Category: Malayalam

Categories
Cricket Malayalam Video

6 4 4 4 ഒരു നിമിഷം ഇന്ത്യയെ സഞ്ജു ജയിപ്പിക്കും എന്ന് കരുതിയ അവസാന ഓവറിലെ വെടിക്കെട്ട് വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ഏകദിന പരമ്പരയിലെ ആദ്യ മത്സരത്തിൽ ഇന്ത്യക്ക് 9 റൺസ് തോൽവി, ടോസ് നഷ്ടപ്പെട്ട് ആദ്യം ബാറ്റ് ചെയ്യാനിറങ്ങിയ സൗത്ത് ആഫ്രിക്ക ഡേവിഡ് മില്ലറും, ക്ലാസനും നേടിയ അർധ സെഞ്ച്വറികളുടെ പിൻബലത്തിൽ  249/4 എന്ന കൂറ്റൻ സ്കോർ നേടാനായി, മഴ കാരണം ഏറെ വൈകിയാണ് മത്സരം ആരംഭിക്കാൻ സാധിച്ചത്, 40 ഓവറായി വെട്ടിച്ചുരുക്കിയാണ് മത്സരം നടന്നത്.

ഭേദപ്പെട്ട തുടക്കം ആണ് സൗത്ത് ആഫ്രിക്കൻ ഓപ്പണർമാരായ ക്വിന്റൺ ഡി കോക്കും മലാനും അവർക്ക് സമ്മാനിച്ചത്, പതിമൂന്നാം ഓവറിൽ ശാർദുൾ താക്കൂർ ആണ് ഇന്ത്യക്ക് ആദ്യ വിക്കറ്റ് സമ്മാനിച്ചത് 23 റൺസ് എടുത്ത മലാനെ ശ്രേയസ് അയ്യരുടെ കൈകളിൽ എത്തിക്കുകയായിരുന്നു.
മൂന്നാമനായി ഇറങ്ങിയ സൗത്ത് ആഫ്രിക്കൻ ക്യാപ്റ്റൻ ബവൂമ (8) പതിനഞ്ചാം ഓവർ ചെയ്യാനെത്തിയ ശാർദുൾ താക്കൂറിന്റെ മികച്ച ഒരു ബോളിൽ താരത്തിന്റെ കുറ്റി തെറിക്കുകയായിരുന്നു, പിന്നാലെ മർക്രാമിനെ (0) കുൽദീപ് യാദവും 48 റൺസ് എടുത്ത ഡി കോക്കിനെ രവി ബിഷ്ണോയിയും വീഴ്ത്തിയതോടെ  110/4 എന്ന നിലയിൽ തകർച്ച മുന്നിൽ കണ്ടു സൗത്ത് ആഫ്രിക്ക.

എന്നാൽ പിന്നീട് ക്രീസിൽ ഒത്തു ചേർന്ന ഡേവിഡ് മില്ലരും (75)ക്ലാസനും (74) സൗത്ത് ആഫ്രിക്കയെ മികച്ച രീതിയിൽ മുന്നോട്ടേക്ക് നയിച്ചു ആക്രമിച്ച് കളിച്ച ഇരുവരും സ്കോർ ബോർഡ്‌ അതിവേഗം ചലിപ്പിച്ചു, ഇന്ത്യൻ ഫീൽഡർമാരുടെ മോശം ഫീൽഡിങ്ങ് കൂടെ ആയപ്പോൾ സൗത്ത് ആഫ്രിക്കക്ക് കാര്യങ്ങൾ എളുപ്പമായി, ഇരുവരും ചേർന്ന് അഞ്ചാം വിക്കറ്റിൽ 139 റൺസ് കൂട്ടിച്ചേർത്തു, ഒടുവിൽ നിശ്ചിത 40 ഓവറിൽ 249/4 എന്ന കൂറ്റൻ സ്കോറിൽ എത്താനായി സൗത്ത് ആഫ്രിക്കയ്ക്ക്.

മറുപടി ബാറ്റിങ്ങിനിറങ്ങിയ ഇന്ത്യയുടെ തുടക്കം തകർച്ചയോടെ ആയിരുന്നു, ഓപ്പണർമാരായ ശുഭ്മാൻ ഗില്ലിനെയും (3) ശിഖർ ധവാനെയും (4) തുടക്കത്തിൽ തന്നെ ഇന്ത്യക്ക് നഷ്ടമായി, പിടിച്ച് നിൽക്കാൻ ശ്രമിച്ചെങ്കിലും അരങ്ങേറ്റക്കാരൻ റിതുരാജും (19) ഇഷാൻ കിഷനും (20) കൂടി പുറത്തായത്തോടെ ഇന്ത്യ 51/4 എന്ന നിലയിൽ ആയി.

മറു വശത്ത് ശ്രേയസ് അയ്യർ മികച്ച രീതിയിൽ കളിച്ചപ്പോൾ ഇന്ത്യൻ സ്കോർ ബോർഡിന് ജീവൻ വെച്ചു, അഞ്ചാം വിക്കറ്റിൽ സഞ്ജു സാംസണും ശ്രേയസ് അയ്യറും ചേർന്ന് 67 റൺസിന്റെ കൂട്ടുകെട്ട് പണിതുയർത്തി, എന്നാൽ അർധ സെഞ്ച്വറി നേടിയതിന് പിന്നാലെ ശ്രേയസ് അയ്യർ (50) വീണതോടെ ഇന്ത്യ വീണ്ടും സമ്മർദ്ദത്തിലായി.

എന്നാൽ അത്ര പെട്ടന്ന് തോറ്റു കൊടുക്കാൻ സഞ്ജു സാംസൺ തയ്യാറായിരുന്നില്ല, ശാർദുൾ താക്കൂറിനെ (33) കൂട്ട് പിടിച്ച് സഞ്ജു ഇന്ത്യയെ മുന്നിലേക്ക് നയിച്ചു, ഇരുവരും ആറാം വിക്കറ്റിൽ 93 റൺസ് കൂട്ടിച്ചേർത്തു, നിർണായക ഘട്ടത്തിൽ താക്കൂറിന്റെ വിക്കറ്റ് വീണത് ഇന്ത്യക്ക് തിരിച്ചടിയായി, എങ്കിലും വാലറ്റക്കരെ കൂട്ട് പിടിച്ച് സഞ്ജു ടീമിനെ വിജയത്തിലെത്തിക്കാൻ പരമാവധി ശ്രമിച്ചു, ഷംസിയുടെ അവസാന ഓവറിൽ 3 ഫോറും 1 സിക്സും അടക്കം 20 റൺസ് ആണ് സഞ്ജു അടിച്ച് കൂട്ടിയത്.

