെ എൽ രാഹുലും ചേർന്ന് നേടിയത് 96 റൺസ്. 43 റൺസ് എടുത്ത് രോഹിതും അർദ്ധ സെഞ്ചുറി തികച്ച് രാഹുലും പുറത്തായതോടെ എത്തിയ കോഹ്‌ലിയും സൂര്യകുമാർ യാദവും ചേർന്ന കൂട്ടുകെട്ട് മൂന്നാം വിക്കറ്റിൽ കൂട്ടിച്ചേർത്തത് 102 റൺസ്!

സ്പിന്നർ കേശവ് മഹാരാജ് ഒഴികെയുള്ള ബോളർമാർ എല്ലാവരും കണക്കിന് തല്ലുവാങ്ങുന്ന കാഴ്ചയാണ് കണ്ടത്. മഹാരാജ് നാലോവറിൽ 23 റൺസ് വഴങ്ങി 2 വിക്കറ്റ് നേടി തിളങ്ങിയെങ്കിലും മറ്റുള്ളവരെല്ലാം ഓവറിൽ 12 റൺസ് ശരാശരിക്ക് മുകളിൽ വഴങ്ങി. ആദ്യ മത്സരത്തിൽ കളിച്ച സ്പിന്നർ തബ്രൈസ്‌ ഷംസിക്ക് പകരം പേസർ ലുങ്കി എങ്കിടിയെ അവർ കളിപ്പിച്ചെങ്കിലും അദ്ദേഹവും ഒരുപാട് റൺസ് വിട്ടുകൊടുത്തു.

ഇന്ത്യക്കായി രോഹിത് ശർമ 37 പന്തിൽ 7 ഫോറും ഒരു സിക്സും അടക്കം 43 റൺസ് എടുത്തപ്പോൾ രാഹുൽ 28 പന്തിൽ നിന്നും 5 ഫോറും 4 സിക്സും പറത്തി 57 റൺസും എടുത്തു. പിന്നീട് ആരാധകർ സാക്ഷ്യം വഹിച്ചത് സൂര്യകുമാർ യാദവിന്റെ ട്വന്റി ട്വന്റി ബാറ്റിംഗ് മാസ്റ്റർക്ലാസ്സിനായിരുന്നു. വെറും 22 പന്തിൽ 61 റൺസ്! ഒന്നിനൊന്ന് വ്യത്യസ്തമായ 5 ഫോറും 5 സിക്സും നിറം ചാർത്തിയ ഇന്നിങ്സ്. എങ്ങനെ ഏറിഞ്ഞിട്ടും അദ്ദേഹത്തെ പുറത്താക്കാൻ കഴിയാതെ നിൽക്കുകയായിരുന്നു ദക്ഷിണാഫ്രിക്കൻ ബോളർമാർ. ഒടുവിൽ ഒരു റൺഔട്ട് വേണ്ടിവന്നു അതിന്.

അതുവരെ ഓരോ പന്തിലും പുതിയ പുതിയ ഷോട്ടുകൾ കളിച്ച് തകർത്ത് നിൽക്കുകയായിരുന്നു അദ്ദേഹം. പത്തൊമ്പതാം ഓവറിന്റെ ആദ്യ പന്തിൽ കോഹ്‌ലി പോയിന്റിലേക്ക്‌ കളിച്ചപ്പോൾ നോൺ സ്ട്രൈക്കർ എൻഡിൽ ഉണ്ടായിരുന്ന സൂര്യ പെട്ടെന്ന് ഓട്ടം തുടങ്ങി പിച്ചിന്റെ പകുതിയിലധികം ദൂരം പിന്നിട്ടു കഴിഞ്ഞിരുന്നു. നായകൻ ടേമ്പാ ഭവുമാ പന്ത് മിസ്സ് ആക്കിയില്ല. അതുകൊണ്ട് തന്നെ കോഹ്‌ലി ഓടാൻ തയ്യാറയുമില്ല. പക്ഷേ സൂര്യക്ക് തിരിച്ച് ക്രീസിൽ മടങ്ങി എത്താനുള്ള സമയം ബാക്കിയുണ്ടായിരുന്നില്ല. ഭവുമാ എറിഞ്ഞ് കൊടുത്ത പന്ത് ബോളർ നോർക്യ പെട്ടെന്ന് തന്നെ സ്റ്റമ്പിൽ കൊള്ളിച്ചു.

