Category: Latest News

പാകിസ്ഥാനും – ബംഗ്ലദേശും തമ്മിലുള്ള വാശിയേറിയ പോരാട്ടത്തിൽ ചില നാടകീയ രംഗങ്ങളും അരങ്ങേറിയിട്ടുണ്ട്. അമ്പയർ റിവ്യു നിഷേധിച്ചതാണ് ഒടുവിൽ നടന്ന ചൂടൻ സംഭവം. 12ആം ഓവറിലാണ് അരങ്ങേറിയത്. ഹൊസൈൻ എറിഞ്ഞ പന്ത് നവാസിന്റെ പാഡിൽ കൊള്ളുകയായിരുന്നു. ഉടനെ ബംഗ്ലാദേശ് താരങ്ങൾ അപ്പീൽ തുടങ്ങി. ഇതിനിടെ സിംഗിളിനായി നവാസ് ക്രീസ് വിടുകയും ചെയ്തു. ഇതോടെ റൺഔട്ടിനായുള്ള അവസരം കൂടി ലഭിച്ചു. എന്നാൽ നേരിട്ട് ത്രോ ചെയ്‌തെങ്കിലും ബംഗ്ലാദേശ് താരത്തിന്റെ ഉന്നം പിഴച്ചു.

മറുവശത്ത് ഉണ്ടായിരുന്ന താരത്തിനും പന്ത് കൈപിടിയിൽ ഒതുക്കാൻ കഴിയാത്തതോടെ 4 റൺസ് വഴങ്ങേണ്ടി വന്നു. ഈ നാടകീയതയ്ക്ക് പിന്നാലെ റിവ്യു നൽകണോയെന്ന ചോദ്യവുമായി ക്യാപ്റ്റൻ ശാഖിബ് രംഗത്തെത്തി. വിക്കറ്റ് കീപ്പറോടും ബൗളറോടും അഭിപ്രായം ചോദിക്കുന്നതിനിടെ റിവ്യൂവിന് അനുവദിച്ച 15 സെക്കന്റ് കഴിഞ്ഞിരുന്നു.

എന്നാൽ ഇതൊന്നും അറിയാതെ ശാഖിബ് റിവ്യു നൽകി. അമ്പയർ നിരസിച്ചു. ഇത് തർക്കത്തിന് വഴിവെക്കുകയും ചെയ്തു. അതൃപ്തിയിൽ ഉണ്ടായിരുന്ന ശാഖിബ് ക്യാപ് വലിച്ചെറിഞ്ഞാണ് ദേഷ്യം തീർത്തത്. ഏതായാലും പിന്നീടുള്ള പരിശോധനയിൽ എൽബിഡബ്ല്യൂ ഔട്ട് അല്ലെന്ന് വ്യക്തമായിട്ടുണ്ട്.

അതേസമയം ജയത്തോടെ പാകിസ്ഥാൻ സെമിഫൈനലിൽ പ്രവേശിച്ചിരിക്കുകയാണ്. 128 വിജയലക്ഷ്യവുമായി ചെയ്‌സിങ്ങിന് ഇറങ്ങിയ പാകിസ്ഥാൻ 11 പന്തുകൾ ശേഷിക്കെ 5 വിക്കറ്റ് നഷ്ട്ടത്തിൽ മറികടന്നു. 18 പന്തിൽ 31 റൺസ് നേടിയ ഹാരിസ് മികച്ച പ്രകടനം പുറത്തെടുത്തു. 4 ഓവറിൽ 22 റൺസ് വഴങ്ങി 4 വിക്കറ്റ് വീഴ്ത്തിയ ഷഹീൻ അഫ്രീദിയാണ് പ്ലെയർ ഓഫ് ദി മാച്ച്.

വീഡിയോ കാണാം:

ഇങ്ങനെയൊരു ട്വിസ്റ്റ് ആരാധകർ തീരെ പ്രതീക്ഷിച്ച് കാണില്ല. ഗ്രൂപ്പ് 2ൽ നിന്ന് ആദ്യം സെമി ഫൈനലിൽ കയറുന്ന ടീമായിരിക്കും സൗത്താഫ്രിക്കയെന്ന് പ്രതീക്ഷിച്ച ഇടത്താണ് മുട്ടൻ പണിയുമായി നെതർലാൻഡ് എത്തിയത്. വിജയിച്ചാൽ സെമിഫൈനൽ ഉറപ്പിക്കാം എന്ന മത്സരത്തിലാണ് സൗത്താഫ്രിക്ക 13 റൺസിന് തോൽവി ഏറ്റുവാങ്ങിയത്.

