Month: April 2023

ട്വന്റി ട്വന്റി ക്രിക്കറ്റ്‌ എന്നും ആവേശം നിറഞ്ഞതാണ്. മത്സരത്തിലെ ഓരോ നിമിഷങ്ങളും വല്ലാതെ ആഘോഷിക്കും.ചില നിമിഷങ്ങൾ വേദനിപ്പിക്കും. ചില നിമിഷങ്ങൾ സന്തോഷിപ്പിക്കും. ചില നിമിഷങ്ങൾ നമ്മളെ അത്ഭുതപെടുത്തും. ഇന്ത്യൻ പ്രീമിയർ പതിനാറാം സീസണിലെ രണ്ടാമത്തെ മത്സരത്തിൽ ഇത്തരത്തിൽ ഒരു അത്ഭുത നിമിഷത്തിന് ക്രിക്കറ്റ്‌ ആരാധകർ സാക്ഷ്യം വഹിച്ചിരിക്കുകയാണ്.

കൊൽക്കത്ത നൈറ്റ്‌ റൈഡർസ് പഞ്ചാബ് കിങ്സിനെ നേരിടുകയാണ്.192 റൺസ് വിജയലക്ഷ്യം പിന്തുടരാൻ ഇറങ്ങിയ കൊൽക്കത്ത നൈറ്റ്‌ റൈഡർസ് 6 വിക്കറ്റ് നഷ്ടത്തിൽ 130 റൺസ് എന്നാ നിലയിൽ നിൽക്കുകയാണ്.കൊൽക്കത്തയുടെ പ്രതീക്ഷയായിരുന്ന റസൽ തൊട്ട് മുന്നത്തെ പന്തിൽ പുറത്തായിയിരുന്നു.സാം കറനാണ് പഞ്ചാബിന് വേണ്ടി ബൗൾ ചെയ്യുന്നത്. ശർദുൽ താക്കൂർ ആദ്യത്തെ പന്ത് നേരിടാൻ ഒരുങ്ങുന്നു.

ഷോർട് ഓഫ്‌ ലെങ്ത്തിൽ സാം കറൻ പന്ത് കുത്തിക്കുന്നു.തന്റെ ദേഹത്തേക്ക് വന്ന പന്ത് താക്കൂർ കോരി എടുത്തു ദീപ് സ്‌ക്വർ ലെഗിന് മുകളിലൂടെ ഗാലറിയിലേക്ക്.കണ്ട് നിന്ന ആരാധകരെയും മറ്റു താരങ്ങളെയും ഒരുപോലെ അത്ഭുതപെടുത്തിയ ഷോട്ട്.3 പന്തിൽ 8 റൺസ് എടുത്ത് താക്കൂർ നിൽക്കേ മഴ രസകൊല്ലിയായി കടന്നു വരുന്നു.ഡക്ക് വർത്ത് ലൂയിസ് നിയമ പ്രകാരം പഞ്ചാബ് കിങ്‌സ് മത്സരം ഏഴു റൺസിന് വിജയിക്കുന്നു.19 റൺസ് വിട്ട് കൊടുത്ത് കൊൽക്കത്തയുടെ മൂന്നു മുൻ നിര ബാറ്റർമാരുടെ വിക്കറ്റ് വീഴ്ത്തിയ അർഷാദീപാണ് മത്സരത്തിലെ താരം.

പതിനാറാം ഐപിഎൽ സീസൺ അതിന്റെ രണ്ടാം ദിനത്തിലേക്ക് കടന്നിരിക്കുകയാണ്. ഇത്തവണത്തെ ആദ്യ ഡബിൾ ഹെഡർ പോരാട്ടങ്ങളാണ് ഇന്ന് നടക്കുന്നത്. അതിലെ ഉച്ചതിരിഞ്ഞ് ആരംഭിച്ച ആദ്യ പോരാട്ടത്തിൽ പഞ്ചാബ് കിംഗ്സും കൊൽക്കത്ത നൈറ്റ് റൈഡേഴ്സും തമ്മിലാണ് ഏറ്റുമുട്ടുന്നത്. ഇരു ടീമുകളും പുതിയ നായകൻമാരുമായാണ്‌ ഈ സീസണിൽ കളിക്കുന്നത്. വെറ്ററൻ ഇന്ത്യൻ ഓപ്പണർ ശിഖർ ധവാൻ പഞ്ചാബിനെ നയിക്കുമ്പോൾ പരുക്കേറ്റ് പുറത്തായ ശ്രേയസ് അയ്യർക്ക് പകരമായാണ് നിതീഷ്റാണ കൊൽക്കത്ത നായകനായത്.

