Month: February 2023

ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ ഇന്നലെ നടന്ന അവസാന പോരാട്ടത്തിൽ, ടീം ഇന്ത്യ 168 റൺസിന്റെ ഏകപക്ഷീയ വിജയം നേടി പരമ്പര 2-1ന് സ്വന്തമാക്കിയിരുന്നു. 126 റൺസ് എടുത്ത് പുറത്താകാതെ നിന്ന ഓപ്പണർ ശുഭ്മൻ ഗില്ലിന്റെ തകർപ്പൻ ഇന്നിംഗ്സിൽ ഇന്ത്യ നിശ്ചിത 20 ഓവറിൽ 4 വിക്കറ്റ് നഷ്ടത്തിൽ 234 റൺസ് എടുത്തു. ത്രിപാഠി (44), പാണ്ഡ്യ (30), സൂര്യകുമാർ (23) എന്നിവരും തിളങ്ങി. ന്യൂസിലൻഡ് താരങ്ങൾ ബാറ്റിംഗ് മറന്നപ്പോൾ, അവർ 12.1 ഓവറിൽ വെറും 66 റൺസിൽ ഓൾഔട്ടാകുകയായിരുന്നു. നാല് വിക്കറ്റ് വീഴ്ത്തിയ നായകൻ പാണ്ഡ്യ മുന്നിൽ നിന്നും നയിച്ചു.

അഹമ്മദാബാദിൽ നടന്ന മത്സരത്തിൽ ടോസ് നേടി ആദ്യം ബാറ്റിംഗ് തെരഞ്ഞെടുത്ത ഇന്ത്യക്ക് രണ്ടാം ഓവറിൽ തന്നെ ഇഷാൻ കിഷനെ നഷ്ടമായെങ്കിലും പതിഞ്ഞ താളത്തിൽ തുടങ്ങിയ ശുഭ്മൻ ഗില്ലിന്‌ ആത്മവിശ്വാസത്തോടെ ഇന്നിങ്സ് കെട്ടിപ്പടുക്കാൻ കരുത്തുനൽകിയത് മൂന്നാം നമ്പറിൽ എത്തിയ രാഹുൽ ത്രിപാഠിയുടെ നിസ്വാർത്ഥമായ ഒരു ബാറ്റിംഗ് പ്രകടനമായിരുന്നു. സ്വന്തം നേട്ടങ്ങൾക്ക് പ്രാധാന്യം നൽകാതെ ടീമിന്റെ സ്കോർബോർഡിൽ പെട്ടെന്ന് റൺസ് എത്തിക്കാനുള്ള ഒരു വിലപ്പെട്ട ഇന്നിങ്സ്. ഗില്ലിന് അതിവേഗം റൺസ് എടുക്കേണ്ട സമ്മർദ്ദവും അകറ്റിയത് ഈ ഇന്നിങ്സ് ആയിരുന്നു.

ആദ്യ മത്സരത്തിൽ പൂജ്യത്തിനും രണ്ടാം മത്സരത്തിൽ 13 റൺസിനും പുറത്തായിരുന്ന അദ്ദേഹത്തിന് വേണമെങ്കിൽ അല്പം സമയമെടുത്ത്, ടീമിലെ തന്റെ സ്ഥാനം നിലനിർത്താൻ പാകത്തിലുള്ള ഒരു ദീർഘ ഇന്നിങ്സ് കളിക്കാമായിരുന്നു. എങ്കിലും അതിനു മുതിരാതിരുന്ന ത്രിപാഠി, വെടിക്കെട്ട് ബാറ്റിംഗ് കാഴ്ച്ചവെച്ചത് ഇന്ത്യക്കും ഗില്ലിനും ഒരുപോലെ ഗുണമായി. രണ്ടാം വിക്കറ്റിൽ ചുരുങ്ങിയ പന്തുകളിൽ 80 റൺസാണ് ഇരുവരും ചേർന്ന കൂട്ടുകെട്ട് സമ്മാനിച്ചത്. 22 പന്തിൽ 4 ഫോറും 3 സിക്സും അടക്കം 44 റൺസ് നേടിയ ത്രിപാഠി ഒൻപതാം ഓവറിന്റെ രണ്ടാം പന്തിലാണ് പുറത്തായത്. അദ്ദേഹത്തിന്റെ സ്ട്രൈക്ക് റേറ്റ് ആകട്ടെ 200!