Categories
Cricket Malayalam Video

ഇതാണ് കോൺഫിഡൻസ് ! ടീം തകർച്ചയിൽ നിൽക്കുമ്പോഴും ഇറങ്ങി മൂന്നാമത്തെ ബോളിൽ തന്നെ സിക്സ് : വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ഏകദിന പരമ്പരയിലെ ആദ്യ മത്സരത്തിൽ ഡേവിഡ് മില്ലറും ക്ലാസനും നേടിയ അർധ സെഞ്ച്വറികളുടെ പിൻബലത്തിൽ സൗത്ത് ആഫ്രിക്ക 249/4 എന്ന കൂറ്റൻ സ്കോർ നേടി, ടോസ് നേടിയ ഇന്ത്യൻ ക്യാപ്റ്റൻ ശിഖർ ധവാൻ സൗത്ത് ആഫ്രിക്കയെ ബാറ്റിങ്ങിന് അയക്കുകയായിരുന്നു, മഴ കാരണം ഏറെ വൈകിയാണ് മത്സരം ആരംഭിക്കാൻ സാധിച്ചത്, 40 ഓവറായി വെട്ടിച്ചുരുക്കിയാണ് മത്സരം നടക്കുന്നത്.

ഭേദപ്പെട്ട തുടക്കം ആണ് സൗത്ത് ആഫ്രിക്കൻ ഓപ്പണർമാരായ ക്വിന്റൺ ഡി കോക്കും മലാനും അവർക്ക് സമ്മാനിച്ചത്, പതിമൂന്നാം ഓവറിൽ ശാർദുൾ താക്കൂർ ആണ് ഇന്ത്യക്ക് ആദ്യ വിക്കറ്റ് സമ്മാനിച്ചത് 23 റൺസ് എടുത്ത മലാനെ ശ്രേയസ് അയ്യരുടെ കൈകളിൽ എത്തിക്കുകയായിരുന്നു.
മൂന്നാമനായി ഇറങ്ങിയ സൗത്ത് ആഫ്രിക്കൻ ക്യാപ്റ്റൻ ബവൂമ (8) പതിനഞ്ചാം ഓവർ ചെയ്യാനെത്തിയ ശാർദുൾ താക്കൂറിന്റെ മികച്ച ഒരു ബോളിൽ താരത്തിന്റെ കുറ്റി തെറിക്കുകയായിരുന്നു, പിന്നാലെ മർക്രാമിനെ (0) കുൽദീപ് യാദവും 48 റൺസ് എടുത്ത ഡി കോക്കിനെ രവി ബിഷ്ണോയിയും വീഴ്ത്തിയതോടെ  110/4 എന്ന നിലയിൽ പരുങ്ങലിൽ ആയി സൗത്ത് ആഫ്രിക്ക.

എന്നാൽ പിന്നീട് ക്രീസിൽ ഒത്തു ചേർന്ന ഡേവിഡ് മില്ലരും (75)ക്ലാസനും (74) സൗത്ത് ആഫ്രിക്കയെ മികച്ച രീതിയിൽ മുന്നോട്ടേക്ക് നയിച്ചു ആക്രമിച്ച് കളിച്ച ഇരുവരും സ്കോർ ബോർഡ്‌ അതിവേഗം ചലിപ്പിച്ചു, ഇന്ത്യൻ ഫീൽഡർമാരുടെ മോശം ഫീൽഡിങ്ങ് കൂടെ ആയപ്പോൾ സൗത്ത് ആഫ്രിക്കക്ക് കാര്യങ്ങൾ എളുപ്പമായി, ഇരുവരും ചേർന്ന് അഞ്ചാം വിക്കറ്റിൽ 139 റൺസ് കൂട്ടിച്ചേർത്തു, ഒടുവിൽ നിശ്ചിത 40 ഓവറിൽ 249/4 എന്ന കൂറ്റൻ സ്കോറിൽ എത്താനായി സൗത്ത് ആഫ്രിക്കയ്ക്ക്.

മറുപടി ബാറ്റിങ്ങിനിറങ്ങിയ ഇന്ത്യയുടെ തുടക്കം തകർച്ചയോടെ ആയിരുന്നു, ഓപ്പണർമാരായ ശുഭ്മാൻ ഗില്ലിനെയും (3) ശിഖർ ധവാനെയും (4) തുടക്കത്തിൽ തന്നെ ഇന്ത്യക്ക് നഷ്ടമായി, പിടിച്ച് നിൽക്കാൻ ശ്രമിച്ചെങ്കിലും അരങ്ങേറ്റക്കാരൻ റിതുരാജും (19) ഇഷാൻ കിഷനും (20) കൂടി പുറത്തായത്തോടെ ഇന്ത്യ 51/4 എന്ന നിലയിൽ ആയി.

പിന്നീട് ക്രീസിലെത്തിയ സഞ്ജു സാംസൺ  സമ്മർദ ഘട്ടത്തിൽ ആയിട്ടും നേരിട്ട മൂന്നാമത്തെ ബോളിൽ ഷംസിയെ സിക്സ് പറത്തിയാണ്  തന്റെ വരവ് അറിയിച്ചത്, ക്രീസ് വിട്ടിറങ്ങിയ സഞ്ജു മിഡ്‌ വിക്കറ്റിലേക്ക് മനോഹരമായ സിക്സർ പറത്തുകയായിരുന്നു, മറു വശത്ത് ശ്രേയസ് അയ്യർ മികച്ച രീതിയിൽ കളിച്ചപ്പോൾ ഇന്ത്യൻ സ്കോർ ബോർഡിന് ജീവൻ വെച്ചു, അഞ്ചാം വിക്കറ്റിൽ ഇരുവരും ചേർന്ന് 67 റൺസിന്റെ കൂട്ടുകെട്ട് പണിതുയർത്തി.

Categories
Cricket Latest News Malayalam Video

വല്ലാത്ത എനർജി തന്നെ പഹയാ അനക്ക്! പറന്നു പിടിച്ച ശേഷം ശ്രീ ശാന്തിൻ്റെ കിടിലൻ റണ്ണൗട്ട് ; വീഡിയോ കാണാം

ലെജൻഡ്സ് ക്രിക്കറ്റ്‌ ലീഗിലെ ഗുജറാത്ത്‌ ജയന്റ്സും ഭിൽവാര കിംഗ്‌സും തമ്മിലുള്ള മത്സരത്തിൽ ടോസ് നേടിയ ഗുജറാത്ത്‌ ക്യാപ്റ്റൻ പാർഥിവ് പട്ടേൽ ബാറ്റിങ്ങ് തിരഞ്ഞെടുക്കുകയായിരുന്നു, ജോധ്പൂരിലാണ് മൽസരം നടക്കുന്നത്, തുടക്കത്തിൽ തന്നെ കഴിഞ്ഞ കളിയിൽ 68 റൺസ് എടുത്ത് തിളങ്ങിയ ക്രിസ് ഗെയിൽ 4 റൺസ് എടുത്ത് റൺ ഔട്ട്‌ ആയി മടങ്ങിയത് ഗുജറാത്തിന് തിരിച്ചടി ആയെങ്കിലും പിന്നീട് വന്ന ബാറ്റർമാർ അവസരത്തിനൊത്ത് ഉയർന്നത് കൊണ്ട് നിശ്ചിത 20 ഓവറിൽ ഗുജറാത്തിന് 194/7 എന്ന കൂറ്റൻ സ്കോർ നേടാനായി.

