ദീപാവലി വെടിക്കെട്ട് പ്രതീക്ഷിച്ച ഇന്ത്യൻ ആരാധകർക്ക് മുന്നിൽ വെടിക്കെട്ട് ബാറ്റിംഗ് തന്നെയാണ് ഇന്ത്യൻ ബാറ്റർമാർ കാഴ്ച വെച്ചത്. ഗിൽ തുടക്കമിട്ടാ വെടിക്കെട്ട് അവസാനിപ്പിച്ചത് രാഹുലും അയ്യരും. ലോകക്കപ്പ് ചരിത്രത്തിലെ ഏറ്റവും ഉയർന്ന നാലാം വിക്കറ്റ് കൂട്ടുകെട്ട് ഇരുവരും സ്വന്തമാക്കുകയും ചെയ്തു.
ഇന്ത്യയുടെ ആദ്യത്തെ അഞ്ചു ബാറ്റർമാരും ഫിഫ്റ്റി പ്ലസ് സ്കോർ സ്വന്തമാക്കി. അയ്യരും രാഹുലും സെഞ്ച്വറി സ്വന്തമാക്കി. കൂട്ടത്തിലെ അപകടകാരി അയ്യരായിരുന്നു. ഇന്ത്യൻ ഇന്നിങ്സിന്റെ 49 മത്തെ ഓവർ. വാൻ ബീക്കാണ് നെതർലാൻഡ്സ് ബൗളേർ.
ഓവർ ആദ്യത്തെ പന്ത് അയ്യർ സൈറ്റിന്റെ അപ്പുറത്തേക്ക് സിക്സർ പറത്തുന്നു. ഓവറിലെ രണ്ടാമത്തെ പന്തും സിക്സർ, ഈ തവണ ലോങ്ങ്‌ ഓണിലേക്ക്. മൂന്നാമത്തെ പന്ത് സിംഗിൾ, നാലാമത്തെ പന്തും സിംഗിൾ, അഞ്ചാമത്തെ പന്ത് വീണ്ടും സിക്സ്, അവസാന പന്തിൽ ബൗണ്ടറിയും.ഓവറിൽ 25 റൺസാണ് അയ്യർ അടിച്ചു എടുത്തത്.