ടോസ് നേടിയ സൗത്താഫ്രിക്ക നിർണായക മത്സരത്തിൽ നെതർലൻഡിനെ ബാറ്റിങിന് അയച്ചു. 20 ഓവറിൽ 4 വിക്കറ്റ് നഷ്ട്ടത്തിൽ നെതർലാൻഡ് 158 റൺസാണ് അടിച്ചു കൂട്ടിയത്. ചെയ്‌സിങ്ങിന് ഇറങ്ങിയ സൗത്താഫ്രിക്കയ്ക്ക് തകർപ്പൻ ഫോമിലുള്ള ഡികോകിനെ (13 പന്തിൽ 13) മൂന്നാം ഓവറിലെ നാലാം പന്തിൽ തന്നെ നഷ്ട്ടമായിരുന്നു.

പിന്നാലെ 6ആം ഓവറിലെ അവസാന പന്തിൽ ക്യാപ്റ്റൻ ബാവുമയും പുറത്തായി. 20 പന്തിൽ 20 റൺസ് നേടിയ ബാവുമ ഇത്തവണയും നിരാശപ്പെടുത്തി. ഫോമിലുള്ള റൂസ്സോയെ 25 റൺസിലും മർക്രമിനെ 17 റൺസിലും വീഴ്ത്തി നെതർലാൻഡ് സൗത്താഫ്രിക്കയെ സമ്മർദ്ദത്തിലാക്കി.

അവസാന 5 ഓവറിൽ 44 റൺസായിരുന്നു ജയിക്കാൻ വേണ്ടിയിരുന്നത്. അപ്പോഴേക്കും 6 വിക്കറ്റ് നഷ്ട്ടമായിരുന്നു.
സൗത്താഫ്രിക്കയ്ക്ക് പ്രതീക്ഷ നൽകി ക്ലാസൻ ക്രീസിൽ ഉണ്ടായിരുന്നു. 18ആം ഓവറിലെ മൂന്നാം പന്തിൽ ക്ലാസനെയും പുറത്താക്കി നെതർലാൻഡ് മുന്നേറ്റം നേടി. അവസാന ഓവറിൽ 26 റൺസ് വേണമെന്നപ്പോൾ 12 റൺസ് മാത്രമാണ് നേടാനായത്.

ഇതോടെ സൗത്താഫ്രിക്ക ടി20 ലോകക്കപ്പിൽ നിന്ന് പുറത്തായി. ഈ ലോകക്കപ്പിലും മഴ സൗത്താഫ്രിക്കയ്ക്ക് വില്ലനായി നിസംശയം പറയാം. സിംബാബ്‌വെയ്ക്കെതിരായ മത്സരത്തിൽ ജയത്തിനരികെ മഴകാരണം മത്സരം നിർത്തിവെച്ച് ഒരു പോയിന്റ് മാത്രമാണ് നേടിയത്.
ഇപ്പൊൾ നടന്നുകൊണ്ടിരിക്കുന്ന പാകിസ്ഥാൻ-ബംഗ്ലാദേശ് മത്സരത്തിൽ ജയിക്കുന്ന ടീമിന് സെമിഫൈനലിൽ കയറാം. അതേസമയം ഇന്ത്യ സെമിഫൈനൽ ഉറപ്പിച്ചു.