മത്സരത്തിൽ കൊൽക്കത്ത നൈറ്റ് റൈഡേഴ്സ് ടീമിന് 192 റൺസാണ്‌ വിജയലക്ഷ്യം. നേരത്തെ ടോസ് നേടിയ നിതീഷ് റാണ ഫീൽഡിംഗ് തെരഞ്ഞെടുക്കുകയായിരുന്നു. പഞ്ചാബിനായി ബാറ്റെടുത്തവരെല്ലാം വെടിക്കെട്ടിന് തിരികൊളുത്തിയതോടെയാണ് അവർ നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 191 റൺസ് എന്ന കൂറ്റൻ സ്കോർ കണ്ടെത്തിയത്‌. 32 പന്തിൽ 50 റൺസ് എടുത്ത ശ്രീലങ്കൻ താരം ഭാനുക രജപക്സയാണ് അവരുടെ ടോപ് സ്കോറർ.

വിജയലക്ഷ്യം പിന്തുടരുന്ന കൊൽക്കത്ത ടീമിനായി ഓപ്പണർ അഫ്ഗാൻ താരം റഹ്മാനുള്ള ഗൂർബാസ് വെടിക്കെട്ട് തുടക്കമാണ് നൽകിയത്. നേരിട്ട രണ്ടാം പന്തിൽ തന്നെ 101 മീറ്ററിന്റെ കൂറ്റൻ സിക്സ് നേടിയാണ് അദ്ദേഹം ഇത്തവണത്തെ ഐപിഎല്ലിൽ തന്റെ വരവറിയിച്ചത്. ഇടംകൈയ്യൻ പേസർ സാം കറൻ എറിഞ്ഞ ആദ്യ ഓവറിന്റെ അഞ്ചാം പന്തിൽ ആയിരുന്നു അത്. ക്രീസിൽ നിന്നും മുന്നോട്ട് കയറിവന്ന് ലോങ് ഓണിലെക്ക് പടുകൂറ്റൻ സിക്‌സർ. തുടർന്ന് ഓവറിലെ അവസാന പന്തിൽ ഒരു ബൗണ്ടറി കൂടി നേടിയിരുന്നു അദ്ദേഹം.

എങ്കിലും അദ്ദേഹത്തിന്റെ ഇന്നിങ്സ് അധികനേരം നീണ്ടുനിന്നില്ല. 16 പന്തിൽ 3 ഫോറും ആ ഒരു സിക്സും അടക്കം 22 റൺസ് എടുത്ത ഗുർബാസിനെ പഞ്ചാബിന്റെ ഓസീസ് പേസർ നതാൻ എല്ലിസ് ക്ലീൻ ബോൾഡ് ആക്കുകയായിരുന്നു. മികച്ച തുടക്കം ലഭിച്ചിട്ടും അത് മുതലാക്കാൻ കഴിയാതെ പോയതിൽ അദ്ദേഹത്തിന് നിരാശയായി. എങ്കിലും ഒരു മികച്ച സീസൺ ലക്ഷ്യംവച്ചാണ് അദ്ദേഹം വന്നിരിക്കുന്നത്. കഴിഞ്ഞ സീസണിൽ ഗുജറാത്ത് ടൈറ്റൻസ് ടീമിലെ താരമായിരുന്നു വിക്കറ്റ് കീപ്പർ ഗുർബാസ്‌. എങ്കിലും വെറ്ററൻ ഓസ്ട്രേലിയൻ കീപ്പർ മാത്യൂ വെയ്ഡിനാണ്‌ ഗുജറാത്ത് മാനേജ്മെന്റ് കൂടുതൽ അവസരങ്ങൾ നൽകിയത്. ഈ സീസൺ മുൻപ് കൊൽക്കത്ത ട്രേഡിംഗ് വഴിയാണ് താരത്തെ സ്വന്തമാക്കിയത്.

