Month: January 2023

കൊൽക്കത്ത ഈഡൻ ഗാർഡൻസ് സ്റ്റേഡിയത്തിൽ നടന്ന ഇന്ത്യ ശ്രീലങ്ക ഏകദിന പരമ്പരയിലെ രണ്ടാം മത്സരത്തിൽ ഇന്ത്യക്ക് 4 വിക്കറ്റ് വിജയം. ഇതോടെ ഞായറാഴ്ച തിരുവനന്തപുരം കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കുന്ന അവസാന ഏകദിനത്തിന് മുൻപേ പരമ്പര ഇന്ത്യക്ക് സ്വന്തമായി. മത്സരത്തിൽ ടോസ് നേടി ആദ്യം ബാറ്റിങ്ങിന് ഇറങ്ങിയ ശ്രീലങ്ക 39.4 ഓവറിൽ വെറും 215 റൺസിന് എല്ലാവരും പുറത്തായി. ഇന്ത്യ 43.2 ഓവറിൽ 6 വിക്കറ്റ് നഷ്ടത്തിൽ ലക്ഷ്യംകണ്ടു.

50 റൺസ് നേടി പുറത്തായ അരങ്ങേറ്റക്കാരൻ ഓപ്പണർ നുവനിന്ദു ഫെർണാണ്ടോ ശ്രീലങ്കൻ നിരയിലെ ടോപ് സ്കോററായി. വിക്കറ്റ് കീപ്പർ കുശാൽ മെൻദിസ് 34 റൺസും സ്പിന്നർ ദുനിത് വെല്ലാലാഗെ 32 റൺസും എടുത്തു. മറ്റാർക്കും കാര്യമായ സംഭാവന നൽകാൻ സാധിച്ചില്ല. ഇന്ത്യക്കായി സിറാജ്, കുൽദീപ് എന്നിവർ മൂന്നു വിക്കറ്റ് വീതം വീഴ്ത്തി മികച്ചുനിന്നപ്പോൾ ഉമ്രാൻ മാലിക് രണ്ടും അക്ഷർ പട്ടേൽ ഒരു വിക്കറ്റും വീഴ്ത്തി മികച്ച പിന്തുണ നൽകി.

കുഞ്ഞൻ ടോട്ടൽ പിന്തുടർന്ന ഇന്ത്യക്ക് തുടക്കത്തിലേ വിക്കറ്റുകൾ നഷ്ടമായത് കല്ലുകടിയായി. കഴിഞ്ഞ മത്സരത്തിൽ അർദ്ധസെഞ്ചുറികളുമായി തിളങ്ങിയ ഓപ്പണർമാരായ നായകൻ രോഹിത് ശർമ 17 റൺസും ശുഭ്മൻ ഗിൽ 21 റൺസും എടുത്തു പുറത്തായി. കഴിഞ്ഞ മത്സരത്തിൽ സെഞ്ചുറി നേടി കളിയിലെ താരമായ വിരാട് കോഹ്‌ലി ആകട്ടെ ഒരു ബൗണ്ടറി നേടിയ ശേഷം അടുത്ത പന്തിൽ ക്ലീൻ ബോൾഡ് ആയി പുറത്തായി. ശ്രേയസ് അയ്യർ ആകട്ടെ കഴിഞ്ഞ മത്സരത്തിലെ അതേ സ്കോറായ 28 റൺസിൽ തന്നെ ഔട്ടായി. ഇന്ത്യ 86/4 എന്ന നിലയിൽ പ്രതിസന്ധിയിൽ ആയെങ്കിലും അഞ്ചാം വിക്കറ്റിൽ രാഹുലും പാണ്ഡ്യയും 75 റൺസിന്റെ കൂട്ടുകെട്ട് സൃഷ്ടിച്ചു. പാണ്ഡ്യ 36 റൺസും പിന്നീടെത്തിയ അക്ഷർ പട്ടേൽ 21 റൺസും എടുത്തു പുറത്തായി. 64 റൺസ് എടുത്ത രാഹുലും കുൽദീപ് യാദവും പുറത്താകാതെ നിന്നു.