ഗെയിൽ മടങ്ങിയതിന് പിന്നാലെ 36 റൺസ് എടുത്ത തിലകരത്ന ദിൽഷനും 43 റൺസ് എടുത്ത യശ്പാൽ സിങ്ങും ഗുജറാത്തിനെ മുന്നോട്ടേക്ക് നയിച്ചു, ദിൽഷനും യശ്പാൽ സിങ്ങും ഗുജറാത്ത്‌ ഇന്നിംഗ്സിന് അടിത്തറ പണിതപ്പോൾ അത് കെട്ടിപ്പൊക്കി 194 ൽ എത്തിച്ചത് അവസാന ഓവറുകളിൽ തകർത്തടിച്ച കെവിൻ ഒബ്രിയാന്റെയും ജീവൻ മെൻഡിസിന്റെയും ഇന്നിങ്ങ്സിന്റെ പിൻബലത്തിലാണ്, വെറും 24 ബോളിൽ 2 ഫോറും 4 സിക്സും അടക്കം 45 റൺസ് ആണ് കെവിൻ ഒബ്രിയാൻ അടിച്ച് കൂട്ടിയത്, മറുവശത്ത് 24 റൺസ് എടുത്ത ജീവൻ മെൻഡിസും മികച്ച പിന്തുണ നൽകി.

മത്സരത്തിൽ ഭിൽവാര കിങ്ങ്സിന് വേണ്ടി മികച്ച ബോളിംഗ് പ്രകടനം ആണ് ശ്രീശാന്ത് നടത്തിയത് 4 ഓവറിൽ 28 റൺസ് വഴങ്ങി അപകടകാരികളായ ദിൽഷന്റെയും (36) സ്റ്റുവർട്ട് ബിന്നിയുടെയും (4) വിക്കറ്റുകളാണ് ശ്രീശാന്ത് സ്വന്തമാക്കിയത്, ഇരുവരുടെയും കുറ്റി തെറിപ്പിക്കുകയായിരുന്നു ശ്രീശാന്ത്, മത്സരത്തിന്റെ അവസാന ഓവറിൽ മികച്ച ഫീൽഡിങ്ങിലൂടെ റയാഡ് എംറിത്തിനെ റൺ ഔട്ട്‌ ആക്കാനും ശ്രീശാന്തിന് സാധിച്ചു, ഇന്നത്തെ മത്സരം ജയിക്കുന്ന ടീമിന് ഫൈനലിലേക്ക് മുന്നേറാം.

Categories
Cricket India Latest News Malayalam Video

മൂക്കിൽ നിന്ന് ചോര ഒലിച്ചിട്ടും ബൗളർമാർക്ക് നിർദ്ദേശം നൽകുന്ന ക്യാപ്റ്റൻ ,ശേഷം കളം വിട്ടു ; വീഡിയോ കാണാം

ഇന്നലെ ഗുവാഹത്തിയിൽ നടന്ന ട്വന്റി ട്വന്റി പരമ്പരയിലെ രണ്ടാം മത്സരത്തിൽ 16 റൺസിന് വിജയിച്ച ടീം ഇന്ത്യ ദക്ഷിണാഫ്രിക്കയുമായുള്ള മൂന്ന് മത്സര പരമ്പര സ്വന്തമാക്കി. സെപ്റ്റംബർ 28 ന് തിരുവനന്തപുരത്ത് നടന്ന ആദ്യ മത്സരത്തിൽ ഇന്ത്യ എട്ട് വിക്കറ്റിന് വിജയിച്ചിരുന്നു. ഇതോടെ നാളെ രാത്രി ഇൻഡോറിൽ നടക്കുന്ന മത്സരഫലം അപ്രസക്തമായി.

ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യ മുൻനിര താരങ്ങൾ എല്ലാവരും തകർത്ത് അടിച്ചതൊടെ നിശ്ചിത ഇരുപത് ഓവറിൽ 3 വിക്കറ്റ് നഷ്ടത്തിൽ 237 റൺസ് എന്ന കൂറ്റൻ സ്കോർ കണ്ടെത്തി. രോഹിത് 43 റൺസും രാഹുൽ 57 റൺസും സൂര്യകുമാർ യാദവ് 61 റൺസും നേടിയപ്പോൾ 49 റൺസുമായി വിരാട് കോഹ്‌ലിയും 17 റൺസുമായി ദിനേശ് കാർത്തികും പുറത്താകാതെ നിന്നു. ദക്ഷിണാഫ്രിക്കയുടെ മറുപടി 20 ഓവറിൽ മൂന്ന് വിക്കറ്റ് നഷ്ടത്തിൽ 221 റൺസിൽ അവസാനിച്ചു. അവർക്കായി മില്ലർ സെഞ്ചുറി(106*) നേടി എങ്കിലും വിജയത്തിൽ എത്തിക്കാനായില്ല. ഡീ കൊക് 69 റൺസ് എടുത്ത് പുറത്താകാതെ നിന്നു.

ഇന്ത്യൻ ടീമിന്റെ ബോളിങ് സമയത്ത് ഫീൽഡ് ചെയ്യുകയായിരുന്ന നായകൻ രോഹിത് ശർമയുടെ മൂക്കിൽ നിന്നും ചോര പൊടിഞ്ഞത് ഗ്രൗണ്ടിൽ അൽപ്പനേരം പരിഭ്രാന്തി പരത്തി. ഹർഷൽ പട്ടേൽ എറിഞ്ഞ പതിനൊന്നാം ഓവറിനിടെയായിരുന്നു സംഭവം. ആദ്യ പന്ത് കഴിഞ്ഞതിന് ശേഷം മൂക്കിൽ എന്തോ അസ്വസ്ഥത തോന്നിയ രോഹിത് ദിനേശ് കാർത്തികിനോട് ഒന്ന് പറഞ്ഞു. രോഹിതിന്റെ ചുറ്റും കുറെ പ്രാണികൾ വട്ടമിട്ട് പറക്കുന്നുണ്ടായിരുന്നു. ഏതെങ്കിലും പ്രാണി മൂക്കിലേക്ക് കയറിപ്പോയിരിക്കാം എന്നാണ് കമന്റേറ്റർമാർ കരുതിയത്.