ട്വന്റി-20 ലോകകപ്പിൽ ബംഗ്ലാദേശിനെതിരായ മത്സരത്തിൽ ഡക്ക് വർത്ത്- ലൂയിസ് നിയമ പ്രകാരം ഇന്ത്യക്ക് 5 റൺസ് വിജയം, മത്സര ശേഷം ഓരോ യുക്തിരഹിതമായ ആരോപണങ്ങളുമായി വന്നിരിക്കുകയാണ് ബംഗ്ലാദേശ് ആരാധകരും പാകിസ്താൻ ആരാധകരും മഴ പെയ്ത് ഔട്ട്‌ ഫീൽഡ് നനഞ്ഞു കുതിർന്നിട്ടും ഇന്ത്യയെ സഹായിക്കാനായി അമ്പയർമാർ മത്സരം പുനരാരംഭിക്കാൻ തീരുമാനിച്ചു എന്നതാണ് ഏറ്റവും വലിയ ആരോപണം, മഴ പെയ്ത് കളി നിർത്തുമ്പോൾ ഡക്ക് വർത്ത് ലൂയിസ് നിയമ പ്രകാരം ഇന്ത്യ പിന്നിലായിരുന്നു, എന്നാൽ ഇങ്ങനെയുള്ള അവസരങ്ങളിൽ ഏറ്റവും ബുദ്ധിമുട്ട് ഫീൽഡ് ചെയ്യുന്ന ടീമിനാണ് കാരണം ബോളർമാർക്കും ഫീൽഡർമാർക്കും ബോൾ ഗ്രിപ് ചെയ്യാൻ വളരെ ബുദ്ധിമുട്ടായിരിക്കും ഇത്തരം നനഞ്ഞ ഔട്ട്‌ ഫീൽഡിൽ, അത് കൊണ്ട് തന്നെ മത്സരം തോറ്റതിന് ഇത്തരം കാര്യങ്ങളിൽ പഴി ചാരുന്ന ആരാധകക്കൂട്ടങ്ങളോട് ഒന്നേ പറയാനുള്ളൂ, “ഇനി കാവിലെ പാട്ട് മത്സരത്തിന് കാണാം”

മത്സരത്തിൽ ടോസ് നേടിയ ബംഗ്ലാദേശ് ക്യാപ്റ്റൻ ഷക്കിബുൾ ഹസൻ ഇന്ത്യയെ ബാറ്റിംഗിന് അയക്കുകയായിരുന്നു, ഓരോ മാറ്റങ്ങളുമായാണ് ഇരു ടീമുകളും കളത്തിലിറങ്ങിയത് ഇന്ത്യൻ നിരയിൽ ദീപക് ഹൂഡയ്ക്ക് പകരം അക്സർ പട്ടേൽ തിരിച്ചെത്തിയപ്പോൾ ബംഗ്ലാദേശ് നിരയിൽ സൗമ്യ സർക്കാറിന് പകരം ഷൊറിഫുൾ ഇസ്ലാം ഇടം നേടി, ക്യാപ്റ്റൻ രോഹിത് ശർമ (2) തുടക്കത്തിൽ തന്നെ പുറത്തായെങ്കിലും അർധ സെഞ്ച്വറിയുമായി കെ.എൽ രാഹുൽ ഇന്ത്യയെ മുന്നോട്ടേക്ക് നയിച്ചു പിന്നാലെ കോഹ്ലിയും അർധ സെഞ്ച്വറിയുമായി കളം നിറഞ്ഞാടിയപ്പോൾ ഇന്ത്യക്ക് 184 എന്ന മികച്ച സ്കോറിൽ എത്താൻ സാധിച്ചു.

185 റൺസ് വിജയലക്ഷ്യം തേടി ഇറങ്ങിയ ബംഗ്ലാദേശിന് മിന്നുന്ന തുടക്കമാണ് വിക്കറ്റ് കീപ്പർ ലിട്ടൺ ദാസ് (60) സമ്മാനിച്ചത്, പവർ പ്ലേ ഓവറുകളിൽ ഇന്ത്യൻ ബോളർമാരെ കടന്നാക്രമിച്ച ലിട്ടൺ ദാസ് അതി വേഗത്തിൽ റൺ സ്കോർ ചെയ്തു, ഒരു ഘട്ടത്തിൽ ബംഗ്ലാദേശ് വിജയത്തിലേക്ക് എന്ന് തോന്നിച്ചപ്പോൾ നിർണായകമായത് ലിട്ടൺ ദാസ് റൺ ഔട്ട്‌ ആയത് ആയിരുന്നു, എട്ടാം ഓവറിൽ രണ്ടാം റൺസിനായി ശ്രമിച്ച ലിട്ടൺ ദാസിനെ ഡീപ്പിൽ ഫീൽഡ് ചെയ്യുകയായിരുന്നു കെ.എൽ രാഹുൽ മികച്ച ഒരു ഡയറക്റ്റ് ഹിറ്റിലൂടെ പുറത്താക്കുകയായിരുന്നു, ഈ റൺ ഔട്ട്‌ ആണ് ഇന്ത്യയെ മത്സരത്തിലേക്ക് തിരിച്ച് വരാൻ സഹായിച്ചത്, പിന്നീട് വന്നവർക്കൊന്നും നിലയുറപ്പിക്കാൻ സാധിക്കാതെ വന്നപ്പോൾ ഇന്ത്യ വിജയത്തിലേക്ക് എത്തുകയായിരുന്നു, പുറത്താകാതെ 64* റൺസ് നേടിയ കോഹ്ലി കളിയിലെ താരമായി തിരഞ്ഞെടുക്കപ്പെട്ടു.

