ഈ സീസണിലെ ഇന്ത്യൻ പ്രീമിയർ ലീഗിൽ ഒരുപാട് മികച്ച ക്യാച്ചുകൾക്ക് നമ്മൾ സാക്ഷ്യം വഹിച്ചു. ധോണി, വിരാട് കോലി, തുടങ്ങിയ സീനിയർ താരങ്ങൾ വരെ മികച്ച ക്യാച്ചുകൾ കൊണ്ട് തങ്ങളുടെ ഫിറ്റ്നസിന് ഒരു കുറവും വന്നിട്ടില്ല എന്ന് ഈ സീസണിലും തെളിയിച്ചു. അതിൽ പെട്ട ഒരു പ്രമുഖ താരമാണ് മുൻ സൗത്ത് ആഫ്രിക്കൻ ക്യാപ്റ്റനും ഇപ്പോൾ ആർ സി ബി യുടെ നായകനുമായ ഡ്യൂപ്ലസിസ്.
അതിൻറെ ഉത്തമ ഉദാഹരണമാണ് ഇന്ന് ചെന്നൈയ്ക്കെതിരെയുള്ള നിർണായ മത്സരത്തിൽ ബാംഗ്ലൂർ ക്യാപ്റ്റൻ എടുത്ത ക്യാച്ച്. ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ബാംഗ്ലൂരിന്റെ 218 പിന്തുടർന്ന് ഇറങ്ങിയ ചെന്നൈ സ്കോർ ധീരമായി പൊരുതുന്ന സമയത്താണ് ഡ്യൂപ്ലസിസിൻ്റെ ക്യാച്ച് വന്നത്. ചെന്നൈയുടെ സ്കോർ 15 ഓവറിൽ അഞ്ചു വിക്കറ്റിന് 129 റൺസ് എന്ന നിലയിൽ നിൽക്കുമ്പോഴാണ് സൻ്റ്‌നേരെ പുറത്താക്കിയ അദ്ദേഹത്തിൻറെ പറക്കും ക്യാച്ച്. മുഹമ്മദ് സിറാജിനെ ലോഫ്റ്റ് ചെയ്തു ബൗണ്ടറി നേടാൻ ശ്രമിച്ച ബാറ്റ്സ്മാനെ ഡ്യൂപ്പസിസ് പറന്നു പിടിക്കുകയായിരുന്നു. പ്രായത്തെ വെല്ലുന്ന പറക്കും ക്യാച്ച് വീഡിയോ കാണാം
— nadeer500 (@nadeer50048205) May 18, 2024
