Month: October 2022

ട്വന്റി ട്വന്റി ലോകകപ്പ് സൂപ്പർ 12 ഘട്ടത്തിൽ തുടർച്ചയായ രണ്ടാം വിജയവുമായി ടീം ഇന്ത്യ. ഇന്ന് സിഡ്നിയിൽ നടന്ന മത്സരത്തിൽ ഇന്ത്യൻ ടീം ദുർബലരായ നെതർലൻഡ്‌സിനെ 56 റൺസിന് പരാജയപ്പെടുത്തി. ആദ്യ മത്സരത്തിൽ പാക്കിസ്ഥാനെ നാല് വിക്കറ്റിന് ടീം ഇന്ത്യ തോൽപ്പിച്ചിരുന്നു.

ഇതോടെ കളിച്ച രണ്ട് മത്സരങ്ങളും വിജയിച്ച ടീം ഇന്ത്യ, സൂപ്പർ 12 ഗ്രൂപ്പ് രണ്ടിലെ പോയിന്റ് പട്ടികയിൽ നാല് പോയിന്റോടെ ഒന്നാം സ്ഥാനത്തേക്ക്‌ കയറി. ഇന്നത്തെ ആദ്യ മത്സരത്തിൽ ബംഗ്ലാദേശിനെ തകർത്ത ദക്ഷിണാഫ്രിക്കയാണ് പട്ടികയിൽ രണ്ടാമത് ഉള്ളത്. കളിച്ച രണ്ട് മത്സരങ്ങളും പരാജയപ്പെട്ട നെതർലാൻഡ്സ് അവസാന സ്ഥാനത്താണ്.

നേരത്തെ മത്സരത്തിൽ ടോസ് നേടിയ ഇന്ത്യൻ നായകൻ രോഹിത് ശർമ ബാറ്റിംഗ് തെരഞ്ഞെടുത്തു. രാഹുൽ 12 പന്തിൽ 9 റൺസെടുത്ത് തുടക്കത്തിലേ പുറത്തായെങ്കിലും രോഹിതും കോഹ്‌ലിയും സൂര്യകുമാറും ഇന്ത്യക്കായി അർദ്ധസെഞ്ചുറി നേടി തിളങ്ങി. നിശ്ചിത 20 ഓവറിൽ ഇന്ത്യ രണ്ട് വിക്കറ്റ് നഷ്ടത്തിൽ 179 റൺസ് എടുത്തു. 25 പന്തിൽ നിന്നും 51 റൺസ് നേടി പുറത്താകാതെ നിന്ന സൂര്യയാണ് കളിയിലെ താരമായി തിരഞ്ഞെടുക്കപ്പെട്ടത്.

180 റൺസ് വിജയലക്ഷ്യം പിന്തുടർന്ന നെതർലാൻഡ്സിന് നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 123 റൺസ് എടുക്കാനേ കഴിഞ്ഞുള്ളൂ. ഭുവനേശ്വർ കുമാർ, അർഷദീപ് സിംഗ്, അക്സർ പട്ടേൽ, അശ്വിൻ, എന്നിവർ രണ്ട് വിക്കറ്റ് വീതം വീഴ്ത്തിയപ്പോൾ ശേഷിച്ച ഒരു വിക്കറ്റ് മുഹമ്മദ് ഷമിയും സ്വന്തമാക്കി.

മത്സരത്തിനിടെ തന്റെ വിക്കറ്റ് നേട്ടം ബൗണ്ടറിലൈനിൽ ഇരുന്ന് ആഘോഷിക്കുന്ന അർഷദീപ് സിംഗിന്റെ വീഡിയോ സമൂഹമാധ്യമങ്ങളിൽ വൈറൽ ആയി മാറിയിരിക്കുകയാണ്. പതിനെട്ടാം ഓവറിൽ ആയിരുന്നു സംഭവം. അഞ്ചാം പന്തിൽ വാൻ ബീക്കിനെ വിക്കറ്റ് കീപ്പർ ദിനേശ് കാർത്തികിന്റെ കൈകളിൽ എത്തിച്ച അദ്ദേഹത്തിന് അവസാന പന്തിലും വിക്കറ്റ് ലഭിക്കുകയായിരുന്നു.