ഇന്നലെ രാത്രി നടന്ന ഈ വർഷത്തെ ഐപിഎൽ സീസൺ ഉദ്ഘാടനമത്സരത്തിൽ നിലവിലെ ചാമ്പ്യൻമാരായ ഗുജറാത്ത് ടൈറ്റൻസ് ചെന്നൈ സൂപ്പർ കിങ്സിനെ അഞ്ച് വിക്കറ്റിന് പരാജയപ്പെടുത്തിയിരുന്നു. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ചെന്നൈ ഓപ്പണർ ഗയക്വാദിന്റെ 92 റൺസ് മികവിൽ നിശ്ചിത 20 ഓവറിൽ 7 വിക്കറ്റ് നഷ്ടത്തിൽ 178 റൺസ് നേടിയപ്പോൾ, ഗുജറാത്ത് 19.2 ഓവറിൽ 5 വിക്കറ്റ് നഷ്ടത്തിൽ വിജയലക്ഷ്യം മറികടക്കുകയായിരുന്നു. അവർക്കായി ഓപ്പണർ ഗിൽ 63 റൺസ് നേടി. ബോളിങ്ങിൽ രണ്ട് വിക്കറ്റ് വീഴ്ത്തുകയും ബാറ്റിങ്ങിൽ നിർണായക ബൗണ്ടറികൾ നേടി മത്സരം വിജയിപ്പിക്കുകയും ചെയ്ത റാഷിദ് ഖാനാണ്‌ കളിയിലെ താരമായി തിരഞ്ഞെടുക്കപ്പെട്ടത്.

മത്സരത്തിന് മുൻപ് പ്രൗഢഗംഭീരമായ ഉദ്ഘാടനചടങ്ങുകൾ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ അരങ്ങേറിയിരുന്നു. പ്രശസ്ത ഗായകൻ ആരിജിത്ത് സിംഗ് നയിച്ച ഗാനമേളയായിരുന്നു അതിലൊരു പ്രധാന പരിപാടി. തെന്നിന്ത്യൻ താരസുന്ദരിമാരായ തമന്ന ഭാട്ടിയയും റാശ്മിക മന്ഥനയും തങ്ങളുടെ നൃത്തച്ചുവടുകൾകൊണ്ടും അരങ്ങുകൊഴുപ്പിച്ചു. സംഗീത-നൃത്ത പരിപാടികൾക്ക് ശേഷം ഇരു ടീമുകളുടെയും നായകന്മാരായ ധോണിയും ഹാർദിക് പാണ്ഡ്യയും വേദിയിലെത്തി താരങ്ങൾക്കൊപ്പം ഐപിഎൽ ട്രോഫിയുമായി ഫോട്ടോയ്ക്ക് പോസ് ചെയ്ത ശേഷമാണ് മത്സരം ആരംഭിച്ചത്.

അതിനിടയിൽവെച്ച് നടന്ന ഒരു നിമിഷമാണ് ഇപ്പോൾ സമൂഹമാധ്യമങ്ങളിൽ തരംഗമായി മാറിയിരിക്കുന്നത്. മുൻ ഇന്ത്യൻ നായകനും ചെന്നൈ സൂപ്പർ കിംഗ്സ് ടീമിന്റെ സ്വന്തം തലയുമായ എം എസ് ധോണി വേദിയിലേക്ക് എത്തിയപ്പോൾ ഗാലറി ആർത്തിരമ്പിയിരുന്നു. അപ്പോഴാണ് വേദിയിൽ നിൽക്കുകയായിരുന്ന ഗായകൻ ആരിജിത്ത് സിംഗ് ധോണിയുടെ കാൽതൊട്ടു വന്ദിച്ചു തന്റെ പ്രിയപ്പെട്ട താരത്തിന്റെ അനുഗ്രഹം തേടിയത്. സംഗീതലോകത്തെ ഇത്രയും തിരക്കുപിടിച്ച താരമായിട്ടുപോലും ഇന്ത്യൻ ഇതിഹാസമായ ധോണിക്ക് മുന്നിൽ തന്റെ എളിമയും ലാളിത്യവും പ്രകടിപ്പിച്ച അദ്ദേഹത്തിന്റെ ഈ പ്രവർത്തിയെ പ്രശംസകൾകൊണ്ട് മൂടുകയാണ് എല്ലാവരും.

