വേൾഡ് റോഡ് സേഫ്റ്റി ലീഗിൽ സൗത്ത്ആഫ്രിക്ക ലെജൻഡ്‌സും ശ്രീലങ്ക ലെജൻഡ്‌സും തമ്മിലുള്ള മത്സരത്തിനിടെ അവിശ്വസനീയമായ ഡൈവിലൂടെ ബൗണ്ടറി സേവ് ചെയ്ത് ആരാധകരെ അമ്പരപ്പിച്ചിരിക്കുകയാണ് 45കാരനായ ദിൽഷൻ. ആദ്യം ബാറ്റ് ചെയ്ത ശ്രീലങ്ക ഉയർത്തിയ 166 റൺസ് വിജയലക്ഷ്യം തേടിയിറങ്ങിയ സൗത്ത്ആഫ്രിക്കൻ ഇന്നിംഗ്‌സിന്റെ നാലാം ഓവറിലെ ആദ്യ പന്തിലാണ് ഈ സംഭവം.
Some of the greatest of world cricket – Sachin, Ross Taylor, Jonth Rhodes and Dilshan. pic.twitter.com/L0TWfKzQIk
ഇസുറു ഉദനയുടെ ഡെലിവറിയിൽ വാൻ വികും ഗള്ളിയിലൂടെ അടിച്ചു വിടുകയായിരുന്നു. തൊട്ടു സമീപത്ത് ഉണ്ടായിരുന്ന ദിൽഷൻ വായുവിലൂടെ ഉയർന്ന് ഇരു കൈയിലുമായി പിടിച്ചു. ദിൽഷന്റെ ഫീല്ഡിങ്ങിൽ ആശ്ചര്യപ്പെട്ട സഹതാരങ്ങൾ ഉടനെ അഭിനന്ദിക്കാൻ ദിൽഷൻ അരികിൽ എത്തുകയും ചെയ്തു.
അതേസമയം 166 റൺസ് ചെയ്‌സ് ചെയ്യുന്ന സൗത്താഫ്രിക്ക ഒടുവിൽ റിപ്പോർട്ട് ലഭിക്കുമ്പോൾ 15 ഓവറിൽ 3 വിക്കറ്റ് നഷ്ട്ടത്തിൽ 121 റൺസ് നേടിയിട്ടുണ്ട്. 53 പന്തിൽ 74 റൺസുമായി വൻ വികും 1 റൺസുമായി ജോന്റി റോഡ്സുമാണ് ക്രീസിൽ. ദിൽഷൻ, മെൻഡിസ് എന്നിവർ ഓരോ വിക്കറ്റ് വീഴ്ത്തിയിട്ടുണ്ട്.
നേരെത്തെ ആദ്യം ബാറ്റ് ചെയ്ത ശ്രീലങ്ക മെൻഡിസിന്റെയും(27 പന്തിൽ 43*) തരംഗയുടെയും(27 പന്തിൽ 36) ബാറ്റിങ് മികവിലാണ് മികച്ച സ്കോർ നേടിയത്.ക്യാപ്റ്റൻ ദിൽഷൻ 2 പന്തിൽ 1 റൺസ് നേടി പുറത്തായി നിരാശപ്പെടുത്തി. സൗത്താഫ്രിക്കയ്ക്ക് വേണ്ടി ക്രുഗർ 2 വിക്കറ്റും ബോത ഫിലാണ്ടർ എന്നിവർ ഓരോ വിക്കറ്റും നേടി.
