Category: Malayalam

ന്യൂസിലൻഡ് എ ടീമിന്റെ ഇന്ത്യൻ പര്യടനത്തിലെ ആദ്യ ഏകദിന മത്സരത്തിൽ ഇന്ത്യക്ക് ഏഴ് വിക്കറ്റിന്റെ തകർപ്പൻ ജയം. മലയാളി താരം സഞ്ജു വി സാംസൺ ഇതാദ്യമായി ഇന്ത്യൻ എ ടീം നായകനായി ഇറങ്ങിയ മത്സരത്തിൽ കളിയുടെ എല്ലാ മേഖലകളിലും സമ്പൂർണ ആധിപത്യം നേടിയാണ് ഇന്ത്യ വിജയം നേടിയത്.

നായകനായുള്ള ആദ്യ മത്സരത്തിൽ തന്നെ ടോസ് ഭാഗ്യം ലഭിച്ച സഞ്ജു ഫീൽഡിംഗ് തെരഞ്ഞെടുക്കുകയായിരുന്നു. ചെന്നൈയിലെ എം എ ചിദംബരം സ്റ്റേഡിയത്തിൽ നടന്ന മത്സരത്തിൽ ഇന്ത്യൻ ബൗളർമാർക്ക് മുന്നിൽ തകർന്നടിഞ്ഞ ന്യൂസിലൻഡ് ടീം 40.2 ഓവറിൽ വെറും 167 റൺസിന്‌ എല്ലാവരും പുറത്താവുകയായിരുന്നു. ഇന്ത്യക്കായി ശാർദൂൽ താകൂർ 4 വിക്കറ്റും കുൽദീപ് സെൻ മൂന്ന് വിക്കറ്റും വീഴ്ത്തിയപ്പോൾ സ്പിന്നർ കുൽദീപ് യാദവ് ഒരു വിക്കറ്റ് നേടി. ശേഷിച്ച രണ്ട് പേർ റൺഔട്ട് ആകുകയായിരുന്നു.

168 റൺസ് എന്ന താരതമ്യേന ചെറിയ വിജയലക്ഷ്യം പിന്തുടർന്ന ഇന്ത്യക്കായി ഋതുരാജ് ഗയക്വാദ് 41 റൺസും രാഹുൽ ത്രിപാഠി 31 റൺസും രജത് പടിദാർ 45* റൺസും എടുത്തു. ഫിനിഷർ ആയി ഇറങ്ങിയ നായകൻ സഞ്ജു സാംസൺ 29 റൺസോടെ പുറത്താകാതെ നിന്നു. ഈ ഇന്നിംഗ്സിൽ ഒരു ബൗണ്ടറിയും മൂന്ന് കൂറ്റൻ സിക്സറും ഉൾപ്പെടും. ഇവരുടെ മികവിൽ ഇന്ത്യ 31.5 ഓവറിൽ വിജയലക്ഷ്യം മറികടന്നു. സമീപകാലത്ത് ഇന്ത്യൻ സീനിയർ ടീമിലും ഏകദിന മത്സരങ്ങളിൽ ഫിനിഷ് ചെയ്യാൻ തനിക്ക് സാധിക്കും എന്ന് സഞ്ജു തെളിയിച്ചിരുന്നു.

ഇന്ത്യ ഈ വർഷം നടത്തിയ ഒട്ടുമിക്ക വിദേശപര്യടനങ്ങളിലും കണ്ടപോലെ സഞ്ജുവിന് മികച്ച രീതിയിലുള്ള ആരാധകപിന്തുണയാണ് ചെന്നൈയിലും കാണാൻ കഴിഞ്ഞത്. സഞ്ജു ബാറ്റിങ്ങിന് ഇറങ്ങിയ നേരത്ത് കാതടപ്പിക്കുന്ന ശബ്ദത്തിലാണ് അവർ തങ്ങളുടെ പ്രിയ താരത്തെ വരവേറ്റത്. നേരിട്ട മൂന്നാം പന്തിൽ തന്നെ സഞ്ജു സിക്സ് അടിച്ചതോടെ ആവേശം പതിന്മടങ്ങ് വർധിച്ചു.

ഇന്ത്യൻ ടീമിൽ സ്ഥിരമായി മത്സരങ്ങൾ സിക്സ് അടിച്ച് അവസാനിപ്പിക്കുന്ന മുൻ നായകനും ഇതിഹാസ താരവുമായ ധോണിയെപ്പോലെതന്നെ ഒരു മികച്ച സിക്സ് നേടിയാണ് സഞ്ജുവും ഇന്ന് മത്സരം പൂർത്തിയാക്കിയത്. റചിൻ രവീന്ദ്രയുടെ പന്തിൽ സഞ്ജു ലോങ് ഓണിലേക്കു സ്റ്റെപ്പൗട്ട്‌ ചെയ്ത് കൂറ്റൻ സിക്സ് നേടിയതോടെ ആരാധകർ ചാടിയെഴുന്നേറ്റ് വിജയാഘോഷം തുടങ്ങി. മൈതാനത്ത് നിന്ന് മടങ്ങുന്ന സഞ്ജുവിനെ വൻ ആർപ്പുവിളികളുമായാണ് അവർ വരവേറ്റത്.