കഴിഞ്ഞദിവസം നടന്ന ചെന്നൈ സൂപ്പർ കിംഗ്സ് ഗുജറാത്ത് ടൈറ്റൻസ് മത്സരത്തിൽ ചെന്നൈ സൂപ്പർ കിംഗ്സ് അവസാനത്തെ ഓവറിൽ തോൽവി ഏറ്റുവാങ്ങിയിരുന്നു. ഇക്കൊല്ലത്തെ ഐപിഎല്ലിലെ ആദ്യ മത്സരമായിരുന്നു കഴിഞ്ഞവർഷത്തെ ചാമ്പ്യൻസും മുമ്പ് പലതവണ ചാമ്പ്യനായ ടീമും തമ്മിൽ ഏറ്റുമുട്ടിയത്. പരിക്കിൽ നിന്നും ചെന്നൈ സൂപ്പർ കിംഗ്സിന്റെ തുറുപ്പുചീട്ട് ആയ ദീപക് ചാഹാർ തിരിച്ചെത്തിയ മത്സരം കൂടിയായിരുന്നു ഇന്നലെ കഴിഞ്ഞത്.

പക്ഷേ മത്സരത്തിൽ ഉടനീളം ദീപക് ചാഹറിന് കാര്യമായി തിളങ്ങാൻ കഴിഞ്ഞില്ല. ഈ സീസണിൽ ചെന്നെയുടെ ഫാസ്റ്റ് ബോളിംഗ് നിര വളരെ ശുഷ്കമാണ് എന്നുള്ള വിമർശനം ക്രിക്കറ്റ് എക്സ്പെർട്ട്മാരുടെ ഭാഗത്തുനിന്നും ഉണ്ടായിട്ടുണ്ട്. കഴിഞ്ഞവർഷം ചെന്നൈയുടെ ബോളിങ്ങിലെ പ്രധാന പേഴ്സറായ മുകേഷ് ചൗധരി ഈ വർഷം പരിക്കു കാരണം
കളിക്കുന്നില്ല.

പക്ഷേ കഴിഞ്ഞ ദിവസത്തെ മത്സരം സാക്ഷ്യം വഹിച്ചത് അപ്രതീക്ഷിതമായ ഒരു താരോദയത്തിനായിരുന്നു. ഇന്ത്യക്ക് വേണ്ടി അണ്ടർ 19 കളിച്ചിട്ടുള്ള രാജവർദ്ധൻ ഹംഗരേക്കർ. അണ്ടർ 19ഇൽ തന്നെ മികച്ച പേര് നേടിയ ബോളറാണ് രാജവർദ്ധൻ ഹംഗരേക്കർ. താൻ ചെയ്ത ആദ്യത്തെ പന്ത് തന്നെ വൃദ്ധിമാൻ സാഹയ്ക്ക് ഒരു യോർക്കർ എറിഞ്ഞാണ് രാജവർദ്ധൻ തുടങ്ങിയത്.

പലയാളുകളും രാജവർദ്ധൻ ഹംഗരേക്കന്റെ ബൗളിംഗ് ആക്ഷൻ ജസ്പ്രീത് ബുംറയുടെ ആക്ഷനുമായി താരതമ്യപ്പെടുത്തുന്നുണ്ടായിരുന്നു. വളരെ ലളിതമായ രീതിയിൽ ചെറിയ റണ്ണപ്പിൽ ഓടിവന്ന് ബൗൾ ചെയ്യുന്നതാണ് രാജവർദ്ധൻ ഹംഗരേക്കന്റെ രീതി. മത്സരത്തിൽ നാല് ഓവർ പന്തെറിഞ്ഞ രാജവർദ്ധൻ ഹംഗരേക്കർ 36 റൺസ് വിട്ടുകൊടുത്ത് നാലു വിക്കറ്റ് സ്വന്തമാക്കി.