Category: Malayalam

Categories
Cricket Malayalam

അഫ്ഗാൻ താരത്തിൻ്റെ കാൽ ഒടിച്ചു ശാഹിൻ അഫ്രീദിയുടെ തീയുണ്ട ,തോളിൽ ഏറ്റി സഹതാരം ; വീഡിയോ കാണാം

ട്വന്റി ട്വന്റി ലോകകപ്പിന് മുമ്പുള്ള സന്നാഹ മത്സരത്തിലെ ഏഷ്യൻ ടീമുകളുടെ ഇന്നത്തെ പോരാട്ടത്തിൽ ടോസ് നേടിയ പാക്കിസ്താൻ നായകൻ ബാബർ അസം ഫീൽഡിംഗ് തെരഞ്ഞെടുക്കുകയായിരുന്നു. ആദ്യ സന്നാഹമത്സരത്തിൽ ഇംഗ്ലണ്ടിനൊടു തോൽവി ഏറ്റുവാങ്ങിയാണ് പാക്കിസ്ഥാൻ എത്തിയത്. അഫ്ഗാനിസ്ഥാൻ ആകട്ടെ ബംഗ്ലാദേശിനെ തകർത്ത് തരിപ്പണമാക്കിയ ആത്മവിശ്വാസത്തിലാണ് വന്നത്. എങ്കിലും ഇന്നത്തെ മത്സരം മഴമൂലം ഉപേക്ഷിക്കുകയാണ് ഉണ്ടായത്.

പാക്ക് നിരയിലെ ഒന്നാം നമ്പർ പേസർ ഷഹീൻ ഷാ അഫ്രീദിയുടെ ഏറ് കൊണ്ട് ഇന്ന് ഒരു അഫ്ഗാൻ താരത്തിന്റെ കാലിന് പരിക്കേൽക്കുന്ന കാഴ്ചയും മത്സരത്തിൽ കാണാൻ കഴിഞ്ഞു. മത്സരത്തിന്റെ ആദ്യ ഓവറിൽ തന്നെയായിരുന്നു സംഭവം. അഫ്രീദിയുടെ തീയുണ്ട യോർക്കർ ബൂട്ടിൽ കൊണ്ട് ഓപ്പണർ രഹ്മാനുള്ള ഗുർബാസ് എൽബിഡബ്ല്യൂ ആയി പുറത്തായി. ഇടത് കാലിൽ പന്ത് കൊണ്ട ഗുർബാസ്‌ വേദനകൊണ്ട് പുളഞ്ഞു നിലത്തിരുന്നുപോയി. ഒടുവിൽ അഫ്ഗാൻ ടീമിലെ സബ്സ്റ്റിറ്റ്യൂട്ട് ഫീൽഡറായ ഒരു സഹതാരം എത്തി അദ്ദേഹത്തെ ചുമലിലേറ്റി കൊണ്ടുപോകുകയാണ് ഉണ്ടായത്.

കഴിഞ്ഞ മാസം അവസാനിച്ച ഏഷ്യ കപ്പ് ടൂർണമെന്റിൽ പരുക്കു മൂലം ഷഹീൻ കളിച്ചിരുന്നില്ല. പാക്കിസ്ഥാന് വേണ്ടി ന്യൂബോളിൽ വളരെ മികച്ച പ്രകടനം നടത്തി അഫ്രീദി തന്റെ പരിക്കിൽ നിന്നുമുള്ള തിരിച്ചുവരവ് ഗംഭീരമാക്കി. മത്സരത്തിൽ രണ്ട് അഫ്ഗാൻ ഓപ്പണർമാരെയും അദ്ദേഹമാണ് പുറത്താക്കിയത്. ആദ്യ ഓവറിൽ വെറും ഒരു റൺസ് വഴങ്ങി ഗുർബാസിന്റെ വിക്കറ്റും തന്റെ രണ്ടാം ഓവറിൽ വെറും മൂന്ന് റൺസ് വഴങ്ങി ഹസ്രത്തള്ള സസായിയെ ക്ലീൻ ബോൾഡ് ആക്കുകയും ചെയ്തു. മൊത്തം നാലോവറിൽ 29 റൺസിന് രണ്ട് വിക്കറ്റ് എന്നതാണ് ഇന്നത്തെ അദ്ദേഹത്തിന്റെ പ്രകടനം. ലോകകപ്പിലെ ആദ്യ മത്സരത്തിൽ പാക്കിസ്ഥാനെ നേരിടുന്ന ടീം ഇന്ത്യ തന്നെ കരുതിയിരിക്കണം എന്ന് വ്യക്തമാക്കുകയാണ് അദ്ദേഹം.

വിക്കറ്റ് വിഡിയോ :

അഫ്ഗാനിസ്ഥാൻ ടീം നിശ്ചിത ഇരുപത് ഓവറിൽ 6 വിക്കറ്റ് നഷ്ടത്തിൽ 154 റൺസ് എടുത്തു. അവർക്കുവേണ്ടി നായകൻ മുഹമ്മദ് നബി അർദ്ധ സെഞ്ചുറി നേടി പുറത്താകാതെ നിന്നു. ഇബ്രാഹിം സദ്രാൻ 35 റൺസും ഉസ്മാൻ ഗനി 32 റൺസും എടുത്തു നായകന് മികച്ച കൂട്ടായി. പാക്കിസ്ഥാൻ നിരയിൽ ഷഹീൻ അഫ്രീദിയും ഹാരിസ് റൗഫും രണ്ട് വിക്കറ്റ് വീതം വീഴ്ത്തി. സ്പിന്നർമാരായ നവാസും ശദാബും ഓരോ വിക്കറ്റ് വീതവും നേടി.

പാക്കിസ്ഥാൻ ടീം മറുപടി ബാറ്റിങ്ങിൽ 2.2 ഓവറിൽ 19 റൺസ് എടുത്ത് നിൽക്കുമ്പോൾ മഴ എത്തുകയായിരുന്നു. ബ്രിസ്‌ബൈനിലെ ഗാബ സ്റ്റേഡിയത്തിൽ ആയിരുന്നു മത്സരം. മഴ ശമിക്കുന്നില്ല എന്ന് കണ്ടതോടെ അമ്പയർമാർ മത്സരം ഉപേക്ഷിക്കാൻ തീരുമാനിച്ചു. ശേഷം അതേ ഗ്രൗണ്ടിൽ നടക്കേണ്ടിയിരുന്ന ഇന്ത്യൻ ടീമിന്റെ സന്നാഹമത്സരവും മഴമൂലം ടോസ് പോലും ഇടാനാകാതെ ഉപേക്ഷിക്കുകയായിരുന്നു. ഇന്ത്യയും പാക്കിസ്ഥാനും ഒക്ടോബർ 23ന് ലോകകപ്പിലെ തങ്ങളുടെ ആദ്യ മത്സരത്തിൽ മെൽബൺ സ്റ്റേഡിയത്തിൽ ഏറ്റുമുട്ടും.