ഒരു മികച്ച യോർക്കർ എറിഞ്ഞ് സിംഗ്, ഫ്രെഡ് ക്ലാസ്സനേ വിക്കറ്റിന് മുന്നിൽ കുരുക്കിയെങ്കിലും അമ്പയർ നോട്ട്ഔട്ട് വിളിച്ചു. ഇന്ത്യ റിവ്യൂ കൊടുത്ത് അത് ഔട്ടായി ലഭിക്കുമ്പോൾ ഓവർ പൂർത്തിയാക്കിയ ശേഷം ബൗണ്ടറി ലൈനിൽ ഫീൽഡ് ചെയ്യാനായി അർഷദീപ് പോയിരുന്നു. അവിടത്തന്നെ അദ്ദേഹം വിക്കറ്റ് നേട്ടം ആഘോഷമാക്കി. ഇരു കൈകളും വായുവിൽ ഉയർത്തി മുട്ടിന്മേൽ ഇരുന്ന അർഷദീപിന്റേ ഈ ആഘോഷം വേറെ ലെവൽ ആയിരിക്കുന്നുവെന്നാണ് ആരാധകരുടെ നിരീക്ഷണം.

ട്വന്റി-20 ലോകകപ്പിൽ നെതർലാൻഡ്സിനെതിരെ ഇന്ത്യക്ക് 56 റൺസിന്റെ കൂറ്റൻ ജയം, ഇതോടെ ആദ്യ 2 മത്സരങ്ങളും ജയിച്ച് ഇന്ത്യ ഗ്രൂപ്പിൽ മുന്നിലെത്തി, മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ബാറ്റിങ് തിരഞ്ഞെടുക്കുകയായിരുന്നു, കെ.എൽ രാഹുൽ (9) ഈ തവണയും പെട്ടന്ന് തന്നെ പുറത്തായി എന്നാൽ പിന്നീട് ക്രീസിൽ ഒത്തു ചേർന്ന വിരാട് കോഹ്ലിയും രോഹിത് ശർമയും (53) മികച്ച രീതിയിൽ ബാറ്റ് ചെയ്തപ്പോൾ ഇന്ത്യൻ സ്കോർബോർഡ് അതി വേഗത്തിൽ ചലിച്ചു, ഇരുവരും ചേർന്ന് രണ്ടാം വിക്കറ്റിൽ 73 റൺസിന്റെ കൂട്ട്കെട്ട് പടുത്തുയർത്തി.

രോഹിത് ശർമ പുറത്തായതിന് ശേഷം ക്രീസിലെത്തിയ സൂര്യകുമാർ യാദവ് തന്റെ സ്വതസിദ്ധമായ ശൈലിയിൽ ആക്രമിച്ച് കളിച്ച് ഇന്ത്യൻ സ്കോറിംഗിന് വേഗത കൂട്ടി, 25 ബോളിലാണ് പുറത്താകാതെ സൂര്യകുമാർ 51* റൺസ് നേടിയത്, മറുവശത്ത് കോഹ്ലിയും മികച്ച ഫോമിൽ ആയിരുന്നു 3 ഫോറും 2 സിക്സും അടക്കം 62* റൺസ് നേടി കോഹ്ലിയും പുറത്താകാതെ നിന്നു, ഒടുവിൽ നിശ്ചിത 20 ഓവറിൽ ഇന്ത്യ 179/2 എന്ന മികച്ച സ്കോറിൽ എത്തി.

കൂറ്റൻ ലക്ഷ്യം തേടി ഇറങ്ങിയ നെതർലാൻഡിന് തുടക്കത്തിൽ തന്നെ ഓപ്പണർമാരെ നഷ്ടമായി, പിന്നീട് ഇടവേളകളിൽ വിക്കറ്റ് വീണ് കൊണ്ടിരുന്നപ്പോൾ അവരുടെ മുൻനിര തകർന്നു, 63/5 എന്ന നിലയിൽ തകർന്നടിഞ്ഞ നെതർലാൻഡിനെ 100 റൺസ് എങ്കിലും കടക്കാൻ സഹായിച്ചത് വാലറ്റക്കാർ കണ്ടെത്തിയ റൺസിലൂടെ ആയിരുന്നു, ഒടുവിൽ നിശ്ചിത 20 ഓവറിൽ 129/9 എന്ന നിലയിൽ നെതർലാൻഡിന്റെ ഇന്നിംഗ്സ് അവസാനിച്ചു.