നേരത്തെ ഇന്ത്യൻ ടീമിന്റെ ഫീൽഡിംഗ് സമയത്ത് മികച്ച രീതിയിൽ തന്നെയാണ് അദ്ദേഹം കളി നിയന്ത്രിച്ചതും. തന്റെ ബോളർമാർക്ക് കൃത്യമായ അവസരങ്ങളിൽ പന്ത് നൽകി നിർണായക വിക്കറ്റുകൾ വീഴ്ത്തി മത്സരം ഇന്ത്യയുടെ കൈപ്പിടിയിൽ ഒതുക്കി. കൂടാതെ രണ്ട് മികച്ച ക്യാച്ചുകളും സഞ്ജു എടുത്തിരുന്നു. മത്സരത്തിൽ ന്യൂസിലൻഡ് ടീമും ഇന്ത്യൻ ടീമും ഉൾപ്പെടെ എല്ലാവരെയും മൊത്തത്തിൽ നോക്കുമ്പോൾ ഏറ്റവും കൂടുതൽ സിക്സ് അടിച്ചത് സഞ്ജു ആണ് – മൂന്ന് സിക്സുകൾ.

ആഴ്ചകൾക്ക് മുമ്പ് നടന്ന ഏഷ്യ കപ്പ് ടൂർണമെന്റിലും പിന്നീട് പ്രഖ്യാപിച്ച ട്വന്റി ട്വന്റി ലോകകപ്പ് ടീമിൽ നിന്നും തഴയപ്പെട്ട സഞ്ജു സാംസൺ ഇന്ത്യൻ എ ടീം നായകൻ ആയുള്ള തന്റെ അരങ്ങേറ്റ മത്സരത്തിൽ മികച്ച വിജയവുമായി തുടങ്ങി. ചെന്നൈയിലെ എം എ ചിദംബരം സ്റ്റേഡിയത്തിൽ നടന്ന ഏകദിന മത്സരത്തിൽ ഏഴ് വിക്കറ്റിന് ആയിരുന്നു ഇന്ത്യൻ എ ടീമിന്റെ വിജയം.

നായകനായുള്ള ആദ്യ മത്സരത്തിൽ തന്നെ ടോസ് ഭാഗ്യം ലഭിച്ച സഞ്ജു ഫീൽഡിംഗ് തെരഞ്ഞെടുക്കുകയായിരുന്നു. ഇന്ത്യൻ പവർപ്ലേ ബോളർമാരായ ശർദൂൽ താക്കൂറും കുൽദീപ് സെന്നും ന്യൂസിലൻഡ് ബാറ്റർമാരെ നിലംതൊടാൻ അനുവദിച്ചില്ല. ആദ്യം 8 ഓവറിൽ 27/5 എന്ന നിലയിൽ തകർന്ന അവർ പിന്നീട് 18 ഓവറിൽ 74/8 എന്ന നിലയിലേക്ക് കൂപ്പുകുത്തി.

എങ്കിലും ഒൻപതാം വിക്കറ്റിൽ ഒത്തുചേർന്ന മൈക്കേൽ രിപ്പണും ജോ വാക്കറും ചേർന്ന കൂട്ടുകെട്ട് ന്യൂസിലൻഡ് ടീമിന് മാന്യമായ ഒരു സ്കോർ നേടിക്കൊടുത്തൂ. 49 പന്തിൽ നിന്നും മൂന്ന് ബൗണ്ടറിയും ഒരു സിക്സും അടക്കം 36 റൺസ് നേടിയ വാക്കർ റൺഔട്ട് ആകുകയും ശേഷം 104 പന്ത് നേരിട്ട രിപ്പണ് നാല് ബൗണ്ടറി അടക്കം 61 റൺസ് നേടി പത്താമനായി പുറത്താവുകയും ചെയ്തു. ടീം സ്കോർ 40.2 ഓവറിൽ 167 റൺസ്.

ശാർദൂൽ താകൂറിന് നാല് വിക്കറ്റ് ലഭിച്ചപ്പോൾ മറ്റൊരു പേസർ കുൽദീപ് സെൻ മൂന്ന് വിക്കറ്റും വീഴ്ത്തി. സ്പിന്നർ കുൽദീപ് യാദവ് ഒരു വിക്കറ്റും നേടിയപ്പോൾ രണ്ട് പേർ റൺഔട്ട് ആകുകയായിരുന്നു. മറുപടി ബാറ്റിംഗിനിറങ്ങിയ ഇന്ത്യക്ക് 17 റൺസ് എടുത്ത പൃഥ്വി ഷായെ വേഗം നഷ്ടമായി. എങ്കിലും രണ്ടാം വിക്കറ്റിൽ ഋതുരാജും ത്രിപഠിയും ചേർന്ന് 56 റൺസിന്റെ കൂട്ടുകെട്ട് സൃഷ്ടിച്ചു. 3 ബൗണ്ടറിയും 2 സിക്സും പറത്തിയ ഋതുരാജ് 41 റൺസും 4 ബൗണ്ടറി നേടിയ ത്രിപാഠി 31 റൺസും എടുത്തു പുറത്തായി.