അഫ്ഗാൻ താരത്തിൻ്റെ കാൽ ഒടിച്ചു ശാഹിൻ അഫ്രീദിയുടെ തീയുണ്ട ,തോളിൽ ഏറ്റി സഹതാരം ; വീഡിയോ കാണാം

Categories
Cricket Malayalam

W,W,W ഈ ലോകകപ്പിലെ ആദ്യ ഹാട്രിക്ക് വിക്കറ്റ് നേട്ടവുമായി യു.എ.ഇ താരം കാർത്തിക്ക് മെയ്യപ്പൻ, വീഡിയോ കാണാം

ട്വന്റി-20 ലോകകപ്പിലെ ശ്രീലങ്കയും യു.എ. ഇ യും തമ്മിലുള്ള മത്സരത്തിൽ ആദ്യം ബാറ്റ് ചെയ്ത ശ്രീലങ്കയ്ക്ക് ഭേദപ്പെട്ട സ്കോർ, ടോസ് നേടിയ മലയാളി കൂടിയായ യു.എ.ഇ ക്യാപ്റ്റൻ ചുണ്ടങ്ങാപൊയിൽ റിസ്വാൻ ലങ്കയെ ബാറ്റിങ്ങിന് അയക്കുകയായിരുന്നു, മികച്ച തുടക്കമാണ് ഓപ്പണർ നിസങ്ക (74) ശ്രീലങ്കയ്ക്ക് സമ്മാനിച്ചത്, മൂന്നാമനായി ഇറങ്ങിയ ധനഞ്ജയ ഡി സിൽവയും (33) നിസങ്കയ്ക്ക് മികച്ച പിന്തുണ നൽകി, എന്നാൽ പിന്നീട് വന്നവർക്കൊന്നും പിടിച്ച് നിൽക്കാനായില്ല, ഇടവേളകളിൽ വിക്കറ്റ് വീഴ്ത്തിക്കൊണ്ട് യു.എ.ഇ ബോളർമാർ ശ്രീലങ്കയെ 152/8 എന്ന സ്കോറിൽ ഒതുക്കി.

മൽസരത്തിലെ പതിനഞ്ചാമത്തെ ഓവറിൽ
യു.എ. ഇ  താരം കാർത്തിക്ക് മെയ്യപ്പന് ഈ ലോക കപ്പിലെ ആദ്യ ഹാട്രിക്ക് നേട്ടം കൈവരിക്കാൻ സാധിച്ചു, ഭാനുക രജപക്സെയെ ബേസിൽ ഹമീദിന്റെ കൈകളിൽ എത്തിച്ചാണ് കാർത്തിക്ക് മെയ്യപ്പൻ തന്റെ ആദ്യ വിക്കറ്റ് സ്വന്തമാക്കിയത് പിന്നാലെ അസലങ്കയെ വിക്കറ്റ് കീപ്പറുടെ കൈകളിൽ എത്തിച്ചു, ശ്രീലങ്കൻ ക്യാപ്റ്റൻ ഷാണക ആയിരുന്നു അടുത്ത ഇര മികച്ച ഒരു ബോളിൽ ലങ്കൻ ക്യാപ്റ്റന്റെ കുറ്റി തെറിപ്പിച്ച് കൊണ്ട് തന്റെ ഹാട്രിക്ക് വിക്കറ്റ് നേട്ടം ആഘോഷമാക്കി.

ട്വന്റി-20 ലോകകപ്പിൽ ഹാട്രിക്ക് നേടുന്ന അഞ്ചാമത്തെ ബോളറും, ലോകകപ്പ് ചരിത്രത്തിൽ തന്നെ ഹാട്രിക്ക് നേടുന്ന ആദ്യ അസോസിയേറ്റ് രാജ്യത്തിൽ നിന്നുള്ള താരവുമായി കാർത്തിക്ക് മെയ്യപ്പൻ, 2007 ലെ പ്രഥമ ട്വന്റി-20 ലോകകപ്പിൽ ബംഗ്ലാദേശിനെതിരെ ബ്രറ്റ് ലീ ആണ് ആദ്യ ഹാട്രിക്ക് നേട്ടം സ്വന്തമാക്കിയ ബോളർ.
Written By: അഖിൽ. വി. പി. വള്ളിക്കാട്.

W W W വീഡിയോ :

Categories
Cricket Malayalam Video

ബാബറും കോഹ്‌ലിയും ഒരുമിച്ച് ബാറ്റ് ചെയ്യുന്നു ! ക്രിക്കറ്റ് ആരാധകർക്ക് ഇതിനും വലുത് എന്തു വേണം ; വൈറൽ വീഡിയോ കാണാം

മറ്റൊരു ഇന്ത്യ പാകിസ്താൻ പോരാട്ടത്തിന് വേദി ഒരുങ്ങുകയാണ് ഓസ്ട്രേലിയയിൽ നടക്കുന്ന ട്വന്റി-20 ലോകകപ്പിൽ, ഒക്ടോബർ 23 ഞായറാഴ്ച മെൽബണിൽ ഇന്ത്യൻ സമയം ഉച്ചയ്ക്ക് 1.30 നാണ് മത്സരം ആരംഭിക്കുക, ഇന്ത്യയുടെയും പാകിസ്താന്റെയും ഗ്രൂപ്പ്‌ ഘട്ടത്തിലെ ആദ്യ മത്സരമാണ് ഇത്, ആദ്യ കളി തന്നെ ജയിച്ച് ടൂർണമെന്റിൽ വിജയത്തോടെ തുടങ്ങാൻ ഇരു ടീമുകളും ഇറങ്ങുമ്പോൾ മത്സരത്തിൽ തീ പാറുമെന്ന് ഉറപ്പാണ്.

ഇരു ടീമുകൾക്കും ഓരോ തവണ ട്വന്റി-20 ലോക കപ്പ് നേടാൻ സാധിച്ചിട്ടുണ്ട്, 2007 ലെ പ്രഥമ ട്വന്റി-20 ലോകകപ്പിൽ മഹേന്ദ്ര സിംഗ് ധോണിയുടെ കീഴിൽ ഇറങ്ങിയ ഇന്ത്യൻ യുവനിര ഫൈനലിൽ പാകിസ്താനെ 5 റൺസിന് തോൽപ്പിച്ചാണ് ആദ്യ കിരീടം സ്വന്തമാക്കിയത്, 2009 ൽ  ഇംഗ്ലണ്ടിൽ നടന്ന ട്വന്റി-20 ലോകകപ്പിൽ ശ്രീലങ്കയെ 8 വിക്കറ്റിന് തോൽപ്പിച്ചാണ് പാകിസ്താൻ ആദ്യമായി കിരീടം സ്വന്തമാക്കുന്നത്, 2014 ൽ ബംഗ്ലാദേശിൽ നടന്ന ട്വന്റി-20 ലോകകപ്പിൽ ഇന്ത്യ ഫൈനലിൽ എത്തിയെങ്കിലും 6 വിക്കറ്റിനു ഇന്ത്യയെ തോൽപ്പിച്ച് അന്ന് ശ്രീലങ്ക ചാമ്പ്യൻമാർ ആവുകയായിരുന്നു.