മത്സരത്തിൽ 10 പന്തിൽ 10 റൺസോടെ പുറത്താകാതെ നിന്ന കുൽദീപ് രണ്ട് ബൗണ്ടറികളാണ് നേടിയത്. അതിലൊന്ന് വിജയറൺ കുറിച്ച ലോങ് ഓഫിലേക്ക്‌ തട്ടിയിട്ട ബൗണ്ടറി. മറ്റൊന്ന് അദ്ദേഹത്തിന്റെ ക്ലാസ്സ് വ്യക്തമാക്കുന്ന ഒരു ബൗണ്ടറി ആയിരുന്നു. ശ്രീലങ്കൻ പേസർ ലാഹിരു കുമാര എറിഞ്ഞ ഷോർട്ട് ബോളിൽ ക്രീസിൽ തന്നെ നിന്നുകൊണ്ട് ബാക്ക്വേർഡ് പോയിന്റിന് മുകളിലൂടെ അപ്പർ കട്ട് ഷോട്ട് കളിക്കുകയായിരുന്നു. നേരത്തെ കസുൻ രജിത എറിഞ്ഞ ഓവറിന്റെ അവസാന പന്തിൽ ഷോർട്ട് ബോളിൽ പുൾ ഷോട്ട് കളിക്കാൻ ശ്രമിച്ച അദ്ദേഹത്തിന്റെ ഹെൽമെറ്റിൽ പന്ത് പതിച്ചിരുന്നു. ആ വീക്ക്‌ പോയിന്റ് മനസ്സിലാക്കിയാണ് ലാഹീരു കുമാരയും ഷോർട്ട് ബോൾ എറിഞ്ഞതെങ്കിലും ഒരു കിടിലൻ ബൗണ്ടറിയിലൂടെ കുൽദീപ് മറുപടി നൽകുകയായിരുന്നു. നേരത്തെ ബോളിങ്ങിലും തിളങ്ങി 3 വിക്കറ്റ് വീഴ്ത്തിയ അദ്ദേഹം തന്നെയാണ് കളിയിലെ താരമായി തിരഞ്ഞെടുക്കപ്പെട്ടതും.

വീഡിയൊ :

ഇന്ത്യയും ശ്രീലങ്കയും തമ്മിലുള്ള ഏകദിന പരമ്പരയിലെ രണ്ടാം മത്സരത്തിൽ ഇന്ത്യക്ക് 4 വിക്കറ്റ് ജയം, ഇതോടെ 3 മത്സരങ്ങളടങ്ങിയ പരമ്പര 2-0 ന് ഇന്ത്യ സ്വന്തമാക്കി, മത്സരത്തിൽ ആദ്യം ബാറ്റ് ചെയ്ത ശ്രീലങ്ക ഇന്ത്യൻ ബോളർമാർ മികച്ച രീതിയിൽ പന്തെറിഞ്ഞപ്പോൾ  വെറും 215 റൺസിന് എല്ലാവരും പുറത്തായി, 3 വിക്കറ്റ് വീതം വീഴ്ത്തിയ കുൽദീപ് യാദവും, മുഹമ്മദ്‌ സിറാജും, 2 വിക്കറ്റ് വീഴ്ത്തിയ ഉമ്രാൻ മാലിക്കും ആണ് ലങ്കയെ തകർത്തത്.

ചെറിയ വിജയ ലക്ഷ്യം മുന്നിൽ കണ്ട് മറുപടി ബാറ്റിങ്ങിന് ഇറങ്ങിയ ഇന്ത്യയുടെയും തുടക്കം മികച്ചതായിരുന്നില്ല, തുടക്കത്തിൽ തന്നെ ഓപ്പണർമാരായ രോഹിത് ശർമ (17) ഗിൽ (21) കോഹ്ലി (4) ശ്രേയസ്സ് അയ്യർ (28) എന്നിവരെ ഇന്ത്യക്ക് നഷ്ടമായപ്പോൾ 86/4 എന്ന നിലയിൽ ആയി ഇന്ത്യ, എന്നാൽ അഞ്ചാം വിക്കറ്റിൽ ക്രീസിൽ ഒത്തു ചേർന്ന കെ.എൽ രാഹുലും, ഹർദിക്കും 77 റൺസ് കൂട്ട്കെട്ട് പടുത്തുയർത്തിക്കൊണ്ട് ഇന്ത്യയെ തകർച്ചയിൽ നിന്ന് കരകയറ്റി, 36 റൺസ് എടുത്ത ഹാർദിക്ക് പാണ്ഡ്യ വീണെങ്കിലും അർധ സെഞ്ച്വറിയുമായി കെ.എൽ രാഹുൽ 64* ഇന്ത്യയെ വിജയത്തിലേക്ക് നയിച്ചു.