വീഡിയൊ:

അഹമ്മദാബാദിൽ നടന്ന ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ അവസാന മത്സരത്തിൽ 168 റൺസിന്റെ കൂറ്റൻ വിജയം നേടിയ ടീം ഇന്ത്യ പരമ്പര 2-1 ന് സ്വന്തമാക്കി. അന്താരാഷ്ട്ര ട്വന്റി ട്വന്റി ക്രിക്കറ്റിലെ റൺ അടിസ്ഥാനത്തിലുള്ള ഇന്ത്യയുടെ ഏറ്റവും വലിയ വിജയമാണിത് എന്ന പ്രത്യേകത കൂടിയുണ്ട്. പരമ്പരയിലെ ആദ്യ മത്സരം തോറ്റ ശേഷം തിരിച്ചടിച്ച് നേടിയ പരമ്പരവിജയം ഇന്ത്യക്ക് കൂടുതൽ ആത്മവിശ്വാസം നൽകും. നിർണായക മത്സരത്തിൽ തകർപ്പൻ സെഞ്ചുറി നേടിയ ഓപ്പണർ ശുഭ്മൻ ഗില്ലാണ് ഇന്ത്യയുടെ വിജയശില്ലി.

മത്സരത്തിൽ ടോസ് നേടി ആദ്യം ബാറ്റിങ്ങിന് ഇറങ്ങിയ ഇന്ത്യ നിശ്ചിത 20 ഓവറിൽ 4 വിക്കറ്റ് നഷ്ടത്തിൽ 234 റൺസ് എടുത്തപ്പോൾ മറുപടിയായി ന്യൂസിലാന്റിന്റെ ഇന്നിങ്സ് 12.1 ഓവറിൽ വെറും 66 റൺസിൽ അവസാനിച്ചു. ഇന്ത്യക്കായി ഗിൽ 126 റൺസോടെ പുറത്താകാതെ നിന്നു. രാഹുൽ ത്രിപാഠി 44(22), സൂര്യകുമാർ യാദവ് 24(13), നായകൻ ഹാർദിക് പാണ്ഡ്യ 30(17) എന്നിവരും മികച്ച സംഭാവന നൽകി. കിവീസ് നിരയിൽ ഓൾറൗണ്ടർ ദാരിൽ മിച്ചൽ 35(25), നായകൻ മിച്ചൽ സാന്റ്നർ 13(13) എന്നിവർ ഒഴികെ മറ്റാർക്കും രണ്ടക്കം പോലും കടക്കാൻ കഴിഞ്ഞില്ല. നായകൻ പാണ്ഡ്യ നാല് വിക്കറ്റുമായി മുന്നിൽ നിന്നും നയിച്ചപ്പോൾ പേസർമാരായ അർഷദീപ് സിംഗ്, ഉമ്രാൻ മാലിക്ക്, ശിവം മാവി എന്നിവർ രണ്ട് വിക്കറ്റ് വീതമെടുത്ത് മികച്ച പിന്തുണ നൽകി.

ആദ്യ മത്സരത്തിൽ 7, രണ്ടാം മത്സരത്തിൽ 11 എന്നിങ്ങനെ നേടിയതോടെ ടീമിലെ സ്ഥാനം സംശയത്തിലായിരുന്ന ഗിൽ, ഇന്ന് ഫോമിലേക്ക് മടങ്ങിയെത്തി വെടിക്കെട്ട് സെഞ്ചുറി നേടി, താൻ ഒരു ഓൾ ഫോർമാറ്റ് താരമാണെന്ന് തെളിയിക്കുകയാണ്. മത്സരത്തിന്റെ രണ്ടാം ഓവറിൽ തന്നെ സഹ ഓപ്പണർ കിഷനേ നഷ്ടമായതോടെ ശ്രദ്ധയോടെ ബാറ്റ് വീശിയ അദ്ദേഹം, ഒരറ്റത്ത് വിക്കറ്റ് പോകാതെ കാത്തുകൊണ്ട് അപ്പുറത്ത് കളിക്കുന്നവർക്ക്‌ ആഞ്ഞടിക്കാനുള്ള ലൈസൻസ് നൽകി, പിന്നീട് സെറ്റായ ശേഷം കത്തിക്കയറുകയായിരുന്നു. ആദ്യ 50 റൺസ് എടുക്കാൻ 35 പന്ത് നേരിട്ട അദ്ദേഹത്തിന് അടുത്ത 50 തികയ്ക്കാൻ വേണ്ടിവന്നത് വെറും 19 പന്തുകൾ മാത്രം!