എന്നാൽ മൂക്കിൽനിന്നും ചോര പൊടിയുന്നു എന്ന് മനസ്സിലാക്കിയ അദ്ദേഹം കാർത്തിക്കിന്റെ കയ്യിൽ നിന്നും തൂവാല വാങ്ങി തുടക്കുന്നത് കാണാമായിരുന്നു. ടീം ഡഗ് ഔട്ടിലേക്ക് ചൂണ്ടിക്കാട്ടി കാർത്തിക് രോഹിതിന് പകരം സബ് ഫീൽഡറേ ഇറക്കാൻ നിർദേശിച്ചു. എങ്കിലും മടങ്ങുന്നതിന് മുൻപ് രോഹിത് ബോളർ ഹർഷലിന് ഫീൽഡ് പ്ലേസിങ്ങും മറ്റ് നിർദേശങ്ങളും നൽകുന്നത് ദൃശ്യമായി.

https://twitter.com/crickaddict45/status/1576616898883559424?t=PN3nhZRnnSi-ouTzKkvOxA&s=19

ഒരു യഥാർത്ഥ നായകൻ മത്സരത്തിൽ പൂർണ്ണ ശ്രദ്ധയോടെയിരിക്കണമെന്ന് വ്യക്തമാക്കുന്ന ഒരു പ്രവർത്തിയായിരുന്നു അത്. ഈ വീഡിയോ ഇപ്പോൾ സമൂഹമാധ്യമങ്ങളിൽ തരംഗമായിക്കൊണ്ടിരിക്കുകയാണ്. അൽപനേരം ഷഹബാസ് അഹമദ് സബ് ഫീൽഡർ ആയി നിന്നു. അതിനുശേഷം രോഹിത് തന്നെ മടങ്ങിയെത്തി.

Categories
Cricket Latest News Malayalam

മില്ലിമീറ്ററുകളുടെ വ്യത്യാസത്തിൽ അർദ്ധസെഞ്ചുറി നേട്ടം നഷ്ടമാക്കി വിരാട് കോഹ്‌ലി: വീഡിയോ കാണാം

ദക്ഷിണാഫ്രിക്കയെ പരാജയപ്പെടുത്തി ടീം ഇന്ത്യ മൂന്ന് മത്സര ട്വന്റി ട്വന്റി പരമ്പര സ്വന്തമാക്കി. ഇന്ന് ഗുവാഹത്തിയിൽ വച്ച് നടന്ന രണ്ടാം മത്സരത്തിൽ 16 റൺസിനായിരുന്നു ഇന്ത്യൻ വിജയം. ഹൈ സ്കോറിങ്ങ് പോരാട്ടമായിരുന്നു ഇന്ന് നടന്നത്. ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യ നിശ്ചിത ഇരുപത് ഓവറിൽ 3 വിക്കറ്റ് നഷ്ടത്തിൽ 237 എന്ന കൂറ്റൻ സ്കോർ കണ്ടെത്തി. ദക്ഷിണാഫ്രിക്കയുടെ മറുപടി ഇരുപത് ഓവറിൽ 3 വിക്കറ്റ് നഷ്ടത്തിൽ 221 റൺസിൽ അവസാനിച്ചു.

ഇന്ത്യക്കായി രോഹിത് ശർമ 37 പന്തിൽ 7 ഫോറും ഒരു സിക്സും അടക്കം 43 റൺസ് എടുത്തപ്പോൾ രാഹുൽ 28 പന്തിൽ നിന്നും 5 ഫോറും 4 സിക്സും പറത്തി 57 റൺസും എടുത്തു. സൂര്യകുമാർ യാദവ് വെറും 22 പന്തിൽ നിന്നും 5 വീതം ഫോറും സിക്സും അടക്കം 61 റൺസ് എടുത്തു. 28 പന്തിൽ 7 ഫോറും ഒരു സിക്സും അടക്കം 49 റൺസോടെ പുറത്താകാതെ നിന്നു കോഹ്‌ലി. ദിനേശ് കാർത്തിക് 7 പന്തിൽ ഒരു ഫോറും 2 സിക്സും പറത്തി 17 റൺസുമായും പുറത്താകാതെ നിന്നു. സ്പിന്നർ കേശവ് മഹാരാജ് നാലോവറിൽ 23 റൺസ് വഴങ്ങി 2 വിക്കറ്റ് നേടി തിളങ്ങിയെങ്കിലും മറ്റുള്ളവരെല്ലാം ഓവറിൽ 12 റൺസ് ശരാശരിക്ക് മുകളിൽ വഴങ്ങി.

ദക്ഷിണാഫ്രിക്കൻ ടീമിനു വേണ്ടി സെഞ്ചുറി നേടിയ മില്ലറുടെ പോരാട്ടം പാഴായി. 47 പന്ത് നേരിട്ട അദ്ദേഹം 8 ഫോറും 7 സിക്സും അടക്കം 106 റൺസോടേ പുറത്താകാതെ നിന്നു. വിക്കറ്റ് കീപ്പർ ഡീ കോക്‌ 48 പന്തിൽ 69 റൺസ് നേടിയും നിന്നു. നായകൻ ബാവുമയും റൂസോയും പൂജ്യത്തിന് പുറത്തായപ്പോൾ മാർക്ക്രം 33 റൺസ് നേടി പുറത്തായി. അർഷദീപ് രണ്ട് വിക്കറ്റും അക്‌സർ പട്ടേൽ ഒരു വിക്കറ്റും വീഴ്ത്തി.

മത്സരത്തിൽ ഇന്ത്യൻ സൂപ്പർ താരം വിരാട് കോഹ്‌ലി 28 പന്തിൽ നിന്നും 49 റൺസ് എടുത്ത് പുറത്താകാതെ നിൽക്കുകയായിരുന്നു. 7 ഫോറും ഒരു സിക്സും കോഹ്‌ലി അടിച്ചിരുന്നു. എങ്കിലും അദ്ദേഹത്തിന് അർഹിച്ച അർദ്ധസെഞ്ചുറി നേട്ടം പൂർത്തിയാക്കാൻ കഴിയാതെപോയത് ആരാധകരെ നിരാശരാക്കി.

ഇന്ത്യൻ ഇന്നിംഗ്സിൽ അവസാന ഓവറിൽ എല്ലാ പന്തുകളും നേരിട്ടത് ദിനേശ് കാർത്തിക് ആയിരുന്നു. ആദ്യ പന്തിൽ റൺ നേടാൻ കഴിഞ്ഞില്ല. രണ്ടാം പന്തിൽ ഫോർ, വീണ്ടും മൂന്നാം പന്തിലും ബാറ്റിൽ കൊള്ളിക്കാൻ സാധിച്ചില്ല. പിന്നെ ഒരു വൈഡ്, അതിനുശേഷം ഒരു സിക്സ് നാലാം പന്തിൽ. അഞ്ചാം പന്ത് നേരിടുന്നതിന് മുൻപ് കാർത്തിക് കോഹ്ലിയോട് സിംഗിൾ ഇട്ട് തരണോ എന്ന് ചോദിക്കുന്നുണ്ടായിരുന്നു. എന്നാൽ കോഹ്‌ലി അത് സ്നേഹപൂർവ്വം നിരസിച്ച് കൂടുതൽ ബൗണ്ടറി നേടാൻ പ്രചോദനം നൽകി. അഞ്ചാം പന്തിൽ സിക്സ് നേടി കാർത്തിക് നന്ദി അറിയിച്ചു. അവസാന പന്തിൽ ഒരു ബൈ റൺ ഓടി. അതോടെ കോഹ്‌ലി 49 റൺസിൽ നിന്നു.