ഇന്ത്യൻ മഹാരാജാസും വേൾഡ് ജയന്റ്സും തമ്മിലുള്ള ട്വന്റി-20 മത്സരത്തിൽ ഇന്ത്യൻ മഹാരാജാസിനു 6 വിക്കറ്റ് വിജയം, ടോസ് നേടിയ വേൾഡ് ജയന്റ്സ് ക്യാപ്റ്റൻ ജാക്വസ് കല്ലിസ് ബാറ്റിംഗ് തിരഞ്ഞെടുക്കുകയായിരുന്നു, ഹർഭജൻ സിംഗ് ആണ് ഇന്ത്യൻ മഹാരാജാസിനെ നയിച്ചത്, അയർലൻഡിന്റെ കെവിൻ ഒബ്രിയാനും സിബാബ് വെൻ താരം ഹാമിൾട്ടൺ മസകാഡ്സയും ആണ് വേൾഡ് ജയന്റ്സിനായി ഓപ്പണർമാരായി ഇറങ്ങിയത്, ഇരുവരും ടീമിനായി മികച്ച പ്രകടനം കാഴ്ച വെച്ചു, ഒന്നാം വിക്കറ്റിൽ ഇരുവരും ചേർന്ന് 50 റൺസിന്റെ കൂട്ട് കെട്ട് ഉണ്ടാക്കി, 52 റൺസെടുത്ത കെവിൻ ഒബ്രിയാന്റെ ഇന്നിങ്ങ്സാണ് വേൾഡ് ജയന്റസിന് മികച്ച തുടക്കം സമ്മാനിച്ചത്.
മസകാഡ്സയെ വീഴ്ത്തി പങ്കജ് സിംഗ് ഇന്ത്യക്കായി ആദ്യ വിക്കറ്റ് സമ്മാനിച്ചു, പിന്നാലെ ജോഗിന്ദർ ശർമ മികച്ച രീതിയിൽ കളിച്ച് കൊണ്ടിരുന്ന കെവിൻ ഒബ്രിയാനെയും വീഴ്ത്തി ഇന്ത്യയെ മൽസരത്തിലേക്ക് തിരിച്ച് കൊണ്ട് വന്നു, അവസാന ഓവറുകളിൽ തകർത്തടിച്ച് ദിനേശ് രാംദിൻ (42) വേൾഡ് ജയന്റ്സിനെ 170/8 എന്ന മികച്ച സ്കോറിൽ എത്തിച്ചു, ശ്രീശാന്ത് മത്സരത്തിൽ തീർത്തും നിരാശപ്പെടുത്തി, 3 ഓവറിൽ 42 റൺസ് ആണ് താരം വഴങ്ങിയത്.
മറുപടി ബാറ്റിംഗിനിറങ്ങിയ ഇന്ത്യൻ മഹാരാജാസിന് തുടക്കത്തിൽ തന്നെ സേവാഗിനെയും (4) പാർഥിവ് പട്ടേലിനെയും (18) നഷ്ടമായി, എന്നാൽ തൻമയ് ശ്രീവാസ്ഥവ മികച്ച രീതിയിൽ ബാറ്റ് വീശിയപ്പോൾ ഇന്ത്യ മുന്നേറി, 39 ബോളിൽ 8 ഫോറും 1 സിക്സും അടക്കമാണ് താരം 54 റൺസ് നേടിയത്, പിന്നീട് യൂസഫ് പത്താനും (50*) തന്റെ സ്വതസിദ്ധമായ ശൈലിയിൽ ആക്രമിച്ച് കളിച്ചതോടെ 8 പന്തുകൾ ശേഷിക്കെ ഇന്ത്യ വിജയത്തിലേക്ക് കുതിച്ചു.