സമകാലിക ക്രിക്കറ്റിലെ ഏറ്റവും മികച്ച രണ്ട് ബാറ്റർമാരാണ് ഇന്ത്യയുടെ വിരാട് കോഹ്ലിയും പാകിസ്താന്റെ ബാബർ അസമും, ക്രിക്കറ്റിന്റെ 3 ഫോർമാറ്റിലും മികച്ച പ്രകടനങ്ങൾ കാഴ്ച വെക്കുന്ന ഇരുവരെയും പലപ്പോഴും ഇരു രാജ്യത്തെയും ക്രിക്കറ്റ്‌ ആരാധകർ ആരാണ് മികച്ചത് എന്ന് താരതമ്യം ചെയ്യാറുണ്ട്, എന്നാൽ ഇപ്പോൾ ഇരുവരും ഒരുമിച്ച് പരിശീലനം നടത്തുന്ന ഒരു വീഡിയോ ആണ് സമൂഹ മാധ്യമങ്ങളിൽ വൈറൽ ആയി കൊണ്ടിരിക്കുന്നത്, ഒക്ടോബർ 23 ന് നടക്കുന്ന ഇന്ത്യ-പാക് പോരാട്ടത്തിൽ ഇതിൽ ആരുടെ ബാറ്റിങ്ങ് മികവിനാണ് സ്വന്തം ടീമിനെ വിജയത്തിലേക്ക് നയിക്കാൻ പറ്റുക എന്നത് കാത്തിരുന്ന് കാണേണ്ട കാഴ്ചയാണ്.

Categories
Cricket Malayalam Video

താഴേക്ക് ബോൾ ഇട്ടു കൊടുക്കുന്നതിനു പകരം ആകാശത്തേക്ക് ആണോ ഇട്ടു കൊടുക്കുന്നത് ! റൺ ഔട്ട് അവസരം മിസ്സാക്കി ഇഷാൻ; വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള മൂന്നാം ഏകദിനത്തിൽ ഇന്ത്യക്ക് 7 വിക്കറ്റിന്റെ തകർപ്പൻ ജയം ഇതോടെ ഏകദിന പരമ്പര 2-1 ന് ഇന്ത്യക്ക് സ്വന്തമാക്കി, ആദ്യ മത്സരത്തിൽ 9 റൺസിന് തോറ്റ ശേഷം പരമ്പരയിൽ ഗംഭീര തിരിച്ച് വരവ് നടത്തിയാണ് ഇന്ത്യ പരമ്പര നേട്ടം സ്വന്തമാക്കിയത്,  മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ ശിഖർ ധവാൻ സൗത്ത് ആഫ്രിക്കയെ ബാറ്റിങ്ങിന് അയക്കുകയായിരുന്നു, ബാവൂമയുടെ അഭാവത്തിൽ ഡേവിഡ് മില്ലർ ആണ് സൗത്ത് ആഫ്രിക്കയെ നയിച്ചത്.

മത്സരത്തിന്റെ തുടക്കത്തിൽ തന്നെ ക്വിന്റൺ ഡി കോക്കിനെ (6) വാഷിംഗ്ടൺ സുന്ദർ വീഴ്ത്തി ഇന്ത്യക്ക് ആദ്യ വിക്കറ്റ് സമ്മാനിച്ചു, പിന്നീട് മലാനെയും(15) റീസ ഹെൻഡ്രിക്ക്സിനെയും (3) മുഹമ്മദ്‌ സിറാജ് മടക്കി അയച്ചപ്പോൾ 26/3 എന്ന നിലയിൽ തകർച്ചയെ നേരിട്ടു സൗത്ത് ആഫ്രിക്ക, പിന്നീട് വന്നവരൊക്കെയും ക്രീസിൽ പിടിച്ച് നിൽക്കാൻ ശ്രമിച്ചെങ്കിലും നിലയുറപ്പിക്കും മുൻപ് ഇന്ത്യൻ ബോളർമാർ മടക്കി അയച്ചപ്പോൾ സൗത്ത് ആഫ്രിക്ക വെറും 99 റൺസിന് ഓൾ ഔട്ട്‌ ആവുകയായിരുന്നു, 4 വിക്കറ്റ് വീഴ്ത്തിയ കുൽദീപ് യാദവ് ഇന്ത്യക്ക് വേണ്ടി മികച്ച ബോളിങ്ങ് പ്രകടനം പുറത്തെടുത്തു.

മറുപടി ബാറ്റിങ്ങിനിറങ്ങിയ ഇന്ത്യക്ക് ശിഖർ ധവാനെയും (8) ഇഷാൻ കിഷനെയും (10) പെട്ടന്ന് നഷ്ടമായെങ്കിലും 49 റൺസ് എടുത്ത ശുഭ്മാൻ ഗില്ലും പുറത്താകാതെ 28* റൺസ് എടുത്ത ശ്രേയസ് അയ്യറും ഇന്ത്യയെ വിജയത്തിലേക്ക് നയിക്കുകയായിരുന്നു,
57 ബോളിൽ 8 ഫോറുകൾ അടക്കമാണ് ഗിൽ 49 റൺസ് നേടിയത്,ഒടുവിൽ 19.1 ഓവറിൽ 3 വിക്കറ്റ് നഷ്ടത്തിൽ ഇന്ത്യ വിജയ ലക്ഷ്യത്തിൽ എത്തുകയായിരുന്നു.

മൽസരത്തിൽ ഇരുപത്തി ആറാം ഓവർ ചെയ്യാനെത്തിയ കുൽദീപ് യാദവിന്റെ ബോളിൽ സൗത്ത് ആഫ്രിക്കൻ താരം ഫോർടയിൻ സിംഗിളിന് ശ്രമിച്ചെങ്കിലും മറുവശത്ത് ഉണ്ടായിരുന്ന മാർക്കസ് ജെൻസെൻ ഫീൽഡർ അടുത്ത് തന്നെ ഉണ്ടായിരുന്നത് കൊണ്ട് സിംഗിളിന് ശ്രമിക്കുന്നത് ആത്മഹത്യാപരമാണെന്ന് മനസ്സിലാക്കി അതിൽ താല്പര്യം പ്രകടിപ്പിച്ചില്ല, ബോൾ ഇഷാൻ കിഷന്റെ കൈയിൽ പെട്ടന്ന് എത്തിയെങ്കിലും താരത്തിന്റെ ത്രോ പിഴച്ചു, കുറച്ച് ഉയരത്തിൽ ആയിരുന്നു ത്രോ നൽകിയത് അത് കൊണ്ട് തന്നെ ബാറ്റർക്ക് ആ സമയത്തിനുള്ളിൽ ക്രീസിൽ തിരിച്ചെത്താൻ സാധിച്ചു, പക്ഷെ തൊട്ടടുത്ത പന്തിൽ കുൽദീപ് യാദവ് ഫോർടയിനെ വിക്കറ്റിന് മുന്നിൽ കുടുക്കി പവലിയനിലേക്ക് മടക്കി അയച്ചു.