നാലാമതായി ക്രീസിൽ എത്തിയ സഞ്ജു സാംസൺ നേരിട്ട മൂന്നാം പന്തിൽ തന്നെ സിക്സ് അടിച്ചിരുന്നു. പിന്നീട് ശ്രദ്ധാപൂർവ്വം കളിച്ച സഞ്ജു രജത് പഠിധാരിന് പിന്തുണ നൽകി. രജത് 41 പന്തിൽ ഏഴ് ബൗണ്ടറി സഹിതം 45 റൺസോടെ നിന്നപ്പോൾ സഞ്ജു ഒരു ബൗണ്ടറിയും മൂന്ന് കൂറ്റൻ സിക്സുകളും അടക്കം 29 റൺസ് നേടി പുറത്താകാതെ നിന്നു. നായകന്റെ പക്വതയോടെ കളിച്ച് ഇന്നിങ്സ് ബിൽഡ് ചെയ്ത ശേഷം അവസാനം ആഞ്ഞടിച്ച് ഇന്ത്യയെ വിജയത്തിൽ എത്തിക്കുകയായിരുന്നു സഞ്ജു. രചിൻ രവീന്ദ്ര എറിഞ്ഞ പന്തിൽ ലോങ് ഓണിലേക്ക് സിക്സ് പായിച്ചാണ് സഞ്ജു മത്സരം പൂർത്തിയാക്കിയത്. വേർപിരിയാത്ത നാലാം വിക്കറ്റിൽ ഇരുവരും ചേർന്ന് 69 പന്തിൽ 69 റൺസ് ആണ് നേടിയത്.

സഞ്ജു സാംസൺ ബാറ്റിങ്ങിന് ഇറങ്ങിയ സമയത്ത് സ്റ്റേഡിയത്തിൽ വൻ ഹർഷാരവവും ആർപ്പുവിളികളുമാണ് മുഴങ്ങിക്കേട്ടത്. യഥാർത്ഥത്തിൽ മത്സരത്തിന് കാണികളെ അനുവദിച്ചിരുന്നില്ല. എങ്കിലും ഗാലറിയുടെ ഒരു ഭാഗത്ത് ഒരു കൂട്ടം ആരാധകർ കയറിക്കൂടിയിരുന്നു. സഞ്ജു ബാറ്റും പിടിച്ച് ഗ്രൗണ്ടിലേക്ക് ഇറങ്ങിയതും അതുവരെ ഇല്ലാതിരുന്ന തരത്തിൽ ഉള്ള ആവേശമായിരുന്നു കാണികളിൽ കാണാൻ കഴിഞ്ഞത്.

അവർക്കുള്ള മറുപടി എന്നൊണ്ണം നേരിട്ട മൂന്നാം പന്തിൽ തന്നെ സിക്സ് പായിച്ച് സഞ്ജു കൂടുതൽ ആവേശം വിതറി. മത്സരം അവസാനിച്ചതും സഞ്ജുവിന്റെ ഒരു കൂറ്റൻ സിക്സിലൂടെ തന്നെ. ഇതിനുമുൻപ് ഇന്ത്യൻ ടീമിന്റെ ഭാഗമായി വിദേശ പര്യടനം നടത്തുന്ന സമയത്തും സഞ്ജുവിന് മികച്ച രീതിയിലുള്ള ആരാധകപിന്തുണയാണ് എല്ലായിടത്തും കണ്ടത്. ഈ ദൃശ്യങ്ങൾ എല്ലാം സമൂഹമാധ്യമങ്ങളിൽ വൻ തരംഗമായി മാറിയിരുന്നു.

തകർപ്പൻ സെഞ്ചുറി പ്രകടനത്തിനു പിന്നാലെ ഫീൽഡിംഗിൽ മികച്ച റൺ ഔട്ടുമായി തിളങ്ങി ഇന്ത്യൻ നായിക ഹർമൻപ്രീത് കൗർ. 334 റൺസ് എന്ന കൂറ്റൻ വിജയലക്ഷ്യം പിന്തുടരുന്ന ഇംഗ്ലണ്ട് ടീമിന്റെ ഒന്നാം നമ്പർ താരം, അപകടകാരിയായ ഓപ്പണർ ടാമി ബ്യുമൊണ്ടിനെ ആണ് മികച്ചൊരു ബുള്ളറ്റ് ത്രോയിലൂടെ കൗർ പുറത്താക്കിയത്.