വലിയ സ്കോറിലേക്ക് പോവുകയായിരുന്ന വേൾഡ് ജയന്റസിന്റെ ഇന്നിങ്സിനു കൂച്ചു വിലങ്ങിട്ടത് 4 ഓവറിൽ ഒരു മെയിഡിൻ ഓവർ ഉൾപ്പടെ വെറും 26 റൺസ് മാത്രം വഴങ്ങി 5 വിക്കറ്റുകൾ വീഴ്ത്തിയ ഇന്ത്യയുടെ പങ്കജ് സിംഗിന്റെ ബോളിംഗ് മികവാണ്, ഹാമിൾട്ടൺ മസകാഡ്സ, തൈബു, കലുവിതരണ, ബ്രെസ്നൻ, ഡാനിയൽ വെട്ടോറി, എന്നിവരെയാണ് പങ്കജ് വീഴ്ത്തിയത്, ഇതിൽ 20ആം ഓവർ ട്രിപ്പിൾ വിക്കറ്റ് മെയിഡിൻ ആക്കി എന്ന സവിശേഷതയും ഉണ്ട്, കളിയിലെ താരമായും പങ്കജ് സിങ്ങിനെ തിരഞ്ഞെടുത്തു.
നമ്മുടെ ഒക്കെ ചെറുപ്പത്തിൽ തൊട്ടേ കണ്ടു തുടങ്ങിയ ഒരു കാഴ്ചയാണ് ഇന്ത്യയുടെ വെടിക്കെട്ട് ഓപ്പണിംഗ് ബാറ്റർ വീരേന്ദർ സെവാഗ് ബാറ്റിംഗ് തുടങ്ങുന്ന രീതി. നേരിടുന്ന ആദ്യ പന്തിൽ തന്നെ പന്തിനെ അതിർത്തി കടത്തി ആരംഭിക്കുന്ന ശീലമാണ് അദ്ദേഹത്തിന്. അതിന് കഴിഞ്ഞില്ലെങ്കിൽ ആദ്യ റൺസ് നേടുന്നത് ഒരു ബൗണ്ടറിയിലൂടെയായിരിക്കും. എങ്ങനെ പോയാലും തുടക്കം മുതലേ ആക്രമിച്ച് കളിക്കുന്ന ശൈലിയാണ് അദ്ദേഹത്തിന്റേത്.
ഈ ശൈലിയുടെ പേരിൽ ഒരുപാട് വിമർശനങ്ങൾക്ക് വിധേയനായിട്ടുണ്ടെങ്കിലും ഒരുകാലത്തും ഇതിന് മാറ്റം വരുത്താൻ അദ്ദേഹം ശ്രമിച്ചിട്ടില്ല. അതുതന്നെയാണ് അദ്ദേഹത്തിന്റെ കരുത്ത്. ബോളർമാരുടെ ആത്മവിശ്വാസത്തെ തകർക്കാൻ ഇത് ഉപകരിക്കും എന്ന നിലപാടാണ് അദ്ദേഹം സ്വീകരിച്ചത്. എന്നും അതിൽ അദ്ദേഹം വിജയിക്കണം എന്നൊന്നുമില്ല. ഇന്നത്തെ മത്സരം തന്നെ അതിന് മികച്ച ഒരു ഉദാഹരണം.
171 റൺസ് വിജയലക്ഷ്യം പിന്തുടർന്ന ഇന്ത്യ മഹാരാജാസ് ടീമിന് വേണ്ടി ഓപ്പണർമാരായി ഇറങ്ങിയത് സേവാഗും പാർഥിവ് പട്ടേലുമാണ്. ഫിഡൽ എഡ്വേർഡ്സ് ആയിരുന്നു പന്തുമായി എത്തിയത്. നേരിട്ട മൂന്നാം പന്തിൽ തന്നെ ബൗണ്ടറി നേടി തന്റെ ഇന്നിങ്സ് ഓപ്പൺ ചെയ്ത സെവാഗ് ഇന്നും തനിക്ക് ഒരു മാറ്റവും വന്നിട്ടില്ല എന്ന് തെളിയിച്ചു. എങ്കിലും പിന്നീട് അഞ്ചാം പന്തിൽ തത്തേണ്ട ടൈബുവിന് ക്യാച്ച് നൽകി അദ്ദേഹം മടങ്ങുകയായിരുന്നു.