Categories
Cricket Latest News Malayalam

ഒരു ക്യാപ്റ്റനും ചെയ്യാത്ത സെലിബ്രേഷൻ !ട്രോഫി വാങ്ങിയ ശേഷം “ഗബ്ബർ സ്റ്റൈൽ” വിജയാഘോഷവുമായി ഇന്ത്യൻ ക്യാപ്റ്റൻ, വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ഏകദിന പരമ്പരയിലെ മൂന്നാം മത്സരത്തിൽ ഇന്ത്യക്ക് 7 വിക്കറ്റിന്റെ മിന്നുന്ന ജയം ഇതോടെ 3 മത്സരങ്ങളടങ്ങിയ പരമ്പര 2-1 ന് ഇന്ത്യ സ്വന്തമാക്കി, ആദ്യ മത്സരത്തിൽ 9 റൺസിന് തോറ്റ ശേഷം ഇന്ത്യ പരമ്പരയിൽ ഗംഭീര തിരിച്ച് വരവ് നടത്തിയാണ് പരമ്പര നേട്ടം സ്വന്തമാക്കിയത്, ഡൽഹിയിൽ നടന്ന ഇന്നത്തെ മത്സരത്തിൽ ടോസ് നേടിയ ഇന്ത്യ സൗത്ത് ആഫ്രിക്കയെ ബാറ്റിങ്ങിന് അയക്കുകയായിരുന്നു,  ഡേവിഡ് മില്ലർ ആണ് ഇന്നത്തെ കളിയിൽ സൗത്ത് ആഫ്രിക്കയെ നയിച്ചത്. കഴിഞ്ഞ കളിയിലെ ടീമിനെ ഇന്ത്യ നിലനിർത്തിയപ്പോൾ 3 മാറ്റങ്ങളുമായാണ് സൗത്ത് ആഫ്രിക്ക ഇറങ്ങിയത്.

മത്സരത്തിന്റെ തുടക്കത്തിൽ തന്നെ ക്വിന്റൺ ഡി കോക്കിനെ (6) വാഷിംങ്ങ്ടൺ സുന്ദർ വീഴ്ത്തി ഇന്ത്യക്ക് ആദ്യ വിക്കറ്റ് സമ്മാനിച്ചു, പിന്നീട് മലാനെയും(15) റീസ ഹെൻഡ്രിക്ക്സിനെയും(3) മുഹമ്മദ്‌ സിറാജ് മടക്കി അയച്ചപ്പോൾ 26/3 എന്ന നിലയിൽ തകർച്ചയെ മുന്നിൽ കണ്ടു സൗത്ത് ആഫ്രിക്ക, പിന്നീട് വന്നവരൊക്കെയും ക്രീസിൽ പിടിച്ച് നിൽക്കാൻ ശ്രമിച്ചെങ്കിലും നിലയുറപ്പിക്കും മുൻപ് ഇന്ത്യൻ ബോളർമാർ മടക്കി അയച്ചപ്പോൾ സൗത്ത് ആഫ്രിക്ക വെറും 99 റൺസിന് ഓൾ ഔട്ട്‌ ആയി, ഇന്ത്യക്ക് വേണ്ടി 4 വിക്കറ്റ് വീഴ്ത്തിയ കുൽദീപ് യാദവ് ഇന്ത്യക്ക് വേണ്ടി മികച്ച ബോളിങ്ങ് പ്രകടനം പുറത്തെടുത്തു.

മറുപടി ബാറ്റിങ്ങിനിറങ്ങിയ ഇന്ത്യക്ക് ശിഖർ ധവാനെയും (8) ഇഷാൻ കിഷനെയും (10) പെട്ടന്ന് നഷ്ടമായെങ്കിലും 49 റൺസ് എടുത്ത ശുഭ്മാൻ ഗില്ലും 28* റൺസ് എടുത്ത ശ്രേയസ് അയ്യറും വിജയത്തിലേക്ക് നയിക്കുകയായിരുന്നു,
57 ബോളിൽ 8 ഫോറുകൾ അടക്കമാണ് ഗിൽ 49 റൺസ് നേടിയത്, അർധ സെഞ്ച്വറിക്ക് തൊട്ട് അകലെ ലുൻഗി ൻഗിഡിയുടെ ബോളിൽ താരം വിക്കറ്റിന് മുന്നിൽ കുടുങ്ങുകയായിരുന്നു, ഒടുവിൽ 19.1 ഓവറിൽ 3 വിക്കറ്റ് നഷ്ടത്തിൽ ഇന്ത്യ വിജയ തീരത്ത് എത്തുകയായിരുന്നു.

മൽസര ശേഷം വിജയികൾക്കുള്ള ട്രോഫി സ്വീകരിച്ച ശേഷം ഇന്ത്യൻ ക്യാപ്റ്റൻ ശിഖർ ധവാൻ തന്റെ സ്വതസിദ്ധമായ ശൈലിയിൽ തുടയിൽ അടിച്ച് “ഗബ്ബർ സ്റ്റൈലിൽ” ആണ് വിജയം ആഘോഷിച്ചത്, കൂടാതെ യുവ താരം മുകേഷ് കുമാറിന് ട്രോഫി സമ്മാനിച്ച് ധവാൻ ക്രിക്കറ്റ്‌ പ്രേമികളുടെ ഹൃദയം കീഴടക്കി, 4 വിക്കറ്റ് വീഴ്ത്തിയ കുൽദീപ് യാദവ് കളിയിലെ താരം ആയപ്പോൾ, 3 മത്സരങ്ങളിലും മികച്ച ബോളിങ്ങ് പ്രകടനം കാഴ്ച വെച്ച മുഹമ്മദ്‌ സിറാജ് പരമ്പരയിലെ താരമായി തിരഞ്ഞെടുക്കപ്പെട്ടു.

Categories
Cricket Latest News Malayalam Video

നി കൊള്ളാമല്ലോ ഡാ ചെക്കാ! കുൽദീപിൻ്റെ മൂക്ക് പിടിച്ചു തിരിച്ചു സഞ്ജു സാംസൻ്റെ സെലിബ്രേഷൻ : വീഡിയോ

ഇന്ന് നടന്ന ഏകദിന പരമ്പരയിലെ അവസാന മത്സരത്തിൽ ദക്ഷിണാഫ്രിക്കൻ ടീമിന് നാണംകെട്ട തോൽവി. ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ദക്ഷിണാഫ്രിക്ക 27.1 ഓവറിൽ വെറും 99 റൺസിന് ഓൾഔട്ട് ആകുകയായിരുന്നു. 19.1 ഓവറിൽ വെറും 3 വിക്കറ്റ് നഷ്ടത്തിൽ ഇന്ത്യ വിജയലക്ഷ്യം മറികടന്നു. ഇതോടെ ഏകദിന പരമ്പര 2-1 ന് ഇന്ത്യ സ്വന്തമാക്കി.

ഡൽഹി അരുൺ ജെയ്റ്റ്‌ലി സ്റ്റേഡിയത്തിൽ നടന്ന മത്സരം അര മണിക്കൂർ വൈകിയാണ് ആരംഭിച്ചത്. ഔട്ട് ഫീൽഡ് നനഞ്ഞ് ഇരിക്കുന്നതായിരുന്നു കാരണം. ടോസ് നേടിയ ഇന്ത്യൻ നായകൻ ശിഖർ ധവാൻ ഫീൽഡിംഗ് തെരഞ്ഞെടുക്കുകയായിരുന്നു. പിച്ചിലെ ഈർപ്പം മുതലാക്കാൻ ബോളർമാർക്ക് കഴിയുമെന്ന് തോന്നുന്നുവെന്ന്‌ പറഞ്ഞ ധവാന്റെ വാക്കുകൾ ശരിവയ്ക്കുന്ന പ്രകടനമാണ് ഇന്ത്യൻ ബോളർമാർ കാഴ്ചവെച്ചത്.