ജുലൻ ഗോസ്വാമി എറിഞ്ഞ ആദ്യ ഓവറിൽ തന്നെ ഒരു പുൾ ഷോട്ട് ബൗണ്ടറി അവർ നേടിയിരുന്നു. രേണുക സിംഗ് എറിഞ്ഞ രണ്ടാം ഓവറിന്റെ അഞ്ചാം പന്തിലാണ് ആ റൺ ഔട്ട് പിറന്നത്. മിഡ് ഓണിലെക്ക്‌ പന്ത് തട്ടിയിട്ട ശേഷം ഇല്ലാത്ത ഒരു റണ്ണിനായി ഓടുകയായിരുന്നു അവർ. നല്ല വേഗത്തിൽ ബോളിങ് എൻഡിൽ ഓടിയെത്തി എങ്കിലും അപ്പോഴേക്കും പന്ത് വിക്കറ്റിനെ ചുംബിച്ചിരുന്നു.

മിഡ് ഓണിൽ ഫീൽഡ് ചെയ്യുകയായിരുന്ന ഹർമൻ തനിക്ക് നേരെ വന്ന പന്തിലേക്ക്‌ കൃത്യമായി കൈകൾ ചലിപ്പിക്കുകയും, ഒരു നിമിഷം പോലും പാഴാക്കാതെ പന്തെടുത്ത് നേരെ സ്റ്റമ്പിലേക്ക്‌ ഒരു വെടിയുണ്ട കണക്കെയുള്ള ത്രോ ഏറിയുകയുമായിരുന്നു. ഇന്ന് ഇനി എന്താണ് ഹർമന് ചെയ്യാൻ സാധിക്കാത്തതായിട്ടുള്ളളത്!

തന്റെ കരിയറിലെ അഞ്ചാം ഏകദിന സെഞ്ചുറി നേട്ടമാണ് ഇന്ന് ഹർമൻ സ്വന്തമാക്കിയത്. 111 പന്ത് നേരിട്ട അവർ 18 ബൗണ്ടറികളുടെയും 4 കൂറ്റൻ സിക്സിന്റെയും അകമ്പടിയോടെയാണ് പുറത്താകാതെ 143 റൺസ് നേടിയത്. ഹർമൻ താണ്ഡവത്തിൽ ആറാടിയ ടീം ഇന്ത്യ അവസാന മൂന്ന് ഓവറുകളിൽ നിന്ന് അടിച്ച് കൂട്ടിയത് 63 റൺസ് ആയിരുന്നു.

നേരത്തെ ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ ഇന്ത്യക്ക് 8 റൺസ് എടുത്ത ശേഫാലി വർമയെ തുടക്കത്തിലേ നഷ്ടമായി. യാസ്ഥിക ഭാട്യ 26 റൺസും സ്മൃതി മൻതാന 40 റൺസും എടുത്തു. പിന്നീട് വന്ന ഹർലീൻ ഡിയോളിനെ കൂട്ട് പിടിച്ചാണ് ഹർമൻപ്രീത് കൗർ സ്കോർ ഉയർത്തിയത്. നാൽപതാം ഓവറിൽ 58 റൺസ് എടുത്ത് ഡിയോൾ പുറത്താകുമ്പോൾ ഇരുവരും ചേർന്ന് 113 റൺസിന്റെ കൂട്ടുകെട്ട് സൃഷ്ടിച്ചിരുന്നു.

പിന്നീട് വന്ന പൂജ വസ്ത്രാക്കരിന്റെ കൂടെ 50 റൺസിന്റെ കൂട്ടുകെട്ടിലും ഹർമൻ പങ്കാളിയായി. വേർപിരിയാത്ത ആറാം വിക്കറ്റിൽ ഇന്നിങ്സിന്റെ അവസാന 24 പന്തുകളിൽ നിന്നും 71 റൺസ് ആണ് ഹർമനും ദീപ്തി ശർമയും ചേർന്ന് നേടിയത്. അതിൽ ദീപ്തിയുടെ സംഭാവന വെറും 15 റൺസും. ഇംഗ്ലണ്ട് ഈ സ്കോർ പിന്തുടർന്ന് വിജയിക്കുകയാണ് എങ്കിൽ അത് വനിതാ ഏകദിന ക്രിക്കറ്റ് ചരിത്രത്തിലെ ഏറ്റവും ഉയർന്ന റൺ ചെയ്സ് ആകും. 2012ൽ ന്യൂസിലൻഡിന് എതിരെ 288 റൺസ് പിന്തുടർന്ന് ജയിച്ച ഓസ്ട്രേലിയൻ ടീമിന്റെ പേരിലാണ് ആ റെക്കോർഡ്.

അപകടകാരിയായ ടാമി ബ്യുമൊണ്ടിനെ ബുള്ളറ്റ് ത്രോയിലൂടെ പുറത്താക്കി കൗർ :വീഡിയോ.

ഇന്ത്യയും ഓസ്ട്രേലിയയും തമ്മിലുള്ള ട്വന്റി-20 പരമ്പരയിലെ ആദ്യ മത്സരത്തിൽ ഓസ്ട്രേലിയക്ക്‌ 4 വിക്കറ്റിന്റെ ജയം, ആദ്യം ബാറ്റ് ചെയ്ത ഇന്ത്യക്ക് അർധ സെഞ്ച്വറി നേടിയ കെ.എൽ രാഹുലിന്റെയും(55) അവസാന ഓവറുകളിൽ വെടിക്കെട്ട് ബാറ്റിങ്ങ് പ്രകടനം നടത്തിയ ഹാർദിക്ക് പാണ്ഡ്യയുടെയും (71*) ഇന്നിംഗ്സ് മികവിൽ നിശ്ചിത 20 ഓവറിൽ 208/6 എന്ന കൂറ്റൻ ടോട്ടൽ നേടാനായി. പക്ഷെ ബോളിങ്ങിലും ഫീൽഡിങ്ങിലും ഇന്ത്യ തീർത്തും പരാജയം ആയപ്പോൾ മത്സരം ഇന്ത്യയുടെ കൈയിൽ നിന്നും വഴുതി മാറി.

