Category: Malayalam

Categories
Malayalam Uncategorized

ട്വിസ്റ്റ് വമ്പൻ ട്വിസ്റ്റ്, റിസ്‌വാൻ സിക്സ് അടിച്ചപ്പോൾ ഷോ ഇട്ട പാകിസ്ഥാൻ ആരാധകൻ വരെ ഞെട്ടി ; വീഡിയോ കാണാം

പാകിസ്താനെ 23 റൺസിന് തകർത്ത് ഏഷ്യകപ്പ് കിരീടം ചൂടി ശ്രീലങ്ക, മത്സരത്തിൽ ടോസ് നഷ്ടപ്പെട്ട് ആദ്യം ബാറ്റ് ചെയ്യാൻ നിർബന്ധിതരായ ശ്രീലങ്ക തകർച്ചയോടെയാണ് തുടങ്ങിയത് പാക്കിസ്ഥാൻ പേസ് ബോളർമാർ ശ്രീലങ്കൻ മുൻ നിരയുടെ അന്തകരായപ്പോൾ 58/5 എന്ന നിലയിൽ തകർന്നടിഞ്ഞു ലങ്കൻ നിര, അവിടെ നിന്നും ഭാനുക  രജപക്ഷ ശ്രീലങ്കൻ ടീമിന്റെ രക്ഷകനായി അവതരിക്കുകയായിരുന്നു, ഹസരംഗയുമൊത്ത്   6 ആം വിക്കറ്റിൽ നിർണായക കൂട്ട് കെട്ട് പടുത്തുയർത്തി ലങ്കയെ കൂട്ടതകർച്ചയിൽ നിന്ന് പതിയെ കരകയറ്റി, പാക്കിസ്ഥാൻ ബോളർമാരെ സധൈര്യം നേരിട്ട ആ ഇന്നിങ്ങിസിനു നൂറിൽ നൂറു മാർക്ക്‌ കൊടുക്കാം, നിർണായകമായ ആ 71* റൺസിന് ഏഷ്യകപ്പിനോളം വിലയുണ്ട് എന്ന് പറഞ്ഞാൽ അത് അതിശയോക്തി ആവില്ല.

171 വിജയ ലക്ഷ്യവുമായി ഇറങ്ങിയ പാകിസ്താനെ മികച്ച രീതിയിൽ പന്തെറിഞ്ഞ ലങ്കൻ ബോളർമാർ വരിഞ്ഞു മുറുക്കി, വിക്കറ്റ് കൈയിൽ ഉണ്ടായിട്ടും പാകിസ്താന് ആക്രമിച്ച് കളിക്കാൻ ഒരു അവസരവും അവർ നൽകിയില്ല, ശ്രീലങ്കൻ ക്യാപ്റ്റൻ ഷാണകയ്ക്ക് ക്യാപ്റ്റൻസിയിലുള്ള അപാര കഴിവ് ലങ്കൻ വിജയത്തിലെ നിർണായക ഘടകമാണ്, ഫീൽഡ് സെറ്റ് ചെയ്യുന്നതിലും ഏത് ബോളറെ എപ്പോൾ കൊണ്ട് വരണമെന്നും കൃത്യമായ കണക്കു കൂട്ടലും, അത് നടപ്പിൽ വരുത്താനും സാധിച്ചു എന്നത് ഒരു മികച്ച ക്യാപ്റ്റന് വേണ്ട ഏറ്റവും വലിയ കഴിവുകളിൽ ഒന്നാണ്,

ഏഷ്യ കപ്പ്‌ തുടങ്ങുന്നതിന് മുമ്പ് ക്രിക്കറ്റ്‌ നിരൂപകരോ, ആരും തന്നെ ശ്രീലങ്ക ഫൈനലിൽ എത്തും എന്ന് പോലും പ്രതീക്ഷിച്ചിട്ടില്ല, ഗ്രൂപ്പ്‌ ഘട്ടത്തിലെ ആദ്യ മത്സരത്തിൽ അഫ്ഗാനിസ്ഥാനോട് 8 വിക്കറ്റിന് തോറ്റതോട് കൂടി ലങ്കയെ എല്ലാവരും എഴുതി തള്ളിയിരുന്നു, എന്നാൽ ആ തോൽവിക്ക് ശേഷം ഒരു ഫീനിക്സ് പക്ഷിയെപ്പോലെ കുതിച്ചു അവർ, പ്രതിസന്ധികളെ തരണം ചെയ്ത് മുന്നേറി, ആ മുന്നേറ്റം അവരെ സംബന്ധിച്ചിടത്തോളം നിലനിൽപ്പിന്റെ പോരാട്ടം കൂടെ ആയിരുന്നു.

ഫൈനൽ മത്സരത്തിൽ ഇന്ത്യ, അഫ്ഗാൻ കാണികളുടെ പിന്തുണ മുഴുവൻ ശ്രീലങ്കയ്‌ക്കൊപ്പമായിരുന്നു, അവർ ലങ്കയ്ക്കായി ജയ് വിളിച്ചു സ്റ്റേഡിയത്തിൽ സജീവമായിരുന്നു, മത്സരത്തിൽ “ലങ്കൻ” ആരാധനും പാക്കിസ്ഥാൻ ആരാധകനും തമ്മിലുള്ള വാക് പോരാട്ടത്തിന്റെ വീഡിയോ സോഷ്യൽ മീഡിയയിൽ നിറഞ്ഞു നിന്നു, എന്നാൽ റിസ്‌വാൻ ഔട്ട്‌ ആയതിനു ശേഷമാണ് ചുറ്റുമുള്ളവർക്ക് കാര്യം മനസ്സിലായതും, ശ്രീലങ്കൻ ആരാധകൻ ശരിക്കും ആരാണ് എന്ന് മനസ്സിലായതും.

https://twitter.com/Sidha_memer/status/1569188907413291008?t=2SHiNUsjK2c-R-y_JepIsw&s=19

Written By: അഖിൽ. വി. പി. വള്ളിക്കാട്.

Categories
Cricket Malayalam Video

പാക്കിസ്ഥാൻ ആണ് ജയിച്ചത് എങ്കിൽ ഇങ്ങനെ ചെയ്യുമായിരുന്നോ ? ലങ്കയുടെ പതാക പിടിച്ച് ഗംഭീർ :വൈറൽ വീഡിയോ

ആറാം ഏഷ്യകപ്പ് വിജയവുമായി ശ്രീലങ്ക, കലാശപ്പോരാട്ടത്തിൽ ആദ്യം ബാറ്റ് ചെയ്ത ശ്രീലങ്ക ഭാനുക രജപക്ഷയുടെ വെടിക്കെട്ട് ഇന്നിങ്സിന്റെ പിൻബലത്തിൽ നിശ്ചിത 20 ഓവറിൽ 170/6 എന്ന മികച്ച സ്കോർ നേടിയെടുക്കുകയായിരുന്നു.

തകർച്ചയോടെയാണ് ശ്രീലങ്കൻ ഇന്നിങ്ങ്സ് തുടങ്ങിയത് കുശാൽ മെൻഡിസിനെ നസീം ഷാ ക്ലീൻ ബൗൾഡ് ആക്കി പാകിസ്താന് ആദ്യ വിക്കറ്റ് സമ്മാനിച്ചു, പിന്നാലെ പാകിസ്താനെതിരായ കഴിഞ്ഞ കളിയിലെ താരം നിസങ്കയെയും, ധനുഷ്ക ഗുണതിലകയെയും ഹാരിസ് റൗഫ് മടക്കി അയച്ചു, കൃത്യമായ ഇടവേളകളിൽ വിക്കറ്റ് വീണു കൊണ്ടിരുന്നപ്പോൾ ശ്രീലങ്ക 58/5 എന്ന നിലയിൽ തകർന്നു, എന്നാൽ ലങ്കൻ പോരാട്ട വീര്യത്തിന്റെ കനൽ കെട്ടടങ്ങിയിരുന്നില്ല, ലങ്കൻ മുൻനിരയെ തകർത്ത ആത്മവിശ്വാസത്തിൽ വീണ്ടും ആ ചാരം ചികയാൻ നിന്ന പാക്കിസ്ഥാൻ ബോളർമാരുടെ കൈ പൊള്ളി.

ആറാം വിക്കറ്റിൽ ഹസരംഗയെ കൂട്ട് പിടിച്ച് ഭാനുക രജപക്ഷ തകർച്ചയിലേക്ക് കൂപ്പു കുത്തുകയായിരുന്ന ശ്രീലങ്കയെ പതിയെ മുന്നോട്ട് നയിച്ചു, “ആക്രമണമാണ് ഏറ്റവും നല്ല പ്രതിരോധം” എന്ന ആശയത്തിൽ നിന്ന് കൊണ്ടായിരുന്നു ഇരുവരും ബാറ്റ് വീശിയത്, അപ്രതീക്ഷിതമായ ഈ ആക്രമണം അത്രയും നേരം നല്ല രീതിയിൽ ബോൾ ചെയ്ത് കൊണ്ടിരുന്ന പാക് ബോളർമാരുടെ താളം തെറ്റിക്കാൻ കെല്പുള്ളതായിരുന്നു, 45 ബോളിൽ 6 ഫോറും 3 സിക്സും അടക്കം 71* റൺസ് ആണ് ഭാനുക രജപക്ഷ അടിച്ചെടുത്തത്.