പേസർ മുഹമ്മദ് സിറാജ് മുൻ നിര ബാറ്റർമാരായ മലാനെയും ഹെൻറിക്‌സിനെയും പുറത്താക്കി. ശേഷിക്കുന്ന 8 വിക്കറ്റുകൾ ഇന്ത്യൻ സ്പിന്നർമാർ പങ്കിട്ടു. 4.1 ഓവറിൽ ഒരു മെയ്ഡൻ അടക്കം വെറും 18 റൺസ് വഴങ്ങി നാല് വിക്കറ്റ് വീഴ്ത്തിയ ഇടംകൈയ്യൻ ചൈനാമാൻ ബോളർ കുൽദീപ് യാദവ് കളിയിലെ താരമായി തിരഞ്ഞെടുക്കപ്പെട്ടു. ഷഹബാസ് അഹമ്മദും വാഷിങ്ടൺ സുന്ദറും രണ്ട് വിക്കറ്റ് വീതവും വീഴ്ത്തി. 42 പന്തിൽ നാല് ബൗണ്ടറി അടക്കം 34 റൺസ് എടുത്ത ഹെൻറിച്ച് ക്ലാസ്സന് ഒഴികെ മറ്റാർക്കും അൽപ്പമെങ്കിലും പിടിച്ചുനിൽക്കാൻ സാധിച്ചില്ല.

വെറും 100 റൺസ് വിജയലക്ഷ്യം പിന്തുടർന്ന ഇന്ത്യക്ക് തുടക്കത്തിലേ തന്നെ 14 പന്തിൽ 8 റൺസ് എടുത്ത നായകൻ ധവാനേ നഷ്ടമായി. അദ്ദേഹം ഇല്ലാത്ത റണ്ണിന് വേണ്ടി ഓടി റൺ ഔട്ട് ആകുകയായിരുന്നു. തുടർന്ന് വന്ന ഇഷൻ കിഷൻ 10 റൺസ് എടുത്തു കീപ്പർ ക്യാച്ച് നൽകി മടങ്ങി. മൂന്നാം വിക്കറ്റിൽ ഒത്തുചേർന്ന ഷുഭ്മൻ ഗില്ലും ശ്രേയസ് അയ്യരും ചേർന്ന് സ്കോർ മുന്നോട്ട് നീക്കി. വിജയത്തിന് വെറും മൂന്ന് റൺസ് അകലെ 49 റൺസ് എടുത്ത ഗിൽ എങ്കിടിയുടെ പന്തിൽ വിക്കറ്റിന് മുന്നിൽ കുരുങ്ങി പുറത്തായി. 28 റൺസ് എടുത്ത അയ്യരും രണ്ട് റൺസ് എടുത്ത് പുറത്താകാതെ നിന്ന സഞ്ജുവും ചേർന്ന് ഇന്ത്യയെ കൂടുതൽ വിക്കറ്റ് നഷ്ടമാകാതെ വിജയത്തിൽ എത്തിച്ചു.

മത്സരത്തിൽ ഇന്ത്യൻ വിക്കറ്റ് കീപ്പർ ആയിരുന്ന സഞ്ജു, ബോളിങ്ങിൽ തിളങ്ങിയ കുൽദീപിന്റെ മൂക്കിന്റെ തുമ്പത്ത് പിടിച്ചു തിരിക്കുന്ന ഒരു രസകരമായ മുഹൂർത്തം കാണാൻ സാധിച്ചു. ദക്ഷിണാഫ്രിക്കൻ ഇന്നിംഗ്സിൽ ഇരുപത്തിയാറാം ഓവറിൽ ആയിരുന്നു സംഭവം. മൂന്നാം പന്തിൽ ഫോർട്ട്വിനെയും നാലാം പന്തിൽ നോർക്യയെയും കുൽദീപ് ഒന്നിനു പിറകെ ഒന്നായി പുറത്താക്കി. അതിനു ശേഷം വിക്കറ്റ് നേട്ടം ആഘോഷിക്കുന്ന വേളയിൽ തമാശ രൂപേണ സഞ്ജു കുൽദീപിന്റെ മൂക്കിനു പിടിച്ച് തിരിക്കുകയായിരുന്നു.

വീഡിയോ :

പണ്ടുമുതലേ മികച്ച സുഹൃത്തുക്കളാണ് ഇരുവരും. ഇക്കഴിഞ്ഞ ഇന്ത്യ എ ടീമിന്റെ ന്യൂസിലൻഡ് എ ടീമുമായി നടന്ന ഏകദിന പരമ്പരയിലെ മത്സരത്തിൽ കുൽദീപ് യാദവ് ഒരു ഹാട്രിക്ക്‌ നേട്ടം കൈവരിച്ചു. സഞ്ജു ആയിരുന്നു ഇന്ത്യൻ ടീമിന്റെ ‌നായകൻ. ഐപിഎല്ലിൽ രാജസ്ഥാൻ റോയൽസ് താരമായ ചഹലിനെ കൊണ്ട് ഡെത്ത് ഓവറുകളിൽ പന്ത് ഏറിയിപ്പിച്ച് ഒരുപാട് വിക്കറ്റ് നേട്ടം കൈവരിക്കാൻ കഴിഞ്ഞ സഞ്ജു അതേ രീതിയിൽ ഈ പരമ്പരയിൽ കുൽഡീപിനെകൊണ്ട് ഡെത്ത് ഓവറുകളിൽ ബോൾ ചെയ്യിച്ചപ്പൊഴായിരുന്നു അന്ന് ഹാട്രിക്ക് ലഭിച്ചത്.

Categories
Cricket Latest News Malayalam Video

സഞ്ജു എന്നാൽ ഫ്ലവർ അല്ലെടാ ഫയർ, റബാഡയെ 95 മീറ്റർ സിക്സ് അടിച്ച് സഞ്ജു സാംസൺ വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ഏകദിന പരമ്പരയിലെ രണ്ടാം മത്സരത്തിൽ ഇന്ത്യക്ക് 7 വിക്കറ്റ് ജയം ഇതോടെ 3 മത്സരങ്ങളടങ്ങിയ പരമ്പര 1-1 എന്ന നിലയിൽ ഇന്ത്യ സമനിലയിൽ ആക്കി, റാഞ്ചിയിൽ നടന്ന ഇന്നത്തെ മത്സരത്തിൽ ടോസ് നേടിയ സൗത്ത് ആഫ്രിക്ക ബാറ്റിങ്ങ് തിരഞ്ഞെടുക്കുകയായിരുന്നു,  ബാവൂമയുടെ അഭാവത്തിൽ കേശവ് മഹാരാജ് ആണ് ഇന്നത്തെ കളിയിൽ സൗത്ത് ആഫ്രിക്കയെ നയിച്ചത്.

