Category: Latest News

ഇന്ത്യയും ഓസ്ട്രേലിയയും തമ്മിലുള്ള ട്വന്റി-20 പരമ്പരയിലെ മൂന്നാം മത്സരത്തിൽ ഇന്ത്യക്ക് 6 വിക്കറ്റിന്റെ തകർപ്പൻ ജയം, ഇതോടെ 3 മത്സരങ്ങളടങ്ങിയ പരമ്പര ഇന്ത്യ 2-1 ന് സ്വന്തമാക്കി ആദ്യ മത്സരത്തിൽ തോറ്റതിന് ശേഷം ഇന്ത്യ ഗംഭീരമായി തിരിച്ച് വരികയായിരുന്നു, മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ഓസ്ട്രേലിയയെ ബാറ്റിങ്ങിന് അയക്കുകയായിരുന്നു.

ഓസീസ് ക്യാപ്റ്റൻ ആരോൺ ഫിഞ്ചിനൊപ്പം ഇന്നിംഗ്സ് ഓപ്പൺ ചെയ്യാനെത്തിയ കാമറൂൺ ഗ്രീൻ വെടിക്കെട്ട് ഇന്നിംഗ്സ് കാഴ്ച വെച്ചപ്പോൾ അവർക്ക് മികച്ച തുടക്കം ലഭിച്ചു, ഗ്രൗണ്ടിന്റെ നാനാ ഭാഗത്തേക്കും ഫോറുകളും സിക്സറുകളും പ്രവഹിച്ചപ്പോൾ ഓസ്ട്രേലിയൻ സ്കോർബോർഡ്‌ അതി വേഗത്തിൽ ചലിച്ചു, ഫിഞ്ചിനെ (7) വീഴ്ത്തി അക്സർ പട്ടേൽ ഇന്ത്യക്ക് ആദ്യ ബ്രേക്ക് ത്രു സമ്മാനിച്ചു, പിന്നാലെ കാമറൂൺ ഗ്രീനിനെയും (51) വീഴ്ത്തി ഭുവനേശ്വർ കുമാർ ഇന്ത്യയെ മത്സരത്തിലേക്ക് തിരിച്ച് കൊണ്ട് വന്നു, വെറും 21 ബോളിൽ 7 ഫോറും 3 സിക്സും അടക്കമാണ് ഗ്രീൻ 51 റൺസ് നേടിയത്.

അക്സർ പട്ടേൽ മികച്ച രീതിയിൽ പന്തെറിഞ്ഞപ്പോൾ ഓസീസിന് ഇടവേളകളിൽ വിക്കറ്റ് നഷ്ടമായി ജോഷ് ഇംഗ്ലീസിനെയും (24) മാത്യു വെയ്ഡിനെയും (1) വീഴ്ത്തി അക്‌സർ പട്ടേൽ ഇന്ത്യയെ മുന്നിലെത്തിച്ചു, 117/6 എന്ന നിലയിൽ തകർന്ന ഓസ്ട്രേലിയയെ ഡാനിയേൽ സാംസും (28*) അവസാന ഓവറുകളിൽ തകർത്തടിച്ച് അർധ സെഞ്ച്വറിയുമായി (54) ടിം ഡേവിഡും ചേർന്ന് 186/7 എന്ന മികച്ച നിലയിൽ എത്തിക്കുകയായിരുന്നു.

മറുപടി ബാറ്റിങ്ങിനിറങ്ങിയ ഇന്ത്യക്ക് തുടക്കത്തിൽ തന്നെ ഓപ്പണർമാരായ രോഹിത് ശർമയെയും (17) കെ.എൽ രാഹുലിനെയും(1) നഷ്ടമായി, പിന്നീട് ക്രീസിൽ ഒത്തുചേർന്ന വിരാട് കോഹ്ലിയും, സൂര്യകുമാർ യാദവും ചേർന്ന് ഇന്ത്യയെ മുന്നോട്ടേക്ക് നയിച്ചു ഇരുവരും ചേർന്ന് 3ആം വിക്കറ്റിൽ 104 റൺസിന്റെ കൂട്ട് കെട്ട് ഉണ്ടാക്കി ഇന്ത്യയെ വിജയത്തിലേക്ക് നയിക്കുകയായിരുന്നു, ഇന്ത്യൻ വിജയത്തിൽ നട്ടെല്ല് ആയത് ഈ കൂട്ട് കെട്ട് ആണ്, ഇന്ത്യൻ ഇന്നിംഗ്സിന്റെ തുടക്കത്തിൽ തന്നെ 2 വിക്കറ്റ് വീണിട്ടും ക്രീസിൽ എത്തിയത് മുതൽ ആക്രമിച്ച് കളിച്ച സൂര്യകുമാറിന്റെ ഇന്നിംഗ്സ് ആണ് ഇന്ത്യയുടെ വിജയത്തിൽ നിർണായകമായത്, 36 പന്തിൽ 5 ഫോറും 5 കൂറ്റൻ സിക്സും അടക്കം 69 റൺസ് നേടിയാണ് സൂര്യകുമാർ മടങ്ങിയത്.