മറുപടി ബാറ്റിങ്ങിനിറങ്ങിയ പാകിസ്ഥാനും തുടക്കത്തിൽ 2 വിക്കറ്റ് നഷ്ടമായെങ്കിലും, മുഹമ്മദ്‌ റിസ്‌വാനും, ഇഫ്തിക്കാർ അഹമ്മദും പാകിസ്താനെ കരകയറ്റുകയായിരുന്നു, എന്നാൽ കണിശതയോടെ ബോൾ എറിഞ്ഞ ലങ്കൻ ബോളർമാർ ഇരുവർക്കും അടിച്ച് തകർക്കാനുള്ള അവസരം നൽകിയില്ല, അടിച്ചെടുക്കാനുള്ള റൺ റേറ്റ് കൂടി വന്നതോടെ ഇരുവരും സമ്മർദ്ദത്തിലായി, പിന്നീട് കൂറ്റനടികൾക്ക് ശ്രമിച്ച് പരാജയപ്പെട്ട് കൊണ്ട് ഓരോ പാക്കിസ്ഥാൻ ബാറ്ററും പവലിയനിലേക്ക് ഘോഷയാത്ര നടത്തുന്ന കാഴ്ചയാണ് ദുബായ് ക്രിക്കറ്റ്‌ സ്റ്റേഡിയം സാക്ഷ്യം വഹിച്ചത്. ഒടുവിൽ 147 റൺസിനു പാക്കിസ്ഥാൻ ഓൾ ഔട്ട്‌ ആയി.

മത്സരത്തിന് ശേഷം ഇന്ത്യൻ താരം ഗൗതം ഗംഭീർ ശ്രീലങ്കൻ പതാക പിടിച്ച് നിൽക്കുന്ന വീഡിയോ സമൂഹ മാധ്യമങ്ങളിൽ വൈറൽ ആയി, ഇന്ത്യ കൂടി ഉൾപ്പെട്ട ടൂർണമെന്റിൽ ഗംഭീറിന്റെ ഈ പ്രവർത്തി ഇന്ത്യൻ ടീമിനെ അപമാനിക്കുന്നതിന് തുല്യമാണെന്ന് ചില ആരാധകർ അഭിപ്രായം പങ്ക് വെച്ചു, ഇതിപ്പോൾ പാക്കിസ്ഥാൻ ആണ് ജയിച്ചതെങ്കിൽ താങ്കൾ അവരുടെ പതാക പിടിച്ച് നിൽക്കുമോ എന്നും ചില ആരാധകർ ഈ വീഡിയോക്ക് താഴെ അഭിപ്രായം പങ്ക് വെച്ചു.

ക്രിക്കറ്റ്‌ ആയാലും ഏത് കായിക ഇനമായാലും അതിൽ രാഷ്ട്രീയം കലർത്തുന്നതിനോട് ഒട്ടും യോജിക്കാൻ കഴിയില്ല, ഇന്ത്യ പാക്കിസ്ഥാൻ മത്സരത്തിൽ നിർണായക സമയത്ത് അർഷ്ദീപ് സിംഗ് ആസിഫ് അലിയുടെ അനായാസമായൊരു ക്യാച്ച് നിലത്തിട്ടു, അതിന്റെ പേരിൽ നമുക്ക് അയാളെ വിമർശിക്കാൻ സ്വാതന്ത്രമുണ്ട് എന്ന് കരുതി അയാളെ രാജ്യദ്രോഹി, ഘാലിസ്ഥാൻ തീവ്രവാദി എന്നൊന്നും മുദ്ര കുത്താൻ ഒരാൾക്കും അവകാശമില്ല, തെറ്റുകൾ മനുഷ്യസഹജമാണ് അത്രയും സമ്മർദ്ദഘട്ടത്തിൽ യുവതാരമായ അദ്ദേഹത്തിൽ നിന്നും അങ്ങനൊരു കൈയബദ്ധം സംഭവിച്ചു, ടെലിവിഷനിൽ കളി കണ്ടു കൊണ്ടിരിക്കുന്ന നമ്മൾ ആ സമയം എത്ര സമ്മർദ്ദം അനുഭവിക്കുന്നുണ്ടോ അതിന്റെ എത്ര മടങ്ങു ഗ്രൗണ്ടിൽ നിൽക്കുന്ന ഒരു യുവതാരത്തിന് ഉണ്ടാകുമെന്നത് ഊഹിക്കാമല്ലോ,

നാട്ടിലെ ക്രിക്കറ്റ്‌ ടൂർണമെന്റുകളിൽ കളിച്ചിട്ടുള്ളവർക്ക് അറിയാം ആ സമയം അനുഭവിക്കുന്ന സമ്മർദ്ദം അതിന്റെ നൂറിരട്ടി സമ്മർദ്ദം ആയിരിക്കും ഒരു ഇന്ത്യ പാക്കിസ്ഥാൻ മത്സരത്തിൽ ഒരു താരത്തിന് ഉണ്ടാവുക, ഇതിൽ വിരോധാഭാസം എന്തെന്ന് വെച്ചാൽ ജീവിതത്തിൽ ഇത് വരെ ക്രിക്കറ്റ്‌ കളിച്ചിട്ടില്ലാത്തവരും ക്രിക്കറ്റിനെക്കുറിച്ച് ഒരു ചുക്കും അറിയാത്തവരും ആകും ചിലരെ രാജ്യദ്രോഹി ആക്കാൻ മുൻപന്തിയിൽ, അവരോടൊക്കെ ഒന്നേ പറയാൻ ഉള്ളു ഇത് മത്സരമാണ് യുദ്ധമല്ല, ക്രിക്കറ്റ്‌ മൈതാനങ്ങളെ വർഗീയമായ ചേരി തിരിവുകൾക്ക് ഉപയോഗിക്കുന്നത് യഥാർഥ ക്രിക്കറ്റ്‌ പ്രേമികൾ ഒരു കാലത്തും അനുകൂലിക്കില്ല.

Categories
Cricket Malayalam Video

W W W കളിയുടെ ഗതി മാറ്റി ഹസരംഗ ! പാകിസ്ഥാനെ തകർത്ത 17 ആം ഓവർ ; വീഡിയോ കാണാം

ഏഷ്യകപ്പിലെ ഫൈനൽ പോരാട്ടത്തിൽ ശ്രീലങ്കക്ക് 23 റൺസിന്റെ മിന്നുന്ന ജയം,ആദ്യം ബാറ്റ് ചെയ്ത ശ്രീലങ്ക ഭാനുക രജപക്ഷയുടെ വെടിക്കെട്ട് ഇന്നിങ്സിന്റെ പിൻബലത്തിൽ നിശ്ചിത 20 ഓവറിൽ 170/6 എന്ന മികച്ച ടോട്ടൽ നേടിയെടുത്തു.

തകർച്ചയോടെയാണ് ശ്രീലങ്കൻ ഇന്നിങ്ങ്സ് തുടങ്ങിയത് കുശാൽ മെൻഡിസിനെ നസീം ഷാ ക്ലീൻ ബൗൾഡ് ആക്കി പാകിസ്താന് ആദ്യ വിക്കറ്റ് സമ്മാനിച്ചു, പിന്നാലെ പാകിസ്താനെതിരായ കഴിഞ്ഞ കളിയിലെ താരം നിസങ്കയെയും, ധനുഷ്ക ഗുണതിലകയെയും ഹാരിസ് റൗഫ് മടക്കി അയച്ചു, കൃത്യമായ ഇടവേളകളിൽ വിക്കറ്റ് വീണു കൊണ്ടിരുന്നപ്പോൾ ശ്രീലങ്ക 58/5 എന്ന നിലയിൽ തകർന്നു, എന്നാൽ ലങ്കൻ പോരാട്ട വീര്യത്തിന്റെ കനൽ കെട്ടടങ്ങിയിരുന്നില്ല, ലങ്കൻ മുൻനിരയെ തകർത്ത ആത്മവിശ്വാസത്തിൽ വീണ്ടും ആ ചാരം ചികയാൻ നിന്ന പാക്കിസ്ഥാൻ ബോളർമാരുടെ കൈ പൊള്ളി.

ആറാം വിക്കറ്റിൽ ഹസരംഗയെ കൂട്ട് പിടിച്ച് ഭാനുക രജപക്ഷ തകർച്ചയിലേക്ക് കൂപ്പു കുത്തുകയായിരുന്ന ശ്രീലങ്കയെ പതിയെ മുന്നോട്ട് നയിച്ചു, “ആക്രമണമാണ് ഏറ്റവും നല്ല പ്രതിരോധം” എന്ന ആശയത്തിൽ നിന്ന് കൊണ്ടായിരുന്നു ഇരുവരും ബാറ്റ് വീശിയത്, അപ്രതീക്ഷിതമായ ഈ ആക്രമണം അത്രയും നേരം നല്ല രീതിയിൽ ബോൾ ചെയ്ത് കൊണ്ടിരുന്ന പാക് ബോളർമാരുടെ താളം തെറ്റിക്കാൻ കെല്പുള്ളതായിരുന്നു, 45 ബോളിൽ 6 ഫോറും 3 സിക്സും അടക്കം 71* റൺസ് ആണ് ഭാനുക രജപക്ഷ അടിച്ചെടുത്തത്.