മത്സരത്തിൽ ടോസ് നേടിയ ഓസീസ് ക്യാപ്റ്റൻ ആരോൺ ഫിഞ്ച് ഇന്ത്യയെ ബാറ്റിംഗിനയച്ചു, ഇന്ത്യക്ക് തുടക്കത്തിൽ തന്നെ നായകൻ രോഹിത് ശർമയെ നഷ്ടമായി, മൂന്നാം ഓവറിൽ ഹേസിൽവുഡിന്റെ ബോളിൽ നതാൻ ഇല്ലിസ് പിടിച്ച് പുറത്താവുകയായിരുന്നു, 11 റൺസ് ആയിരുന്നു രോഹിത്തിന്റെ സമ്പാദ്യം, രോഹിത്തിന് പുറമെ വിരാട് കോഹ്ലിയും നിരാശപ്പെടുത്തി, നതാൻ ഇല്ലിസിന്റെ അപകടകരമല്ലാത്ത ഒരു ബോൾ അനാവശ്യ ഷോട്ടിന് ശ്രമിച്ച് കോഹ്ലിയും (2) പെട്ടന്ന് പുറത്തായി.

രാഹുലിനൊപ്പം സൂര്യകുമാർ യാദവ് ക്രീസിൽ ഒന്നിച്ചതോടെ ഇന്ത്യൻ സ്കോർബോർഡ് വേഗത്തിൽ ചലിക്കാൻ തുടങ്ങി, ഇരുവരും ചേർന്ന് മൂന്നാം വിക്കറ്റിൽ 68 റൺസ് കൂട്ട്കെട്ട് ഉണ്ടാക്കി ഇന്ത്യയെ മുന്നോട്ട് നയിച്ചു, തുടക്കത്തിൽ തന്നെ ആക്രമിച്ച് കളിച്ച് ഓസ്ട്രേലിയൻ ബോളർമാരെ സമ്മർദ്ദത്തിലാക്കാൻ സൂര്യകുമാറിന് സാധിച്ചു, പിന്നീട് ഹാർദിക്ക് ക്രീസിലെത്തിയതോടെ ഇന്ത്യൻ ഇന്നിങ്ങ്സ് റോക്കറ്റ് വേഗത്തിൽ കുതിച്ചു, വെറും 30 പന്തിൽ ആണ് 7 ഫോറും 5 സിക്സും അടക്കം ഹാർദിക്ക് പുറത്താകാതെ 71* റൺസ് അടിച്ചെടുത്തത്.

മറുപടി ബാറ്റിങ്ങിനിറങ്ങിയ ഇന്ത്യക്ക് അതേ നാണയത്തിൽ മറുപടി കൊടുത്തത് ഓസ്‌ട്രേലിയൻ ഓപ്പണർ കാമറൂൺ ഗ്രീൻ ആണ് തുടക്കത്തിൽ തന്നെ ഇന്ത്യൻ ബോളർമാരെ കടന്നാക്രമിച്ച ഗ്രീൻ ഗ്രൗണ്ടിന്റെ നാനാ ഭാഗത്തേക്കും ബൗണ്ടറികൾ പായിച്ച് എടുക്കാനുള്ള റൺ റേറ്റ് വരുതിയിൽ നിർത്തി, മറുവശത്ത് ഗ്രീനിന് പിന്തുണയുമായി സ്റ്റീവൻ സ്മിത്തും(35) ഉണ്ടായിരുന്നു, അവസാന ഓവറുകളിൽ 21 ബോളിൽ 45* റൺസുമായി മാത്യു വെയ്ഡ് കളം നിറഞ്ഞാടിയപ്പോൾ മത്സരം ആസ്‌ട്രേലിയയുടെ വരുതിയിലായി.