ഇന്ത്യയുടെ “വൻ മതിൽ” എന്ന വിളിപ്പേരിൽ അറിയപ്പെടുന്ന ഇന്ത്യ കണ്ട എക്കാലത്തെയും മികച്ച ബാറ്റർമാരിൽ ഒരാളായ രാഹുൽ ദ്രാവിഡിന്റെ 50 ആം പിറന്നാൾ ആയിരുന്നു ജനുവരി 11, ഇന്ത്യൻ ടീമിനോപ്പം കൊൽക്കത്തയിൽ 50 ആം പിറന്നാൾ ആഘോഷിച്ച ദ്രാവിഡിന് ഇന്ത്യൻ ടീം നൽകിയ പിറന്നാൾ സമ്മാനമായി ഈ പരമ്പര വിജയം, മത്സരത്തിനിടയിൽ കമന്ററി ബോക്സിലെ അംഗങ്ങൾ ദ്രാവിഡിനെക്കുറിച്ചും അദ്ദേഹം ഇന്ത്യൻ ടീമിന് നൽകിയ വിലമതിക്കാനാവാത്ത സംഭാവനകളെക്കുറിച്ചും പറയുകയും ആ സമയം തന്നെ ദ്രാവിഡ് അന്താരാഷ്ട്ര മത്സരങ്ങളിൽ നേടിയ റൺസും റെക്കോർഡുകളും സ്‌ക്രീനിൽ കാണിച്ചപ്പോൾ അദ്ദേഹത്തിന്റെ മുഖത്ത് ഒരു ചെറു പുഞ്ചിരി ഉണ്ടായിരുന്നു, വർഷങ്ങൾക്ക് മുമ്പ് ഇന്ത്യയെ വിജയത്തിലെത്തിക്കുമ്പോൾ അന്ന് മുഖത്ത് ഉണ്ടായിരുന്ന അതേ ചിരി.
Written By: അഖിൽ. വി.പി. വള്ളിക്കാട്.

വീഡിയൊ :

കൊൽക്കത്ത ഈഡൻ ഗാർഡൻസിൽ നടന്ന ഏകദിന പരമ്പരയിലെ രണ്ടാം മത്സരത്തിൽ ശ്രീലങ്കയെ നാല് വിക്കറ്റിന് തകർത്ത ടീം ഇന്ത്യക്ക് ഒരു മത്സരം ബാക്കിനിൽക്കെ പരമ്പര സ്വന്തം. മത്സരത്തിൽ ടോസ് നേടി ആദ്യം ബാറ്റ് ചെയ്ത ശ്രീലങ്ക 39.4 ഓവറിൽ വെറും 215 റൺസിന് ഓൾഔട്ടായി. 43.2 ഓവറിൽ 6 വിക്കറ്റ് നഷ്ടത്തിൽ ഇന്ത്യ വിജയലക്ഷ്യം മറികടന്നു. ടീമിലേക്കുള്ള മടങ്ങിവരവിൽ മൂന്ന് വിക്കറ്റ് വീഴ്ത്തുകയും ഇന്ത്യയുടെ വിജയറൺ നേടുകയും ചെയ്ത കുൽദീപ് യാദവാണ് കളിയിലെ താരം.

നേരത്തെ ശ്രീലങ്കൻ ടീമിൽ അർദ്ധസെഞ്ചുറിയുമായി തിളങ്ങിയ അരങ്ങേറ്റമത്സരം കളിച്ച ഓപ്പണർ നുവനിന്ദു ഫെർണാണ്ടോ ഒഴികെ മറ്റാർക്കും മികച്ച പ്രകടനം കാഴ്ചവയ്ക്കാൻ സാധിച്ചില്ല. കൃത്യമായ ഇടവേളകളിൽ വിക്കറ്റ് വീഴ്ത്തി ഇന്ത്യൻ ബോളർമാർ മത്സരം തങ്ങളുടെ വരുതിയിലാക്കി. പേസർ സിറാജ്, സ്പിന്നർ കുൽദീപ് എന്നിവർ മൂന്നു വിക്കറ്റ് വീതവും ഉമ്രാൻ മാലിക് രണ്ടും അക്ഷർ പട്ടേൽ ഒരു വിക്കറ്റും വീഴ്ത്തി.

താരതമ്യേന ചെറിയ വിജയലക്ഷ്യം പിന്തുടർന്ന ഇന്ത്യ ടോപ് ഓർഡർ തകർന്നപ്പോൾ ഒരു ഘട്ടത്തിൽ 86/4 എന്ന നിലയിൽ ആയിരുന്നു. എങ്കിലും വിക്കറ്റ് കീപ്പർ കെ എൽ രാഹുലും വൈസ് ക്യാപ്റ്റൻ ഹാർദ്ദിക് പാണ്ഡ്യയും ചേർന്നുള്ള 75 റൺസ് കൂട്ടുകെട്ട് ഇന്ത്യയെ മുന്നോട്ട് നയിച്ചു. പാണ്ഡ്യ 36 റൺസ് എടുത്ത് പുറത്തായി. 64 റൺസ് എടുത്ത രാഹുലും 10 റൺസോടെ കുൽദീപും പുറത്താകാതെ നിന്നു. ഓൾറൗണ്ടർ അക്ഷർ പട്ടേൽ 21 പന്തിൽ അതിവേഗം 21 റൺസ് നേടിയാണ് പുറത്തായത്.