മത്സരത്തിന്റെ തുടക്കത്തിൽ തന്നെ ക്വിന്റൺ ഡി കോക്കിനെ (1) സൗത്ത് ആഫ്രിക്കയ്ക്ക് നഷ്ടമായെങ്കിലും അർധ സെഞ്ച്വറി നേടിയ റീസ ഹെൻഡ്രിക്ക്സും (74) ഐഡൻ മർക്രാമും(79) സൗത്ത് ആഫ്രിക്കയെ മുന്നോട്ടേക്ക് നയിച്ചു, ഇരുവരുടെയും അർധ സെഞ്ച്വറിയുടെ പിൻബലത്തിൽ നിശ്ചിത 50 ഓവറിൽ 278/7 എന്ന സ്കോറിൽ എത്തുകയായിരുന്നു സൗത്ത് ആഫ്രിക്ക, 3 വിക്കറ്റ് വീഴ്ത്തിയ മുഹമ്മദ്‌ സിറാജ് ഇന്ത്യക്ക് വേണ്ടി മികച്ച ബോളിങ്ങ് പ്രകടനം പുറത്തെടുത്തു.

മറുപടി ബാറ്റിങ്ങിനിറങ്ങിയ ഇന്ത്യക്ക് തുടക്കത്തിൽ തന്നെ ഓപ്പണർമാരായ ശിഖർ ധവാനെയും (15) ശുഭ്മാൻ ഗില്ലിനെയും (12) നഷ്ടമായി, 48/2 എന്ന നിലയിൽ പരുങ്ങലിൽ ആയ ഇന്ത്യയെ മൂന്നാം വിക്കറ്റിൽ ഒത്തു ചേർന്ന ഇഷാൻ കിഷന്റെയും (93) ശ്രേയസ് അയ്യരുടെയും മികച്ച ബാറ്റിങ്ങ് പ്രകടനം  ഇന്ത്യക്ക് തുണയാവുകയായിരുന്നു, മൂന്നാം വിക്കറ്റിൽ ഇരുവരും ചേർന്ന് 161 റൺസിന്റെ കൂറ്റൻ കൂട്ട്കെട്ട് പടുത്തുയർത്തി, ക്രീസിൽ നിലയുറപ്പിച്ച ശേഷം ഇഷാൻ കിഷൻ ട്വന്റി-20 ശൈലിയിൽ ബാറ്റ് വീശിയപ്പോൾ ഇന്ത്യൻ സ്കോറിങ്ങിന്റെ വേഗത കൂടി, 84 ബോളിൽ 4 ഫോറും 7 സിക്സും അടക്കം 93 റൺസ് നേടിയായിരുന്നു ഇഷാൻ കിഷന്റെ വെടിക്കെട്ട് ഇന്നിംഗ്സ്.

ഇഷാൻ കിഷൻ പുറത്തായതിന് ശേഷം ക്രീസിലെത്തിയ സഞ്ജു സാംസൺ (30) ശ്രേയസ് അയ്യർക്ക് (113) മികച്ച പിന്തുണ നൽകി ഇന്ത്യയെ വിജയത്തിലേക്ക് നയിക്കുകയായിരുന്നു, ഇതിനിടെ ഏകദിനത്തിലെ തന്റെ രണ്ടാം സെഞ്ച്വറി നേടാൻ ശ്രേയസ് അയ്യർക്ക് സാധിച്ചു, മത്സരത്തിൽ നാൽപത്തി മൂന്നാം ഓവർ ചെയ്യാൻ എത്തിയ കഗിസോ റബാഡയെ ലോങ്ങ് ഓണിലേക്ക് സഞ്ജു സാംസൺ ഒരു കൂറ്റൻ സിക്സ് പറത്തി, 95 മീറ്റർ ആയിരുന്നു സിക്സിന്റെ ദൂരം.

വീഡിയോ :

Categories
Cricket Malayalam Video

4,6,6 ഇതെന്താ ട്വന്റി-20 ആണോ! നോർക്കിയയുടെ ഓവറിൽ ഇഷാൻ കിഷന്റെ വെടിക്കെട്ട് : വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ഏകദിന പരമ്പരയിലെ രണ്ടാം മത്സരത്തിൽ ടോസ് നേടിയ സൗത്ത് ആഫ്രിക്ക ബാറ്റിങ്ങ് തിരഞ്ഞെടുക്കുകയായിരുന്നു,  ബാവൂമയുടെ അഭാവത്തിൽ കേശവ് മഹാരാജ് ആണ് ഇന്നത്തെ കളിയിൽ സൗത്ത് ആഫ്രിക്കയെ നയിക്കുന്നത്, ആദ്യ മത്സരത്തിൽ സൗത്ത് ആഫ്രിക്ക 9 റൺസിന് ജയിച്ചതിനാൽ ഇന്നത്തെ മത്സരം ഇന്ത്യക്ക് ഏറെ നിർണായകമാണ്.

മത്സരത്തിന്റെ തുടക്കത്തിൽ തന്നെ ക്വിന്റൺ ഡി കോക്കിനെ (1) സൗത്ത് ആഫ്രിക്കയ്ക്ക് നഷ്ടമായെങ്കിലും അർധ സെഞ്ച്വറി നേടിയ റീസ ഹെൻഡ്രിക്ക്സും (74) ഐഡൻ മർക്രാമും(79) സൗത്ത് ആഫ്രിക്കയെ മുന്നോട്ടേക്ക് നയിച്ചു, ഇരുവരുടെയും അർധ സെഞ്ച്വറിയുടെ പിൻബലത്തിൽ നിശ്ചിത 50 ഓവറിൽ 278/7 എന്ന സ്കോറിൽ എത്തുകയായിരുന്നു സൗത്ത് ആഫ്രിക്ക, 3 വിക്കറ്റ് വീഴ്ത്തിയ മുഹമ്മദ്‌ സിറാജ് ഇന്ത്യക്ക് വേണ്ടി മികച്ച ബോളിങ്ങ് പ്രകടനം പുറത്തെടുത്തു.

മറുപടി ബാറ്റിങ്ങിനിറങ്ങിയ ഇന്ത്യക്ക് തുടക്കത്തിൽ തന്നെ ഓപ്പണർമാരായ ശിഖർ ധവാനെയും (15) ശുഭ്മാൻ ഗില്ലിനെയും (12) നഷ്ടമായി, 48/2 എന്ന നിലയിൽ പരുങ്ങലിൽ ആയ ഇന്ത്യയെ മൂന്നാം വിക്കറ്റിൽ ഒത്തു ചേർന്ന ഇഷാൻ കിഷന്റെയും (93) ശ്രേയസ് അയ്യരുടെയും മികച്ച ബാറ്റിങ്ങ് പ്രകടനം  ഇന്ത്യക്ക് തുണയാവുകയായിരുന്നു, മൂന്നാം വിക്കറ്റിൽ ഇരുവരും ചേർന്ന് 161 റൺസിന്റെ കൂറ്റൻ കൂട്ട്കെട്ട് പടുത്തുയർത്തി, ക്രീസിൽ നിലയുറപ്പിച്ച ശേഷം ഇഷാൻ കിഷൻ ട്വന്റി-20 ശൈലിയിൽ ബാറ്റ് വീശിയപ്പോൾ ഇന്ത്യൻ സ്കോറിങ്ങിന്റെ വേഗത കൂടി, 4 ഫോറും 7 സിക്സും അടങ്ങുന്നതായിരുന്നു ഇഷാൻ കിഷന്റെ വെടിക്കെട്ട് ഇന്നിംഗ്സ്, മത്സരത്തിൽ 37ആം ഓവർ ചെയ്യാനെത്തിയ നോർക്കിയയെ 2 സിക്സും 1 ഫോറും അടിച്ച് ഇഷാൻ കിഷൻ ഇന്ത്യൻ വിജയം വേഗത്തിലാക്കാൻ ശ്രമിച്ചു.

