ഐ.പി.എല്ലിൽ കൊൽക്കത്തയും ബാംഗളൂരും ഏറ്റു മുട്ടുകയാണ്, ആദ്യ മത്സരത്തിൽ മുംബൈയോട് 8 വിക്കറ്റിന്റെ മിന്നുന്ന വിജയം സ്വന്തമാക്കിക്കൊണ്ട് മികച്ച തുടക്കമാണ് ഈ വർഷത്തെ ഐ.പി.എല്ലിൽ ബാംഗ്ലൂർ നേടിയിരിക്കുന്നത്, മറു വശത്ത് മഴ തടസ്സപ്പെടുത്തിയ മത്സരത്തിൽ ഡക്ക് വർത്ത് ലൂയിസ് നിയമ പ്രകാരം പഞ്ചാബിനോട് 7 റൺസിന് തോറ്റു കൊണ്ടാണ് കൊൽക്കത്ത തുടങ്ങിയത്, ഈഡൻ ഗാർഡൻസിൽ നടക്കുന്ന ഇന്നത്തെ മത്സരത്തിൽ ജയിച്ച് വിജയ വഴിയിൽ തിരിച്ചെത്താൻ കൊൽക്കത്ത ശ്രമിക്കുമ്പോൾ മത്സരത്തിൽ തീ പാറുമെന്ന് ഉറപ്പാണ്.
മത്സരത്തിൽ ടോസ്സ് നേടിയ ബാംഗ്ലൂർ ക്യാപ്റ്റൻ ഫാഫ് ഡു പ്ലസിസ്സ്‌ കൊൽക്കത്തയെ ബാറ്റിംഗിന് അയക്കുകയായിരുന്നു, ക്യാപ്റ്റന്റെ തീരുമാനം ശരി വെക്കുന്ന തരത്തിൽ പവർ പ്ലേ ഓവറുകളിൽ തന്നെ ഡേവിഡ് വില്ലി 2 വിക്കറ്റ് വീഴ്ത്തിക്കൊണ്ട് ബാംഗ്ലൂരിനെ മുന്നിലെത്തിച്ചു, പിന്നാലെ കൊൽക്കത്ത ക്യാപ്റ്റൻ നിതീഷ് റാണ (1) പുറത്താക്കികൊണ്ട് ബ്രേസ് വെൽ ബാംഗ്ലൂരിന് വീണ്ടും ബ്രേക്ക്‌ ത്രു സമ്മാനിച്ചു.
കൊൽക്കത്തയിലെ ഈഡൻ ഗാർഡനിൽ നടക്കുന്ന മത്സരത്തിൽ ആരാധകരെ ആവേശത്തിലാഴ്ത്തിക്കൊണ്ട് കൊൽക്കത്ത ടീം ഉടമകളിൽ ഒരാളായ ഷാരൂഖ് ഖാനും മത്സരം കാണാൻ സ്റ്റേഡിയത്തിൽ എത്തിയിരുന്നു, കാണികളെ അഭിവാദ്യം ചെയ്തും ഡാൻസ് കളിച്ചും ഷാരൂഖ് സ്റ്റേഡിയത്തിൽ നിറ സാന്നിധ്യമായി മാറുകയും ചെയ്തു.
Written By: അഖിൽ. വി.പി. വള്ളിക്കാട്.