ഇന്ത്യക്കായി ഭുവനേശ്വർ കുമാർ, അർഷ്ദീപ് സിംഗ്, അശ്വിൻ, അക്സർ പട്ടേൽ എന്നിവർ 2 വിക്കറ്റ് വീതം വീഴ്ത്തി, മത്സരത്തിനിടയിൽ ഇന്നത്തെ പ്ലെയിങ് ഇലവനിൽ ഉൾപ്പെടാതിരുന്ന യുസ്വേന്ദ്ര ചഹൽ ബൗണ്ടറി ലൈനിനരികെ ഇരിക്കുന്നുണ്ടായിരുന്നു, തന്റെ പ്രശസ്തമായ സിറ്റിംഗ് പോസിൽ ആയിരുന്നു താരം, ട്രോൾ മീമുകളിൽ വരെ ചഹലിന്റെ ഈ ഇരുത്തം ഏറെ പ്രശസ്തമാണ്.

വീഡിയോ ഇതാ :

ട്വന്റി-20 ലോകകപ്പിലെ രണ്ടാം മത്സരത്തിൽ നെതർലാൻഡ്സിനെതിരെ ഇന്ത്യക്ക് 56 റൺസിന്റെ കൂറ്റൻ ജയം, മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ബാറ്റിങ് തിരഞ്ഞെടുക്കുകയായിരുന്നു, കെ.എൽ രാഹുൽ (9) ഈ തവണയും പെട്ടന്ന് തന്നെ പുറത്തായി എന്നാൽ പിന്നീട് ക്രീസിൽ ഒത്തു ചേർന്ന വിരാട് കോഹ്ലിയും രോഹിത് ശർമയും (53) മികച്ച രീതിയിൽ ബാറ്റ് ചെയ്തപ്പോൾ ഇന്ത്യൻ സ്കോർബോർഡ് അതി വേഗത്തിൽ ചലിച്ചു, ഇരുവരും ചേർന്ന് രണ്ടാം വിക്കറ്റിൽ 73 റൺസിന്റെ കൂട്ട്കെട്ട് പടുത്തുയർത്തി.

രോഹിത് ശർമ പുറത്തായതിന് ശേഷം ക്രീസിലെത്തിയ സൂര്യകുമാർ യാദവ് തന്റെ സ്വതസിദ്ധമായ ശൈലിയിൽ ആക്രമിച്ച് കളിച്ച് ഇന്ത്യൻ സ്കോറിംഗിന് വേഗത കൂട്ടി, 25 ബോളിലാണ് പുറത്താകാതെ സൂര്യകുമാർ 51* റൺസ് നേടിയത്, മറുവശത്ത് കോഹ്ലിയും മികച്ച ഫോമിൽ ആയിരുന്നു 3 ഫോറും 2 സിക്സും അടക്കം 62* റൺസ് നേടി കോഹ്ലിയും പുറത്താകാതെ നിന്നു, ഒടുവിൽ നിശ്ചിത 20 ഓവറിൽ ഇന്ത്യ 179/2 എന്ന മികച്ച സ്കോറിൽ എത്തി.

മറുപടി ബാറ്റിങ്ങിനിറങ്ങിയ നെതർലാൻഡിന് തുടക്കത്തിൽ തന്നെ ഓപ്പണർമാരെ നഷ്ടമായി, ഇതിനിടെ സ്റ്റേഡിത്തിലെ ഒരു പ്രൊപോസൽ രംഗം സോഷ്യൽ മീഡിയകളിൽ വൈറൽ ആയി, ഇന്ത്യക്കാരനായ യുവാവ് ആണ് കഥയിലെ നായകൻ, ക്യാമറക്കണ്ണുകൾ ഈ പ്രൊപോസൽ രംഗം ഒപ്പിയെടുക്കുകയും ചെയ്തു.