മത്സരത്തിൽ സൂര്യയുടെ ബാറ്റിംഗ് കണ്ട ആവേശത്തിൽ കോഹ്‌ലിയും പതിവ് ശൈലി വിട്ട് തകർത്തടിക്കുകയായിരുന്നു. 28 പന്തിൽ 7 ഫോറും ഒരു സിക്സും അടക്കം 49 റൺസോടെ പുറത്താകാതെ നിന്നു കോഹ്‌ലി. ദിനേശ് കാർത്തിക് 7 പന്തിൽ ഒരു ഫോറും 2 സിക്സും പറത്തി 17 റൺസുമായും പുറത്താകാതെ നിന്നു.

ഇന്ത്യയും സൗത്ത് ആഫ്രിക്കയും തമ്മിലുള്ള ട്വന്റി-20 പരമ്പരയിലെ രണ്ടാം മത്സരത്തിൽ ആദ്യം ബാറ്റ് ചെയ്ത ഇന്ത്യ 237/3 എന്ന കൂറ്റൻ ടോട്ടൽ നേടി, ടോസ് നേടിയ സൗത്ത് ആഫ്രിക്കൻ ക്യാപ്റ്റൻ ബവൂമ ഇന്ത്യയെ ബാറ്റിങ്ങിന് അയക്കുകയായായിരുന്നു, ആദ്യ മത്സരത്തിലെ ടീമിനെ ഇന്ത്യ നില നിർത്തിയപ്പോൾ, ഒരു മാറ്റവുമായാണ് സൗത്ത് ആഫ്രിക്ക കളത്തിൽ ഇറങ്ങിയത്,ഗുഹാവത്തിയിലാണ് ഇന്നത്തെ മത്സരം നടക്കുന്നത്, തിരുവനന്തപുരത്ത് വെച്ച് നടന്ന പരമ്പരയിലെ ആദ്യ മൽസരത്തിൽ ഇന്ത്യ 8 വിക്കറ്റിന് ജയിച്ചിരുന്നു, അത് കൊണ്ട് തന്നെ ഇന്നത്തെ മൽസരം കൂടി വിജയിക്കാനായാൽ ഇന്ത്യക്ക് പരമ്പര സ്വന്തമാക്കാം.

മികച്ച തുടക്കമാണ് ഓപ്പണർമാരായ കെ.എൽ രാഹുലും രോഹിത് ശർമയും ഇന്ത്യക്ക് സമ്മാനിച്ചത്, പവർ പ്ലേ ഓവറിൽ ഇരുവരും ബൗണ്ടറികളിലൂടെ റൺസ് കണ്ടെത്തിയപ്പോൾ ഇന്ത്യൻ സ്കോർ അതിവേഗം കുതിച്ചു, ആദ്യ 6 ഓവറിൽ വിക്കറ്റ് ഒന്നും നഷ്ടപ്പെടുത്താതെ 57 റൺസ് എടുക്കാൻ ഇന്ത്യൻ ഓപ്പണർമാർക്ക് സാധിച്ചു, ഒന്നാം വിക്കറ്റിൽ ഇരുവരും ചേർന്ന് 96 റൺസ് കൂട്ടിച്ചേർത്തു, 43 റൺസ് എടുത്ത രോഹിത്തിന്റെ വിക്കറ്റ് ആണ് ഇന്ത്യക്ക് ആദ്യം നഷ്ടമായത് കേശവ് മഹാരാജ് ആണ് രോഹിത്തിനെ വീഴ്ത്തിയത്, പിന്നാലെ അർധ സെഞ്ച്വറി നേടിയ രാഹുലിനെയും (53) മഹാരാജ് വീഴ്ത്തി.

പിന്നീട് ക്രീസിൽ ഒത്തു ചേർന്ന വിരാട് കോഹ്ലിയും സൂര്യ കുമാർ യാദവും ക്രീസിൽ ഒത്തു ചേർന്നത്തോടെ ഇന്ത്യൻ സ്കോർ ബോർഡ്‌ ശര വേഗത്തിൽ കുതിച്ചു, ക്രീസിൽ എത്തിയത് മുതൽ തന്റെ സ്വതസിദ്ധമായ ആക്രമണ ശൈലിയിൽ ബാറ്റ് വീശിയ സൂര്യകുമാർ നിർദാക്ഷിണ്യം സൗത്ത് ആഫ്രിക്കൻ ബോളർമാരെ അടിച്ച് പറത്തി, പതിനഞ്ചാമത്തെ ഓവർ എറിയാനെത്തിയ റബാഡയെ 2 ഫോറും 2 സിക്സും അടക്കം 22 റൺസ് ആണ് അടിച്ച് കൂട്ടിയത്, ഇതിനിടെ ഏറ്റവും കുറഞ്ഞ ബോളിൽ 1000 റൺസ് നേടുന്ന താരം എന്ന റെക്കോർഡ് സൂര്യകുമാർ തന്റെ പേരിലാക്കി, മാക്സ് വെല്ലിന്റെ റെക്കോർഡ് ആണ് സൂര്യകുമാർ പഴങ്കഥ ആക്കിയത്.