200 ന് മുകളിൽ റൺസ് നേടിയിട്ടും ഇന്ത്യക്ക് ജയിക്കാൻ കഴിയാതെ പോയതിന് പ്രധാന കാരണം ബോളർമാരുടെ കഴിവില്ലായ്മായും നിർണായക ക്യാച്ചുകൾ ഇന്ത്യൻ ഫീൽഡർമാർ പാഴാക്കിയതും ആണ്, അക്സർ പട്ടേൽ, കെ.എൽ രാഹുൽ, ഹർഷൽ പട്ടേൽ എന്നിവർ ഓരോ ക്യാച്ച് വീതം നിലത്തിട്ടു, 5 ആം ഓവറിൽ വിക്കറ്റിന് മുന്നിൽ കുടുങ്ങിയ ഗ്രീനിനെതിരെ അപ്പീൽ പോലും ചെയ്യാതെ മത്സരത്തിലേക്ക് തിരിച്ച് വരാനുള്ള അവസരം കളഞ്ഞു കുളിച്ചു,

ഈ ടീമിനെയും കൊണ്ടാണ് ഓസ്ട്രേലിയയിൽ ട്വന്റി-20 വേൾഡ് കപ്പിന് പോകുന്നതെങ്കിൽ പെട്ടന്ന് തന്നെ നാട്ടിൽ തിരിച്ചെത്താം എന്നാണ് ആരാധകർ അഭിപ്രായപ്പെടുന്നത്, ബോളിങ്ങിലും ഫീൽഡിങ്ങിലും പരാജയം ആണെങ്കിൽ എത്ര വലിയ സ്കോർ നേടിയിട്ടും കാര്യമില്ല എന്നതിന്റെ ഉത്തമ ഉദാഹരണമാണ് ഇന്നലത്തെ മത്സരം.

ഇന്ത്യയും ഓസ്ട്രേലിയയും തമ്മിലുള്ള ട്വന്റി-20 പരമ്പരയിലെ ആദ്യ മത്സരത്തിൽ ഇന്ത്യക്ക് 4 വിക്കറ്റിന്റെ പരാജയം, ആദ്യം ബാറ്റ് ചെയ്ത ഇന്ത്യക്ക് അർധ സെഞ്ച്വറി നേടിയ കെ.എൽ രാഹുലിന്റെയും(55) 46 റൺസ് എടുത്ത സൂര്യകുമാറിന്റെയും, അവസാന ഓവറുകളിൽ വെടിക്കെട്ട് ബാറ്റിങ്ങ് പ്രകടനം നടത്തിയ ഹാർദിക്ക് പാണ്ഡ്യയുടെയും (71*) ഇന്നിംഗ്സ് മികവിൽ നിശ്ചിത 20 ഓവറിൽ 208/6 എന്ന കൂറ്റൻ ടോട്ടൽ നേടാനായി.

ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യക്ക് തുടക്കത്തിൽ തന്നെ നായകൻ രോഹിത് ശർമയെ നഷ്ടമായി, മൂന്നാം ഓവറിൽ ഹേസിൽവുഡിന്റെ ബോളിൽ നതാൻ ഇല്ലിസ് പിടിച്ച് പുറത്താവുകയായിരുന്നു, 11 റൺസ് ആയിരുന്നു രോഹിത്തിന്റെ സമ്പാദ്യം, മറുവശത്ത് കെ. എൽ രാഹുൽ മികച്ച രീതിയിൽ ബാറ്റ് ചെയ്തപ്പോൾ ഇന്ത്യൻ സ്കോർബോർഡ്‌ ചലിച്ച് കൊണ്ടിരുന്നു, രോഹിത്തിന് പുറമെ വിരാട് കോഹ്ലിയും ഇന്നത്തെ മത്സരത്തിൽ നിരാശപ്പെടുത്തി, നതാൻ ഇല്ലിസിന്റെ അപകടകരമല്ലാത്ത ഒരു ബോൾ അനാവശ്യ ഷോട്ടിന് ശ്രമിച്ച് കോഹ്ലിയും (2) പെട്ടന്ന് പുറത്തായി.

രാഹുലിനൊപ്പം സൂര്യകുമാർ യാദവ് ക്രീസിൽ ഒന്നിച്ചതോടെ ഇന്ത്യൻ സ്കോർബോർഡ് വേഗത്തിൽ ചലിക്കാൻ തുടങ്ങി, ഇരുവരും ചേർന്ന് മൂന്നാം വിക്കറ്റിൽ 68 റൺസ് കൂട്ട്കെട്ട് ഉണ്ടാക്കി ഇന്ത്യയെ മുന്നോട്ട് നയിച്ചു, തുടക്കത്തിൽ തന്നെ ആക്രമിച്ച് കളിച്ച് ഓസ്ട്രേലിയൻ ബോളർമാരെ സമ്മർദ്ദത്തിലാക്കാൻ സൂര്യകുമാറിന് സാധിച്ചു, പിന്നീട് ഹാർദിക്ക് ക്രീസിലെത്തിയതോടെ ഇന്ത്യൻ ഇന്നിങ്ങ്സ് റോക്കറ്റ് വേഗത്തിൽ കുതിച്ചു, വെറും 30 പന്തിൽ ആണ് 7 ഫോറും 5 സിക്സും അടക്കം ഹാർദിക്ക് പുറത്താകാതെ 71* റൺസ് അടിച്ചെടുത്തത്.