ഹാർദിക് പാണ്ഡ്യ പുറത്തായശേഷം ഇന്ത്യ അൽപം പ്രതിസന്ധിയിലായ നേരത്താണ് ഓൾറൗണ്ടർ അക്ഷർ പട്ടേൽ വമ്പനടികളുമായി സമ്മർദ്ദമകറ്റിയത്. ചാമിക കരുണരത്നെ എറിഞ്ഞ മുപ്പത്തിയേഴാം ഓവറിന്റെ രണ്ടാം പന്തിൽ മാത്രം ഇന്ത്യൻ സ്കോർ ബോർഡിലേക്ക് ചേർക്കപ്പെട്ടത് 12 റൺസ്! അത് എങ്ങനെയെന്നാൽ, ആദ്യം എറിഞ്ഞപ്പോൾ മികച്ചൊരു കവർ ഡ്രൈവ് കളിച്ച് അക്ഷർ ബൗണ്ടറി നേടി. ആ പന്തിൽ ഫ്രന്റ് ഫുട് നോബോൾ കൂടി ആയിരുന്നു. അതോടെ ഇന്ത്യക്ക് ഫ്രീഹിറ്റ് ലഭിച്ചു. തുടർന്ന് എറിഞ്ഞ പന്ത് വളരെ വൈഡ് ആയിപ്പോയി. അതോടെ വീണ്ടും ഒരിക്കൽ കൂടി ഫ്രീഹിറ്റ് ബോൾ. ഇപ്രാവശ്യം കിടിലനൊരു പുൾ ഷോട്ടിലൂടെ സിക്സ് നേടി അക്ഷർ തന്റെ മികവ് തെളിയിച്ചു.

വീഡിയോ :

കൊൽക്കത്ത ഈഡൻ ഗാർഡൻസിൽ നടന്ന ഏകദിന പരമ്പരയിലെ രണ്ടാം മത്സരത്തിൽ ശ്രീലങ്കയെ നാല് വിക്കറ്റിന് തകർത്ത ടീം ഇന്ത്യക്ക് ഒരു മത്സരം ബാക്കിനിൽക്കെ പരമ്പര സ്വന്തം. മത്സരത്തിൽ ടോസ് നേടി ആദ്യം ബാറ്റ് ചെയ്ത ശ്രീലങ്ക 39.4 ഓവറിൽ വെറും 215 റൺസിന് ഓൾഔട്ടായി. 43.2 ഓവറിൽ 6 വിക്കറ്റ് നഷ്ടത്തിൽ ഇന്ത്യ വിജയലക്ഷ്യം മറികടന്നു. ടീമിലേക്കുള്ള മടങ്ങിവരവിൽ മൂന്ന് വിക്കറ്റ് വീഴ്ത്തുകയും ഇന്ത്യയുടെ വിജയറൺ നേടുകയും ചെയ്ത കുൽദീപ് യാദവാണ് കളിയിലെ താരം.

നേരത്തെ മത്സരത്തിൽ ടോസ് നേടിയ ശ്രീലങ്കൻ നായകൻ ദാസുൻ ശാനാക ആദ്യം ബാറ്റിംഗ് തെരഞ്ഞെടുക്കുകയായിരുന്നു. ശ്രീലങ്കൻ നിരയിൽ പേസർ ദിൽഷൻ മധുഷങ്കയ്ക്കും ഓപ്പണർ പത്തും നിസ്സങ്കയ്ക്കും പകരം ലഹിരു കുമാരയും അരങ്ങേറ്റ മത്സരം കളിക്കുന്ന നുവനിന്ദു ഫെർണാണ്ടോയും ഇടംപിടിച്ചു. ടീം ഇന്ത്യയാകട്ടെ കഴിഞ്ഞ മത്സരം വിജയിച്ച ടീമിൽ നിന്നും ഒരു മാറ്റം മാത്രമാണ് വരുത്തിയത്. ലെഗ് സ്പിന്നർ ചഹലിന് പകരം ചൈനാമാൻ ബോളർ കുൽദീപ് യാദവിനെ ഉൾപ്പെടുത്തി.