മത്സരത്തിന് നേരത്തെ പ്രഖ്യാപിച്ച സൗരവ് ഗാംഗുലിയുടെ അഭാവത്തിൽ ഇന്ത്യ മഹാരാജാസ് ടീമിനെ വീരേന്ദർ സെവാഗ് നയിക്കും എന്നാണ് അറിയിച്ചിരുന്നത്. എങ്കിലും ഹർഭജൻ സിംഗാണ് ഇന്ന് നായകൻ ആയെത്തിയത്. ജാക് കാലിസ് വേൾഡ് ജയന്റ്സ് ടീമിനെ നയിക്കുന്നു. ഇന്ത്യയുടെ സ്വാതന്ത്ര്യത്തിന്റെ 75 വർഷങ്ങളുടെ ആഘോഷങ്ങളുടെ ഭാഗമായി ഇപ്പോഴത്തെ ഇന്ത്യൻ ദേശീയ ടീമും ലോകക്രിക്കറ്റിലെ മുൻനിര താരങ്ങളുടെ ഒരു വേൾഡ് ഇലവൻ ടീമും തമ്മിലുള്ള മത്സരമാണ് ഇന്ത്യ ഗവണ്മെന്റ് ആഗ്രഹിച്ചത്. എങ്കിലും തിരക്കേറിയ ഷെഡ്യൂൾ മൂലം ഇന്ത്യൻ ദേശീയ ടീമിന് പങ്കെടുക്കാൻ കഴിയാതെ വന്നതോടെയാണ് വിരമിച്ച താരങ്ങളെ ഉൾപ്പെടുത്തി ഉള്ള ലജൻഡ്സ് മത്സരം നടത്താൻ നിശ്ചയിച്ചത്. നാളെ മുതൽ ആരംഭിക്കുന്ന ലജൻഡ്സ് ലീഗ് ക്രിക്കറ്റിന് മുന്നോടിയായി ഇന്ന് ആ ചാരിറ്റി മത്സരം സംഘടിപ്പിക്കുകയായിരുന്നു.
മത്സരത്തിൽ ടോസ് നേടിയ വേൾഡ് ജയന്റ്സ് ടീം നായകൻ ജാക് കാലിസ് ബാറ്റിംഗ് തെരഞ്ഞെടുത്തു. നിശ്ചിത ഇരുപത് ഓവറിൽ 8 വിക്കറ്റ് നഷ്ടത്തിൽ 170 റൺസ് ആണ് അവർ നേടിയത്. ഓപ്പണർ കെവിൻ ഒബ്രിയെൻ 31 പന്തിൽ 9 ബൗണ്ടറിയും 1 സിക്സും അടക്കം 52 റൺസും വിക്കറ്റ് കീപ്പർ ദിനേശ് രംദിൻ 29 പന്തുകളിൽ നിന്നും അഞ്ച് ബൗണ്ടറിയും 1 സിക്സും അടക്കം 42* റൺസും എടുത്തു. നാല് ഓവറിൽ ഒരു മയ്‌ഡൻ അടക്കം വെറും 26 റൺസ് വഴങ്ങി അഞ്ച് വിക്കറ്റ് നേട്ടം സ്വന്തമാക്കിയ പങ്കജ് സിംഗ് ബോളർമാരിൽ മികച്ചുനിന്നു. 3 ഓവറിൽ 46 റൺസ് വഴങ്ങിയ മലയാളി താരം എസ് ശ്രീശാന്തിന് വിക്കറ്റൊന്നും നേടാൻ കഴിഞ്ഞില്ല.