ഡാനിയൽ സാംസ് എറിഞ്ഞ അവസാന ഓവറിൽ ഇന്ത്യക്ക് ജയിക്കാൻ വേണ്ടിയിരുന്നത് 11 റൺസ് ആയിരുന്നു ആദ്യ ബോളിൽ തന്നെ ലോങ്ങ്‌ ഓണിലേക്ക് കൂറ്റൻ സിക്സ് അടിച്ച് കോഹ്ലി കളി ഇന്ത്യക്ക് അനുകൂലമാക്കി എന്നാൽ തൊട്ടടുത്ത പന്തിൽ ഫോറിനു ശ്രമിച്ച കോഹ്ലിയെ ഫിഞ്ച് കൈയിലൊതുക്കി, അവസാന 2 ബോളിൽ 4 റൺസ് വേണം എന്നിരിക്കെ മത്സരം ആര് വേണമെങ്കിലും ജയിക്കാം എന്ന സമ്മർദ്ദ ഘട്ടത്തിൽ ഫോർ അടിച്ച് ഹാർദിക്ക് ഇന്ത്യയെ വിജയത്തിൽ എത്തിക്കുകയായിരുന്നു,

മത്സരത്തിന്റെ ഏറെ നിർണായകമായ അവസാന ബോളുകൾ ഡ്രസ്സിംഗ് റൂമിൽ നിന്ന് ഗ്രൗണ്ടിലേക്ക് ഇറങ്ങുന്ന സ്റ്റെപ്പിൽ ഇരുന്നാണ് കോഹ്ലിയും രോഹിത്തും കണ്ടത്, കളി ജയിച്ചതോടെ ഇരുവരും സന്തോഷത്തോടെ കെട്ടിപ്പിടിച്ച് ആഹ്ലാദം പ്രകടിപ്പിക്കുന്ന വീഡിയോ നിമിഷ നേരം കൊണ്ട് സോഷ്യൽ മീഡിയയിൽ വൈറൽ ആയി.

ഇന്ത്യയും ഓസ്ട്രേലിയയും തമ്മിലുള്ള ട്വന്റി-20 പരമ്പരയിലെ മൂന്നാം മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ഓസ്ട്രേലിയയെ ബാറ്റിങ്ങിന് അയക്കുകയായിരുന്നു, ഓരോ മത്സരം വീതം ജയിച്ച ഇരു ടീമും ഇന്നത്തെ മത്സരത്തിൽ ജയിച്ച് പരമ്പര സ്വന്തമാക്കാൻ ശ്രമിക്കുമ്പോൾ വാശിയേറിയ ഒരു മത്സരം പ്രതീക്ഷിക്കാം, ഓരോ മാറ്റങ്ങളുമായാണ് ഇരു ടീമുകളും ഇറങ്ങിയത്, റിഷഭ് പന്തിന് പകരം ഇന്ത്യൻ ടീമിൽ ഭുവനേശ്വർ കുമാർ മടങ്ങി എത്തിയപ്പോൾ, സീൻ അബോട്ടിന് പകരം ജോഷ് ഇംഗ്ലീസ് ഓസീസ് നിരയിൽ ഉൾപ്പെട്ടു.

ഓസീസ് ക്യാപ്റ്റൻ ആരോൺ ഫിഞ്ചിനൊപ്പം ഇന്നിംഗ്സ് ഓപ്പണിങ് ചെയ്യാനെത്തിയ കാമറൂൺ ഗ്രീൻ വെടിക്കെട്ട് ഇന്നിംഗ്സ് കാഴ്ച വെച്ചപ്പോൾ അവർക്ക് മികച്ച തുടക്കം ലഭിച്ചു, ഗ്രൗണ്ടിന്റെ നാനാ ഭാഗത്തേക്കും ഫോറുകളും സിക്സറുകളും പ്രവഹിച്ചപ്പോൾ ഓസ്ട്രേലിയൻ സ്കോർബോർഡ്‌ അതി വേഗത്തിൽ ചലിച്ചു, ഫിഞ്ചിനെ (7) വീഴ്ത്തി അക്സർ പട്ടേൽ ഇന്ത്യക്ക് ആദ്യ ബ്രേക്ക് ത്രു സമ്മാനിച്ചു, പിന്നാലെ കാമറൂൺ ഗ്രീനിനെയും (51) വീഴ്ത്തി ഭുവനേശ്വർ കുമാർ ഇന്ത്യയെ മത്സരത്തിലേക്ക് തിരിച്ച് കൊണ്ട് വന്നു, വെറും 21 ബോളിൽ 7 ഫോറും 3 സിക്സും അടക്കമാണ് ഗ്രീൻ 51 റൺസ് നേടിയത്.

അക്സർ പട്ടേൽ മികച്ച രീതിയിൽ പന്തെറിഞ്ഞപ്പോൾ ഓസീസിന് ഇടവേളകളിൽ വിക്കറ്റ് നഷ്ടമായി ജോഷ് ഇംഗ്ലീസിനെയും (24) മാത്യു വെയ്ഡിനെയും (1) വീഴ്ത്തി അക്‌സർ പട്ടേൽ ഇന്ത്യയെ മുന്നിലെത്തിച്ചു, 117/6 എന്ന നിലയിൽ തകർന്ന ഓസ്ട്രേലിയയെ ഡാനിയേൽ സാംസും (28*) അവസാന ഓവറുകളിൽ തകർത്തടിച്ച് അർധ സെഞ്ച്വറിയുമായി (54) ടിം ഡേവിഡും ചേർന്ന് 186/7 എന്ന മികച്ച നിലയിൽ എത്തിക്കുകയായിരുന്നു.