മത്സരത്തിൽ തോറ്റതിന് ഓരോ ന്യായീകരണങ്ങളും ആരോപണങ്ങളും ഉന്നയിക്കുന്ന ബംഗ്ലാദേശ്, പാക്കിസ്ഥാൻ ആരാധർക്ക് മറുപടിയുമായി രംഗത്ത് എത്തിയിരിക്കുകയാണ് ഇന്ത്യൻ ആരാധകരും ദിനേശ് കാർത്തിക്കിന്റെ റൺ ഔട്ട്‌ ശരിക്കും ഔട്ട്‌ ആയിരുന്നോ എന്നാണ് ഇന്ത്യൻ ആരാധകർ ചോദിക്കുന്നത്, കാരണം ബോൾ സ്റ്റമ്പിൽ തട്ടുന്നതിന് മുന്നേ ബംഗ്ലാദേശ് താരം ഷൊറിഫുൾ ഇസ്ലാം കൈ കൊണ്ട് തട്ടി സ്റ്റമ്പ് ഇളക്കിയിരുന്നു ഇത്തരം അവസരങ്ങളിൽ സംശയത്തിന്റെ ആനുകൂല്യം ബാറ്റർക്ക് ലഭിക്കേണ്ടതാണ് എന്നാൽ തേർഡ് അമ്പയർ ഇത് ഔട്ട്‌ വിധിച്ചു, തോറ്റത് അംഗീകരിക്കാതെ ഓരോ ന്യായീകരണങ്ങളുമായി വരുന്ന ബംഗ്ലാദേശ് ആരാധകർക്ക് ഈ റൺഔട്ടിനെക്കുറിച്ച് വല്ലതും പറയാനുണ്ടോ എന്നാണ് ഇന്ത്യൻ ആരാധകർ ചോദിക്കുന്നത്.

ട്വന്റി-20 ലോകകപ്പിൽ ബംഗ്ലാദേശിനെതിരായ മത്സരത്തിൽ ഡക്ക് വർത്ത്- ലൂയിസ് നിയമ പ്രകാരം ഇന്ത്യക്ക് 5 റൺസ് വിജയം, ഇതോടെ ഗ്രൂപ്പിൽ മുന്നിലെത്താനും സെമി ഫൈനൽ ബർത്ത് ഏറെക്കൂറെ ഉറപ്പിക്കാനും ഇന്ത്യക്ക് സാധിച്ചു, മഴ കാരണം ബംഗ്ലാദേശിന്റെ ഇന്നിങ്സ് 16 ഓവറാക്കി ചുരുക്കിയിരുന്നു, മത്സരത്തിൽ ആദ്യം ബാറ്റ് ചെയ്ത ഇന്ത്യക്ക് വിരാട് കോഹ്ലിയും 64*, കെ.എൽ രാഹുലും (50) നേടിയ അർധ സെഞ്ച്വറികളുടെ മികവിൽ 184/6 എന്ന മികച്ച സ്കോർ നേടാനായി.