മറുപടി ബാറ്റിങ്ങിനിറങ്ങിയ ഇന്ത്യക്ക് അതേ നാണയത്തിൽ മറുപടി കൊടുത്തത് ഓസ്‌ട്രേലിയൻ ഓപ്പണർ കാമറൂൺ ഗ്രീൻ ആണ് തുടക്കത്തിൽ തന്നെ ഇന്ത്യൻ ബോളർമാരെ കടന്നാക്രമിച്ച ഗ്രീൻ ഗ്രൗണ്ടിന്റെ നാനാ ഭാഗത്തേക്കും ബൗണ്ടറികൾ പായിച്ച് എടുക്കാനുള്ള റൺ റേറ്റ് വരുതിയിൽ നിർത്തി, 5 ആം ഓവറിൽ ചഹലിന്റെ ബോൾ സ്വീപ് ചെയ്യാനുള്ള ഗ്രീനിന്റെ ശ്രമം പരാജയപ്പെട്ട് ബോൾ പാഡിൽ പതിച്ചിരുന്നു,

എന്നാൽ ബോളറോ വിക്കറ്റ് കീപ്പറോ ആരും തന്നെ വിക്കറ്റിനായി അപ്പീൽ പോലും ചെയ്തിരുന്നില്ല, എന്നാൽ റീപ്ലേയിൽ അത് ഔട്ട്‌ ആണെന്ന് വ്യക്തമായിരുന്നു, പിന്നീട് 61 റൺസ് നേടിയ ഗ്രീനിനെ 10 ആം ഓവറിൽ അക്സർ പട്ടേൽ ആണ് വീഴ്ത്തിയത്, കിട്ടിയ വിക്കറ്റ് അപ്പീൽ പോലും ചെയ്യാതെ നഷ്ടപ്പെടുത്തിയതിന് ഇന്ത്യക്ക് മത്സരത്തിൽ വലിയ വില നൽകേണ്ടി വന്നു.

റോഡ് സേഫ്റ്റി സീരീസിലെ ഇന്ത്യൻ ലെജന്ഡ്സും ന്യൂസിലാൻഡ് ലെജന്ഡ്സും തമ്മിൽ ഇന്നലെ നടന്ന മൽസരം മഴ കാരണം ഉപേക്ഷിക്കുകയായിരുന്നു, വെറും 6 ഓവർ മാത്രമാണ് മത്സരം നടന്നത്, ഇൻഡോറിലെ ഹോൾക്കർ ക്രിക്കറ്റ്‌ സ്റ്റേഡിയത്തിലാണ് മത്സരം നടന്നത്, ടോസ് നേടിയ ന്യൂസിലാൻഡ് ക്യാപ്റ്റൻ റോസ്സ് ടെയ്ലർ ഇന്ത്യയെ ബാറ്റിങ്ങിന് അയക്കുകയായിരുന്നു, ഇന്ത്യക്കായി വിക്കറ്റ് കീപ്പർ നമൻ ഓജയും സച്ചിൻ ടെണ്ടുൽക്കറുമാണ് ഇന്നിങ്സ് ഓപ്പൺ ചെയ്തത്.

മഴ കാരണം കളി മുടങ്ങിയത് കാണികളെ നിരാശപ്പെടുത്തിയെങ്കിലും, ക്രിക്കറ്റ് ദൈവം സച്ചിന്റെ മനോഹരമായ ഷോട്ടുകൾ കൺ കുളിർക്കെ കാണാൻ കാണികൾക്ക് സാധിച്ചു, 49 ആം വയസ്സിലും എങ്ങനെ ഇത്ര പൂർണതയോടെ ഓരോ ഷോട്ടും കളിക്കാൻ സാധിക്കുന്നു എന്നതാണ് ക്രിക്കറ്റ്‌ പ്രേമികൾ ആശ്ചര്യത്തോടെ ചോദിക്കുന്നത്, 13 പന്തുകളിൽ നിന്ന് 4 ഫോറുകൾ ഉൾപ്പടെ 19* റൺസാണ് സച്ചിൻ അടിച്ചെടുത്തത്.

1983 എന്ന മലയാളം സിനിമയിൽ ജോജു ജോർജ് അവതരിപ്പിച്ച കഥാപാത്രം സച്ചിനെ വിമർശിച്ചപ്പോൾ അതിന് മറുപടിയായി അനൂപ് മേനോൻ അവതരിപ്പിച്ച വിജയ് എന്ന കഥാപാത്രം പറയുന്ന ഡയലോഗ് ഉണ്ട്   “സച്ചിൻ 70 ആം വയസ്സിൽ കളിക്കാൻ പോകുന്ന സ്ട്രൈയിറ്റ് ഡ്രൈവ്  നീ നിന്റെ ആയ കാലത്ത് കളിച്ചിട്ടുണ്ടോ” എന്ന്, പ്രായം എന്നത് വെറും നമ്പർ മാത്രമാണ് സച്ചിനെ സംബന്ധിച്ചിടത്തോളം എന്ന് തെളിയിക്കുകയാണ് താരം, ഇനിയൊരു 10 വർഷം കഴിഞ്ഞാലും ആ ബാറ്റിൽ നിന്നും ഇനിയും ഇതേ പോലെ മനോഹര ഷോട്ടുകൾ പിറക്കും, അന്നും ഇന്നും എന്നും ക്രിക്കറ്റിലെ ഒരേയൊരു രാജാവ് സച്ചിൻ മാത്രം.
Written By: അഖിൽ. വി.പി വള്ളിക്കാട്.