മത്സരത്തിൽ ഭുവനേശ്വർ കുമാർ എറിഞ്ഞ 18 ആം ഓവറിൽ മിഡ്‌ വിക്കറ്റിലേക്ക് ടിം ഡേവിഡ് മികച്ച ഒരു ഷോട്ട് പായിച്ചു ഫോർ എന്ന് തോന്നിച്ചെങ്കിലും ശര വേഗത്തിൽ ഓടിയെത്തിയ വിരാട് കോഹ്ലി തന്റെ കാല് കൊണ്ട് ബൗണ്ടറി തടഞ്ഞു കൊണ്ട് ടീമിന് വേണ്ടി 2 റൺ സേവ് ചെയ്തു, മികച്ച ഫീൽഡർ കൂടിയായ കോഹ്ലിയിൽ നിന്നും ഇത്തരം ഒട്ടേറെ പ്രകടനങ്ങൾ നമ്മൾ ഇതിന് മുമ്പും കണ്ടിട്ടുള്ളതാണ്.

ഇന്ത്യക്കെതിരായ ട്വന്റി ട്വന്റി പരമ്പരയിലെ മൂന്നാമത്തെയും അവസാനത്തെയും മത്സരത്തിൽ ഓസ്ട്രേലിയക്ക് ഭേദപ്പെട്ട തുടക്കം. ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ അവർക്കായി ഓപ്പണർ കാമറൂൺ ഗ്രീൻ തകർപ്പൻ പ്രകടനം കാഴ്ചവച്ചു. പരമ്പരയിൽ ഇരു ടീമുകളും ഓരോ മത്സരം വീതം വിജയിച്ച് സമനിലയിലാണ്‌.

ഹൈദരാബാദിലെ രാജീവ് ഗാന്ധി സ്റ്റേഡിയത്തിൽ നടക്കുന്ന മത്സരത്തിൽ ഇന്ത്യൻ ബോളർമാരെ തലങ്ങും വിലങ്ങും പ്രഹരിച്ച് വെറും 19 പന്തിൽ തന്റെ അർദ്ധസെഞ്ചുറി നേട്ടം പൂർത്തിയാക്കി ഗ്രീൻ. ഇന്ത്യക്ക് എതിരെ ട്വന്റി ട്വന്റിയിൽ ഒരു വിദേശ താരത്തിന്റെ ഏറ്റവും വേഗമേറിയ അർദ്ധസെഞ്ചുറി നേട്ടത്തിനുള്ള റെക്കോർഡും അദ്ദേഹം സ്വന്തമാക്കി.

21 പന്തിൽ 7 ബൗണ്ടറിയും 3 സിക്സും അടക്കം 52 റൺസ് എടുത്ത ഗ്രീൻ ഭുവനേശ്വരിന്റെ പന്തിൽ പുറത്തായതോടെയാണ് ഇന്ത്യയുടെ ശ്വാസം നേരെ വീണത്.

പിന്നീട് സ്പിന്നർമാർ കളം പിടിച്ചതോടെ ഓസ്ട്രേലിയക്ക് വിക്കറ്റുകൾ നഷ്ടമായി തുടങ്ങി. മത്സരത്തിൽ ഇടംകൈ സ്പിന്നർ അക്സർ പട്ടേൽ മൂന്ന് വിക്കറ്റും ലെഗ് സ്പിന്നർ ചാഹൽ ഒരു വിക്കറ്റും നേടി.

വെടിക്കെട്ട് ബാറ്റർ ഗ്ലെൻ മാക്സ്വെല്ലിനെ റൺ ഔട്ടിലൂടെയാണ് ഇന്ത്യ പുറത്താക്കിയത്. 11 പന്തിൽ വെറും 6 റൺസ് മാത്രം എടുത്ത അദ്ദേഹത്തെ അക്‌സർ പട്ടേൽ എറിഞ്ഞ ലോങ് ത്രോയിൽ വിക്കറ്റ് കീപ്പർ ദിനേശ് കാർത്തിക് ആണ് പുറത്താക്കിയത്. അതിനുശേഷം നായകൻ രോഹിത് ശർമ കാർത്തിക്കിന്റെ ഹെൽമെറ്റിൽ മുത്തം നൽകി അഭിനന്ദിക്കുന്നത് കാണാൻ കഴിഞ്ഞു.

കാരണം ഭാഗ്യത്തിന്റെ അകമ്പടിയോടെ ആയിരുന്നു ആ റൺ ഔട്ട്. ചാഹൽ എറിഞ്ഞ എട്ടാം ഓവറിന്റെ നാലാം പന്തിൽ ആയിരുന്നു അത്. സ്ക്വായറിന് പിന്നിലേക്ക് കളിച്ച ശേഷം ഡബിൾ നേടാൻ ആയിരുന്നു ശ്രമം. എന്നാൽ പട്ടേലിന്റെ നീളൻ ഏറ് വിക്കറ്റ് കീപ്പർ ദിനേശ് കാർത്തിക് സ്‌റ്റമ്പിൽ കൊള്ളിക്കുന്നതിന് മുന്നേ കാർത്തിക്കിന്റെ ദേഹത്ത് തട്ടി ഒരു ബെയ്ൽ ഇളകി വീണിരുന്നു. എങ്കിലും രണ്ടാം ബെയ്ൽ വീണത് പന്ത് കൊണ്ടതിന് ശേഷമാണ്. കീപ്പറുടെ ദേഹത്ത് തട്ടി രണ്ട് ബെയിൽസും വീഴുകയാണെങ്കിൽ അത് ഔട്ട് ആകണമെങ്കിൽ ഒരു സ്റ്റമ്പ് പിഴുതെടുത്ത് പന്ത് അതിൽ കൊള്ളിക്കണം. അപ്പോഴേക്കും ബാറ്റർ ക്രീസിൽ എത്തിയുട്ടുണ്ടാവും. ഭാഗ്യത്തിന് ഇവിടെ അങ്ങനെ സംഭവിച്ചില്ല.