അതിനിടെ ഇന്ത്യൻ ടീമിന് നാണക്കേടായി വൈസ് ക്യാപ്റ്റൻ ഹാർദിക് പാണ്ഡ്യ സഹതാരങ്ങളെ മോശം ഭാഷയിൽ അഭിസംബോധന ചെയ്ത് സംസാരിച്ചത്. ഇന്ത്യൻ ടീമിന്റെ ബോളിങ് സമയത്ത് പതിനൊന്നാം ഓവറിനുശേഷമായിരുന്നു സംഭവം. കുടിക്കാൻ വെള്ളം കൊണ്ടുവരാൻ വൈകിയതിന് ആയിരുന്നു പാണ്ഡ്യ സബ്സ്റ്റിറ്റ്യൂട്ട്‌ താരങ്ങളോട് ചൂടായത്.

“നിങ്ങളോട് ഞാൻ കഴിഞ്ഞ ഓവറിൽ തന്നെ വെള്ളം ആവശ്യപ്പെട്ടതായിരുന്നല്ലോ.. നിങ്ങൾക്ക് അവിടെ എന്തായിരുന്നു പണി” എന്ന് ഹിന്ദിയിൽ തെറി വിളിച്ചു സംസാരിച്ചത് സ്റ്റമ്പ് മൈക്കിൽ പതിഞ്ഞിരുന്നു. ഈ വീഡിയോ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ വൈറൽ ആയി മാറിയിരിക്കുകയാണ്.

വിരാട് കോഹ്ലി എന്നും ലോക ക്രിക്കറ്റ്‌ കണ്ട എക്കാലത്തെയും മികച്ച ക്രിക്കറ്റ്‌ താരങ്ങളിൽ ഒരാളാണ്. ഒരു മത്സരം കഴിമ്പോളും അദ്ദേഹം അത് തെളിയിക്കുന്നതാണ്. ഇപ്പോൾ പുരോഗമിച്ച് കൊണ്ടിരിക്കുന്ന ഇന്ത്യ ശ്രീലങ്ക മത്സരത്തിലും സ്ഥിതി വിത്യാസത്തമല്ല.തന്റെ ഫീൽഡിൽ മികവ് ഒരിക്കൽ കൂടി അദ്ദേഹം തെളിയിച്ച സംഭവം എന്താണെന്ന് നമുക്ക് പരിശോധിക്കാം.

ഇന്ത്യ ശ്രീലങ്ക ഏകദിന പരമ്പരയിലെ രണ്ടാമത്തെ മത്സരം.ഇന്ത്യൻ ഇന്നിങ്സിലെ ആറാമത്തെ ഓവറിലെ മൂന്നാമത്തെ പന്ത്.സിറാജാണ് ഇന്ത്യക്ക് വേണ്ടി ബൗൾ ചെയ്യുന്നത്.അരങ്ങേറ്റ കാരൻ നുവനിന്ദുവാണ് ലങ്കൻ ബാറ്റർ. ലങ്കൻ ബാറ്റർ പന്ത് തേർഡ് മാനിലേക് തട്ടിയിട്ട് സിംഗിൾ എടുക്കാൻ ശ്രമിക്കുന്നു. സ്ലിപ്പിൽ നിന്ന് കോഹ്ലി ചാടി വീണു. പന്ത് തടയുന്നു.തടയുക മാത്രമല്ല വീണു കിടന്നു കോഹ്ലി അപ്പോൾ തന്നെ ബോൾ റിലീസ് ചെയ്യുന്നു. ബോൾ നേരെ വന്നു സ്റ്റമ്പിൽ കൊള്ളുന്നു. ബാറ്റർ ക്രീസിൽ ഉണ്ടായിരുന്നത് കൊണ്ട് ലങ്കക്ക്‌ വിക്കറ്റ് നഷ്ടമായില്ല.

നേരത്തെ ടോസ് ലഭിച്ച ലങ്കൻ ക്യാപ്റ്റൻ ഷനക ബാറ്റിംഗ് തിരഞ്ഞെടുക്കുകയായിരുന്നു. എന്നാൽ ക്യാപ്റ്റൻ തീരുമാനം തെറ്റായി പോയി എന്ന് ഇന്ത്യൻ ബൗളേർമാർ തെളിയിച്ചു. ലങ്ക 39.4 ഓവറിൽ 215 റൺസിന് ഓൾ ഔട്ടായി.ഇന്ത്യക്ക് വേണ്ടി സിറാജും കുൽദീപ്പും മൂന്നു വിക്കറ്റ് വീതം വീഴ്ത്തി. ലങ്കക്ക് വേണ്ടി 50 റൺസ് നേടിയ നുവാനീന്ദുവാണ് ടോപ് സ്കോർർ.മൂന്നു മത്സരങ്ങൾ അടങ്ങിയ പരമ്പരയിലെ ആദ്യത്തെ മത്സരം ഇന്ത്യ വിജയിച്ചിരുന്നു.