വിഡിയൊ കാണാം :

ട്വന്റി ട്വന്റി ലോകകപ്പ് സൂപ്പർ 12 ഘട്ടത്തിലെ തങ്ങളുടെ രണ്ടാമത്തെ പോരാട്ടത്തിൽ നെതർലൻഡ്സിനെ നേരിടുന്ന ടീം ഇന്ത്യക്ക് മികച്ച സ്കോർ. ആദ്യം ബാറ്റ് ചെയ്ത ഇന്ത്യ നിശ്ചിത ഇരുപത് ഓവറിൽ വെറും രണ്ട് വിക്കറ്റ് നഷ്ടപ്പെടുത്തി 179 റൺസ് എടുത്തു. ഇന്ത്യക്കായി അർദ്ധസെഞ്ചുറി നേടി നായകൻ രോഹിത് ശർമ, വിരാട് കോഹ്‌ലി, സൂര്യകുമാർ യാദവ് എന്നിവർ തിളങ്ങി.

ആദ്യ മത്സരത്തിൽ പാക്കിസ്ഥാനെ നാല് വിക്കറ്റിന് കീഴടക്കിയാണ് ഇന്ത്യൻ ടീം എത്തിയത്. നെതർലൻഡസ് ആകട്ടെ തങ്ങളുടെ ആദ്യ മത്സരത്തിൽ ബംഗ്ലാദേശിനെ വിറപ്പിച്ച ശേഷമാണ് കീഴടങ്ങിയത്. വെറും 9 റൺസിനായിരുന്നു അന്ന് ബംഗ്ലാദേശിന്റെ വിജയം.

ഇന്ന് ടോസ് നേടിയ ഇന്ത്യൻ നായകൻ രോഹിത് ശർമ ബാറ്റിംഗ് തെരഞ്ഞെടുത്തു. കഴിഞ്ഞ മത്സരം കളിച്ച അതേ ടീമിനെ തന്നെയാണ് ഇന്നും ഇറക്കിയത്. എങ്കിലും 12 പന്തിൽ 9 റൺസ് എടുത്ത രാഹുലിനെ ഇന്ത്യക്ക് തുടക്കത്തിൽ തന്നെ നഷ്ടമായി. പിന്നീട് രണ്ടാം വിക്കറ്റിൽ ഒത്തുചേർന്ന കോഹ്‌ലിയും രോഹിതും 73 റൺസിന്റെ കൂട്ടുകെട്ട് സൃഷ്ടിച്ചു ഇന്ത്യൻ ഇന്നിങ്സ് പടുത്തുയർത്തി.

39 പന്തിൽ 4 ഫോറും 3 സിക്സും അടക്കം 53 റൺസ് എടുത്ത രോഹിത് പന്ത്രണ്ടാം ഓവറിൽ ആയിരുന്നു പുറത്തായത്. പിന്നീട് സൂര്യകുമാർ യാദവുമൊത്ത് വേർപിരിയാത്ത മൂന്നാം വിക്കറ്റിൽ 95 റൺസ് കൂട്ടുകെട്ടിലും കോഹ്‌ലി പങ്കാളിയായി. കോഹ്‌ലി 44 പന്തിൽ 3 ഫോറും 2 സിക്സും അടക്കം 62 റൺസും സൂര്യ 25 പന്തിൽ 7 ഫോറും ഒരു സിക്സും അടക്കം 51 റൺസും എടുത്തു പുറത്താകാതെ നിന്നു.