Categories
Cricket Malayalam Video

റൺ ഔട്ടും ആക്കിയില്ല ,നാല് റൺസും കൊടുത്തു സിറാജ് ,ശേഷം അമ്പയറോട് തർക്കിക്കുന്ന രംഗങ്ങൾ പുറത്ത് : വീഡിയോ

റാഞ്ചിയിൽ നടക്കുന്ന ഇന്ത്യ ദക്ഷിണാഫ്രിക്ക ഏകദിന പരമ്പരയിലെ രണ്ടാം മത്സരത്തിൽ ആദ്യം ബാറ്റ് ചെയ്ത ദക്ഷിണാഫ്രിക്ക 50 ഓവറിൽ 7 വിക്കറ്റിന് 278 റൺസ് എടുത്തു .മർക്രം 79 (89) , ഹെൻട്രിക്സ് 74(76) ,മില്ലർ 35 (34 ) എന്നിവരാണ് ദക്ഷിണാഫ്രിക്കയുടെ ടോപ് സ്കോറർ .

ഇന്നത്തെ മത്സരത്തിൽ രണ്ട് മാറ്റങ്ങളാണ് ഇന്ത്യ വരുത്തിയത്. ഋതുരാജ് ഗയ്ക്വാദ്, രവി ബിഷ്‌നോയ് എന്നിവർക്ക് പകരം വാഷിങ്ടൺ സുന്ദറും അരങ്ങേറ്റ താരം ഷഹബാസ് അഹമ്മദ്ദും ടീമിൽ ഇടംപിടിച്ചു. ഇന്നത്തെ മത്സരം ആരംഭിക്കുന്നതിന് മുമ്പ് അസുഖബാധിതരായി നായകൻ ബാവുമായും ഷംസിയും ഇന്ന് അവർക്കുവേണ്ടി കളിക്കുന്നില്ല. പകരം റീസ ഹെൻറിക്‌സും ബിയോൺ ഫോർട്ട്വിൻ എന്നിവർ ഉൾപ്പെട്ടു. സ്പിന്നർ കേശവ് മഹാരാജ് ആണ് പകരം നായകൻ.

സിറാജ് അനാവശ്യമായി എറിഞ്ഞ ത്രോ കാരണം ദക്ഷിണാഫ്രിക്കക്ക് 4 റൺസ് എക്സ്ട്രാ കിട്ടി . സിറാജ് എറിഞ്ഞ 47മതെ ഓവറിലെ രണ്ടാം ബോളിൽ ആണ് സംഭവം.

സിറാജ് എറിഞ്ഞ ബോൾ മഹാരാജ് മിസ്സ് ആക്കി സഞ്ജുവിൻ്റെ കൈകളിൽ എത്തുകയായിരുന്നു ,ശേഷം സഞ്ജു ബോൾ സിറാജിന് എറിഞ്ഞു കൊടുത്തു , ബോൾ കയ്യിൽ കിട്ടിയ ശേഷം ദേഷ്യത്തോടെ നോൺ സ്ട്രൈക്കർ എൻ്റിലെ സ്റ്റംമ്പിലേക്ക് എറിഞ്ഞ സിറാജിൻ്റെ പ്രവർത്തി ദക്ഷിണാഫ്രിക്കക്ക് 4 അതിക റൺസ് സമ്മാനിച്ചു ,ശേഷം സിറാജ് അമ്പയറോടു തർക്കിക്കുന്നതും കാണാമായിരുന്നു .

ഇന്ത്യക്ക് വേണ്ടി മൂന്നും സുന്ദർ ,ഷഹബാസ് , കുൽദീപ് യാദവ് , താക്കൂർ എന്നിവർ ഓരോ വിക്കറ്റ് വീതവും നേടി.

playing 11 INDIA :

Shikhar Dhawan (c), Shubman Gill, Ishan Kishan, Shreyas Iyer, Sanju Samson (wk), Washington Sundar, Shahbaz Ahmed, Shardul Thakur, Kuldeep Yadav, Mohammed Siraj, Avesh Khan.

playing 11 RSA :

Janneman Malan, Quinton de Kock (wk), Reeza Hendricks, Aiden Markram, Heinrich Klaasen, David Miller, Wayne Parnell, Keshav Maharaj (c), Bjorn Fortuin, Kagiso Rabada, Anrich Nortje

Categories
Cricket Latest News Malayalam Video

ഫിഫ്റ്റി നേട്ടമല്ല, രാജ്യത്തിന്റെ വിജയത്തിനാണ് പ്രാധാന്യം; അർദ്ധ സെഞ്ചുറി നേട്ടം ആഘോഷിക്കാതെ സഞ്ജു.. വീഡിയോ

ഇന്നലെ നടന്ന മത്സരത്തിൽ ഇന്ത്യയെ 9 റൺസിന് പരാജയപ്പെടുത്തി ദക്ഷിണാഫ്രിക്ക മൂന്ന് മത്സര ഏകദിന പരമ്പരയിൽ 1-0 ന് മുന്നിലെത്തിയിരുന്നു. ആദ്യം ബാറ്റിങ്ങിന് ഇറങ്ങിയ ദക്ഷിണാഫ്രിക്കയ്ക്ക് 22 ഓവറിൽ 110 റൺസ് എടുക്കുന്നതിനിടെ നാല് മുൻനിര വിക്കറ്റുകൾ നഷ്ടമായി. എങ്കിലും വേർപിരിയാത്ത അഞ്ചാം വിക്കറ്റിൽ ഒത്തുചേർന്ന ഹെൻറിച്ച് ക്ലാസ്സനും ഡേവിഡ് മില്ലറും 249 എന്ന മികച്ച ടോട്ടലിലെക്ക്‌ എത്തിക്കുകയായിരുന്നു. ഡീ കോക്ക് 48 റൺസ് എടുത്ത് പുറത്തായി. ക്ലാസ്സൻ 74* റൺസും മില്ലർ 75* റൺസും എടുത്തു. 8 ഓവറിൽ ഒരു മെയ്‌ഡൻ അടക്കം വെറും 35 റൺസ് വഴങ്ങി 2 വിക്കറ്റ് വീഴ്ത്തിയ താക്കൂർ ബോളർമാരിൽ മികച്ചുനിന്നു. മഴ മൂലം കളി 40 ഓവറാക്കി ചുരുക്കിയിരുന്നു.

250 റൺസ് വിജയലക്ഷ്യം പിന്തുടർന്ന ഇന്ത്യയുടെ തുടക്കം തകർച്ചയോടെയായിരുന്നു. 51 റൺസ് എടുക്കുന്നതിനിടെ നാല് വിക്കറ്റ് നഷ്ടമായ ഇന്ത്യക്ക് വേണ്ടി ശ്രേയസ് അയ്യരും സഞ്ജുവും ചേർന്ന് 67 റൺസിന്റെ കൂട്ടുകെട്ട് സൃഷ്ടിച്ചു. അർദ്ധ സെഞ്ചുറി പൂർത്തിയാക്കിയ ഉടനെ അയ്യർ പുറത്തായി. പിന്നീട് വന്ന താക്കൂറുമൊത്ത് 93 റൺസിന്റെ നിർണായക കൂട്ടുകെട്ടിലും സഞ്ജു പങ്കാളിയായി. 31 പന്തിൽ 5 ബൗണ്ടറി അടക്കം 33 റൺസ് നേടി താക്കൂർ പുറത്തായി. എങ്കിലും മത്സരം അവസാനിക്കുന്നത് വരെ ഇന്ത്യക്ക് വിജയപ്രതീക്ഷ നൽകാൻ സഞ്ജുവിന് കഴിഞ്ഞു.