മറുപടി ബാറ്റിങ്ങിനിറങ്ങിയ പാകിസ്ഥാനും തുടക്കത്തിൽ 2 വിക്കറ്റ് നഷ്ടമായെങ്കിലും, മുഹമ്മദ്‌ റിസ്‌വാനും, ഇഫ്തിക്കാർ അഹമ്മദും പാകിസ്താനെ കരകയറ്റുകയായിരുന്നു, എന്നാൽ കണിശതയോടെ ബോൾ എറിഞ്ഞ ലങ്കൻ ബോളർമാർ ഇരുവർക്കും അടിച്ച് തകർക്കാനുള്ള അവസരം നൽകിയില്ല, അടിച്ചെടുക്കാനുള്ള റൺ റേറ്റ് കൂടി വന്നതോടെ ഇരുവരും സമ്മർദ്ദത്തിലായി, പിന്നീട് കൂട്ടനടികൾക്ക് ശ്രമിച്ച് പരാജയപ്പെട്ട് കൊണ്ട് ഓരോ പാക്കിസ്ഥാൻ ബാറ്ററും പവലിയനിലേക്ക് ഘോഷയാത്ര നടത്തുന്ന കാഴ്ചയാണ് ദുബായ് ക്രിക്കറ്റ്‌ സ്റ്റേഡിയം സാക്ഷ്യം വഹിച്ചത്.

ശ്രീലങ്കൻ താരം ഹസരംഗ എറിഞ്ഞ 17ആം ഓവർ മത്സരത്തിൽ ഏറെ നിർണായമായി, വെറും 2 റൺസ് മാത്രം വഴങ്ങി മുഹമ്മദ്‌ റിസ്‌വാൻ, ആസിഫ് അലി, കുഷ്ദിൽ ഷാ, എന്നിവരുടെ വിക്കറ്റുകളാണ് താരം ആ ഓവറിൽ നേടിയത്, ഈ ഓവർ കഴിഞ്ഞപ്പോഴേക്കും മത്സരം ശ്രീലങ്കയുടെ വരുതിയിൽ ആയി കഴിഞ്ഞിരുന്നു, തകർച്ചയിൽ നിന്നും ശ്രീലങ്കയെ കരകയറ്റിയ മികച്ച ഇന്നിംഗ്സ് കാഴ്ച വെച്ച ഭാനുക രജപക്ഷ കളിയിലെ താരമായി തിരഞ്ഞെടുക്കപ്പെട്ടു.

Written By: അഖിൽ. വി. പി. വള്ളിക്കാട്.

W W W കളിയുടെ ഗതി മാറ്റി ഹസരംഗ !വീഡിയോ കാണാം

Categories
Cricket Malayalam

4 6 6 ബിന്നിച്ചായൻ നമ്മൾ ഉദ്ദേശിച്ച ആളല്ല സർ ! ബിന്നിയുടെ വെടിക്കെട്ട് വീഡിയോ കാണാം

റോഡ് സേഫ്റ്റി വേൾഡ് ട്വന്റി-20 ടൂർണമെന്റിലെ ആദ്യ മത്സരത്തിൽ സൗത്ത് ആഫ്രിക്കൻ ലെജൻഡ്സിനെതിരെ ആദ്യം ബാറ്റ് ചെയ്ത ഇന്ത്യൻ ലെജൻഡ്സിന് വെടിക്കെട്ട് ബാറ്റിങ് കാഴ്ച വെച്ച സ്റ്റുവർട്ട് ബിന്നിയുടെ ഇന്നിംഗ്സ് കരുത്തിൽ 217/4 എന്ന കൂറ്റൻ സ്കോർ നേടാനായി, കാൺപൂരിലെ ഗ്രീൻ പാർക്ക്‌ സ്റ്റേഡിയത്തിലാണ് മത്സരം നടക്കുന്നത്, ഇന്ത്യക്കും, സൗത്ത് ആഫ്രിക്കക്കും പുറമെ ഓസ്ട്രേലിയ, ഇംഗ്ലണ്ട്, വെസ്റ്റ് ഇൻഡീസ്, ശ്രീലങ്ക, ബംഗ്ലാദേശ്, ന്യൂസിലാൻഡ് എന്നീ ടീമുകളാണ് ടൂർണമെന്റിൽ ഏറ്റു മുട്ടുന്നത്.

റോഡ് അപകടങ്ങളിൽ ബോധവൽക്കരണം നടത്തുക എന്നതാണ് ടൂർണമെന്റിന്റെ പ്രമേയം, ക്രിക്കറ്റിൽ നിന്ന് വിരമിച്ച തങ്ങളുടെ പ്രിയ താരങ്ങൾ ഒരിക്കൽ കൂടി ഗ്രൗണ്ടിൽ ഇറങ്ങി കളിക്കുന്നത് കാണാനുള്ള സുവർണാവസരം കൂടിയാണ് ക്രിക്കറ്റ്‌ പ്രേമികൾക്ക്‌ ഈ ടൂർണമെന്റ്, സെമി ഫൈനലുകളും ഫൈനലും അടക്കം 23 മത്സരങ്ങളാണ് ടൂർണമെന്റിൽ ഉണ്ടാവുക.

മത്സരത്തിൽ ടോസ്സ് നേടിയ ഇന്ത്യൻ ക്യാപ്റ്റൻ സച്ചിൻ ടെൻഡുൽക്കർ ബാറ്റിങ് തിരഞ്ഞെടുക്കുകയായിരുന്നു, ലോക ക്രിക്കറ്റിലെ എക്കാലത്തെയും ഫീൽഡിങ് ഇതിഹാസം ജോണ്ടി റോഡ്സ് ആണ് സൗത്ത് ആഫ്രിക്കയെ നയിക്കുന്നത്, സച്ചിനും വിക്കറ്റ് കീപ്പർ നമൻ ഓജയുമാണ് ഇന്ത്യക്കായി ഇന്നിംഗ്സ് ഓപ്പൺ ചെയ്യാൻ ഇറങ്ങിയത്, ഇരുവരും ചേർന്ന് ഇന്ത്യക്ക് മികച്ച തുടക്കം സമ്മാനിച്ചു, എന്നാൽ ആറാം ഓവറിൽ മഖായ എൻടിനിയുടെ ബോളിൽ ജൊഹാൻ ബോത്ത പിടിച്ച് സച്ചിൻ(16) പുറത്തായി, സച്ചിൻ ഔട്ട്‌ ആയതിന് ശേഷം ക്രീസിലെത്തിയ സുരേഷ് റൈനയും മികച്ച ബാറ്റിങ്ങ് കാഴ്ച വെച്ചു, 4 ഫോറും 1 സിക്സും അടക്കം 33 റൺസ് റൈന അടിച്ചെടുത്തു.

സ്റ്റുവർട്ട് ബിന്നി ക്രീസിലെത്തിയതോടെ ഇന്ത്യൻ ഇന്നിങ്ങ്സിന്റെ വേഗത വർധിച്ചു, തലങ്ങും വിലങ്ങും ബൗണ്ടറികൾ പായിച്ച് ബിന്നി ഇന്ത്യയെ മുന്നോട്ട് നയിച്ചു, വെറും 42 ബോളിൽ ആണ് 5 ഫോറും 6 സിക്സും അടക്കം 195 പ്രഹര ശേഷിയിൽ ബിന്നി പുറത്താകാതെ 82 റൺസ് അടിച്ച് കൂട്ടിയത്, ബിന്നിയുടെ ഈ ഇന്നിംഗ്സാണ് ഇന്ത്യയെ 200 കടക്കാൻ സഹായിച്ചത്, പതിനേഴാം ഓവർ ചെയ്യാനെത്തിയ ഗാർനറ്റ് ക്രുഗറിനെ 1 ഫോറും 2 കൂറ്റൻ സിക്സും അടിച്ചാണ് ബിന്നി വരവേറ്റത്.

Categories
Cricket Malayalam Video

പാക്ക് താരവും ചേർന്നുള്ള റൊമാന്റിക് വീഡിയോ പങ്കുവെച്ച് പുലിവാല് പിടിച്ച് നടി ഉർവശി രൗട്ടെല

എന്നെന്നും വിവാദങ്ങളുടെ കളിത്തൊഴിയായ ബോളിവുഡ് താരം ഉർവശി രൗട്ടെല ഇതാ വീണ്ടും മറ്റൊരു സംഭവത്തിൽ ട്രോളന്മാരുടെ ഇരയായിരിക്കുകയാണ്. കഴിഞ്ഞ ദിവസം പാക്കിസ്ഥാൻ യുവതാരം നസീം ഷാ കൂടി ഉൾപ്പെടുന്ന ഒരു റൊമാന്റിക് റീൽ വീഡിയോ താരം ഇൻസ്റ്റാഗ്രാം സ്റ്റോറി ആയി പങ്കുവെച്ചിരുന്നു.