മത്സരത്തിന്റെ പതിനേഴാം ഓവറിൽ കോഹ്‌ലിയുടെ വക ഒരു തകർപ്പൻ സിക്സ് ഉണ്ടായിരുന്നു. ഫ്രെഡ് ക്ലാസ്സൻ എറിഞ്ഞ മൂന്നാം പന്തിൽ ആയിരുന്നു അത്. രണ്ടാം പന്തിൽ കോഹ്‌ലി ബൗണ്ടറി നേടിയ ശേഷം കാണികൾ കോഹ്‌ലി… കോഹ്‌ലി.. എന്ന് ആരവം മുഴക്കിയിരുന്നു. അവർക്കുള്ള മറുപടി എന്നോണം അടുത്ത പന്തിൽ ഡീപ് എക്സ്ട്രാ കവറിലേക്ക് ഒരു മികച്ച ഷോട്ട് കളിച്ച് സിക്സ് നേടി കോഹ്‌ലി. ഓഫ് സ്റ്റമ്പിന് വെളിയിൽ വന്ന പന്തിനെ തന്റെ പിൻകാൽ അൽപം മടക്കിനിന്ന് ബാറ്റിന്റെ ഒത്തനടുവിൽ കൊള്ളിച്ചുള്ള ഒരു മനോഹര ഷോട്ട്.. തൊട്ടടുത്ത പന്തിൽ സിംഗിൾ ഇട്ട് അർദ്ധസെഞ്ചുറി നേട്ടവും അദ്ദേഹം പൂർത്തിയാക്കി.

ഇന്ത്യ പാകിസ്താൻ മത്സരത്തിന്റെ എല്ലാ ആവേശവും പിരിമുറുക്കവും അവസാന ബോൾ വരെ ഉണ്ടായിരുന്ന ട്വന്റി-20 ലോകകപ്പിലെ മത്സരത്തിൽ വിരാട് കോഹ്ലിയുടെ തകർപ്പൻ ഇന്നിങ്ങ്സിന്റെ പിൻ ബലത്തിൽ ഇന്ത്യ 4 വിക്കറ്റിന്റെ ത്രസിപ്പിക്കുന്ന വിജയം സ്വന്തമാക്കുകയായിരുന്നു, മെൽബണിലെ നിറഞ്ഞ സ്റ്റേഡിയത്തിൽ 90000 ൽ അധികം കാണികളെ സാക്ഷി നിർത്തി ആയിരുന്നു ഇന്ത്യയുടെ ഈ മിന്നുന്ന ജയം.

സോഷ്യൽ മീഡിയകളിൽ ഇപ്പോൾ ശ്രദ്ധേയമായിക്കൊണ്ടിരിക്കുന്ന ഒരു വീഡിയോ മത്സര ശേഷം കോഹ്ലിയുടെ മികച്ച പ്രകടനത്തെ പുകഴ്ത്തുന്ന പാകിസ്താൻ ആരാധകരുടെ വീഡിയോ ആണ്, അവരുടെ രാജ്യത്തിനായി അവസാന നിമിഷം വരെ ജയ് വിളിച്ചവർ പക്ഷെ കോഹ്ലിയുടെ ഈ ഇന്നിങ്സിനെ അഭിനന്ദിക്കാനും മറന്നില്ല, സ്പോർട്സ് മാൻ സ്പിരിറ്റ്‌ എന്നത് എന്നാൽ ഇതാണെന്നും എതിരാളികളെ ഇതേ പോലെ ബഹുമാനിക്കാൻ പഠിക്കണമെന്നും സ്പോർട്സ് എന്നാൽ യുദ്ധം അല്ലെന്നും അത് രാജ്യത്തിന്റെ അതിർത്തികൾക്കപ്പുറം എല്ലാവരെയും ഒന്നിപ്പിക്കുന്ന ഒന്നാണെന്നും ഇത്തരം പ്രവർത്തികളിലൂടെ പല രാജ്യങ്ങളിലെയും കളിക്കാരും ആരാധകരും മുമ്പും തെളിയിച്ചിട്ടുള്ളതാണ്.

ലോകകപ്പിലെ ഇന്ത്യയുടെ അടുത്ത മത്സരം ഒക്ടോബർ 27 വ്യാഴാഴ്ച സിഡ്നിയിൽ നെതർലാൻഡ്സിനെതിരെയാണ്, ഇന്ത്യൻ സമയം ഉച്ചയ്ക്ക് 12.30 നാണ് മത്സരം ആരംഭിക്കുക, ഈ മത്സരം കൂടി വിജയിച്ച്  ഗ്രൂപ്പിൽ മുന്നിലെത്താനും അത് വഴി സെമിഫൈനലിലേക്ക് ഒരു പടി കൂടി അടുക്കാനും ഇന്ത്യക്ക് സാധിക്കും.