ഗുവാഹത്തിയിലെ ബർസാപാര സ്റ്റേഡിയത്തിൽ നടക്കുന്ന ഇന്ത്യ ദക്ഷിണാഫ്രിക്ക പരമ്പരയിലെ രണ്ടാം ട്വന്റി ട്വന്റി മത്സരത്തിൽ ടീം ഇന്ത്യക്ക് തകർപ്പൻ തുടക്കം. ഓപ്പണർമാരായ നായകൻ രോഹിത് ശർമയും കെ എൽ രാഹുലും തുടക്കംമുതലേ ആക്രമിച്ച് കളിക്കുന്ന കാഴ്ചയാണ് കാണാൻ കഴിഞ്ഞത്. ദക്ഷിണാഫ്രിക്കൻ ബോളർമാരെ തലങ്ങും വിലങ്ങുമായി പ്രഹരിക്കുകയായിരുന്നു ഇരുവരും.

ഇന്ത്യക്ക് വേണ്ടി രണ്ട് താരങ്ങൾ തമ്മിൽ അന്താരാഷ്ട്ര ട്വന്റി ട്വന്റിയിൽ എടുത്ത ഏറ്റവും കൂടുതൽ കൂട്ടുകെട്ട് റൺസിന് ഉള്ള റെക്കോർഡ് രോഹിതും രാഹുലും തങ്ങളുടെ പേരിലാക്കി. ധവാനും രോഹിതും ചേർന്നുള്ള കൂട്ടുകെട്ടാണ് ഇന്ത്യക്ക് വേണ്ടി ഇതുവരെ ഏറ്റവും കൂടുതൽ കൂട്ടുകെട്ട് റൺസ് നേടിയിട്ടുണ്ടായിരുന്നത്.

പാക്കിസ്ഥാൻ താരങ്ങളായ ബാബർ അസമിന്റെയും റിസ്‌വാന്റെയും പേരിലുള്ള ഒരു റെക്കോർഡും അവർ ഇന്ന് തങ്ങളുടെ പേരിലാക്കി. അന്താരാഷ്ട്ര ട്വന്റി ട്വന്റി മത്സരങ്ങളിൽ ഏറ്റവും കൂടുതൽ അർദ്ധ സെഞ്ചുറി കൂട്ടുകെട്ടിന്റെ റെക്കോർഡ്. ഈ പാക്കിസ്ഥാൻ താരങ്ങൾ ഇതുവരെ 14 മത്സരങ്ങളിൽ അർദ്ധ സെഞ്ചുറി കൂട്ടുകെട്ട് നേടിയിട്ടുണ്ട്. എന്നാൽ രാഹുലും രോഹിതും ഇന്ന് പതിനഞ്ചാമത്തെ അർദ്ധ സെഞ്ചുറി കൂട്ടുകെട്ട് പൂർത്തിയാക്കി.

9.5 ഓവറിൽ 96 റൺസിന്റെ കൂട്ടുകെട്ട് സൃഷ്ടിച്ചു നായകൻ രോഹിത് ശർമ്മയാണ് ആദ്യം പുറത്തായത്. 37 പന്തിൽ നിന്നും 43 റൺസ് എടുത്ത ശർമയെ സ്പിന്നർ കേശവ് മഹാരാജാണ് പുറത്താക്കിയത്. വെറും 24 പന്തിൽ അർദ്ധ സെഞ്ചുറി തികച്ച് രാഹുൽ 28 പന്തിൽ 57 റൺസ് എടുത്ത് മഹാരാജിന്റെ പന്തിൽ തന്നെ വിക്കറ്റിന് മുന്നിൽ കുരുങ്ങി പുറത്തായി.