ഇന്ത്യൻ ക്രിക്കറ്റ്‌ പ്രതിഭകൾക്ക് പഞ്ഞമില്ലാത്ത ഒരിടമാണെന്ന് നമുക്ക് അറിയാം. എങ്കിലും ഈ പ്രതിഭകളിൽ പലർക്കും ഇന്ത്യൻ ടീമിൽ സ്ഥാനം ലഭിക്കാറില്ല. ഇനി അങ്ങനെ സ്ഥാനം ലഭിക്കണമെങ്കിൽ തന്നെ ഏതെങ്കിലും ഒരു താരത്തിന് പരിക്ക് പറ്റേണ്ടി വരും. ഇങ്ങനെ ജഡേജക്ക്‌ പരിക്ക് പറ്റിയത് കൊണ്ട് മാത്രം ടീമിൽ സ്ഥിരമായ അക്സർ തന്റെ കരിയറിലെ ഏറ്റവും മികച്ച പ്രകടനമാണ് കാഴ്ചവെക്കുന്നത്.

ബാറ്റിങ്ങിലും ബൗളിങ്ങിലും ജഡ്ഡുവിനോട് കിടപിടിക്കുന്ന രീതിയിലുള്ള പ്രകടനങ്ങൾ ഇതിനോടകം അക്സർ കാഴ്ചവെച്ച് കഴിഞ്ഞു. ഇപ്പോൾ ഫീൽഡിലും ജഡേജക്ക്‌ ഒത്ത എതിരാളിയാണ് താൻ എന്ന് അദ്ദേഹം തെളിയിക്കുകയാണ്.ഇന്ത്യ ശ്രീ ലങ്ക രണ്ടാം ഏകദിന മത്സരത്തിലാണ് സംഭവം. എന്താണ് സംഭവം എന്ന് നമുക്ക് പരിശോധിക്കാം.

ലങ്കൻ ഇന്നിങ്സിന്റെ 34 മത്തെ ഓവർ. ബോൾ എറിയുന്നത് ഉമ്രാൻ മാലിക്. ചാമിക കരുണരത്‌നെയാണ് ലങ്കക്ക്‌ വേണ്ടി ബാറ്റ് ചെയ്യുന്നത്. ഓവറിൽ മികച്ച രീതിയിൽ ഉമ്രാനെ നേരിട്ട ചാമിക ഓവറിലെ അവസാന ബോളിൽ ഉമ്രാനെ കട്ട്‌ ചെയ്യുന്നു.എന്നാൽ ബാറ്റർക്ക് പിഴക്കുന്നു. പന്ത് പോയിന്റിലേക്ക്.തന്റെ ഇടത്തേക്ക് ചാടി അക്സർ ക്യാച്ച് സ്വന്തമാക്കുന്നു. ജഡേജയുടെ ഇഷ്ട ഫീൽഡിങ് പൊസിഷനായ പോയിന്റിൽ നിന്ന് തന്നെയാണ് അക്സർ ഈ ക്യാച്ച് സ്വന്തമാക്കിയത് എന്നത് മറ്റൊരു കൗതുകകരമായ കാര്യമാണ്.ടോസ് നേടി ബാറ്റിങ്ങിന് ഇറങ്ങിയ ലങ്ക നിലവിൽ പതറുകയാണ്.200 റൺസ് പൂർത്തിയാക്കുന്നതിന് മുന്നേ ലങ്കക്ക്‌ എട്ടു വിക്കറ്റുകൾ നഷ്ടമായി കഴിഞ്ഞു.

വിക്കറ്റ് വിഡിയോ :

വിരാട് കോഹ്ലി ക്രിക്കറ്റ്‌ ഫീൽഡിന് അകത്ത് ഊർജ്ജവനായ ഒരു താരമാണ്. തന്റെ ആക്രമണ സ്വഭാവവും സ്ലഡ്ജിങ്ങും ഒക്കെ ക്രിക്കറ്റ്‌ ആരാധകർ വല്ലാതെ ആസ്വദിച്ചു പോരുന്നതാണ്. എന്നാൽ ഫീൽഡിന് അകത്ത് രസകരമായ കാര്യങ്ങൾ ചെയ്യാനും കോഹ്ലി മടിക്കാറില്ല. ഇപ്പോൾ അത്തരത്തിൽ രസകരമായ ഒരു സംഭവം പുറത്ത് വന്നിരിക്കുകയാണ്.