മറുപടി ബാറ്റിംഗിനിറങ്ങിയ ഇന്ത്യയുടെ തുടക്കം തകർച്ചയോടെയായിരുന്നു. 7 ഓവറിൽ സ്കോർബോർഡിൽ 50 റൺസ് കൂട്ടിച്ചേർക്കുന്നതിനിടെ മൂന്ന് വിക്കറ്റ് നഷ്ടമായിരുന്നു. എങ്കിലും നാലാം വിക്കറ്റിൽ ഒത്തുചേർന്ന യുസുഫ് പഠാനും തന്മയ് ശ്രീവാസ്തവയും അർദ്ധ സെഞ്ചുറി നേടി ഇന്ത്യയെ വിജയത്തിൽ എത്തിക്കാൻ പ്രധാന പങ്കുവഹിച്ചു. 39 പന്തിൽ നിന്നും 8 ബൗണ്ടറിയും ഒരു സിക്സും അടക്കം 54 റൺസ് നേടി ശ്രീവാസ്തവ പുറത്തായി എങ്കിലും യുസുഫിന്റെ സഹോദരൻ ഇർഫാൻ പഠാൻ എത്തിയതോടെ ഇന്ത്യൻ വിജയം എളുപ്പമായി. യുസുഫ് 35 പന്തിൽ 5 ബൗണ്ടറിയും 2 സിക്സും അടക്കം 50 റൺസും ഇർഫാൻ 9 പന്തിൽ നിന്നും 3 സിക്സ് നേടി 20 റൺസും എടുത്തു പുറത്താകാതെ നിന്നു. 8 പന്ത് ബാക്കി നിൽക്കെയാണ് ഇന്ത്യയുടെ വിജയം.
പതിവ് തെറ്റിക്കാതെ സെവാഗ്, ഇന്നിങ്സ് ഓപ്പൺ ചെയ്തത് ബൗണ്ടറി നേടി. പക്ഷെ ,ഫോർ അടിച്ച ശേഷം ഔട്ട് ; വീഡിയോ കാണാം.
ഈ വർഷത്തെ ലജൻഡ്സ് ലീഗ് ക്രിക്കറ്റിന് ഉദ്ഘാടനം കുറിച്ചുകൊണ്ട് നടക്കുന്ന പ്രത്യേക ചാരിറ്റി മത്സരത്തിൽ ഇന്ത്യ മഹാരാജാസ് ടീം വേൾഡ് ജയന്റ്സ് ടീമിനെ നേരിടുകയാണ്. മത്സരത്തിൽ ടോസ് നേടിയ ജയന്റ്സ് നായകൻ ജാക്ക് കാലിസ് ബാറ്റിംഗ് തിരഞ്ഞെടുക്കുകയായിരുന്നു. മത്സരത്തിൽ മലയാളി താരം എസ് ശ്രീശാന്ത് ടീമിൽ ഇടംപിടിച്ചു.
ഒരു സബ്സ്റ്റിറ്റ്യൂട്ട് ഫീൽഡർ ആയി ഗ്രൗണ്ടിൽ ഇറങ്ങിയ പർവീന്ദർ അവാനയുടെ കിടിലൻ ക്യാച്ച് ആണ് ഇപ്പോൾ തരംഗമായി കൊണ്ടിരിക്കുന്നത്. മത്സരത്തിന്റെ പതിനാറാം ഓവറിൽ ആയിരുന്നു സംഭവം. ആദ്യ നാല് പന്തുകൾ എറിഞ്ഞ ശേഷം കാലിന് പരുക്കേറ്റ അശോക് ദിൻഡ മൈതാനം വിടുകയായിരുന്നു. അതിൽ രണ്ട് സിക്സും വഴങ്ങിയിരുന്നു.
ഓവറിലെ അവസാന രണ്ട് പന്തുകൾ എറിഞ്ഞ് പൂർത്തിയാക്കാൻ അവസരം ലഭിച്ചത് വളരെ അപൂർവമായി മാത്രം പന്തെറിഞ്ഞു കണ്ടിട്ടുള്ള മുഹമ്മദ് കൈഫിനായിരുന്നു. ആദ്യ പന്തിൽ തന്നെ സിക്സ് വഴങ്ങുകയും ചെയ്ത ശേഷമാണ് അദ്ദേഹം അടുത്ത പന്തിൽ വിക്കറ്റ് നേടി അപകടകാരിയായ തിസാര പേരേരയെ പുറത്താക്കിയത്.