ദുബായ് അന്താരാഷ്ട്ര സ്റ്റേഡിയത്തിൽ നടന്ന ഇന്ത്യ പാക്കിസ്ഥാൻ ഏഷ്യ കപ്പ് മത്സരത്തിൽ ഗാലറിയിൽ ഉർവശിയും ഉണ്ടായിരുന്നു. മത്സരത്തിനിടെ നസീം ഷാ ബോളിങ്ങിനിടെ സഹ കളിക്കാരെ നോക്കി ചിരിക്കുന്ന ഒരു വീഡിയോ എഡിറ്റ് ചെയ്ത് അതിന്റെ കൂടെ ഗാലറിയിൽ ഇരുന്ന് ചിരിക്കുന്ന ഉർവശിയുടെ വീഡിയോ കൂടി ഉൾപ്പെടുത്തിയുള്ള ആരോ ചെയ്ത വീഡിയോ ആണ് തമാശയായി പോസ്റ്റ് ചെയ്തത്. ഇതാണ് ട്രോളന്മാർ ഏറ്റെടുത്തിരിക്കുന്നത്.

താരത്തെ ട്രോളാൻ ലഭിക്കുന്ന ഒരു ചെറിയ അവസരവും പാഴാക്കാതെ വിനിയോഗിക്കുന്നവരാണ് നമ്മുടെ ട്രോളൻമാർ. നേരത്തെ ഇന്ത്യൻ വിക്കറ്റ് കീപ്പർ ഋഷഭ് പന്തുമായി ഉൾപ്പെടുന്ന വിവാദത്തിലും താരം നിറഞ്ഞുനിന്നിരുന്നു. ഓഗസ്റ്റ് മാസം ഒരു അഭിമുഖത്തിൽ വിവാദമായ ഒരു വെളിപ്പെടുത്തൽ ഉർവശി നടത്തിയിരുന്നു.

‘മിസ്റ്റർ ആർപി’ എന്നൊരു പ്രമുഖ വ്യക്തി തന്നെ കാണാനായി ഒരു ഹോട്ടൽ ലോബിയിൽ പത്ത് മണിക്കൂറോളം കാത്തുനിന്നിരുന്നു എന്നായിരുന്നു താരം പറഞ്ഞത്. ആർപി എന്നത് ഇന്ത്യൻ താരം ഋഷഭ് പന്ത് ആണെന്ന കാര്യത്തിൽ ഒട്ടും സംശയമില്ല എന്നായിരുന്നു ട്രോളൻമാർ കണ്ടെത്തിയത്. ഇതോടെ പന്തിന്റെ പ്രതികരണത്തിന് കാത്തിരുന്ന ആരാധകർക്ക് ഒടുവിൽ അത് ലഭിക്കുകയും ചെയ്തു.

ചെറിയൊരു പേരിനും പ്രശസ്തിക്കും വേണ്ടി ചിലർ ഇന്റർവ്യൂകളിൽ തോന്നിയ കാര്യങ്ങളാണ് വിളിച്ചു പറയുന്നത്, അവരെ ഓർത്ത് തനിക്ക് സങ്കടം തോന്നുന്നു. ദൈവം അവരെ അനുഗ്രഹിക്കട്ടെ എന്നായിരുന്നു പന്ത് ഇൻസ്റ്റാഗ്രാം സ്റ്റോറി ആയി പോസ്റ്റ് ചെയ്തത്. എങ്കിലും കുറച്ച് നേരം കഴിഞ്ഞപ്പോൾ അത് ഡിലീറ്റ് ചെയ്യുകയും ചെയ്തു.

ഇതിനുള്ള മറുപടിയെന്നോണ്ണം ഉർവശിയും ഇൻസ്റ്റാഗ്രാമിൽ സ്റ്റോറി ആയി പോസ്റ്റ് പങ്കുവച്ചിരുന്നു. ചോട്ടു ഭയ്യ ബാറ്റ് ബോൾ കളിച്ചാൽ മതി എന്നും പറഞ്ഞ്. ഇതെല്ലാം ട്രോളന്മാർക്ക്‌ ആഘോഷമായിരുന്നു. ഇപ്പോൾ വീണ്ടുമൊരു വിവാദക്കുരുക്കിൽ പെട്ടിരിക്കുകയാണ് ഉർവശി രൗട്ടേല. പാക്ക് താരത്തെ ഉൾപ്പെടുത്തി വീഡിയോ പങ്കുവെച്ചതിന്.

https://twitter.com/cricket82182592/status/1568598261233233923?t=FMH-vroK0qztK2j-xtZCyA&s=19
Categories
Cricket Latest News Malayalam Video

ഈ മുതിർന്ന ആരാധകൻ കോഹ്‌ലിയെ വണങ്ങുന്നത് കണ്ടോ, എന്താ കിംഗിന്റെ റേഞ്ച് എന്ന് ഊഹിച്ച് നോക്കിയേ!വീഡിയോ

തന്റെ കരിയറിലെ എഴുപത്തിയൊന്നാം സെഞ്ചുറി നേട്ടം കൈവരിക്കാൻ വിരാട് കോഹ്‌ലി കാത്തിരുന്നത് നീണ്ട 1021 ദിവസങ്ങളാണ്. ഇതിനിടയിൽ ടെസ്റ്റ്, ഏകദിനം, ട്വന്റി ട്വന്റി എന്നിവയിലായി മൊത്തം 84 രാജ്യാന്തര മത്സരങ്ങളിൽ അദ്ദേഹം ഭാഗമായി. എങ്കിലും ഇത്രയും നാൾ ആ ഒരു സെഞ്ചുറി നേട്ടം മാത്രം അകന്നു നിൽക്കുകയായിരുന്നു.

ഒടുവിൽ ഇന്നലെ നടന്ന ഏഷ്യ കപ്പ് ടൂർണമെന്റിലെ സൂപ്പർ ഫോർ ഘട്ടത്തിൽ അഫ്ഗാനിസ്ഥാന്‌ എതിരെ മിന്നുന്ന പ്രകടനം നടത്തി ആ ലക്ഷ്യവും കോഹ്‌ലി പൂർത്തീകരിച്ചു. മാത്രവുമല്ല, ഒരു ഇന്ത്യൻ താരത്തിന്റെ അന്താരാഷ്ട്ര ട്വന്റി ട്വന്റി ക്രിക്കറ്റിലെ ഏറ്റവും ഉയർന്ന വ്യക്തിഗത സ്കോർ നേടാനും കഴിഞ്ഞു. 61 പന്തുകളിൽ നിന്നും 12 ബൗണ്ടറിയും 6 സിക്സറും അടക്കം 122* റൺസ് നേടിയ കോഹ്‌ലി, രോഹിത് ശർമയുടെ പേരിൽ ഉണ്ടായിരുന്ന 118 റൺസിന്റെ റെക്കോർഡാണ് പഴങ്കഥയാക്കിയത്.

സൂപ്പർ ഫോർ ഘട്ടത്തിൽ ആദ്യ രണ്ട് മത്സരങ്ങളിലും തോറ്റ ഇന്ത്യയും അഫ്ഗാനിസ്ഥാനും ടൂർണമെന്റിൽ നിന്നും നേരത്തെ തന്നെ പുറത്തായിരുന്നു. ഇതോടെ ഇവർ പരസ്പരം ഏറ്റുമുട്ടുന്ന മത്സരം അപ്രസക്തമായിരുന്നു. അതുമൂലം മുൻ മത്സരങ്ങളെ അപേക്ഷിച്ച് ഗാലറിയിൽ കാണികളും നന്നേ കുറവായിരുന്നു. എങ്കിലും അവിടെ സന്നിഹിതരായിരുന്ന ചുരുക്കം ആരാധകർക്ക് ഒരു അവിസ്മരണീയ നിമിഷത്തിന്റെ സാക്ഷികളാകാനുള്ള ഭാഗ്യം ലഭിച്ചു എന്നുതന്നെ പറയാം.

അതിൽ തന്നെ ഏറ്റവും ശ്രദ്ധ പിടിച്ചുപറ്റിയത് ഒരു മുതിർന്ന ഇന്ത്യൻ ആരാധകൻ ആയിരുന്നു. പഴയ ഒരു ഇന്ത്യൻ ജേഴ്സിയും ധരിച്ച്, ഒരു തൂവെള്ള സിഖ് തലപ്പാവുമായി ഗാലറിയുടെ ഒരു ഭാഗത്ത് ഒറ്റയ്ക്ക് നിൽക്കുകയായിരുന്നു അദ്ദേഹം. വിരാട് കോഹ്‌ലി സെഞ്ചുറി നേട്ടം പൂർത്തിയാക്കിയതിന് ശേഷം സന്തോഷത്തോടെ ആരാധകരെ അഭിസംബോധന ചെയ്യുന്ന നേരത്ത് ക്യാമറകൾ സൂം ചെയ്തത് ഇദ്ദേഹത്തിന് നേർക്കായിരുന്നു. ഇരു കൈകളും വായുവിൽ ഉയർത്തിയും താഴ്ത്തിയും അദ്ദേഹം കോഹ്‌ലിയെ വണങ്ങിക്കൊണ്ടിരുന്നു. നിമിഷങ്ങൾക്കകം ഈ ദൃശ്യങ്ങൾ സമൂഹമാധ്യമങ്ങളിൽ വൻ തരംഗമായി മാറി.