മത്സരത്തിനിടെ ഗ്രൗണ്ടിൽ ഒരു പാമ്പിനെ കണ്ടത് എല്ലാവരെയും അമ്പരപ്പിച്ചു. ഇന്ത്യയുടെ ഏഴാം ഓവർ പൂർത്തിയായതിന് ശേഷം അടുത്ത ഓവറിന്റെ തയ്യാറെടുപ്പ് നടത്തുന്ന സമയത്ത് രണ്ട് ദക്ഷിണാഫ്രിക്കൻ ഫീൽഡർമാരാണ് പാമ്പിനെ ആദ്യം കണ്ടത്. ഉടനെ ഇവർ രാഹുലിനോടും ഫീൽഡ് അമ്പയർമാരോടും വ്യക്തമാക്കി. ഉടനെ തന്നെ ഗ്രൗണ്ട് സ്റ്റാഫ് ഉപകരണങ്ങൾ ഉപയോഗിച്ച് അതിനെ എടുത്തുമാറ്റി. ശേഷം മത്സരം തുടരുകയായിരുന്നു.

വീഡിയോ :

നേരത്തെ മത്സരത്തിൽ ടോസ് നേടിയ ദക്ഷിണാഫ്രിക്കൻ നായകൻ തെമ്പാ ബാവുമാ ഫീൽഡിംഗ് തെരഞ്ഞെടുക്കുകയായിരുന്നു. തിരുവനന്തപുരത്ത് നടന്ന ഇന്ത്യ വിജയിച്ച ആദ്യ മത്സരത്തിൽ കളിച്ച അതേ ടീമിനെ ഇന്ത്യ ഇന്നും നിലനിർത്തിയപ്പോൾ ദക്ഷിണാഫ്രിക്കൻ ടീമിൽ ഒരു മാറ്റം വരുത്തി. സ്പിന്നർ തബ്രൈസ് ഷംസിക്ക്‌ പകരം പേസർ ലുങ്കി എൻഗിടി ടീമിലെത്തി.

റോഡ് സേഫ്റ്റി വേൾഡ് സീരീസിൽ ഇന്ത്യ ലജൻഡ്സ് ടീമിന് കിരീടനേട്ടം. ഇന്നലെ രാത്രി നടന്ന മത്സരത്തിൽ 33 റൺസിനാണു ശ്രീലങ്കൻ ടീമിനെ പരാജയപ്പെടുത്തി ഇന്ത്യയുടെ വിജയം. റായ്പൂരിലെ ഷഹീദ് വീർ നാരായൺ സിംഗ് അന്താരാഷ്ട്ര സ്റ്റേഡിയത്തിൽ വച്ചാണ് മത്സരം നടന്നത്. ഇന്ത്യ തന്നെയാണ് കഴിഞ്ഞ വർഷവും ജേതാക്കളായത്.

ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യയുടെ തുടക്കം തകർച്ചയോടെയായിരുന്നു. നായകൻ സച്ചിൻ തെണ്ടുൽക്കർ നേരിട്ട ആദ്യ പന്തിൽ തന്നെ ക്ലീൻ ബോൾഡ് ആയി, നുവാൻ കുലശേഖര ആയിരുന്നു ബോളർ. നാല് റൺസ് എടുത്ത റൈനയേയും അദ്ദേഹം പുറത്താക്കിയതോടെ ഇന്ത്യ പതറി. എങ്കിലും നാലാമനായി സ്ഥാനക്കയറ്റം ലഭിച്ചു വന്ന ബോളർ വിനയ് കുമാർ മികച്ച ഒരു ബാറ്റിംഗ് പ്രകടനമാണ് കാഴ്ചവെച്ചത്. ഓപ്പണർ നാമാൻ ഓജയേ കൂട്ടുപിടിച്ച് ഇന്ത്യൻ സ്കോർ ഉയർത്തി.

21 പന്തിൽ 4 ഫോറും 1 സിക്സും ഉൾപ്പെടെ 36 റൺസ് നേടി വിനയ് പുറത്തായി എങ്കിലും മറ്റുള്ളവരുടെ ചെറിയ ചെറിയ കൂട്ടുകെട്ടിൽ കളിച്ച ഓജ തന്റെ സെഞ്ചുറി നേട്ടം പൂർത്തിയാക്കി. 71 പന്തിൽ 108 റൺസ് എടുത്ത് ഓജ പുറത്താകാതെ നിന്നു. 15 ഫോറും 2 സിക്സും നിറം ചാർത്തിയ ഇന്നിങ്സ്. നിശ്ചിത ഇരുപത് ഓവറിൽ ഇന്ത്യ 6 വിക്കറ്റ് നഷ്ടത്തിൽ 195 റൺസ് നേടി.