ടെസ്റ്റിലും ഏകദിനത്തിലും സെഞ്ചുറി നേടിയിട്ടുള്ള ഈ 23 വയസുകാരൻ ട്വന്റി ട്വന്റി ക്രിക്കറ്റിലും സെഞ്ചുറി നേടിക്കൊണ്ട് ഈ നേട്ടം കൈവരിക്കുന്ന അഞ്ചാമത്തെ ഇന്ത്യൻ താരമായി. കഴിഞ്ഞ വർഷം ദുബായിൽ അഫ്ഗാനിസ്ഥാനെതിരെ 122* റൺസ് എടുത്ത വിരാട് കോഹ്‌ലിയുടെ പേരിലുണ്ടായിരുന്ന ഒരു ഇന്ത്യൻ താരത്തിന്റെ ഏറ്റവും ഉയർന്ന വ്യക്തിഗത സ്കോറിന്റെ റെക്കോർഡ്, 126* റൺസെടുത്ത ഗിൽ സ്വന്തം പേരിലാക്കി. മത്സരത്തിൽ 12 ഫോറുകളും 7 സിക്‌സുകളും ഗിൽ പായിച്ചു. കളിയിലെ താരമായി തിരഞ്ഞെടുക്കപ്പെട്ടതും അദ്ദേഹം തന്നെയാണ്.

വീഡിയൊ :

അഹമ്മദാബാദിൽ നടക്കുന്ന ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ മൂന്നാമത്തെയും അവസാനത്തെയും മത്സരത്തിൽ ആദ്യം ബാറ്റ് ചെയ്ത ഇന്ത്യക്ക് കൂറ്റൻ സ്കോർ. നിശ്ചിത 20 ഓവറിൽ ഇന്ത്യ 4 വിക്കറ്റ് നഷ്ടത്തിൽ 234 റൺസ് എടുത്തിട്ടുണ്ട്. തകർപ്പൻ സെഞ്ചുറി നേടിയ ഓപ്പണർ ശുഭ്മൻ ഗില്ലിന്റെ ഇന്നിങ്സാണ് ഇന്ത്യക്ക് കരുത്തായത്‌. ഗില്ലും, 17 പന്തിൽ 30 റൺസ് എടുത്ത നായകൻ പാണ്ഡ്യയും ചേർന്ന് നാലാം വിക്കറ്റിൽ 103 റൺസ് കൂട്ടുകെട്ട് സൃഷ്ടിച്ചു. 63 പന്തിൽ 126* റൺസ് എടുത്ത ഗിൽ, ഒരു ഇന്ത്യൻ താരത്തിന്റെ ഏറ്റവും ഉയർന്ന ട്വന്റി ട്വന്റി സ്കോറും സ്വന്തം പേരിലാക്കി.

മത്സരത്തിൽ ടോസ് നേടിയ ഇന്ത്യൻ നായകൻ ഹാർദിക് പാണ്ഡ്യ ആദ്യം ബാറ്റിംഗ് തെരഞ്ഞെടുക്കുകയായിരുന്നു. പേസിനെ തുണയ്ക്കുന്ന പിച്ചാണെന്ന സൂചന ലഭിച്ചതുകൊണ്ട് കഴിഞ്ഞ മത്സരത്തിൽ കളിച്ച സ്പിന്നർ ചഹലിന് പകരം പേസർ ഉമ്രാൻ മാലിക്കിനെ ഇന്ത്യ ടീമിൽ ഉൾപ്പെടുത്തി. ന്യൂസിലൻഡ് നിരയിലും ഒരു മാറ്റം വരുത്തിയിരുന്നു. ജേക്കബ് ദഫിക്ക് പകരം ഇടം കയ്യൻ പേസർ ബെൻ ലിസ്റ്ററിന് ട്വന്റി ട്വന്റി അരങ്ങേറ്റമത്സരം ലഭിച്ചു.

ഇന്നിങ്സിന്റെ രണ്ടാം ഓവറിൽതന്നെ ഓപ്പണർ ഇഷാൻ കിഷനെ ഇന്ത്യക്ക് നഷ്ടമായെങ്കിലും, ശുഭ്മൻ ഗിൽ രാഹുൽ ത്രിപാഠിയെ കൂട്ടുപിടിച്ച് സ്കോർ മുന്നോട്ട് നീക്കി. ത്രിപാഠി ആയിരുന്നു കൂടുതൽ അപകടകാരി. 22 പന്തിൽ നിന്നും 4 ഫോറും 3 സിക്സും ഉൾപ്പെടെ 44 റൺസ് നേടിയാണ് അദ്ദേഹം പുറത്തായത്. അതിനുശേഷം എത്തിയ സൂര്യകുമാർ യാദവ് 13 പന്തിൽ 24 റൺസോടെ മടങ്ങി. പിന്നീട് എത്തിയ നായകൻ ഹാർദ്ദിക് പാണ്ഡ്യയെ കാഴ്ചക്കാരനാക്കി നിർത്തി ഗിൽ അടി തുടങ്ങി.