ഐപിഎല്ലിൽ അഞ്ച് സെഞ്ചുറികൾ കോഹ്‌ലി നേടിയിട്ടുണ്ട് എങ്കിലും അന്താരാഷ്ട്ര T20 ക്രിക്കറ്റിലെ അദ്ദേഹത്തിന്റെ ഏറ്റവും ഉയർന്ന സ്കോർ 94* ആയിരുന്നു. 2019 നവംബറിൽ ബംഗ്ലാദേശിന് എതിരെ ഈഡൻ ഗാർഡൻ സ്റ്റേഡിയത്തിൽ നടന്ന ടെസ്റ്റ് മത്സരത്തിലാണ് കോഹ്‌ലി അവസാനമായി സെഞ്ചുറി നേടിയിരുന്നത്‌. മൂന്ന് വർഷം തികയാൻ ഏതാണ്ട് ഇത്തിരി ദിവസം കുറവ് വരേയെത്തി, അടുത്തൊരു സെഞ്ചുറി നേട്ടം കൈവരിക്കാൻ. അതും ആരും ഒരിക്കലും സ്വപ്നത്തിൽ പോലും വിചാരിക്കാത്ത ട്വന്റി ട്വന്റി ഫോർമാറ്റിലും.

എന്തായാലും കോഹ്‌ലിയുടെ മികവിൽ ഇന്നലെ നടന്ന മത്സരത്തിൽ ഇന്ത്യ അഫ്ഗാനിസ്ഥാനെ 101 റൺസിന്‌ പരാജയപ്പെടുത്തി. മത്സരത്തിൽ ടോസ് നേടിയ അഫ്ഗാൻ നായകൻ മുഹമ്മദ് നബി ഫീൽഡിംഗ് തെരഞ്ഞെടുക്കുകയായിരുന്നു. രോഹിത് ശർമക്ക് വിശ്രമം നൽകിയപ്പോൾ രാഹുലാണ് ഇന്ത്യയെ നയിച്ചത്. രോഹിത്, പാണ്ഡ്യ, ചഹാൽ എന്നിവർക്ക് പകരം കാർത്തിക്, അക്സേർ, ദീപക് ചഹർ എന്നിവർ ടീമിലെത്തി.

നിശ്ചിത 20 ഓവറിൽ ഇന്ത്യ രണ്ട് വിക്കറ്റ് നഷ്ടത്തിൽ 212 റൺസ് അടിച്ചുകൂട്ടി. രാഹുൽ 62 റൺസ് എടുത്തു. മറുപടി ബാറ്റിംഗിനിറങ്ങിയ അഫ്ഗാന് ഭൂവിയുടെ പന്തുകൾക്ക്‌ മുന്നിൽ മുട്ടിടിച്ചുനിൽക്കാനെ കഴിഞ്ഞുള്ളൂ. നാല് ഓവറിൽ ഒരു മെയ്ഡെൻ അടക്കം വെറും നാല് റൺസ് മാത്രം വിട്ടുകൊടുത്ത് 5 വിക്കറ്റുകൾ വീഴ്ത്തി കരിയറിലെ മികച്ച ബോളിങ് പ്രകടനം നടത്തി അദ്ദേഹം. 20 ഓവറിൽ 8 വിക്കറ്റ് നഷ്ടത്തിൽ 111 റൺസ് എടുക്കാനേ അവർക്ക് കഴിഞ്ഞുള്ളൂ.

ദീർഘ കാലത്തിനുശേഷം സെഞ്ചുറി നേട്ടം ; വൈറലായി മുതിർന്ന ഇന്ത്യൻ ആരാധകൻ കോഹ്‌ലിയെ വണങ്ങുന്ന വീഡിയോ.

Categories
Cricket India Malayalam Video

ആദ്യ ബോളിൽ തന്നെ നോ ലുക്ക് സിക്സ്, രണ്ടാമത്തെ ബോളിൽ വിക്കറ്റ് : വീഡിയോ കാണാം

ഏഷ്യകപ്പിലെ ഇന്ത്യയുടെ അവസാന മത്സരത്തിൽ വിരാട് കോഹ്ലിയുടെ സെഞ്ച്വറി മികവിൽ ഇന്ത്യക്ക് 101 റൺസിന്റെ കൂറ്റൻ വിജയം, ടോസ് നേടിയ അഫ്ഗാനിസ്ഥാൻ ക്യാപ്റ്റൻ മുഹമ്മദ്‌ നബി ഇന്ത്യയെ ബാറ്റിങ്ങിനു അയക്കുകയായിരുന്നു, ക്യാപ്റ്റൻ രോഹിത് ശർമ അടക്കം 3 മാറ്റങ്ങളുമായാണ് ഇന്ത്യ കളത്തിൽ ഇറങ്ങിയത്, രോഹിത്തിന്റെ അഭാവത്തിൽ കെ.എൽ രാഹുൽ ആണ് മത്സരത്തിൽ ഇന്ത്യയെ നയിച്ചത്, രോഹിത് ശർമക്ക് പുറമെ ചഹലും, ഹാർദിക്ക് പാണ്ഡ്യയും അവസാന മത്സരത്തിൽ കളിച്ചില്ല, പകരം ദിനേഷ് കാർത്തിക്കും, ദീപക് ചഹറും, അക്സർ പട്ടേലുമാണ് ഇന്ത്യക്കായി ഇറങ്ങിയത്.

ഓപ്പണർമാരായി ഇറങ്ങിയ രാഹുലും കോഹ്ലിയും മികച്ച തുടക്കമാണ് ഇന്ത്യക്ക് നൽകിയത്, ഇരുവരും തുടക്കത്തിൽ തന്നെ അഫ്ഗാൻ ബോളർമാരെ ആക്രമിച്ച് കളിച്ചതോടെ ഇന്ത്യൻ സ്കോർ കുതിച്ചു, ഒന്നാം വിക്കറ്റിൽ ഇരുവരും 119 റൺസിന്റെ കൂട്ട്കെട്ടാണ് പടുത്തുയർത്തിയത്, പതിമൂന്നാം ഓവറിൽ ഫരീദ് മാലിക് ആണ് അഫ്ഗാനിസ്താന് ആദ്യ വിക്കറ്റ് സമ്മാനിച്ചത്, 41 പന്തിൽ 6 ഫോറും 2 സിക്സും അടക്കം 62 റൺസ് നേടിയ രാഹുലിനെ നജിബുള്ള സദ്രാന്റെ കൈകകളിൽ എത്തിക്കുകയായിരുന്നു, മറുവശത്ത് കോഹ്ലി മിന്നുന്ന ഫോമിൽ ആയിരുന്നു കോഹ്ലിയുടെ ബാറ്റിൽ നിന്ന് ബൗണ്ടറികൾ ഗ്രൗണ്ടിന്റെ നാനാ ഭാഗത്തേക്കും പ്രവഹിച്ച് കൊണ്ടിരുന്നു,

ഒടുവിൽ 19ആം ഓവറിൽ ഫരീദ് മാലികിനെ സിക്സർ പറത്തിക്കൊണ്ട് 2019 ഡിസംബറിന് ശേഷം കോഹ്ലി തന്റെ ആദ്യ അന്താരാഷ്ട്ര സെഞ്ച്വറി തികച്ചു, ട്വന്റി-20 മത്സരത്തിൽ കോഹ്ലിയുടെ ആദ്യ സെഞ്ച്വറിയാണ് ഇത്, 61 ബോളിൽ 12 ഫോറും 6 കൂറ്റൻ സിക്സും അടക്കമാണ് പുറത്താകാതെ 122* റൺസ് കോഹ്ലി അടിച്ച് കൂട്ടിയത്, ട്വന്റി-20 യിൽ ഒരു ഇന്ത്യക്കാരന്റെ ഏറ്റവും ഉയർന്ന വ്യക്തിഗത സ്കോറും ഇതോടെ കോഹ്ലിയുടെ പേരിലായി. കോഹ്ലിയുടെ സെഞ്ച്വറിയുടെ കരുത്തിൽ നിശ്ചിത 20 ഓവറിൽ ഇന്ത്യ 212/2 എന്ന കൂറ്റൻ ടോട്ടൽ പടുത്തുയർത്തി.