മത്സരത്തിന്റെ പതിനാലാം ഓവറിൽ കോഹ്‌ലി ഒരു ഡബിള് ഓടിയെങ്കിലും അത് സിംഗിൾ മാത്രമേ വിധിക്കപ്പെട്ടുള്ളൂ. വെയിൻ പാർണൽ എറിഞ്ഞ ഓവറിന്റെ അഞ്ചാം പന്തിൽ ആയിരുന്നു സംഭവം. സ്ക്വയർ ലെഗിലേക്കു ഫ്ലിക് ഷോട്ട് കളിച്ച് ഡബിളെടുത്തുവെങ്കിലും കോഹ്‌ലി തിരികെ ഓടുന്നതിന് മുൻപ് ബാറ്റ് ക്രീസിലെക്ക്‌ മുഴുവൻ കടന്നിരുന്നില്ല. അതിനാൽ ഒരു റൺ നിഷേധിക്കപ്പെട്ടു. അൽപം കൂടി ശ്രദ്ധിച്ചിരുന്നുവെങ്കിൽ കോഹ്‌ലിക്ക് ആ റൺ ഉൾപ്പെടെ അർദ്ധ സെഞ്ചുറി നേട്ടം പൂർത്തിയാക്കാൻ കഴിയുമായിരുന്നു.

Categories
Cricket Latest News Malayalam Video

അടങ്ങി നിൽക്കട പന്തെ, കാർത്തിക്കിൻ്റെ കയ്യിൽ ചാടി കളിച്ചു പന്ത് ,ഒടുവിൽ ഭാഗ്യം ഡികെയുടെ കൂടെ ; വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ട്വന്റി-20 പരമ്പരയിലെ രണ്ടാം മത്സരത്തിൽ ആദ്യം ബാറ്റ് ചെയ്ത ഇന്ത്യ 237/3 എന്ന കൂറ്റൻ ടോട്ടൽ നേടി, ടോസ് നേടിയ സൗത്ത് ആഫ്രിക്കൻ ക്യാപ്റ്റൻ തെമ്പ ബവൂമ ഇന്ത്യയെ ബാറ്റിങ്ങിന് അയക്കുകയായായിരുന്നു, ആദ്യ മത്സരത്തിലെ ടീമിനെ ഇന്ത്യ നില നിർത്തിയപ്പോൾ, ഒരു മാറ്റവുമായാണ് സൗത്ത് ആഫ്രിക്ക കളത്തിൽ ഇറങ്ങിയത്, പരമ്പരയിലെ ആദ്യ മൽസരത്തിൽ ഇന്ത്യ 8 വിക്കറ്റിന് ജയിച്ചിരുന്നു, അതിനാൽ ഇന്നത്തെ മൽസരം കൂടി വിജയിക്കാനായാൽ ഇന്ത്യക്ക് പരമ്പര സ്വന്തമാക്കാം.

മികച്ച തുടക്കമാണ് ഓപ്പണർമാരായ കെ.എൽ രാഹുലും രോഹിത് ശർമയും ഇന്ത്യക്ക് സമ്മാനിച്ചത്, പവർ പ്ലേ ഓവറിൽ ഇരുവരും ബൗണ്ടറികളിലൂടെ റൺസ് കണ്ടെത്തിയപ്പോൾ ഇന്ത്യൻ സ്കോർ അതിവേഗം കുതിച്ചു, ആദ്യ 6 ഓവറിൽ വിക്കറ്റ് ഒന്നും നഷ്ടപ്പെടുത്താതെ 57 റൺസ് എടുക്കാൻ ഇന്ത്യൻ ഓപ്പണർമാർക്ക് സാധിച്ചു, ഒന്നാം വിക്കറ്റിൽ ഇരുവരും ചേർന്ന് 96 റൺസ് കൂട്ടിച്ചേർത്തു, 43 റൺസ് എടുത്ത രോഹിത്തിന്റെ വിക്കറ്റ് ആണ് ഇന്ത്യക്ക് ആദ്യം നഷ്ടമായത് കേശവ് മഹാരാജ് ആണ് രോഹിത്തിനെ വീഴ്ത്തിയത്, പിന്നാലെ അർധ സെഞ്ച്വറി നേടിയ രാഹുലിനെയും (53) മഹാരാജ് വീഴ്ത്തി.

പിന്നീട് ക്രീസിൽ ഒത്തു ചേർന്ന വിരാട് കോഹ്ലിയും സൂര്യകുമാർ യാദവും ക്രീസിൽ ഒത്തു ചേർന്നത്തോടെ ഇന്ത്യൻ സ്കോർ ബോർഡ്‌ ശര വേഗത്തിൽ കുതിച്ചു, ക്രീസിൽ എത്തിയത് മുതൽ തന്റെ സ്വതസിദ്ധമായ ആക്രമണ ശൈലിയിൽ ബാറ്റ് വീശിയ സൂര്യകുമാർ നിർദാക്ഷിണ്യം സൗത്ത് ആഫ്രിക്കൻ ബോളർമാരെ തലങ്ങും വിലങ്ങും അടിച്ച് പറത്തി, 18 ബോളിൽ അർധ സെഞ്ച്വറി നേടിയ സൂര്യകുമാർ വെറും 22 ബോളിൽ 5 ഫോറും 5 സിക്സും അടക്കം 61 റൺസ് നേടിയാണ് മടങ്ങിയത്, മറുവശത്ത് 49* റൺസ് നേടി പുറത്താകാതെ നിന്ന വിരാട് കോഹ്ലിയും ഇന്ത്യൻ ടോട്ടൽ 237 ൽ എത്തിക്കുന്നതിൽ നിർണായക പങ്ക് വഹിച്ചു.

മറുപടി ബാറ്റിങ്ങിനിറങ്ങിയ സൗത്ത് ആഫ്രിക്കക്ക് തുടക്കത്തിൽ തന്നെ ക്യാപ്റ്റൻ ബവൂമയെ നഷ്ടമായി അർഷ്ദീപ് സിംഗ് എറിഞ്ഞ മത്സരത്തിലെ രണ്ടാം ഓവറിൽ വിരാട് കോഹ്ലിയുടെ കൈയിൽ എത്തുകയായിരുന്നു, മൂന്നാമനായി ക്രീസിലെത്തിയ റോസോയെ ആ ഓവറിൽ തന്നെ അർഷ്ദീപ് മടക്കി അയച്ചു, ഷോട്ടിന് ശ്രമിച്ച റോസോയ്ക്ക് പിഴച്ചു ഉയർന്ന് പൊങ്ങിയ ബോൾ ദിനേശ് കാർത്തിക് “കൈയ്യിലൊതുക്കി” 2 പ്രാവശ്യം കൈയിൽ നിന്ന് വഴുതി ബോൾ നിലത്ത് വീണു എന്ന് തോന്നിച്ചെങ്കിലും, മൂന്നാം ശ്രമത്തിൽ കാർത്തിക് ബോൾ കൈയിലൊതുക്കുകയായിരുന്നു.