ഇന്ത്യ ശ്രീ ലങ്ക രണ്ടാം ഏകദിനം മത്സരം. ടോസ് ലഭിച്ച ശ്രീ ലങ്ക ബാറ്റ് ചെയ്യുകയാണ്.മത്സരത്തിന്റെ പത്താമത്തെ ഓവറിലായിരുന്നു സംഭവം.സിറാജ് എറിഞ്ഞ ബോൾ കുശാലിന്റെ സ്റ്റമ്പിനെ തൊട്ടു തൊട്ടില്ല എന്ന് രീതിയിൽ കടന്നു പോകുന്നു. പന്ത് കീപ്പർ രാഹുൽ സ്വന്തമാക്കുന്നു. രാഹുലിന്റെ മുഖത്തേക്കാണ് ആ പന്ത് വന്നത്. ബോൾ രാഹുൽ കോഹ്ലിക്ക്‌ കൈമാറുന്നു. ഇതിന് ശേഷമാണ് രസകരമായ ആ സംഭവം അരങ്ങേറുന്നു.

കോഹ്ലി ബോൾ രാഹുലിന്റെ മുക്കിൽ കൊണ്ടെന്നെ എന്നാ രീതിയിൽ ബോൾ രാഹുലിന്റെ മൂക്കിനോട് ചേർത്ത് വെക്കുന്നു. ഇരു താരങ്ങളും ഒരു പുഞ്ചിരിയോടെ തങ്ങളുടെ പൊസിഷനുകളിലേക്ക് തിരകെ നടക്കുന്നു.ടോസ് ലഭിച്ച ലങ്ക ബാറ്റിംഗ് തിരിഞ്ഞെടുക്കകായിരുന്നു.പവർപ്ലേയിൽ തന്നെ സിറാജിന് വിക്കറ്റ് എടുക്കാൻ സാധിച്ചു.എന്നാൽ ഇപ്പോൾ കുശാലിന്റെയും അരങ്ങേറ്റ താരം നുവനിതുവിന്റെയും ബാറ്റിംഗ് മികവിൽ ലങ്ക പോരാടുകയാണ്.നിലവിൽ ലങ്ക 17 മത്തെ ഓവറിൽ 1 വിക്കറ്റ് നഷ്ടത്തിൽ 100 റൺസ് എന്നാ നിലയിലാണ്.വിജയം നേടി പരമ്പരയിൽ ഒപ്പമെത്താൻ വേണ്ടി ലങ്ക പോരാടുകയാണ്.

വീഡിയോ :

ക്രിക്കറ്റിലെ ഏറ്റവും മികച്ച കലകളിൽ ഒന്നാണ് ഫാസ്റ്റ് ബൗളിംഗ്. ഒരു ഫാസ്റ്റ് ബൗളേർ ബാറ്റസ്മാന്റെ പ്രതിരോധം തകർത്ത് നടു സ്റ്റമ്പ് എടുത്തു വിക്കറ്റ് എടുക്കുന്നത് കാണാൻ അതിമനോഹരമാണ്. ഇപ്പോൾ അത്തരത്തിലുള്ള ഒരു കാഴ്ച സംഭവിച്ചിരിക്കുകയാണ്. ഇപ്പോൾ പുരോഗമിച്ചു കൊണ്ടിരിക്കുന്ന ഇന്ത്യ ശ്രീലങ്ക ഏകദിന മത്സരത്തിൽ തന്നെയാണ് സംഭവം. എന്താണ് സംഭവം എന്ന് നമുക്ക് പരിശോധിക്കാം.

ശ്രീ ലങ്കൻ ഇന്നിങ്സിന്റെ ആറാമത്തെ ഓവർ. അവിശ്ക ഫെർനാടോയാണ് ലങ്കക്ക്‌ വേണ്ടി സ്ട്രൈക്ക്. സിറാജാണ് ഇന്ത്യക്ക് വേണ്ടി പന്ത് എറിയുന്നത്.സിറാജിന്റെ അവസാന ഓവറിൽ അവിശ്ക തുടർച്ചായി ബൗണ്ടറികൾ നേടിയിരുന്നു. അത് കൊണ്ട് തന്നെ ഒരിക്കൽ കൂടി സിറാജിനെ ആറാമത്തെ ഓവറിന്റെ അവസാന പന്തിൽ ഡ്രൈവ് ചെയ്യാൻ ശ്രമിക്കുന്നു.എന്നാൽ അവിശ്കയുടെ ഇൻസൈഡ് എഡ്ജ് എടുത്ത ബൗൾ മിഡിൽ സ്റ്റമ്പ് തെറിപ്പിച്ചു കൊണ്ട് പോകുന്നു.ലങ്കക്ക്‌ ആദ്യ വിക്കറ്റ് നഷ്ടമാകുന്നു.സിറാജ് ആവേശത്തോടെ ആഘോഷിക്കുന്നു.