കഴിഞ്ഞ മത്സരത്തിൽ നിന്നും ഒരു മാറ്റവുമായാണ് ഇന്ത്യ ഇന്ന് ഇറങ്ങിയത്. ഋഷഭ് പന്തിന്പകരം പേസർ ഭുവനേശ്വർ കുമാർ ടീമിൽ തിരിച്ചെത്തി. ഓസ്ട്രേലിയൻ ടീമിൽ ഷോൺ അബ്ബൂട്ടിന് പകരം ജോഷ് ഇങ്കിലിസും തിരിച്ചെത്തി. പരമ്പര വിജയിക്കാൻ ഇരു ടീമുകൾക്കും ഇന്നത്തെ മത്സരം നിർണായകമാണ്.

ഇന്നലെ നടന്ന ഇംഗ്ലണ്ട് പര്യടനത്തിലെ അവസാന ഏകദിന മത്സരത്തിലും വിജയിച്ച് മൂന്ന് മത്സരങ്ങളുടെ ഏകദിന പരമ്പര ഇന്ത്യ തൂത്തുവാരിയിരുന്നു. നേരത്തെ ട്വന്റി ട്വന്റി പരമ്പരയിലെ 2-1 തോൽവിക്ക് മധുരപ്രതികാരമായി ഈ വിജയം. ചെറിയ സ്‌കോറിന്റെ പോരാട്ടത്തിൽ 16 റൺസിന് ആയിരുന്നു ഇന്ത്യൻ വനിതകളുടെ വിജയം. ഇതിഹാസ താരം ജൂലെൻ ഗോസ്വാമിയുടെ ഇന്ത്യൻ ജേഴ്സിയിലെ അവസാന രാജ്യാന്തര മത്സരം കൂടിയായിരുന്നു ഇന്നലെ നടന്നത്. നാല് വിക്കറ്റ് വീഴത്തിയ രേണുക സിംഗ് ആണ് കളിയിലെ താരം.

മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യയുടെ ടോപ് ഓർഡർ, പേസർ കേറ്റ് ക്രോസിന് മുന്നിൽ കീഴടങ്ങുന്ന കാഴ്ചയാണ് കാണാൻ കഴിഞ്ഞത്. ഷഫാലിയും യാസ്തികയും പൂജ്യത്തിന് ക്ലീൻ ബോൾഡ് ആയപ്പോൾ 4 റൺ എടുത്ത നായിക ഹർമൻപ്രീത് കൗർ വിക്കറ്റിന് മുന്നിൽ കുരുങ്ങി പുറത്താവുകയും ചെയ്തു. ഓപ്പണർ സ്മൃതി മന്ഥാനയും ദീപ്തി ശർമയും ചേർന്നാണ് ഇന്ത്യയെ അല്പമെങ്കിലും മാന്യമായ സ്കോറിൽ എത്തിച്ചത്. സ്മൃതി അർദ്ധ സെഞ്ചുറി തികച്ച് പുറത്തായി എങ്കിലും പൂജ വസ്ത്രാക്കറെ കൂട്ട് പിടിച്ചാണ് ദീപ്തി ശർമ ഇന്ത്യൻ സ്കോർ 45.4 ഓവറിൽ 169ൽ എത്തിച്ചത്. ദീപ്തി 68 റൺസോടെ പുറത്താകാതെ നിന്നു.

ഇംഗ്ലണ്ട് അനായാസം പരമ്പരയിൽ ആശ്വാസജയം നേടുമെന്ന് കരുതിയവർക്ക്‌ തെറ്റി. ഇന്ത്യൻ ബോളർമാരും അതേ നാണയത്തിൽ മറുപടി നൽകിയതോടെ ഇംഗ്ലണ്ട് പ്രതിരോധത്തിലായി. ഒരു ഘട്ടത്തിൽ 65/7 എന്ന നിലയിലേക്ക് വീണ അവരെ നായിക എമി ജോൺസും ചർലോട്ട്‌ ഡീനും ചേർന്ന കൂട്ടുകെട്ടാണ് വിജയത്തിന്റെ വക്കോളം എത്തിച്ചത്. എമി ജോൺസിനെ രേണുക സിംഗ് പുറത്താക്കി എങ്കിലും വാലറ്റത്തെ കൂട്ടുപിടിച്ച് ഡീൻ മികച്ച രീതിയിൽ കളിച്ചുവരവെ 47 റൺസ് നേടി നോൺ സ്ട്രൈക്കർ എൻഡിൽ ഉണ്ടായിരുന്ന ഡീനിനെ ബോളർ ദീപ്തി ശർമ റൺ ഔട്ട് ആക്കിയായിരുന്നു ഇന്ത്യൻ വിജയം.