കൂറ്റൻ സ്കോർ പിന്തുടർന്ന് മറുപടി ബാറ്റിംഗിനിറങ്ങിയ ശ്രീലങ്കൻ താരങ്ങളെ നിലയുറപ്പിക്കാൻ അനുവദിക്കാതെ ഇന്ത്യൻ ബോളർമാർ കൃത്യമായ ഇടവേളകളിൽ വിക്കറ്റ് വീഴ്ത്തി. 22 പന്തിൽ നാലു വീതം ഫോറും സിക്‌സും അടക്കം 51 റൺസ് നേടിയ ഇശാൻ ജയരത്നക്ക് മാത്രമേ അൽപ്പമെങ്കിലും പിടിച്ചുനിൽക്കാൻ കഴിഞ്ഞുള്ളൂ. വിനയ് കുമാർ മൂന്ന് വിക്കറ്റും അഭിമന്യു മിഥുൻ രണ്ട് വിക്കറ്റും നേടി തിളങ്ങി. 18.5 ഓവറിൽ 162 റൺസിന് എല്ലാവരും പുറത്തായി.

ശ്രീലങ്കൻ ബാറ്റിംഗ് സമയത്ത് സുരേഷ് റെയ്നയുടെ ഒരു പ്രവർത്തി ഗ്രൗണ്ടിൽ ചിരിപടർത്തി. അഭിമന്യു മിഥുൻ എറിഞ്ഞ അഞ്ചാം ഓവറിനിടെയായിരുന്നു സംഭവം. ഒരു റൺ നേടാൻ ശ്രമിച്ച തിലകരത്ന ദിൽഷൻ പിന്നീട് ക്രീസിൽ മടങ്ങിയെത്തി എങ്കിലും ഫീൽഡറുടെ ഏറ് വിക്കറ്റിൽ തട്ടി പന്ത് കുറച്ചുമാറി വീണു. അതോടെ വീണ്ടും സിംഗിൾ നേടാൻ ശ്രമിച്ച ദിൽഷന്റെ നേർക്ക് പന്തുമായി റൈന പാഞ്ഞെത്തി. ഇനി ഓടിയാൽ ഞാൻ പുറത്താക്കും എന്ന മട്ടിൽ. അതോടെ രൈനയെ കെട്ടിപിടിച്ചു ഞാൻ ഇനി ഓടുന്നില്ല എന്ന് പറഞ്ഞ് ദിൽശൻ യാത്രയാക്കി.

ടൂർണമെന്റിൽ ഉടനീളം ബാറ്റ് കൊണ്ടും ബോൾ കൊണ്ടും ഒരുപോലെ മികവ് തെളിയിച്ച ശ്രീലങ്കൻ നായകൻ ദിൽശനാണ് ടൂർണമെന്റിന്റെ താരമായി തിരഞ്ഞെടുക്കപ്പെട്ടത്. ഫൈനലിലെ താരമായി തിരഞ്ഞെടുക്കപ്പെട്ടത് സെഞ്ചുറി നേടിയ നമൻ ഓജായും

ഇന്നലെ നടന്ന ലജൻഡ്സ് ലീഗിലെ തീപാറും പോരാട്ടത്തിൽ ഒരുപാട് നാളുകൾക്ക് ശേഷം ഗെയ്ൽ കൊടുങ്കാറ്റ് വീശിയടിച്ചു. ഭിൽ‌വാര കിംഗ്സ് ടീമിനെതിരെ നടന്ന മത്സരത്തിൽ ഗുജറാത്ത് ജയന്റ്‌സ് താരമായ ഓപ്പണർ ക്രിസ് ഗെയ്ൽ വെടിക്കെട്ട് ബാറ്റിംഗ് കാഴ്ചവെച്ചു എങ്കിലും ടീമിനെ വിജയത്തിൽ എത്തിക്കാനായില്ല. കിംഗ്സ് അഞ്ച് വിക്കറ്റിന് വിജയിക്കുകയായിരുന്നു.

ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഗുജറാത്ത് ടീമിന് സ്വപ്നതുല്യമായ തുടക്കമായിരുന്നു ലഭിച്ചത്. ഓപ്പണർമാരായ സിമ്മൺസും ഗെയിലും ചേർന്ന് തകർപ്പൻ പ്രകടനം നടത്തി. 18 പന്തിൽ അഞ്ച് ബൗണ്ടറി അടക്കം 22 റൺസ് എടുത്ത സിമ്മൺസ് പുറത്തായപ്പോൾ എത്തിയ പാർത്തിവ്‌ പട്ടേലും കെവിൻ ഒബ്രയാനും വേഗം മടങ്ങിയെങ്കിലും അർദ്ധ സെഞ്ചുറി നേടിയ യശ്പാൽ സിംഗും ഗെയിലും ചേർന്ന് മികച്ച കൂട്ടുകെട്ട് സൃഷ്ടിച്ചു നിശ്ചിത ഇരുപത് ഓവറിൽ 7 വിക്കറ്റ് നഷ്ടത്തിൽ 186 റൺസ് എടുത്തു.

മറുപടി ബാറ്റിംഗിനിറങ്ങിയ ഭിൽവാര കിംഗ്സ് രണ്ട് പന്ത് ശേഷിക്കെ അഞ്ച് വിക്കറ്റ് നഷ്ടത്തിൽ വിജയം നേടി. 40 റൺസ് എടുത്ത ഓപ്പണർ വില്യം പോർട്ടർഫീൽഡിന്റെയും 39 റൺസ് വീതം എടുത്ത യൂസഫ് പഠാൻ, ജേസൽ കാരിയ എന്നിവരുടെയും മികവിലാണ് കിംഗ്സ് അനായാസ വിജയം നേടിയത്. നായകൻ ഇർഫാൻ പഠാൻ, മോർണെ വാൻ വിക്ക്‌ എന്നിവർ അതിവേഗം 26 റൺസ് വീതവും എടുത്തു. യൂസഫ് പഠാൻ ആണ് കളിയിലെ താരമായി തിരഞ്ഞെടുക്കപ്പെട്ടത്.

മത്സരത്തിലെ തന്റെ ആദ്യ ഓവറിൽ തന്നെ അപകടകാരികളായ പാർത്തിവ്‌ പട്ടേൽ, കെവിൻ ഒബ്രിയാൻ എന്നിവരെ പഠാൻ പുറത്താക്കിയിരുന്നു. എന്നാൽ രണ്ടാം ഓവറിൽ യൂണിവേഴ്‌സ് ബോസ് ക്രിസ് ഗെയിലിന്റെ ബാറ്റിന്റെ ചൂടറിഞ്ഞ പഠാൻ തന്റെ രണ്ടാം ഓവറിൽ വഴങ്ങിയത് 1,4,4,6,4,6 എന്നിങ്ങനെ.

40 പന്തുകളിൽ 9 ഫോറും 3 കൂറ്റൻ സിക്സും അടക്കം 68 റൺസ് എടുത്ത ഗെയിലിന്റെ മികച്ചൊരു തിരിച്ചുവരവാണ് മത്സരത്തിൽ കണ്ടത്. കഴിഞ്ഞ മത്സരത്തിൽ 20 പന്തിൽ നിന്നും 15 റൺസ് മാത്രം നേടിയാണ് അദ്ദേഹം പുറത്തായത്. തന്റെ മോശം ഫോമിൽ വിമർശനം ഉന്നയിച്ചവരുടെ വായടപ്പിക്കുന്ന പ്രകടനമാണ് ഗെയ്ൽ കാഴ്ചവച്ചത്.

വെറും 23 പന്തിൽ നിന്ന് ഫിഫ്റ്റി നേടിയ അദ്ദേഹം ഒരു സിക്‌സിലൂടെയാണ് അർദ്ധ സെഞ്ചുറി നേട്ടം പൂർത്തിയാക്കിയത്. അതിനുശേഷം തന്റെ ബാറ്റിൽ ഉള്ള “ദി ബോസ്” എന്ന സ്റ്റിക്കർ ഉയർത്തിക്കാട്ടിയ ഗെയ്ൽ തന്റേതായ ദിവസം ഒരു ബോളർക്കും സമാധാനത്തോടെ പന്തെറിയാൻ കഴിയില്ലെന്ന് വ്യക്തമാക്കുകയായിരുന്നു. ടൂർണമെന്റിലെ വേഗമേറിയ അർദ്ധ സെഞ്ചുറി നേട്ടം തന്റെ പേരിലാക്കിയ ഗെയ്ൽ ടൂർണമെന്റിലെ നൂറാമത്തെ സിക്സ് അടിച്ച താരവുമായി.