മൂന്നു മത്സരങ്ങൾ അടങ്ങിയ ഏകദിന പരമ്പരയിലെ ആദ്യത്തെ മത്സരം ഇന്ത്യ വിജയിച്ചിരുന്നു. ഇന്ന് ടോസ് ലഭിച്ച ലങ്കൻ ക്യാപ്റ്റൻ ഷനക ബാറ്റിംഗ് തിരഞ്ഞെടുക്കുകയായിരുന്നു.ലങ്ക രണ്ട് മാറ്റങ്ങളോടെയും ഇന്ത്യ ഒരു മാറ്റത്തോടെയുമാണ് കളത്തിലേക്ക് ഇറങ്ങിയത്. നസ്സങ്കക്കും മധുശങ്കക്ക്‌ പകരം നുവണ്ടു ഫെർനാടോയും കുമാരയും ലങ്കൻ നിരയിലേക്ക് എത്തി.ഇന്ത്യൻ നിരയിൽ ചാഹാലിന് പകരം കുൽദീപാണ് ടീമിലേക്കെത്തിയത്. നിലവിൽ ഇന്ത്യ ലങ്ക പോരാട്ടം ആവേശകരമായി പുരോഗമിക്കുകയാണ്.

View this post on Instagram

A post shared by Team India (@indiancricketteam)

ക്രിക്കറ്റിൽ എന്നും വികാരനിമിഷങ്ങളും അത് പോലെ തന്നെ പല രസകരമായ നിമിഷങ്ങളും ഉണ്ടാകാറുണ്ട്. പല അന്താരാഷ്ട്ര മത്സരങ്ങളിലും നമ്മൾ ഇത് കണ്ടിട്ടുള്ളതാണ്.എന്നാൽ ഇപ്പോഴും രസകരമായ പല സംഭവങ്ങളും അന്താരാഷ്ട്ര മത്സരങ്ങളിൽ സംഭവിക്കുന്നുണ്ട്. അത്തരത്തിൽ രസകരമായ നിമിഷം ഇപ്പോൾ നടന്ന് കൊണ്ടിരിക്കുന്ന ന്യൂസിലാൻഡ് പാകിസ്ഥാൻ ഏകദിന മത്സരത്തിലും സംഭവിച്ചിരിക്കുകയാണ്.

പാകിസ്ഥാൻ ന്യൂ സിലാൻഡ് രണ്ടാം ഏകദിന മത്സരം. കിവിസാണ് ആദ്യം ബാറ്റ് ചെയ്യുന്നത്. പാകിസ്താന്റെ ഫീൽഡിങ്ങിന് ഇടയിലാണ് സംഭവം.പാക്കിസ്ഥാൻ താരം വസീം ബൗളിംഗ് എൻഡിലേക്ക് ത്രോ എറിയുകയാണ്.ഇത് കാണാതെയിരുന്ന അമ്പയർ അലിം ദാർ തന്റെ പൊസിഷനിലേക്ക് തിരകെ നടക്കുകയാണ്. പെട്ടെന്നാണ് അമ്പയർ ബോൾ വരുന്നത് കണ്ടത്. അമ്പയർ മാറാൻ ശ്രമിച്ചു. എന്നാൽ പന്ത് നേരെ വന്നു അമ്പയറുടെ കാലിൽ ഇടിക്കുകയായിരുന്നു.സംഭവം കണ്ട പാകിസ്ഥാൻ ക്യാപ്റ്റൻ ബാബർ അസത്തിന് ചിരി അടക്കാൻ കഴിഞ്ഞില്ല.

മൂന്നു മത്സരങ്ങളാണ് ഏകദിന പരമ്പരയിൽ അടങ്ങിയിരിക്കുന്നത്. ആദ്യത്തെ മത്സരത്തിൽ പാക്കിസ്ഥാൻ ആറു വിക്കറ്റിന് ജയിച്ചിരുന്നു. ഇന്നത്തെ മത്സരത്തിൽ ടോസ് നേടിയ ന്യൂസിലാൻഡ് ബാറ്റിംഗ് തിരഞ്ഞെടുക്കുകയായിരുന്നു.കോൺവേയുടെ സെഞ്ച്വറി മികവിലും ക്യാപ്റ്റൻ വില്യസണിന്റെ മികവിൽ കിവിസ് മികച്ച നിലയിലേക്ക് മുന്നേറുകയാണ്.ഇന്നത്തെ മത്സരം ജയിച്ച പരമ്പരയിൽ ഒപ്പമെത്താനാവും കിവിസിന്റെ ശ്രമം.