മറുപടി ബാറ്റിങ്ങിനിറങ്ങിയ അഫ്ഗാനിസ്താൻ പാളയത്തിലേക്ക് ഭുവനേശ്വർ കുമാറിന്റെ മിന്നലാക്രമണം ആണ് പിന്നീട് ദുബായ് ക്രിക്കറ്റ്‌ സ്റ്റേഡിയം സാക്ഷി ആയത്, ആദ്യ ഓവറിൽ തന്നെ അഫ്ഗാൻ ഓപ്പണർമാരെ ഇരുവരെയും ഭുവനേശ്വർ മടക്കി അയച്ചു, തന്റെ അടുത്ത ഓവറിൽ കരിം ജനറ്റിനെയും നജിബുള്ളാ സദ്രാനെയും വീഴ്ത്തിക്കൊണ്ട് ഭുവനേശ്വർ അഫ്ഗാനിസ്ഥാൻ മുൻ നിരയെ തകർത്തെറിഞ്ഞു,4 ഓവറിൽ ഒരു മെയിഡിൻ ഓവർ അടക്കം വെറും 4 റൺസ് മാത്രം വഴങ്ങിയാണ് താരം 5 വിക്കറ്റ് സ്വന്തമാക്കിയത്. പുറത്താകാതെ 64* റൺസ് നേടിയ ഇബ്രാഹിം സദ്രാൻ മാത്രമാണ് അഫ്ഗാൻ നിരയിൽ പിടിച്ച് നിന്നത്.

മത്സരത്തിൽ രാഹുൽ പുറത്തായതിന് ശേഷം ക്രീസിലെത്തിയ സൂര്യകുമാർ യാദവ് ആദ്യ ബോളിൽ തന്നെ ഫൈൻ ലെഗിൽ വിക്കറ്റ് കീപ്പറുടെ തലയ്ക്ക് മുകളിലൂടെ തന്റെ ട്രേഡ്മാർക്ക്‌ ഷോട്ട് അടിച്ചാണ് ബോളറെ വരവേറ്റത്, പക്ഷെ തൊട്ടടുത്ത ബോളിൽ ഓഫ്‌ സൈഡിലേക്ക് കട്ട്‌ ചെയ്യാൻ ശ്രമിച്ച സൂര്യകുമാറിന് പിഴച്ചു ബാറ്റിൽ തട്ടിയ പന്ത് സ്റ്റമ്പിലേക്ക് പതിക്കുകയായിരുന്നു. ഫരീദ് അഹമ്മദ് ആണ് സൂര്യകുമാറിനെ വീഴ്ത്തിയത്, സെഞ്ച്വറി നേടി ഇന്ത്യയെ മുന്നിൽ നിന്ന് നയിച്ച വിരാട് കോഹ്ലി കളിയിലെ താരമായി തിരഞ്ഞെടുക്കപ്പെട്ടു.

Categories
Cricket India Malayalam Video

“ഒന്ന് ശ്രദ്ധിക്കൂ ക്യാപ്റ്റ്യാ….”; ഇന്ത്യൻ താരത്തിന്റെ അഭിപ്രായത്തോട് മുഖം തിരിച്ചു രോഹിത് ശർമ, വീഡിയോ കാണാം

ഏഷ്യ കപ്പ് സൂപ്പർ ഫോർ ഘട്ടത്തിൽ തുടർച്ചയായ രണ്ടാം തോൽവിയോടെ ടീം ഇന്ത്യയുടെ ഫൈനൽ മോഹങ്ങൾക്ക് വലിയ രീതിയിൽ ഇടിവ് സംഭവിച്ചിരിക്കുകയാണ്. ഇന്നലെ നടന്ന മത്സരത്തിൽ ശ്രീലങ്കയോടു ടീം ഇന്ത്യ ആറ് വിക്കറ്റിന് പരാജയപ്പെടുകയായിരുന്നു. ആദ്യ മത്സരത്തിൽ ഇന്ത്യ പാക്കിസ്ഥാന്റെ പക്കൽ നിന്നും അഞ്ച് വിക്കറ്റിന്റെ തോൽവിയും ഏറ്റുവാങ്ങിയിരുന്നു. തങ്ങളുടെ രണ്ട് മത്സരങ്ങളിലും വിജയിച്ച ശ്രീലങ്ക ഫൈനൽ കളിക്കുമെന്ന് ഏതാണ്ട് ഉറപ്പായി. ഇന്ത്യയുടെ കാര്യം ത്രിശങ്കുവിലുമായി.

ഇന്ന് നടക്കുന്ന മത്സരത്തിൽ പാകിസ്താൻ അഫ്ഗാനിസ്ഥാനെ തോൽപ്പിച്ചാൽ ഇന്ത്യയും അഫ്ഗാനിസ്ഥാനും ഫൈനൽ കാണാതെ പുറത്താകും. മറിച്ചാണെങ്കിൽ ഇന്ത്യ അഫ്ഗാനിസ്ഥാനെ വൻ മാർജിനിൽ തോൽപ്പിക്കുകയും പാക്കിസ്ഥാൻ ശ്രിലങ്കയോടു പരാജയപ്പെടുകയും വേണം. അപ്പോൾ ഓരോ വിജയം വീതം നേടിയ ഇന്ത്യ, പാക്കിസ്ഥാൻ, അഫ്ഗാനിസ്ഥാൻ ടീമുകളിൽ മികച്ച നെറ്റ് റൺ നിരക്ക് ഉള്ള ടീം ഫൈനലിൽ ശ്രീലങ്കയെ നേരിടും. ഇതെല്ലാം ഒത്തുവന്നാൽ മാത്രമേ ഇനി ഇന്ത്യക്ക് ഫൈനൽ പ്രതീക്ഷയുള്ളൂ.

മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യ നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 173 റൺസ് എടുത്തു. മറുപടി ബാറ്റിംഗിനിറങ്ങിയ ശ്രീലങ്ക ഒരു പന്ത് ബാക്കിനിൽക്കെ 4 വിക്കറ്റ് നഷ്ടത്തിൽ വിജയലക്ഷ്യം മറികടന്നു. ഒരു ഘട്ടത്തിൽ 97/0 എന്നതിൽ നിന്നും 110/4 എന്ന നിലയിലേക്ക് കൂപ്പുകുത്തിയ ശ്രീലങ്കയ്ക്ക് വേണ്ടി നായകൻ നായകൻ ദസൂൺ ശനാകയും ഭാനുക രാജപക്സെയും ചേർന്ന കൂട്ടുകെട്ട് രക്ഷയ്ക്ക് എത്തുകയായിരുന്നു. 18 പന്തിൽ നിന്നും 33 റൺസ് എടുത്ത ശനക ബോളിംഗിലും രണ്ട് വിക്കറ്റ് നേട്ടവുമായി തിളങ്ങിയിരുന്നു. അദ്ദേഹം തന്നെയാണ് കളിയിലെ കേമനായി തിരഞ്ഞെടുക്കപ്പെട്ടതും.

രാജപക്സെ 25 റൺസുമായി പുറത്താകാതെ നിന്നു. ഓപ്പണർമാരായ പത്തും നിസ്സംഘയും കുശാൽ മെൻഡീസും അർദ്ധ സെഞ്ചുറി നേടി ഇന്ത്യൻ ബോളർമാർക്ക് തലവേദന സൃഷ്ടിച്ചിരുന്നു. നിസ്സംഗ 52 റൺസും മെൻഡിസ്‌ 57 റൺസും എടുത്ത് പുറത്തായി. ഇന്ത്യക്കായി ചഹാൽ മൂന്ന് വിക്കറ്റും അശ്വിൻ ഒരു വിക്കറ്റും വീഴ്ത്തി. നേരത്തെ നായകൻ രോഹിത് ശർമയുടെ മികവിലാണ് ഇന്ത്യയുടെ ഇന്നിങ്സ് നീങ്ങിയത്. 41 പന്തിൽ നിന്നും അഞ്ച് ബൗണ്ടറിയും 4 സിക്സും അടക്കം 72 റൺസ് ആണെടുത്തത്. 34 റൺസ് എടുത്ത സൂര്യകുമാർ യാദവ് ഒഴികെ മറ്റാർക്കും കാര്യമായ പിന്തുണ നൽകാൻ കഴിഞ്ഞില്ല.

മത്സരത്തിനിടെ ഇന്ത്യൻ താരം അർഷദ്ദീപ് സിംഗ് പന്തെറിയുന്ന സമയത്ത് നായകൻ രോഹിത് ശർമ ഫീൽഡിംഗ് സെറ്റ് ചെയ്തപ്പോൾ താരത്തിന്റെ അഭിപ്രായത്തിന് ചെവി കൊടുക്കാതെ നടന്നു നീങ്ങുന്ന ഒരു വീഡിയോ പുറത്തുവന്നിരിക്കുന്നു. രോഹിതിന്റെ ഈ പ്രവർത്തിയിൽ കടുത്ത വിമർശനമാണ് ആരാധകർ സമൂഹമാധ്യമങ്ങളിൽ പങ്കുവെക്കുന്നത്. ഇങ്ങനെയല്ല ഒരു നായകൻ ചെയ്യണ്ടത് എന്നാണ് നിരീക്ഷകരുടെ വിലയിരുത്തൽ. എന്തോ പ്രധാനപ്പെട്ട ഫീൽഡിംഗ് പൊസിഷൻ വ്യക്തമാക്കാൻ സിംഗ് ശ്രമിക്കുമ്പോൾ യാതൊന്നും കേൾക്കാൻ നിൽക്കാതെ പെട്ടെന്ന് അവിടെനിന്ന് മാറിപോകുകയാണ് രോഹിത് ശർമ.