Categories
Cricket Latest News Malayalam Video

അമ്പയറെ കണ്ണു കാണുന്നില്ലേ ?വൈഡ് വിളിച്ചില്ല ,റിവ്യൂ കൊടുത്തു രോഹിത് ! വീഡിയോ കാണാം

ഇന്ത്യയും സൗത്ത് ആഫ്രിക്കയും തമ്മിലുള്ള ട്വന്റി-20 പരമ്പരയിലെ രണ്ടാം മത്സരത്തിൽ ടോസ് നേടിയ സൗത്ത് ആഫ്രിക്കൻ ക്യാപ്റ്റൻ ബവൂമ ഇന്ത്യയെ ബാറ്റിങ്ങിന് അയക്കുകയായായിരുന്നു, ആദ്യ മത്സരത്തിലെ ടീമിനെ ഇന്ത്യ നില നിർത്തിയപ്പോൾ, സൗത്ത് ആഫ്രിക്കൻ നിരയിൽ ഷംസിക്ക് പകരം പേസ് ബോളർ ലുങ്കി ൻഗിഡി ഇടം പിടിച്ചു, ഗുഹാവത്തിയിലാണ് ഇന്നത്തെ മത്സരം നടക്കുന്നത്.

തിരുവനന്തപുരത്ത് വെച്ച് നടന്ന പരമ്പരയിലെ ആദ്യ മൽസരം ഇന്ത്യ 8 വിക്കറ്റിന് ജയിച്ചിരുന്നു, അത് കൊണ്ട് തന്നെ ഇന്നത്തെ മൽസരം കൂടി വിജയിക്കാനായാൽ ഇന്ത്യക്ക് പരമ്പര സ്വന്തമാക്കാം, മികച്ച തുടക്കമാണ് ഓപ്പണർമാരായ കെ.എൽ രാഹുലും രോഹിത് ശർമയും ഇന്ത്യക്ക് സമ്മാനിച്ചത്, പവർ പ്ലേ ഓവറിൽ ഇരുവരും ബൗണ്ടറികളിലൂടെ റൺസ് കണ്ടെത്തിയപ്പോൾ ഇന്ത്യൻ സ്കോർ അതിവേഗം കുതിച്ചു, ആദ്യ 6 ഓവറിൽ വിക്കറ്റ് ഒന്നും നഷ്ടപ്പെടുത്താതെ 57 റൺസ് എടുക്കാൻ ഇന്ത്യൻ ഓപ്പണർമാർക്ക് സാധിച്ചു.

മത്സരത്തിൽ രോഹിത് ശർമയ്ക്കെതിരെ വെയിൻ പാർണൽ എറിഞ്ഞ രണ്ടാം ഓവറിൽ ലെഗ് സൈഡിലൂടെ രോഹിത്തിന്റെ പേഡിന്റെ അരികിലൂടെ ബോൾ പോയെങ്കിലും ടച്ച്‌ ഉണ്ടായിരുന്നില്ല എന്നാൽ അമ്പയർ വിരേന്ദർ ശർമ അത് വൈഡ് വിളിച്ചില്ല, ഇതിൽ നിരാശനായ രോഹിത് തമാശ രൂപേനെ റിവ്യൂ നൽകുന്നതായി അമ്പയരെ അറിയിക്കുകയായിരുന്നു, റീപ്ലേയിൽ ബോൾ പാഡിൽ ടച്ച്‌ ചെയ്തിട്ടില്ല എന്ന് വ്യക്തമായിരുന്നു.

IND PLAYING 11 :

KL Rahul, Rohit Sharma (c), Virat Kohli, Suryakumar Yadav, Rishabh Pant (wk), Dinesh Karthik, Axar Patel, Ravichandran Ashwin, Harshal Patel, Deepak Chahar, Arshdeep Singh.

SA PLAYING 11 :

Quinton de Kock (wk), Temba Bavuma (c), Rilee Rossouw, Aiden Markram, David Miller, Tristan Stubbs, Wayne Parnell, Keshav Maharaj, Kagiso Rabada, Anrich Nortje, Lungi Ngidi

Categories
Cricket Malayalam Video

സ്റ്റമ്പ് പോയ പോക്ക് കണ്ടോ ? ജയസൂര്യയുടെ കുറ്റി തെറിപ്പിച്ചു വിനയ് കുമാർ ; വീഡിയോ കാണാം

റോഡ് സേഫ്റ്റി സീരിസിലെ ഇന്ത്യൻ ലെജൻഡ്സും ശ്രീലങ്ക ലെജൻഡ്സും തമ്മിലുള്ള ഫൈനൽ മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ സച്ചിൻ ടെണ്ടുൽക്കർ ബാറ്റിങ്ങ് തിരഞ്ഞെടുക്കുകയായിരുന്നു, എന്നാൽ ആദ്യ ഓവറിൽ തന്നെ പൂജ്യത്തിന് നുവാൻ കുലശേഖരയുടെ ബോളിൽ സച്ചിൻ ക്ലീൻ ബൗൾഡ് ആവുകയായിരുന്നു പിന്നാലെ 4 റൺസ് എടുത്ത സുരേഷ് റൈനയെയും കുലശേഖര വീഴ്ത്തി, 19/2 എന്ന നിലയിലായ ഇന്ത്യയെ പിന്നീട് ക്രീസിൽ ഒത്തു ചേർന്ന നമൻ ഓജയും(108*) വിനയ് കുമാറും(36) കരകയറ്റുകയായിരുന്നു, ഇരുവരും ചേർന്ന് മൂന്നാം വിക്കറ്റിൽ 90 റൺസിന്റെ കൂട്ട്കെട്ട് പണിതുയർത്തി.

സെഞ്ച്വറി നേടിയ നമൻ ഓജയുടെ  ഇന്നിങ്ങ്സ് മികവിൽ ആണ് 195/6 എന്ന മികച്ച ടോട്ടലിലേക്ക് ഇന്ത്യ എത്തിയത്, 71 ബോളിൽ 15 ഫോറും 2 സിക്സും അടക്കമാണ് നമൻ ഓജ 108* റൺസ് നേടിയത്, ശ്രീലങ്കൻ ബോളർമാരെ ആക്രമിച്ച് കളിച്ച് ഗ്രൗണ്ടിന്റെ നാനാ ഭാഗത്തേക്കും ഷോട്ടുകൾ പായിച്ച് നമൻ ഓജ നിറഞ്ഞാടിയപ്പോൾ ലങ്കൻ ബോളർമാർക്ക് അതിന് മറുപടി ഉണ്ടായിരുന്നില്ല, ഒടുവിൽ നിശ്ചിത 20 ഓവറിൽ 195/6 എന്ന നിലയിൽ എത്തുകയായിരുന്നു ഇന്ത്യ, ശ്രീലങ്കയ്ക്കായി 3 വിക്കറ്റ് വീഴ്ത്തിയ കുലശേഖരയും 2 വിക്കറ്റ് വീഴ്ത്തിയ ഇസിരു ഉദാനയും ബോളിങ്ങിൽ തിളങ്ങി.