പന്ത് എറിയുന്നതിന് മുന്നേതന്നെ ക്രീസിൽ നിന്നും മുന്നോട്ട് കയറിപ്പോയ ഡീൻ റൺ ഔട്ട് ആക്കിയതിൽ സങ്കടപ്പെട്ടു മടങ്ങുന്ന കാഴ്ചയാണ് കാണാൻ കഴിഞ്ഞത്. ‘മങ്കാദിങ്’ എന്ന വിളിപ്പേരിൽ അറിയപ്പെടുന്ന ഇത്തരം വിക്കറ്റിന് ഇനി മുതൽ റൺഔട്ട് ആയി കണക്കാക്കും എന്ന് ഐസിസിയുടെ പുതിയ നിയമത്തിൽ പറഞ്ഞിട്ടുണ്ട്. അതുകൊണ്ട് നിയമം പറഞ്ഞിട്ടുള്ള രീതിയിൽ തന്നെയാണ് ഇത്തരം പുറത്താക്കൽ രീതി. എങ്കിലും ഇത് ഒട്ടും പ്രതീക്ഷിക്കാത്ത തരത്തിൽ ഇംഗ്ലണ്ട് താരങ്ങൾ പവലിയനിൽ സ്തബ്ധരായി നിന്നുപോയി.

ഇന്നലേ മത്സരശേഷവും ഒരുപാട് ഇംഗ്ലീഷ് താരങ്ങളും ആരാധകരും ഇതിനേതിരെ രംഗത്ത് വന്നിരുന്നു. ഇംഗ്ലണ്ട് പേസർ സ്റ്റുവർട്ട് ബ്രോഡ് അതിൽ പ്രധാനി. “നോൺ സ്ട്രൈക്കർ എൻഡിൽ റൺഔട്ട്, ഇന്ത്യക്ക് വിജയം” എന്ന് പറഞ്ഞ് ഐസിസി ട്വിറ്ററിൽ പോസ്റ്റ് ചെയ്തതിന് താഴെ, “റൺ ഔട്ടോ?… വളരെ മോശം രീതിയിൽ മത്സരം വിജയിച്ചു” എന്ന് പറയണം എന്നായിരുന്നു ബ്രോടിന്റെ കമന്റ്. ആ പുറത്താക്കൽ വീഡിയോ റീട്വീറ്റ് ചെയ്ത ബ്രോഡ് പറഞ്ഞത് ഇങ്ങനെ വിക്കറ്റ് നേടി താൻ ഒരിക്കലും മത്സരം വിജയിക്കാൻ ശ്രമിക്കില്ല എന്നാണ്.

ഇപ്പോൾ ബ്രോഡിന്റെ ഒരു പഴയ വീഡിയോ ആണ് സമൂഹ മാധ്യമങ്ങളിൽ വൻതരംഗമായി മാറിയിരിക്കുന്നത്‌. ക്രിക്കറ്റിലെ മാന്യതയെ കുറിച്ച് ക്ലാസ്സ് എടുക്കുന്ന ബ്രോഡിൻെറ മാന്യത എത്രത്തോളം ഉണ്ടെന്ന് നോക്കട്ടെ എന്നുപറഞ്ഞാണ് ക്രിക്കറ്റ് ആരാധകർ ഈ വീഡിയോ പങ്കുവെക്കുന്നത്. ഓസ്ട്രേലിയയുമായി നടന്ന ഒരു ടെസ്റ്റ് മാച്ചിൽ പന്ത് സ്ലിപ്പിലേക്ക് എഡ്ജ് ചെയ്ത ശേഷം ഞാൻ ഒന്നും അറിഞ്ഞില്ലേ രാമനാരായണ എന്ന മട്ടിൽ നിൽക്കുന്ന ബ്രോഡ്!! റീപ്ലേകളിൽ പന്ത് ബാറ്റിൽ തട്ടി ക്ലീയർ എഡ്ജ് പോവുന്നത് കാണാമായിരുന്നു, എങ്കിലും എന്തുകൊണ്ടോ അമ്പയർ ഔട്ട് കൊടുത്തില്ല, അതുകൊണ്ട്‌ തന്നെ ബ്രോഡ് മടങ്ങിയതുമില്ല. ഓസ്ട്രേലിയക്ക് റിവ്യൂ ഒന്നും ബാക്കിയും ഉണ്ടായിരുന്നില്ല. അങ്ങനെ മത്സരം തുടർന്നു.

ഇത്തരം ‘മങ്കാദിങ്’ സംഭവങ്ങൾ ക്രിക്കറ്റിന്റെ മാന്യതക്ക് ചേർന്നതല്ല എന്നുള്ള നിലപാട് വ്യക്തമാക്കി മുൻപും ഒരുപാട് പേർ ഇതിനെ എതിർത്തിട്ടുണ്ട്. മുൻപ് 2019 ഐപിഎൽ സീസണിൽ രാജസ്ഥാൻ താരം ജോസ് ബട്ട്‌ലെറെ പഞ്ചാബ് നായകൻ അശ്വിൻ ഇതുപോലെ പുറത്താക്കിയത് വൻ വിവാദമായിരുന്നു. താരങ്ങളും ആരാധകരും രണ്ട് ചേരിയിൽ അണിനിരന്ന വാഗ്വാദങ്ങളും നമ്മൾ കണ്ടു. എങ്കിലും ഐസിസി നിയമത്തിൽ അനുശാസിക്കുന്ന ഇത് എങ്ങനെ കുറ്റകരമാവും എന്നായിരുന്നു അശ്വിന്റെ ചോദ്യം.

ഇന്ത്യയും ഇംഗ്ലണ്ടും തമ്മിലുള്ള മൂന്നാമത്തെയും അവസാനത്തെയും ഏകദിന മത്സരത്തിൽ ഇന്ത്യക്ക് 16 റൺസ് ജയം, ഇതോടെ 3 മത്സരങ്ങളടങ്ങിയ പരമ്പര ഇന്ത്യ തൂത്ത് വാരി, ലോർഡ്സിൽ നടന്ന മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ അമി ജോൺസ് ഇന്ത്യയെ ബാറ്റിങ്ങിന് അയക്കുകയായിരുന്നു, ഇന്ത്യയുടെ ജുലാൻ ഗോസ്വാമിയുടെ അവസാന മത്സരം എന്ന പ്രത്യേകതയും ഇന്നത്തെ മത്സരത്തിനുണ്ട്.