മത്സരത്തിൽ ടോസ് നേടിയ ബംഗ്ലാദേശ് ക്യാപ്റ്റൻ ഷക്കിബുൾ ഹസൻ ഇന്ത്യയെ ബാറ്റിംഗിന് അയക്കുകയായിരുന്നു, ഓരോ മാറ്റങ്ങളുമായാണ് ഇരു ടീമുകളും കളത്തിലിറങ്ങിയത് ഇന്ത്യൻ നിരയിൽ ദീപക് ഹൂഡയ്ക്ക് പകരം അക്സർ പട്ടേൽ ഇടം പിടിച്ചപ്പോൾ ബംഗ്ലാദേശ് നിരയിൽ സൗമ്യ സർക്കാറിന് പകരം ഷൊറിഫുൾ ഇസ്ലാം ഇടം നേടി, ക്യാപ്റ്റൻ രോഹിത് ശർമ (2) പെട്ടന്ന് പുറത്തായെങ്കിലും മികച്ച തുടക്കമാണ് കെ. എൽ രാഹുൽ ഇന്ത്യക്ക് സമ്മാനിച്ചത്, അർധ സെഞ്ച്വറിയുമായി രാഹുൽ തിളങ്ങിയപ്പോൾ ഇന്ത്യൻ സ്കോർ ബോർഡ്‌ വേഗത്തിൽ ചലിച്ചു, പിന്നാലെ കോഹ്ലിയും മികച്ച രീതിയിൽ ബാറ്റ് ചെയ്തപ്പോൾ ഇന്ത്യക്ക് 184 എന്ന മികച്ച സ്കോറിൽ എത്താൻ സാധിച്ചു.

185 റൺസ് വിജയലക്ഷ്യം തേടി ഇറങ്ങിയ ബംഗ്ലാദേശിന് മിന്നുന്ന തുടക്കമാണ് വിക്കറ്റ് കീപ്പർ ലിട്ടൺ ദാസ് (60) സമ്മാനിച്ചത് ഒരു ഘട്ടത്തിൽ ബംഗ്ലാദേശ് വിജയത്തിലേക്ക് എന്ന് തോന്നിച്ചപ്പോൾ നിർണായകമായത് ലിട്ടൺ ദാസിന്റെ റൺ ഔട്ട്‌ ആയിരുന്നു, എട്ടാം ഓവറിൽ രണ്ടാം റൺസിനായി ശ്രമിച്ച ലിട്ടൺ ദാസിനെ ഡീപ്പിൽ ഫീൽഡ് ചെയ്യുകയായിരുന്നു കെ.എൽ രാഹുൽ മികച്ച ഒരു ഡയറക്റ്റ് ഹിറ്റിലൂടെ പുറത്താക്കുകയായിരുന്നു, ഈ റൺ ഔട്ട്‌ ആണ് ഇന്ത്യയെ മത്സരത്തിലേക്ക് തിരിച്ച് വരാൻ സഹായിച്ചത്, പിന്നീട് വന്നവർക്കൊന്നും നിലയുറപ്പിക്കാൻ സാധിക്കാതെ വന്നപ്പോൾ ഇന്ത്യ വിജയത്തിലേക്ക് അടുക്കുകയായിരുന്നു.

മത്സരത്തിൽ അർഷ്ദീപ് സിംഗ് എറിഞ്ഞ അവസാന ഓവറിൽ 20 റൺസ് ആയിരുന്നു ബംഗ്ലാദേശിന് ജയിക്കാൻ വേണ്ടിയിരുന്നത്, രണ്ടാമത്തെ ബോൾ നേരിട്ട നൂറുൾ ഹസൻ ഡീപ് സ്ക്വയർ ലെഗിലേക്ക് കൂറ്റൻ സിക്സ് അടിച്ചതോടെ ബംഗ്ലാദേശ് ഡഗ് ഔട്ട്‌ ഉണർന്നു, അവസാന 2 ബോളിൽ 11 റൺസ് ആയിരുന്നു ബംഗ്ലാദേശിന് വേണ്ടിയിരുന്നത്, ഓഫ്‌ സൈഡിൽ യോർക്കർ ലെങ്ത്തിൽ ബോൾ ചെയ്ത അർഷ്ദീപ് സിംഗിന്റെ ബോൾ ഡീപ് പോയിന്റിലേക്ക് മികച്ച ഒരു ഫോർ നേടിക്കൊണ്ട് നൂറുൾ ഹസൻ കളി അവസാന ബോളിലേക്ക് എത്തിച്ചു, അവസാന ബോളിൽ 7 റൺസ് ആയിരുന്നു അവർക്ക് വേണ്ടിയിരുന്നത്, സിക്സ് അടിച്ചാൽ കളി സൂപ്പർ ഓവറിലേക്ക് നീങ്ങുമെന്ന ഘട്ടത്തിൽ അവസാന ബോളിൽ 1 റൺസ് എടുക്കാനെ നൂറുൾ ഹസ്സന് സാധിച്ചുള്ളു.

ലാസ്റ്റ് ഓവർ ഫുൾ വീഡിയോ :