വലിയ വിജയ ലക്ഷ്യം നേടാനായി ഇറങ്ങിയ ശ്രീലങ്കയ്ക്ക് രണ്ടാം ഓവറിൽ തന്നെ ഇന്ത്യ ആദ്യ പ്രഹരം ഏൽപ്പിച്ചു, അപകടകാരിയായ സനത് ജയസൂര്യയുടെ വിക്കറ്റ് നേടി വിനയ് കുമാർ ഇന്ത്യക്ക് ആദ്യ വിക്കറ്റ് സമ്മാനിച്ചു, 5 റൺസ് എടുത്ത ജയസൂര്യയുടെ കുറ്റി തെറിപ്പിക്കുകയായിരുന്നു വിനയ് കുമാർ, ബാറ്റിങ്ങിലും തിളങ്ങിയ വിനയ് കുമാർ തുടക്കത്തിൽ തന്നെ ജയസൂര്യയെയും വീഴ്ത്തി മത്സരത്തിൽ ഇന്ത്യയെ മുന്നിലെത്തിച്ചു.

Categories
Cricket Malayalam

അനുഷ്‌കേ നീ കണ്ടോ വളരെ സ്നേഹമുള്ള മലയാളികളെ; ബസിന് ചുറ്റും തടിച്ചുകൂടിയ ആരാധകരെ അനുഷ്കക്ക് കാണിക്കുന്ന കോഹ്‌ലി.. വീഡിയോ

ഇന്നലെ നടന്ന ഇന്ത്യ ദക്ഷിണാഫ്രിക്ക ട്വന്റി ട്വന്റി പരമ്പരയിലെ ആദ്യ മത്സരത്തിൽ ഇന്ത്യൻ ടീം ആധികാരിക വിജയം സ്വന്തമാക്കിയിരുന്നു. ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ദക്ഷിണാഫ്രിക്കയ്ക്ക് നിശ്ചിത ഇരുപത് ഓവറിൽ 8 വിക്കറ്റ് നഷ്ടത്തിൽ 106 റൺസ് എടുക്കാനേ കഴിഞ്ഞുള്ളൂ. മറുപടി ബാറ്റിംഗിനിറങ്ങിയ ഇന്ത്യ 16.4 ഓവറിൽ രണ്ട് വിക്കറ്റ് നഷ്ടത്തിൽ വിജയലക്ഷ്യം മറികടന്നു.

നല്ല രീതിയിൽ റൺസ് ഒഴുകുന്ന ഒരു ബാറ്റിംഗ് പിച്ചാണ് കാര്യവട്ടം സ്റ്റേഡിയത്തിലേത് എന്നാണ് എല്ലാവരും വിലയിരുത്തിയത്. എന്നാൽ എല്ലാ പ്രതീക്ഷകളെയും കാറ്റിൽപറത്തി ദക്ഷിണാഫ്രിക്കൻ ബാറ്റിംഗ് നിര ഇന്ത്യൻ ബോളർമാർക്ക് മുന്നിൽ തകർന്നടിയുന്ന കാഴ്ചയാണ് മത്സരം ആരംഭിച്ചപ്പോൾ കണ്ടത്. മത്സരത്തിന്റെ രണ്ടാം ഓവറിൽ തന്നെ മൂന്ന് വിക്കറ്റ് വീഴ്ത്തി ഇന്ത്യക്ക് തകർപ്പൻ തുടക്കം സമ്മാനിച്ച യുവ പേസർ അർഷദീപ് സിംഗ് കളിയിലെ താരമായി തിരഞ്ഞെടുക്കപ്പെട്ടു.

മറുപടി ബാറ്റിങ്ങിൽ 56 പന്തിൽ 2 ഫോറും 4 സിക്‌സും അടക്കം 51 റൺസ് നേടിയ രാഹുലും 33 പന്തിൽ 5 ഫോറും 3 സിക്‌സും അടക്കം 50 റൺസ് എടുത്ത സൂര്യകുമാറും ചേർന്ന കൂട്ടുകെട്ട് ഇന്ത്യയെ വിജയത്തിൽ എത്തിക്കുകയായിരുന്നു. സൂപ്പർ താരങ്ങളായ നായകൻ രോഹിത് ശർമ്മയുടേയും മുൻ നായകൻ വിരാട് കോഹ്‌ലിയുടെയും മാസ് ബാറ്റിംഗ് കാണാനായി എത്തിയ ആരാധകരെ നിരാശരാക്കി ഇരുവരും തുടക്കത്തിൽ തന്നെ പുറത്തായിരുന്നു. മത്സരത്തിൽ രോഹിത് പൂജ്യവും വിരാട് മൂന്നും റൺസ് മാത്രമേ നേടിയുള്ളു.

എങ്കിലും മത്സരശേഷം രാത്രി താരങ്ങൾ എല്ലാവരും ടീം ബസിൽ കയറി ഹോട്ടലിലേക്ക് മടക്കയാത്ര നടത്തുന്ന സമയത്തും വൻ ജനാവലി സാക്ഷിയായി നിൽക്കുന്നുണ്ടായിരുന്നു. നീണ്ട ഇടവേളക്ക് ശേഷം, ഏതാണ്ട് മൂന്ന് വർഷത്തിന് ശേഷമാണ് കാര്യവട്ടത്തെ സ്റ്റേഡിയത്തിൽ ഇന്ത്യയുടെ ഒരു രാജ്യാന്തര മത്സരം നടക്കുന്നത്. അതുകൊണ്ട് തന്നെ തങ്ങളുടെ പ്രിയ താരങ്ങളെ ഒന്നടുത്ത് കാണാനായി ഒരുപാട് പേരാണ് തടിച്ച് കൂടിയിരുന്നത്.

ബസിനുള്ളിൽ ഇരിക്കുന്ന വിരാട് കോഹ്‌ലിയുടെയും രോഹിത് ശർമയുടെയും ഭാഗത്തായിരുന്നു ഏറ്റവും കൂടുതൽ ആളുകൾ തടിച്ചുകൂടിയത്. ഇരുവരുടെയും ചിത്രങ്ങളും വീഡിയോകളും എടുക്കാനായി മത്സരമായിരുന്നു. അതിനിടെ വിരാട് കോഹ്‌ലി തന്റെ ഫോൺ എടുത്ത് ആരാധകരുടെ നേർക്ക് ഉയർത്തിക്കാട്ടി. മത്സരശേഷം തന്റെ ഭാര്യയും ബോളിവുഡ് നടിയുമായ അനുഷ്ക ശർമയുമായി വീഡിയോ കോളിൽ ആയിരുന്നു അദ്ദേഹം.