ഇന്ത്യയുടെ തുടക്കം തകർച്ചയോടെ ആയിരുന്നു ഷഫാലി വർമയെയും, യാസ്തിക ഭാട്ടിയയെയും പൂജ്യത്തിന് പുറത്താക്കിക്കൊണ്ട് കെയിറ്റ് ക്രോസ്സ് ഇംഗ്ലണ്ടിന് മികച്ച തുടക്കം നൽകി, പിന്നാലെ കഴിഞ്ഞ കളിയിൽ സെഞ്ച്വറി അടിച്ച് ഇന്ത്യയെ വിജയത്തിലെത്തിച്ച ഹർമൻപ്രീത് കൗറിനെയും (4) കെയിറ്റ് ക്രോസ്സ് വീഴ്ത്തി, ഒരു വശത്ത് സ്മൃതി മന്ദാന പിടിച്ച് നിന്നെങ്കിലും മറുവശത്ത് വിക്കറ്റുകൾ ഇടവേളകളിൽ വീണു കൊണ്ടിരുന്നു, 29/4 എന്ന നിലയിൽ തകർന്ന ഇന്ത്യയെ 50 റൺസ് എടുത്ത സ്മൃതി മന്ദാനയും 68 റൺസ് എടുത്ത ദീപ്തി ശർമയും ആണ് ഭേദപ്പെട്ട സ്കോറിൽ എത്താൻ സഹായിച്ചത്, ഒടുവിൽ 46 ആം ഓവറിൽ 169 ന് ഇന്ത്യ ഓൾ ഔട്ട്‌ ആവുകയായിരുന്നു, 4 വിക്കറ്റ് വീഴ്ത്തിയ കെയിറ്റ് ക്രോസ്സ് ഇംഗ്ലണ്ടിനായി ബോളിങ്ങിൽ തിളങ്ങി.

170 റൺസ് വിജയ ലക്ഷ്യവുമായി ബാറ്റിങ്ങിന് ഇറങ്ങിയ ഇംഗ്ലണ്ടിനെ ഇന്ത്യ അതേ നാണയത്തിൽ മറുപടി കൊടുത്തപ്പോൾ ഇംഗ്ലണ്ടിന്റെ മുൻനിര തകർന്നു, രേണുക സിംഗ് ഇംഗ്ലണ്ടിന്റെ മുൻനിരയെ പെട്ടന്ന് തന്നെ പവലിയനിലേക്ക് മടക്കി അയച്ചു, 65/7 എന്ന നിലയിൽ തോൽവി മുന്നിൽ കണ്ട ഇംഗ്ലണ്ടിനെ 28 റൺസ് എടുത്ത ക്യാപ്റ്റൻ അമി ജോൺസും വാലറ്റക്കാരെ കൂട്ട് പിടിച്ച് ചാർലറ്റ് ഡീനും (47) പൊരുതി നോക്കിയെങ്കിലും ലക്ഷ്യത്തിന് 16 റൺസ് അകലെ വീഴുകയായിരുന്നു.

നാൽപത്തി നാലാം ഓവർ എറിയാനെത്തിയ ദീപ്തി ശർമയാണ് ഇന്ത്യയെ വിജയത്തിലേക്ക് നയിച്ചത്, ഇംഗ്ലണ്ടിനു ജയിക്കാൻ 16 റൺസും ഇന്ത്യക്ക് ജയിക്കാൻ 1 വിക്കറ്റും എന്ന നിലയിൽ കളി പുരോഗമിക്കവെ, ദീപ്തി ശർമ ബോൾ ചെയ്യാൻ തുടങ്ങിയപ്പോഴേക്കും ഡീൻ ക്രീസ് വിട്ട് ഇറങ്ങിയിരുന്നു, ഇത് മനസ്സിലാക്കിയ ദീപ്തി ശർമ ഡീനിനെ മങ്കാദിങ്ങിലൂടെ റൺ ഔട്ട്‌ ആക്കുകയായിരുന്നു, തേർഡ് അമ്പയർ ഔട്ട്‌ വിധിക്കുകയും ചെയ്തത്തോടെ കരഞ്ഞു കൊണ്ടാണ് ഡീൻ ഗ്രൗണ്ട് വിട്ടത്, ക്രിക്കറ്റിന്റെ എല്ലാ നിയമങ്ങളും ബാറ്റർക്ക് അനുകൂലമാക്കുന്ന ഈ കാലത്ത് മങ്കാദിങ്ങ് നിയമാനുസൃതം ആക്കിയത് ബോളർമാർക്ക്‌ ആശ്വസിക്കാൻ വക നൽകുന്ന കാര്യമാണ്.
Written by: അഖിൽ. വി.പി വള്ളിക്കാട്.