കഴിഞ്ഞ മത്സരത്തിൽ പാക്കിസ്ഥാന് എതിരെ അർഷദ്ദീപ് സിംഗ് ഒരു ക്യാച്ച് കൈവിട്ടപ്പോൾ താരത്തിന് നേരെ ആക്രോശിക്കുന്ന രോഹിതിന്റെ പ്രവർത്തിയും വിമർശനത്തിന് ഇടയാക്കിയിരുന്നു. ധോണിയെപ്പോലെ ഒരു കൂൾ നായകനല്ല, കോഹ്‌ലിയെപ്പോലെ ബോൾഡ് ആയ നായകനുമല്ല, വെറും അലസമായ ശൈലിയിൽ നയിക്കുന്ന രോഹിത് എന്നാണ് വിമർശകർ പറയുന്നത്. കഴിഞ്ഞ മത്സരത്തിൽ എന്നപോലെ അവസാന ഓവറിൽ വെറും 7 റൺസ് മാത്രം വിജയം നേടാൻ ഉണ്ടായിരുന്നിട്ടും വളരെ മികച്ച രീതിയിൽ തന്നെ സിംഗ് പന്തെറിഞ്ഞു. ഇരുപോരാട്ടങ്ങളിലും പത്തൊമ്പതാം ഓവർ എറിഞ്ഞ ഭുവനേശ്വർ കുമാർ റൺസ് വഴങ്ങുന്നത്തിൽ പിശുക്ക് കാട്ടാൻ സാധിച്ചില്ല. പാക്കിസ്ഥാന് എതിരെ 19 റൺസ് വഴങ്ങിയ അദ്ദേഹം ഇന്നലെ ശ്രിലങ്കക്ക് എതിരെ 14 റൺസും വഴങ്ങിയിരുന്നു.

Categories
Cricket Latest News Malayalam Video

കറക്റ്റ് ഉന്നം ആയത് കൊണ്ട് സ്റ്റംമ്പിന് കൊണ്ടില്ല ! നഷ്ടപ്പെടുത്തിയത് ഒരേ സമയം രണ്ടു റണ്ണൗട്ട് ; വീഡിയോ കാണാം

ഏഷ്യകപ്പിൽ സൂപ്പർ ഫോറിലെ ഇന്ത്യയുടെ രണ്ടാം മത്സരത്തിൽ ശ്രീലങ്കക്കെതിരെ ഇന്ത്യക്ക് 6 വിക്കറ്റിന്റെ തോൽവി, ഇതോടെ ഇന്ത്യയുടെ ഫൈനൽ സാധ്യത ഏറെക്കൂറെ അവസാനിച്ചു, സൂപ്പർ ഫോറിലെ ആദ്യ മത്സരത്തിൽ പാകിസ്താനോട് 5 വിക്കറ്റിന്റെ തോൽവിയും ഇന്ത്യ വഴങ്ങിയിരുന്നു.

ടോസ്സ് നേടിയ ശ്രീലങ്ക ഇന്ത്യയെ ബാറ്റിംഗിന് അയക്കുകകയായിരുന്നു, അഫ്ഗാനിസ്ഥാനെതിരായ മത്സരത്തിൽ കളിച്ച ടീമിനെ ശ്രീലങ്ക നിലനിർത്തിയപ്പോൾ, പാകിസ്താനെതിരായ മത്സരത്തിൽ കളിച്ച ടീമിൽ നിന്നും ഒരു മാറ്റവുമായാണ് ഇന്ത്യ ഇറങ്ങിയത്, രവി ബിഷ്ണോയ്ക്ക് പകരം രവിചന്ദ്രൻ അശ്വിൻ ടീമിലെത്തി, രണ്ടാം ഓവറിൽ തന്നെ ഇന്ത്യക്ക് ആദ്യ വിക്കറ്റ് നഷ്ടമായി, മഹേഷ്‌ തീക്ഷണയുടെ ബോളിൽ കെ.എൽ രാഹുൽ (6)വിക്കറ്റിനു മുന്നിൽ കുടുങ്ങുകയായിരുന്നു.

മൂന്നാമതായി ക്രീസിലെത്തിയ വിരാട് കോഹ്ലിയും മത്സരത്തിൽ നിരാശപ്പെടുത്തി,ദിൽഷൻ മധുഷങ്കയുടെ ബോളിൽ ലോങ്ങ്‌ ഓണിലേക്ക് ഷോട്ടിന് ശ്രമിച്ച കോഹ്ലി ക്ലീൻ ബൗൾഡ് ആവുകയായിരുന്നു, ആദ്യ 3 മത്സരങ്ങളിലും നന്നായി കളിച്ച കോഹ്ലി പൂജ്യത്തിനാണ് പുറത്തായത്, 13/2 എന്ന നിലയിൽ സമ്മർദ്ദത്തിലായ ഇന്ത്യയെ ക്യാപ്റ്റൻ രോഹിത് ശർമ മുന്നോട്ട് നയിക്കുകയായിരുന്നു, സമ്മർദ്ദ ഘട്ടത്തിലും ലങ്കൻ ബോളർമാരെ ആക്രമിച്ച് കളിച്ച് കൊണ്ട് രോഹിത് ഇന്ത്യൻ സ്കോർ ചലിപ്പിച്ചു, മറുവശത്ത് സൂര്യ കുമാർ യാദവ് ക്യാപ്റ്റന് മികച്ച പിന്തുണ നൽകി, ഇരുവരും ചേർന്ന് മൂന്നാം വിക്കറ്റിൽ 97 റൺസിന്റെ നിർണായക കൂട്ട്കെട്ട് ഉണ്ടാക്കി തകർച്ചയിൽ നിന്നും ഇന്ത്യയെ രക്ഷിച്ചു.

41 ബോളിൽ 5 ഫോറും 4 സിക്സും അടക്കമാണ്  രോഹിത് 72 റൺസ് നേടിയത്, 34 റൺസ് നേടിയ സൂര്യകുമാർ ക്യാപ്റ്റന് മികച്ച പിന്തുണ നൽകി, എന്നാൽ ഇരുവരെയും പുറത്താക്കിക്കൊണ്ട് ശ്രീലങ്ക മത്സരത്തിലേക്ക് തിരിച്ച് വന്നു, ഒടുവിൽ നിശ്ചിത 20 ഓവറിൽ 173/8 എന്ന നിലയിൽ എത്തുകയായിരുന്നു ഇന്ത്യ, 3 വിക്കറ്റ് വീഴ്ത്തിയ മധുഷങ്കയും,  2 വീതം വിക്കറ്റ് വീഴ്ത്തിയ കരുണരത്‌നയും, ഷാണകയും ശ്രീലങ്കക്കായി ബോളിങ്ങിൽ തിളങ്ങി.

മറുപടി ബാറ്റിങ്ങിനിറങ്ങിയ ലങ്കക്ക്‌ മിന്നുന്ന തുടക്കമാണ് ഓപ്പണർമാരായ കുശാൽ മെൻഡിസും നിസങ്കയും നൽകിയത്, ഒന്നാം വിക്കറ്റിൽ ഇരുവരും ചേർന്ന് 97 റൺസിന്റെ കൂട്ട് കെട്ടാണ് പടുത്തുയർത്തിയത്, മത്സരം ഇന്ത്യയുടെ കൈയിൽ നിന്ന് വഴുതി പോവുകയാണെന്ന് തോന്നിച്ച ഘട്ടത്തിൽ 12ആം ഓവറിൽ നിസങ്കയേയും അസലങ്കയെയും വീഴ്ത്തി ചഹൽ ഇന്ത്യക്ക് ബ്രേക്ക്‌ ത്രു നൽകി, എന്നാൽ 5 ആം വിക്കറ്റിൽ ഒത്തുചേർന്ന ഭാനുക രജപക്ഷയും(25) ക്യാപ്റ്റൻ ഷാണകയും(33) ചേർന്ന് ശ്രീലങ്കയെ വിജയത്തിലെത്തിക്കുകയായിരുന്നു, ഓൾറൗണ്ടർ മികവ് കാഴ്ച വെച്ച ലങ്കൻ ക്യാപ്റ്റൻ ഷാണക കളിയിലെ താരമായി തിരഞ്ഞെടുക്കപ്പെട്ടു.

മത്സരത്തിലെ അവസാന ഓവറിൽ 2 ബോളിൽ 2 റൺസ് വേണം എന്നിരിക്കെ അർഷ്ദീപിന്റെ ബോളിൽ ഷാണക ഷോട്ടിന് ശ്രമിച്ചെങ്കിലും ബാറ്റിൽ കൊണ്ടില്ല എന്നാൽ റണ്ണിനായി ഓടിയ ലങ്കൻ താരങ്ങളെ ഔട്ട്‌ ആക്കാൻ റിഷബ് പന്തിന് സാധിച്ചില്ല നിസാരമായ റൺ ഔട്ട്‌ നഷ്ടപ്പെടുത്തിയതിലൂടെ ഇന്ത്യ തോൽവിയും സമ്മതിച്ചു, ടൂർണമെന്റിൽ ബാറ്റ് കൊണ്ടും വിക്കറ്റ് കീപ്പിങ്ങിലും പരാജയമായ റിഷബ് പന്തിനെ ട്വന്റി-20 ലോകകപ്പ്‌ ടീമിൽ ഉൾപ്പെടുത്താണോ എന്നത് സെലക്ടർമാർ ചിന്തിക്കേണ്ട വിഷയമാണ്, കെ.എൽ രാഹുലും, ഭുവനേശ്വർ കുമാറുമാണ് ടൂർണമെന്റിൽ അമ്പേ പരാജയപ്പെട്ട മറ്റ് 2 താരങ്ങൾ, ബോളിങ്ങിൽ ബുമ്രയുടെയും, ഷമിയുടെയും അഭാവം ഇന്ത്യക്ക് തിരിച്ചടിയായി.