ബസിന് ചുറ്റും തിങ്ങിക്കൂടി ആർപ്പുവിളികളുമായി തങ്ങളുടെ ചിത്രങ്ങൾ എടുക്കാൻ മത്സരിക്കുന്ന കാണികളെ തന്റെ പ്രിയപത്നിക്ക്‌ ലൈവായി കാണിച്ച് കൊടുക്കുകയായിരുന്നു അദ്ദേഹം. ഏതാനും നിമിഷങ്ങൾ അത് തുടർന്ന കോഹ്‌ലി കാണികൾക്ക് അഭിവാദ്യം അർപ്പിച്ചുകൊണ്ട് അവസാനിപ്പിച്ച് മടങ്ങി. നേരത്തെ ഇന്ത്യൻ ടീമിന്റെ വിമാനത്താവളത്തിലെ ആഗമനസമയത്ത് കോഹ്‌ലി കാണികളെ ഒന്നും ശ്രദ്ധിക്കാതെ ബസിനുള്ളിൽ ഇരുന്നത് വൻ തരംഗമായി മാറിയിരുന്നു. എങ്കിലും ഇന്നലെ മടങ്ങും വഴി അതിന് പ്രായശ്ചിത്തം ചെയ്തുകൊണ്ട് കോഹ്‌ലി ജനമനസ്സുകളിൽ ഇടംനേടി.

Categories
Cricket Latest News Malayalam Video

അതാ അങ്ങോട്ട് നോക്കൂ.. ഒരു പറവ; ഫീൽഡിൽ ഡൈവിങ് ക്യാച്ചുമായി റൈന.. വീഡിയോ

റോഡ് സേഫ്റ്റി വേൾഡ് സീരിസിന്റെ സെമിഫൈനലിൽ ഓസ്ട്രേലിയൻ ലജൻഡ്സ് ടീമിനെ നേരിടുന്ന ഇന്ത്യ ലജൻഡ്സ് ടീമിന്റെ മിന്നുംതാരമായ സുരേഷ് റെയ്നയുടെ വക പറക്കും ക്യാച്ച്. മത്സരം മഴ മൂലം ഇപ്പോൾ തടസ്സപ്പെട്ടിരിക്കുകയാണ്. റയ്പൂരിലെ ഷഹീദ് വീർ നാരായൺ സിംഗ് അന്താരാഷ്ട്ര സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ഇന്ത്യൻ നായകൻ സച്ചിൻ തെണ്ടുൽക്കർ ഫീൽഡിംഗ് തെരഞ്ഞെടുക്കുകയായിരുന്നു.

ഓസ്ട്രേലിയൻ ടീമിന് മികച്ച തുടക്കമാണ് ലഭിച്ചത്. ഓപ്പണിംഗ് വിക്കറ്റിൽ 60 റൺസ് കൂട്ടിച്ചേർത്ത് ഷൈൻ വാട്സണും അലക്സ് ഡൂലനും ചേർന്ന സഖ്യം. 30 റൺസ് എടുത്ത വാട്സണെ രാഹുൽ ശർമയും 35 റൺസ് എടുത്ത അലക്‌സിനെ യൂസഫ് പഠാനും പുറത്താക്കി.

മൂന്നാമതായി ഇറങ്ങിയ ബെൻ ഡങ്ക്‌ പിന്നീട് വെടിക്കെട്ട് ബാറ്റിംഗ് ആണ് കാഴ്ചവച്ചത്. ഇന്ത്യൻ ലജൻഡ്സ് ബോളർമാരെ തലങ്ങും വിലങ്ങും പായിച്ച് സമ്മർദ്ദത്തിലാക്കിയ ശേഷമാണ് അദ്ദേഹം മികച്ച ഒരു ഫീൽഡിംഗ് പ്രകടനത്തിലൂടെ പുറത്തായത്. 26 പന്തിൽ നിന്നും 5 ഫോറും 2 സിക്സും അടക്കം 46 റൺസ് നേടി അർദ്ധസെഞ്ചുറി നേട്ടത്തിന് തൊട്ടരികിൽ വച്ചാണ് ഔട്ട് ആയത്.

അഭിമന്യു മിഥുൻ എറിഞ്ഞ പതിനാറാം ഓവറിന്റെ അവസാന പന്തിൽ ആയിരുന്നു സുരേഷ് റെയ്നയുടെ മികച്ച ക്യാച്ചിലൂടെ അദ്ദേഹം പുറത്തായത്. ഓഫ് സ്റ്റമ്പിന് വെളിയിൽ കൂടെ വന്ന പന്ത് കട്ട് ഷോട്ട് കളിച്ച് ബൗണ്ടറി നേടാൻ ആയിരുന്നു ശ്രമം. എന്നാൽ പോയിന്റിൽ നിൽക്കുന്നത് ഇന്ത്യയുടെ വിശ്വസ്തനായ ഫീൽഡർ ആണെന്ന് അദ്ദേഹത്തിന് ഇപ്പോൾ മനസ്സിലായി കാണും.

തന്റെ ഇടതു വശത്ത് കൂടി പാഞ്ഞു പോകേണ്ട പന്ത് ഞൊടിയിടയിൽ വായുവിൽ ഉയർന്ന് കൈപ്പിടിയിൽ ഒതുക്കാൻ റൈനക്ക്‌ കഴിഞ്ഞു. ഇതോടെ വൻ സ്കോറിലേക്ക്‌ കുതിക്കുകയായിരുന്ന അവരുടെ ബാറ്റിങ്ങിന് തടയിടാൻ ഇന്ത്യക്ക് സാധിച്ചു. ക്യാച്ച് എടുത്ത ശേഷം സച്ചിൻ അടക്കമുള്ള ടീമിലെ സഹതാരങ്ങൾ ഓടിയെത്തി റയ്‌നയെ അഭിനന്ദനങ്ങൾ കൊണ്ട് മൂടി.

ഇന്ത്യൻ ടീമിലെ ഏറ്റവും മികച്ച ഫീൽഡർ എന്ന് പലപ്പോഴും വിശേഷിപ്പിക്കപ്പെടുന്ന താരമായ അദ്ദേഹം സജീവ ക്രിക്കറ്റിൽ നിന്നും വിരമിച്ച ശേഷവും തന്റെ മികച്ച പ്രകടനം കൊണ്ട് ആരാധകരെ ആവേശം കൊള്ളിക്കുന്ന കാഴ്ചയാണ് ഈ റോഡ് സേഫ്റ്റി സീരീസിൽ ഉടനീളം കാണാൻ കഴിഞ്ഞത്. മഴ മൂലം കളി തടസ്സപ്പെടുമ്പോൾ 17 ഓവറിൽ 136/5 എന്ന നിലയിൽ ആണ് ഓസ്ട്രേലിയ.