ഇന്ത്യൻ മഹാരാജാസും വേൾഡ് ജയന്റ്സും തമ്മിലുള്ള ട്വന്റി-20 മത്സരത്തിൽ ഇന്ത്യൻ മഹാരാജാസിനു 6 വിക്കറ്റ് വിജയം, ടോസ് നേടിയ വേൾഡ് ജയന്റ്സ് ക്യാപ്റ്റൻ ജാക്വസ് കല്ലിസ് ബാറ്റിംഗ് തിരഞ്ഞെടുക്കുകയായിരുന്നു, ഹർഭജൻ സിംഗ് ആണ് ഇന്ത്യൻ മഹാരാജാസിനെ നയിച്ചത്, അയർലൻഡിന്റെ കെവിൻ ഒബ്രിയാനും സിബാബ് വെൻ താരം ഹാമിൾട്ടൺ മസകാഡ്സയും ആണ് വേൾഡ് ജയന്റ്സിനായി ഓപ്പണർമാരായി ഇറങ്ങിയത്, ഇരുവരും ടീമിനായി മികച്ച പ്രകടനം കാഴ്ച വെച്ചു, ഒന്നാം വിക്കറ്റിൽ ഇരുവരും ചേർന്ന് 50 റൺസിന്റെ കൂട്ട് കെട്ട് ഉണ്ടാക്കി, 52 റൺസെടുത്ത കെവിൻ ഒബ്രിയാന്റെ ഇന്നിങ്ങ്സാണ് വേൾഡ് ജയന്റസിന് മികച്ച തുടക്കം സമ്മാനിച്ചത്.

മസകാഡ്സയെ വീഴ്ത്തി പങ്കജ് സിംഗ് ഇന്ത്യക്കായി ആദ്യ വിക്കറ്റ് സമ്മാനിച്ചു, പിന്നാലെ ജോഗിന്ദർ ശർമ മികച്ച രീതിയിൽ കളിച്ച് കൊണ്ടിരുന്ന കെവിൻ ഒബ്രിയാനെയും വീഴ്ത്തി ഇന്ത്യയെ മൽസരത്തിലേക്ക് തിരിച്ച് കൊണ്ട് വന്നു, അവസാന ഓവറുകളിൽ തകർത്തടിച്ച് ദിനേശ് രാംദിൻ (42) വേൾഡ് ജയന്റ്സിനെ 170/8 എന്ന മികച്ച സ്കോറിൽ എത്തിച്ചു, ശ്രീശാന്ത് മത്സരത്തിൽ തീർത്തും നിരാശപ്പെടുത്തി, 3 ഓവറിൽ 42 റൺസ് ആണ് താരം വഴങ്ങിയത്.

മറുപടി ബാറ്റിംഗിനിറങ്ങിയ ഇന്ത്യൻ മഹാരാജാസിന് തുടക്കത്തിൽ തന്നെ സേവാഗിനെയും (4) പാർഥിവ് പട്ടേലിനെയും (18) നഷ്ടമായി, എന്നാൽ തൻമയ് ശ്രീവാസ്ഥവ മികച്ച രീതിയിൽ ബാറ്റ് വീശിയപ്പോൾ ഇന്ത്യ മുന്നേറി, 39 ബോളിൽ 8 ഫോറും 1 സിക്സും അടക്കമാണ് താരം 54 റൺസ് നേടിയത്, പിന്നീട് യൂസഫ് പത്താനും (50*) തന്റെ സ്വതസിദ്ധമായ ശൈലിയിൽ ആക്രമിച്ച് കളിച്ചതോടെ 8 പന്തുകൾ ശേഷിക്കെ ഇന്ത്യ വിജയത്തിലേക്ക് കുതിച്ചു.

വലിയ സ്കോറിലേക്ക് പോവുകയായിരുന്ന വേൾഡ് ജയന്റസിന്റെ ഇന്നിങ്സിനു കൂച്ചു വിലങ്ങിട്ടത് 4 ഓവറിൽ ഒരു മെയിഡിൻ ഓവർ ഉൾപ്പടെ വെറും 26 റൺസ് മാത്രം വഴങ്ങി 5 വിക്കറ്റുകൾ വീഴ്ത്തിയ ഇന്ത്യയുടെ പങ്കജ് സിംഗിന്റെ ബോളിംഗ് മികവാണ്, ഹാമിൾട്ടൺ മസകാഡ്സ, തൈബു, കലുവിതരണ, ബ്രെസ്നൻ, ഡാനിയൽ വെട്ടോറി, എന്നിവരെയാണ് പങ്കജ് വീഴ്ത്തിയത്, ഇതിൽ 20ആം ഓവർ ട്രിപ്പിൾ വിക്കറ്റ് മെയിഡിൻ ആക്കി എന്ന സവിശേഷതയും ഉണ്ട്, കളിയിലെ താരമായും പങ്കജ് സിങ്ങിനെ തിരഞ്ഞെടുത്തു.

Written by : അഖിൽ വി.പി വള്ളിക്കാട്.