പേസർ ബ്ലായർ ടിക്ക്‌നാർ എറിഞ്ഞ പതിനേഴാം ഓവറിലാണ് അദ്ദേഹം വിശ്വരൂപം പൂണ്ടത്. ആദ്യ പന്തിൽ തന്നെ ഒറ്റക്കൈകൊണ്ട് പന്ത് ഗാലറിയിൽ എത്തിച്ച ഗിൽ, രണ്ടാം പന്തിൽ വിക്കറ്റ് കീപ്പർക്കും ഷോർട്ട് തേർഡ്മാനും ഇടയിലൂടെ മികച്ചൊരു പ്ലേസ്മെന്റ് ഷോട്ടിലൂടെ ബൗണ്ടറി കടത്തി. മൂന്നാം പന്തിൽ റൺ ഒന്നും എടുക്കാൻ കഴിഞ്ഞില്ല. നാലാം പന്തിൽ ഡീപ് മിഡ് വിക്കറ്റിലേക്ക് കിടിലൻ പുൾ ഷോട്ട് സിക്സ്. അതോടെ 80 റൺസിൽ നിന്നിരുന്ന അദ്ദേഹം 3 പന്തുകൾ കൊണ്ട് 96ൽ എത്തി. പതിനെട്ടാം ഓവറിന്റെ ആദ്യ പന്തിൽ തന്നെ ബൗണ്ടറി കടത്തി കന്നി ട്വന്റി ട്വന്റി സെഞ്ചുറി നേട്ടവും പൂർത്തിയാക്കി.

വീഡിയോ :

ക്യാച്ചുകൾ ഒരു മത്സരത്തെ എത്രത്തോളം ബാധിക്കുമെന്ന് നമ്മൾ പല തവണ കണ്ടതാണ്. ഒരു ക്യാച്ച് ഒരു മത്സരം ഫലത്തെ മാറ്റി കളയും.ഇപ്പോൾ നടന്ന് കൊണ്ടിരിക്കുന്ന ഇന്ത്യ ന്യൂസിലാൻഡ് ട്വന്റി ട്വന്റി മത്സരത്തിലും സംഭവിച്ചത് മറ്റൊന്നുമല്ല.സെഞ്ച്വറിയുമായി മുന്നേറിയ ഗില്ലിനെ പുറത്താക്കാൻ ലഭിച്ച സുവർണവസരമാണ് കിവിസ് ഫീൽഡർമാർ പുറത്താക്കിയത്.

ഇന്ത്യ ന്യൂസിലാൻഡ് രണ്ടാം ട്വന്റി ട്വന്റി മത്സരം.പവർപ്ലേയിലെ അവസാന ഓവർ. ലോക്കി ഫെർഗുസനാണ് ന്യൂസിലാൻഡ് ബൗളേർ.ഗില്ലാണ് ക്രീസിൽ. ഓവറിലെ അവസാന പന്ത്.33 റൺസുമായി ഗിൽ ക്രീസിൽ.അവസാന പന്ത് പൊക്കി അടിക്കുന്നു. ഗില്ലിന് അടിതെറ്റുന്നു. എന്നാൽ ലഭിച്ച അവസരം മുതലാക്കാൻ ടിക്കനർക്ക് കഴിഞ്ഞില്ല.

തുടർന്ന് തന്റെ അന്താരാഷ്ട്ര ട്വന്റി ട്വന്റി കരിയറിലെ ആദ്യ സെഞ്ച്വറിയുമായി ഗിൽ മുന്നേറുന്ന കാഴ്ചയാണ് അഹ്‌മദബാദ് കണ്ടത്.മൂന്നു ഫോർമാറ്റിലും സെഞ്ച്വറി അടിക്കുന്ന ഏറ്റവും പ്രായ കുറഞ്ഞ താരാമെന്ന് നേട്ടം ഇനി ഗില്ലിന്റെ പേരിലാണ്.മാത്രമല്ല ട്വന്റി ട്വന്റി ക്രിക്കറ്റിൽ ഒരു ഇന്ത്യൻ ബാറ്റർ നേടിയ ഏറ്റവും ഉയർന്ന വ്യക്തിഗത സ്കോറും ഇനി ഗില്ലിന്റെ പേരിലാണ്.63 പന്തുകൾ നേരിട്ട ഗിൽ 126 റൺസാണ് നേടിയത്.12 ഫോറുകളും ഏഴു സിക്റുകളുമാണ് ഗില്ലിന്റെ ഈ ഇന്നിങ്സിൽ പിറന്നത്.