ഇടംകയ്യനായ പേരേരക്ക് ഓഫ് സ്‌റ്റമ്പിന് വെളിയിൽ ഇട്ടുകൊടുത്ത അദ്ദേഹം വൻ ഷോട്ട് കളിക്കാൻ പ്രേരിപ്പിച്ചു. എന്നാൽ ടൈമിംഗ് പിഴച്ച പെരേര അടിച്ച പന്ത് ഷോർട്ട് തേർഡ് മാനിൽ നിൽക്കുകയായിരുന്ന അവാന തന്റെ ഇടതു വശത്തേക്ക് ചാടി എടുക്കുകയായിരുന്നു. ഗ്രൗണ്ടിൽ തല അടിച്ച് വീണുപോയി എങ്കിലും ക്യാച്ച് മിസ്സാക്കിയില്ല അദ്ദേഹം. തുടർന്ന് എഴുന്നേറ്റ് നിന്ന് സഹതാരങ്ങളുടെ കൂടെ വിക്കറ്റ് നേട്ടം ആഘോഷിക്കുമ്പോൾ അദ്ദേഹം തലയിൽ കൈവെച്ച് നിൽക്കുന്നത് കാണാമായിരുന്നു.
16 പന്തിൽ ഒരു ബൗണ്ടറിയും 2 സിക്സും അടക്കം 23 റൺസ് എടുത്താണ് പെരേര പുറത്തായത്. അർദ്ധ സെഞ്ചുറി നേടിയ ഓപ്പണർ കെവിൻ ഒബ്രെയാന്റെയും അവസാന ഓവറുകളിൽ അടിച്ച് തകർത്ത വിക്കറ്റ് കീപ്പർ ദിനേശ് രംദിന്റെയും മികവിലാണ് വേൾഡ് ജയന്റ്സ് നിശ്ചിത ഇരുപത് ഓവറിൽ 8 വിക്കറ്റ് നഷ്ടത്തിൽ 170 റൺസ് നേടിയത്. കെവിൻ ഒബ്രിയെൻ 31 പന്തിൽ 9 ബൗണ്ടറിയും 1 സിക്സും അടക്കം 52 റൺസും ദിനേശ് രംദിൻ 29 പന്തുകളിൽ നിന്നും അഞ്ച് ബൗണ്ടറിയും 1 സിക്സും അടക്കം 42* റൺസും എടുത്തു.
നാല് ഓവറിൽ ഒരു മയ്‌ഡൻ അടക്കം വെറും 26 റൺസ് വഴങ്ങി അഞ്ച് വിക്കറ്റ് നേട്ടം സ്വന്തമാക്കിയ പങ്കജ് സിംഗ് ബോളർമാരിൽ മികച്ചുനിന്നു. നായകൻ ഹർഭജൻ സിംഗും ജോഗിന്ദേർ ശർമയും കൈഫും ഓരോ വിക്കറ്റ് വീതം വീഴ്ത്തി. മലയാളി താരം എസ് ശ്രീശാന്തിന് വിക്കറ്റ് ഒന്നും നേടാൻ കഴിഞ്ഞില്ല. മൂന്ന് ഓവർ എറിഞ്ഞ അദ്ദേഹം 46 റൺസ് ആണ് വഴങ്ങിയത്.
കൈഫിന്റെ പന്തിൽ കിടിലൻ ക്യാച്ച് എടുത്ത് അവാന; വീഡിയോ കാണാം.