Written By: അഖിൽ. വി. പി. വള്ളിക്കാട്.

Categories
Cricket India Latest News Malayalam Video

ഇതെന്താ ബോൾ മഴയോ; ചിരി പടർത്തി ഇന്ത്യൻ താരങ്ങളുടെ വിക്കറ്റ് ആഘോഷം :വീഡിയോ

ഏഷ്യ കപ്പ് സൂപ്പർ ഫോർ ഘട്ടത്തിലെ തുടർച്ചയായ രണ്ടാം മത്സരത്തിലും പരാജയപ്പെട്ടതോടെ ഇന്ത്യയുടെ ഫൈനൽ പ്രതീക്ഷകൾ ഏതാണ്ട് അസ്തമിച്ച മട്ടാണ്. ആദ്യ മത്സരത്തിൽ പാക്കിസ്ഥാൻ ഇന്ത്യയെ അഞ്ച് വിക്കറ്റിന് പരാജയപ്പെടുത്തിയിരുന്നു. ഇന്നലെ നടന്ന രണ്ടാം മത്സരത്തിൽ ശ്രീലങ്ക ഇന്ത്യയെ 6 വിക്കറ്റിന് പരാജയപ്പെടുത്തി.

മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യയുടെ തുടക്കം തകർച്ചയോടെയായിരുന്നു. 3 ഓവറിൽ 15 റൺസ് എടുക്കുന്നതിനിടെ ഇന്ത്യക്ക് രാഹുലിന്റെയും കോഹ്‌ലിയുടെയും വിക്കറ്റ് നഷ്ടമായി. രാഹുൽ 7 പന്തിൽ 6 റൺസുമായി ഒരു വിവാദ തീരുമാനത്തിൽ വിക്കറ്റിന് മുന്നിൽ കുരുങ്ങി പുറത്താവുകയായിരുന്നു. കഴിഞ്ഞ രണ്ട് മത്സരത്തിലും അർദ്ധ സെഞ്ചുറി നേട്ടം കൈവരിച്ച കോഹ്ലിയാകട്ടെ നാല് പന്ത് നേരിട്ട് സംപൂജ്യനായി മടങ്ങി.

മൂന്നാം വിക്കറ്റിൽ ഒത്തുചേർന്ന നായകൻ രോഹിത് ശർമയും സൂര്യ കുമാർ യാദവും ചേർന്നാണ് ഇന്ത്യയെ വൻ തകർച്ചയിൽനിന്നും കരകയറ്റിയത്. 41 പന്തിൽ 5 ബൗണ്ടറിയും 4 സിക്സും അടക്കം 72 റൺസാണ് രോഹിത് നേടിയത്. സൂര്യകുമാർ വമ്പനടികൾക്ക്‌ മുതിരാതെ രോഹിതിന് പിന്തുണ നൽകികൊണ്ട് കളിച്ച് 29 പന്തിൽ നിന്നും ഒന്നുവീതം ബൗണ്ടറിയും സിക്സ്സും നേടി 34 റൺസ് എടുത്തു. മറ്റാർക്കും 20 റൺസിന്‌ മുകളിൽ നേടാനായില്ല. അവസാന ഓവറുകളിൽ അശ്വിനെടുത്ത റൺസ് ആണ് ഇന്ത്യയെ പൊരുതാവുന്ന സ്‌കോറിൽ എത്തിച്ചത്. 7 പന്തുകളിൽ ഒരു സിക്സ് അടക്കം 15 റൺസ് എടുത്തപ്പോൾ ഇന്ത്യൻ സ്കോർ 20 ഓവറിൽ 173/8 എന്ന നിലയിൽ എത്തി.

174 റൺസ് വിജയലക്ഷ്യം പിന്തുടർന്ന ശ്രീലങ്കൻ ഓപ്പണർമാർ മികച്ച രീതിയിൽ തന്നെ തുടങ്ങിയപ്പോൾ ഇന്ത്യ അപകടം മണത്തു. പത്തും നിസ്സംഘയും കുശാൽ മെൻഡീസും അർദ്ധ സെഞ്ചുറി നേടി ഇന്ത്യൻ ബോളർമാരെ തലങ്ങും വിലങ്ങും പ്രഹരിച്ചു. ചഹാൽ ആണ് ഇരുവരുടെയും വിക്കറ്റ് നേടിയത്. പിന്നീട് വന്ന അസലങ്കയും ഗുനതിലകയും വന്നപോലെ മടങ്ങിയപ്പോൾ ഇന്ത്യൻ ക്യാമ്പ് ഉണർന്നു. എങ്കിലും ആ ആവേശം അധികനേരം നീണ്ടുനിന്നില്ല. നായകൻ ദസൂൺ ശനാകയും ഭാനുക രാജപക്സെയും ചേർന്ന കൂട്ടുകെട്ട് അവരെ വിജയത്തിൽ എത്തിക്കുകയായിരുന്നു.

മത്സരത്തിൽ എല്ലാവരുടെയും ചിരിപടർത്തിയ ഒരു രംഗവും അരങ്ങേറി. പന്ത്രണ്ടാം ഓവറിലായിരുന്നു സംഭവം. ചഹാൽ എറിഞ്ഞ ആദ്യ പന്തിൽ നിസ്സംഗ പുറത്തായിരുന്നു. പിന്നീട് വന്ന അസലങ്ക റൺ ഒന്നും എടുക്കാതെ നാലാം പന്തിൽ കൂറ്റനടിക്ക്‌ ശ്രമിച്ച് പുറത്തായി. ബാക്ക്വർഡ് സ്ക്വയർ ലെഗ്ഗിൽ നിൽക്കുകയായിരുന്ന സൂര്യകുമാർ യാദവിന് ഈസി ക്യാച്ച്. പന്ത് പിടിച്ച ആവേശത്തിൽ അദ്ദേഹം ആകാശത്തേക്ക് വലിച്ചെറിയുകയായിരുന്നു. അലക്ഷ്യമായി എറിഞ്ഞ പന്ത്, വിക്കറ്റ് നേട്ടം ആഘോഷിക്കുന്ന ഇന്ത്യൻ താരങ്ങളുടെ മേൽ പതിക്കാൻ പോകുമ്പോൾ അവർ ഓടിമാറാൻ ശ്രമിക്കുന്ന വീഡിയോ സമൂഹ മാധ്യമങ്ങളിൽ വൈറൽ ആയി മാറിയിരിക്കുകയാണ്.

11 ഓവറിൽ 97/0 എന്ന നിലയിൽ നിന്നും 14 ഓവറിൽ 110/4 എന്ന നിലയിലേക്ക് വീണ ശ്രീലങ്കയെ പിടിച്ചുയർത്തിയത് നായകൻ ദസൂൺ ശനാകയും ഭാനുക രാജപക്സെയും ചേർന്ന കൂട്ടുകെട്ട് ആയിരുന്നു. 18 പന്തിൽ നിന്നും 4 ബൗണ്ടറിയും ഒരു സിക്സും അടക്കം 33 റൺസ് എടുത്ത ശനക തന്നെയാണ് കളിയിലെ കേമനായി തിരഞ്ഞെടുക്കപ്പെട്ടതും. നേരത്തെ ബോളിംഗിൽ രണ്ട് വിക്കറ്റും വീഴ്ത്തിയിരുന്നു അദ്ദേഹം.

https://twitter.com/cricket82182592/status/1567382477957918720?s=19

ഇതോടെ ഇന്ത്യയുടെ ഫൈനൽ പ്രതീക്ഷകൾ തുലാസിലായി. ഇന്ന് നടക്കുന്ന മത്സരത്തിൽ പാകിസ്താൻ അഫ്ഗാനിസ്ഥാനെ തോൽപ്പിച്ചാൽ ഇന്ത്യയും അഫ്ഗാനിസ്ഥാനും ഫൈനൽ കാണാതെ പുറത്താകും. മറിച്ചാണെങ്കിൽ ഇന്ത്യ അഫ്ഗാനിസ്ഥാനെ വൻ മാർജിനിൽ തോൽപ്പിക്കുകയും പാക്കിസ്ഥാൻ ശ്രിലങ്കയോടു പരാജയപ്പെടുകയും വേണം. അപ്പോൾ ഓരോ വിജയം വീതം നേടിയ ഇന്ത്യ, പാക്കിസ്ഥാൻ, അഫ്ഗാനിസ്ഥാൻ ടീമുകളിൽ മികച്ച നെറ്റ് റൺ നിരക്ക് ഉള്ള ടീം ഫൈനലിൽ ശ്രീലങ്കയെ നേരിടും.