നേരത്തെ ടോസ് ലഭിച്ച ഇന്ത്യൻ നായകൻ ഹാർദിക് പാന്ധ്യ ബാറ്റിംഗ് തെരെഞ്ഞെടുകകയായിരുന്നു.ഇന്ത്യക്ക് വേണ്ടി ഗില്ലിന് പുറമെ 22 പന്തിൽ 44 റൺസ് നേടിയ ട്രിപാഠിയും തിളങ്ങി.ഹാർദികും സൂര്യയും തങ്ങൾക്ക് ലഭിച്ച ഉത്തരവാദിത്തങ്ങൾ ഭംഗിയോടെ പൂർത്തിയാക്കിയതോടെ ഇന്ത്യ 4 വിക്കറ്റ് നഷ്ടത്തിൽ 234 റൺസ് സ്കോർ ചെയ്തു.

ഫസ്റ്റ് ക്ലാസ്സ്‌ ക്രിക്കറ്റ്‌ ക്രിക്കറ്റിലെ ഏറ്റവും മനോഹരമായ ഫോർമാറ്റുകളിൽ ഒന്നാണ്.ഏറ്റവും മികച്ചവൻ അതിജീവിക്കുന്ന ഈ ഫോർമാറ്റിൽ ഒരുപാട് ഒറ്റയാൾ പോരാട്ടങ്ങൾ നമ്മൾ കണ്ടിട്ടുള്ളതാണ്.ഇപ്പോൾ ഇത്തരത്തിൽ സ്വന്തം ആരോഗ്യം പോലും വക വെക്കാതെ ഹനുമാ വിഹാരി എന്നാ ബാറ്ററുടെ പോരാട്ടവീര്യം കാണിക്കുന്ന ഒരു സംഭവം നടന്നിരിക്കുകയാണ്. എന്താണ് സംഭവമെന്ന് നമുക്ക് പരിശോധിക്കാം.

രഞ്ജി ട്രോഫി ക്വാർട്ടർ ഫൈനൽ,ആന്ധ്ര പ്രദേശ് മധ്യ പ്രദേശിനെ നേരിടുകയാണ്.മത്സരത്തിലെ ആദ്യത്തെ ദിവസത്തിൽ തന്നെ തന്റെ വലത് കൈത്തണ്ടക്ക്‌ പൊട്ടൽ ഏൽക്കുന്നു. അത് കൊണ്ട് തന്നെ താരം ക്രീസ് വിടുന്നു. എന്നാൽ മത്സരത്തിലെ രണ്ടാം ദിവസമായ ഇന്ന് വിഹാരിയുടെ ടീമായ ആന്ധ്ര പ്രദേശിന്റെ ഒൻപത് വിക്കറ്റുകൾ നഷ്ടമാവും. തുടർനാണ് വിഹാരിയുടെ നിശ്ചയദാർഢ്യവും മനോധൈര്യവും പുറത്ത് വന്ന സംഭവം അരങ്ങേറുന്നത്.

തന്റെ പരിക്കിനെ നോക്ക് കുത്തിയാക്കി നേരെ ക്രീസിലേക്ക് ബാറ്റ് ചെയ്യാൻ വിഹാരി കടന്ന് വരുന്നു.വലത് കൈക്ക് പരിക്കേറ്റതിനാൽ ഇടത് കൈമാത്രം ഉപോയിഗച്ചാണ് അദ്ദേഹം ബാറ്റ് ചെയ്തത്.57 പന്തിൽ 27 റൺസ് സ്വന്തമാക്കി. ഇതിൽ അഞ്ചു ബൗണ്ടറികളും അടങ്ങിയിരുന്നു.ഇത് ആദ്യമായിയല്ല വിഹാരി പരിക്കിനോട് പടവെട്ടി ഒരു മത്സരം കളിക്കുന്നത്.2020 ൽ സിഡ്നിയിൽ 163 പന്തുകൾ നേരിട്ട് 23 റൺസ് ഇദ്ദേഹം നേടിയിരുന്നു. ഈ ഒരു മത്സരം ഇന്ത്യയുടെ ഏറ്റവും മികച്ച ടെസ്റ്റ്‌ സമനിലകളിൽ ഒന്നായിയാണ് കണക്കെപടുന്നത്.

വീഡിയോ :