ഇന്ത്യയും ഓസ്ട്രേലിയയും തമ്മിലുള്ള ട്വന്റി-20 പരമ്പരയിലെ രണ്ടാം മത്സരത്തിൽ ഇന്ത്യക്ക് 6 വിക്കറ്റ് വിജയം ഇതോടെ പരമ്പരയിൽ 1-1 നു ഇന്ത്യക്ക്‌ ഒപ്പത്തിനൊപ്പമെത്താനായി, ഔട്ട്‌ഫീൽഡിലെ നനവ് കാരണം ഏറെ വൈകിയാണ് മൽസരം ആരംഭിക്കാൻ സാധിച്ചത്, 8 ഓവർ വീതം ആക്കി ചുരുക്കിയാണ് മൽസരം നടന്നത്, പരമ്പര നേടാൻ ഇരു ടീമുകളും സെപ്റ്റംബർ 25 ഞായറാഴ്ച ഹൈദരാബാദിൽ ഏറ്റുമുട്ടും.

മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ഓസ്ട്രേലിയയെ ബാറ്റിങ്ങിന് അയക്കുകയായിരുന്നു, ഓസ്ട്രേലിയൻ ക്യാപ്റ്റൻ ആരോൺ ഫിഞ്ച് 15 ബോളിൽ 31റൺസ് എടുത്ത് മികച്ച തുടക്കമാണ് ഓസീസിന് നൽകിയത്, എന്നാൽ മറുവശത്ത് അപകടകാരികളായ മാക്സ് വെല്ലിനെയും (0) ടിം ഡേവിഡിനെയും (2) വീഴ്ത്തി അക്‌സർ പട്ടേൽ ഇന്ത്യയെ മത്സരത്തിലേക്ക് തിരിച്ച് കൊണ്ട് വന്നു, എന്നാൽ അവസാന ഓവറുകളിൽ തകർത്തടിച്ച മാത്യു വെയ്ഡ് (43*) ഓസ്ട്രേലിയയെ നിശ്ചിത 8 ഓവറിൽ 90/5 എന്ന നിലയിൽ എത്തിച്ചു.

മറുപടി ബാറ്റിങ്ങിനിറങ്ങിയ ഇന്ത്യക്ക്  രോഹിത് ശർമ സ്ഫോടനാത്മക തുടക്കമാണ് സമ്മാനിച്ചത്, രാഹുൽ 10 റൺസ് എടുത്ത് ആദം സാമ്പയുടെ ബോളിൽ പുറത്തായെങ്കിലും ക്യാപ്റ്റൻ രോഹിത് ശർമ (46*) ഒരറ്റത്ത് നങ്കൂരമിട്ട് ഓസീസ് ബോളർമാരെ ആക്രമിച്ച് കളിച്ചപ്പോൾ ഇന്ത്യ ലക്ഷ്യത്തിലേക്ക് വേഗത്തിൽ മുന്നേറി, ഒടുവിൽ 4 ബോളുകൾ ശേഷിക്കെ ഇന്ത്യ 6 വിക്കറ്റിന് വിജയ തീരത്തെത്തി, ഇന്ത്യയെ മുന്നിൽ നിന്ന് നയിച്ച രോഹിത് ശർമ കളിയിലെ താരമായി തിരഞ്ഞെടുക്കപ്പെട്ടു.

മത്സരത്തിനിടെ ഡ്രസ്സിംഗ് റൂമിൽ നിൽക്കുകയായിരുന്ന വിരാട് കോഹ്ലിക്ക് നേരെ ആരാധകർ R.C.B എന്ന് ജയ് വിളിച്ചപ്പോൾ കോഹ്ലിയുടെ മറുപടി തന്റെ ടീ ഷർട്ടിലെ ഇന്ത്യൻ ടീമിന്റെ എബ്ലം തൊട്ട് കാണിച്ച് കൊണ്ട് ഇന്ത്യക്ക് ജയ് വിളിക്കൂ എന്ന തരത്തിൽ ആയിരുന്നു കോഹ്ലി ആരാധകരുടെ ഈ പ്രവർത്തിയോട് പ്രതികരിച്ചത്, ഐ.പി.എല്ലിൽ റോയൽ ചലഞ്ചേഴ്സ് ബാംഗ്ലൂർ
(R. C. B) താരമാണ് വിരാട് കോഹ്ലി, കോഹ്ലിയുടെ ഈ പ്രവൃത്തി ഏറെ പ്രശംസ പിടിച്ച് പറ്റി.

ഇംഗ്ലണ്ടും പാകിസ്താനുമായുള്ള ട്വന്റി-20 പരമ്പരയിലെ മൂന്നാം മത്സരത്തിൽ ഇംഗ്ലണ്ടിനു 63 റൺസ് ജയം, ഇതോടെ 7 മത്സരങ്ങളടങ്ങിയ പരമ്പരയിൽ ഇംഗ്ലണ്ട് 2-1 നു മുന്നിലെത്തി, കറാച്ചി നാഷണൽ സ്റ്റേഡിയത്തിൽ നടന്ന മത്സരത്തിൽ ടോസ് നേടിയ പാക്കിസ്ഥാൻ ക്യാപ്റ്റൻ ബാബർ അസം ഇംഗ്ലണ്ടിനെ ബാറ്റിങ്ങിനയക്കുകയായിരുന്നു, വിൽ ജാക്സ് ഇംഗ്ലണ്ടിനായി ഈ മത്സരത്തിൽ അരങ്ങേറ്റം കുറിച്ചു.