തബ്രെയിസ് ഷംസി എറിഞ്ഞ അവസാന ഓവറിൽ ഇന്ത്യക്ക് ജയിക്കാൻ വേണ്ടിയിരുന്നത് 30 റൺസ്. ദക്ഷിണാഫ്രിക്ക അനായാസ വിജയം നേടി എന്ന് തോന്നിപ്പിച്ച ഘട്ടത്തിൽ തുടർച്ചയായ ബൗണ്ടറികളിലൂടെ അവരെ അൽപ്പമെങ്കിലും ഭീതിയിലാക്കാൻ സഞ്ജുവിന് കഴിഞ്ഞു. ആദ്യ പന്തിൽ വൈഡ്, അടുത്ത പന്തിൽ മിഡ് വിക്കറ്റിലേക്ക് തകർപ്പൻ പുൾ ഷോട്ട് സിക്സ്. അതോടെ കാണികളും ആവേശത്തിലായി. രണ്ടാം പന്തിലും മൂന്നാം പന്തിലും ബൗണ്ടറി. പക്ഷേ നാലാം പന്തിൽ സ്ക്വയർ ലേഗിലേക്ക്‌ കളിചെങ്കിലും റൺ എടുക്കാനായില്ല. അഞ്ചാം പന്തിൽ ഒരു ഫോർ കൂടി നേടിയ സഞ്ജു മത്സരത്തിൽ 63 പന്തിൽ നിന്നും മൊത്തം 9 ഫോറും 3 സിക്സും അടക്കം 86* റൺസോടെ പുറത്താകാതെ നിന്നു.

ഇന്നലെ തന്റെ കരിയറിലെ രണ്ടാം ഏകദിന അർദ്ധ സെഞ്ചുറി നേടിയ ശേഷം അതിൽ ആഹ്ലാദം പ്രകടിപ്പിക്കുന്ന ഒന്നും സഞ്ജുവിന്റെ ഭാഗത്ത് നിന്നും ഉണ്ടായില്ല. ഷംസി എറിഞ്ഞ 36 ആം ഓവറിന്റെ ആദ്യ പന്തിൽ ഓൺ സൈഡിലേക്ക് തട്ടിയിട്ട സഞ്ജു ഡബിൾ എടുത്ത് ഫിഫ്റ്റി പൂർത്തിയാക്കി. ഉടനെ തന്നെ അടുത്ത പന്തിനായി തയാറെടുത്തു. ബാറ്റ് ഉയർത്തി ഡഗ് ഔട്ടിലേക്കോ ഗലറിയിലേക്കോ നോക്കി ഒരു ആഹ്ലാദപ്രകടനവും നടത്തിയില്ല. കാരണം അയാൾക്ക് അറിയാമായിരുന്നു, തന്റെ ടീമിന്റെ വിജയത്തിനാണ് പ്രഥമ പരിഗണന നൽകേണ്ടത്. വ്യക്തിഗത നേട്ടങ്ങളെ അമിതമായി ആഘോഷിക്കാതെ രാജ്യത്തിന്റെ നേട്ടത്തിന് വേണ്ടി കളിക്കുക എന്ന അടിസ്ഥാനതത്വം വളർന്ന് വരുന്ന യുവതാരങ്ങൾക്ക് മാതൃകയായി എടുക്കാൻ സാധിക്കുന്ന ഒരു പെരുമാറ്റമായിരുന്നു സഞ്ചുവിന്റെത്.

സാധാരണ മത്സരം അവസാനിക്കുന്നതിന് മുമ്പേ തന്നെ പരാജയം ഏതാണ്ട് ഉറപ്പായാൽ കാണികൾ ഗാലറിയിൽ നിന്നും എഴുന്നേറ്റ് പോകുന്ന കാഴ്ച്ച പതിവാണ്. എന്നാൽ ഇന്നലെ അങ്ങനെയൊന്ന് ഉണ്ടായില്ല. കാരണം ബാക്കി എല്ലാവരും പുറത്തായിട്ടും ഒറ്റയാൾ പോരാളിയായി സഞ്ജു ക്രീസിൽ നിലയുറപ്പിച്ചിരുന്നു. തന്റേതായ ദിവസത്തിൽ ഏതൊരു വൻ വിജയലക്ഷ്യം ആയാലും മറികടക്കാൻ ചങ്കൂറ്റമുള്ള ഒരു താരമായി അദ്ദേഹം വളർന്നുകഴിഞ്ഞു. സഞ്ജു എങ്ങനെയെങ്കിലും തങ്ങളുടെ രാജ്യത്തെ വിജയിപ്പിക്കും എന്ന് ഉറച്ച് വിശ്വസിച്ച കാണികൾ ആരും തന്നെ മത്സരം തീരുന്നത് വരെ ഗ്രൗണ്ട് വിട്ട് പോയില്ല. മത്സരം വിജയിക്കാൻ കഴിഞ്ഞില്ലെങ്കിലും സഞ്ജുവിന്റെ മികച്ച ബാറ്റിംഗ് പ്രകടനം കാണാനുള്ള ഭാഗ്യം അവർക്ക് ലഭിച്ചു.

കഴിഞ്ഞ ഏതാനും പരമ്പരകളായി സഞ്ജുവിന് ഇന്ത്യൻ ലിമിറ്റഡ് ഓവർ ടീമിൽ സ്ഥിരമായ അവസരങ്ങൾ കിട്ടുന്നുണ്ട്. ഈ വർഷം തനിക്ക് ലഭിച്ച അവസരങ്ങൾ കൃത്യമായി മുതലാക്കാൻ ഒരുപരിധി വരെയെങ്കിലും അദ്ദേഹത്തിന് കഴിഞ്ഞിട്ടുമുണ്ട്. അയർലൻഡ് ട്വന്റി ട്വന്റി പരമ്പരയിലെ രണ്ടാം മത്സരത്തിൽ 77 റൺസ് നേടി തന്റെ കന്നി T20 അർദ്ധ സെഞ്ചുറിയും വെസ്റ്റിൻഡീസ് പര്യടനത്തിൽ കന്നി ഏകദിന അർദ്ധ സെഞ്ചുറിയും സ്വന്തമാക്കിയ സഞ്ജു, സിംബാബ്‌വെ പരമ്പരയിലെ രണ്ടാം ഏകദിനത്തിൽ പുറത്താകാതെ 43 റൺസ് നേടി തന്റെ കരിയറിലെ ആദ്യത്തെ രാജ്യാന്തര പ്ലേയർ ഓഫ് ദി മാച്ച് പുരസ്കാരവും നേടിയിരുന്നു.

അർദ്ധ സെഞ്ചുറി നേട്ടം ആഘോഷിക്കാതെ സഞ്ജു.. വീഡിയോ.