വിക്കറ്റ് കീപ്പർ ഫിലിപ്പ് സാൾട്ടും വിൽ ജാക്സും ആണ് ഇംഗ്ലണ്ടിനായി ഇന്നിംഗ്സ് ഓപ്പൺ ചെയ്യാൻ ഇറങ്ങിയത്, തുടക്കത്തിൽ തന്നെ ഫിലിപ്പ് സാൾട്ടിനെ (8) വീഴ്ത്തി മുഹമ്മദ്‌ ഹസ്നൈൻ പാകിസ്താന് ആദ്യ വിക്കറ്റ് സമ്മാനിച്ചു, മറുവശത്ത് അരങ്ങേറ്റ മത്സരം അവിസ്മരണീയമാക്കാൻ വിൽ ജാക്സിന് സാധിച്ചു, വെറും 22 ബോളിൽ 8 ഫോർ അടക്കം 40 റൺസ് നേടിക്കൊണ്ട് താരം ഇംഗ്ലണ്ടിന് മികച്ച തുടക്കം നൽകി.

പിന്നാലെ പാക്കിസ്ഥാൻ സ്പിൻ ബോളർ ഉസ്മാൻ ഖാദിർ വിൽ ജാക്ക്സിനെയും ഡേവിഡ് മലാനെയും (14) വീഴ്ത്തി പാകിസ്താനെ മൽസരത്തിലേക്ക് തിരിച്ച് കൊണ്ട് വന്നു, പിന്നീട് ക്രീസിൽ ഒന്നിച്ച ബെൻ ഡക്കറ്റും(70) ഹാരി ബ്രൂക്കും(81) കത്തിക്കയറിയപ്പോൾ പാക്കിസ്ഥാൻ ബോളർമാർക്ക് മറുപടി ഉണ്ടായിരുന്നില്ല, ഇരുവരും ആക്രമിച്ച് കളിച്ചതോടെ ഇംഗ്ലണ്ട് സ്കോർബോർഡ്‌ ശര വേഗത്തിൽ കുതിച്ചു, നാലാം വിക്കറ്റിൽ ഇരുവരും ചേർന്ന് 139 റൺസിന്റെ അപരാജിത കൂട്ട്കെട്ട് ഉണ്ടാക്കിക്കൊണ്ട് ഇംഗ്ലണ്ടിന് 221/3 എന്ന കൂറ്റൻ ടോട്ടൽ നേടിക്കൊടുത്തു.

കൂറ്റൻ വിജയലക്ഷ്യം പിന്തുടരാൻ ഇറങ്ങിയ പാക്കിസ്ഥാന് തുടക്കത്തിൽ തന്നെ ഓപ്പണർമാരായ മുഹമ്മദ്‌ റിസ്‌വാനെയും (8) ബാബർ അസമിനെയും (8) നഷ്ടമായി,  ഇംഗ്ലണ്ട് ബോളർമാർ മികച്ച രീതിയിൽ ബോൾ എറിഞ്ഞപ്പോൾ 28/4 എന്ന നിലയിൽ പാക്കിസ്ഥാൻ തകർന്നടിഞ്ഞു, പിന്നീട് ഷാൻ മസൂദ് (66*) കുഷ്ദിൽ ഷാ (29) മുഹമ്മദ്‌ നവാസ് (19) എന്നിവർ പൊരുതി നോക്കിയെങ്കിലും ഇംഗ്ലണ്ട് ഉയർത്തിയ വലിയ ലക്ഷ്യത്തിനടുത്തെത്താൻ അതൊന്നും മതിയാകുമായിരുന്നില്ല, ഒടുവിൽ നിശ്ചിത 20 ഓവറിൽ 158/8 എന്ന നിലയിൽ പാക്കിസ്ഥാൻ ഇന്നിംഗ്സിന് അവസാനിച്ചു, 63 റൺസ് വിജയവുമായി ഇംഗ്ലണ്ട് പരമ്പരയിൽ 2-1 നു മുന്നിലെത്തുകയും ചെയ്തു, ഇംഗ്ലണ്ടിന് വേണ്ടി 3 വിക്കറ്റ് വീഴ്ത്തിയ മാർക്ക്‌ വുഡ് ബോളിങ്ങിൽ തിളങ്ങി.

മത്സരത്തിൽ ഇംഗ്ലണ്ട് ബാറ്റ് ചെയ്യുന്നതിടെ 17 ആം ഓവർ ചെയ്യാനെത്തിയ ഹാരിസ് റൗഫിന്റെ ബോൾ അടിക്കാൻ ശ്രമിച്ച ഹാരി ബ്രൂക്കിന്റെ ശ്രമം പാഴായി, ബാറ്റിൽ കൊണ്ട പന്ത് ബ്രൂക്കിന്റെ ഹെൽമെറ്റ്‌ ഗ്രില്ലിനകത്തേക്ക് കയറുകയായിരുന്നു, ഒരു നിമിഷം ബോൾ എവിടെ പോയെന്നു അറിയാതെ ഹാരി ബ്രൂക്ക്‌ ചുറ്റും നോക്കി, ഈ സംഭവം ഗ്രൗണ്ടിലും കമന്ററി ബോക്സിലും ചിരി പടർത്തി,

മത്സരത്തിൽ പുറത്താകാതെ 81 റൺസ് എടുത്ത ഹാരി ബ്രൂക്കിന്റെ ഇന്നിങ്ങ്സ് ആണ് ഇംഗ്ലണ്ടിനെ കൂറ്റൻ ടോട്ടൽ നേടാൻ സഹായിച്ചത്, കളിയിലെ താരമായും ബ്രൂക്ക്‌ തിരഞ്ഞെടുക്കപ്പെട്ടു, പരമ്പരയിലെ നാലാം മത്സരം സെപ്റ്റംബർ 25 ഞായറാഴ്ച നടക്കും.
Written By: അഖിൽ. വി. പി. വള്ളിക്കാട്.