ഇന്ത്യൻ മഹാരാജാസും വേൾഡ് ജയന്റ്സും തമ്മിലുള്ള ട്വന്റി-20 മത്സരത്തിൽ ടോസ് നേടിയ വേൾഡ് ജയന്റ്സിന്റെ ക്യാപ്റ്റൻ ജാക്വസ് കല്ലിസ് ബാറ്റിംഗ് തിരഞ്ഞെടുക്കുകയായിരുന്നു, ഹർഭജൻ സിംഗ് ആണ് ഇന്ത്യൻ മഹാരാജാസിനെ നയിക്കുന്നത്, അയർലണ്ടിന്റെ കെവിൻ ഒബ്രിയാനും സിബാബ് വെൻ താരം ഹാമിൾട്ടൺ മസാകാഡ്സയും ആണ് വേൾഡ് ജയന്റ്സിനായി ഓപ്പണർമാരായി ഇറങ്ങിയത്,
ഇരുവരും ടീമിനായി മികച്ച പ്രകടനം കാഴ്ച വെച്ചു, ഒന്നാം വിക്കറ്റിൽ ഇരുവരും ചേർന്ന് 50 റൺസിന്റെ കൂട്ട് കെട്ട് ഉണ്ടാക്കി, 52 റൺസെടുത്ത കെവിൻ ഒബ്രിയാന്റെ ഇന്നിങ്ങ്സാണ് വേൾഡ് ജയന്റസിന് മികച്ച തുടക്കം സമ്മാനിച്ചത്.
പങ്കജ് സിംഗ് ഇന്ത്യയ്ക്കായി മികച്ച രീതിയിൽ പന്തെറിഞ്ഞു, മസാകാഡ്സയെ വീഴ്ത്തി പങ്കജ് സിംഗ് ഇന്ത്യക്കായി ആദ്യ വിക്കറ്റ് സമ്മാനിച്ചു, പിന്നാലെ ജോഗിന്ദർ ശർമ മികച്ച രീതിയിൽ കെവിൻ ഒബ്രിയാനെയും വീഴ്ത്തിക്കൊണ്ട് ഇന്ത്യയെ മുന്നിലെത്തിച്ചു.
അവസാന ഓവറുകളിൽ തകർത്തടിച്ച് ദിനേശ് രാംദിൻ (42) റൺസ് എടുത്ത് 170/8 എന്ന മികച്ച സ്കോറിൽ എത്തിച്ചു, 4 ഓവറിൽ ഒരു മെയിഡിൻ ഓവറടക്കം 26 റൺസ് മാത്രം വിട്ട് കൊടുത്ത് പങ്കജ് സിംഗ് 5 വിക്കറ്റ് നേടി.
ശ്രീശാന്ത് ഇന്നത്തെ മത്സരത്തിൽ തീർത്തും നിരാശപ്പെടുത്തി, 3 ഓവറിൽ 42 റൺസ് ആണ് താരം വഴങ്ങിയത്, 19ആം ഓവറിൽ 5 ഫോറടക്കം 22 റൺസ് ആണ് ശ്രീശാന്ത് വഴങ്ങിയത്.
പാകിസ്താനെ 23 റൺസിന് തകർത്ത് ഏഷ്യകപ്പ് കിരീടം ചൂടി ശ്രീലങ്ക, മത്സരത്തിൽ ടോസ് നഷ്ടപ്പെട്ട് ആദ്യം ബാറ്റ് ചെയ്യാൻ നിർബന്ധിതരായ ശ്രീലങ്ക തകർച്ചയോടെയാണ് തുടങ്ങിയത് പാക്കിസ്ഥാൻ പേസ് ബോളർമാർ ശ്രീലങ്കൻ മുൻ നിരയുടെ അന്തകരായപ്പോൾ 58/5 എന്ന നിലയിൽ തകർന്നടിഞ്ഞു ലങ്കൻ നിര, അവിടെ നിന്നും ഭാനുക രജപക്ഷ ശ്രീലങ്കൻ ടീമിന്റെ രക്ഷകനായി അവതരിക്കുകയായിരുന്നു, ഹസരംഗയുമൊത്ത് 6 ആം വിക്കറ്റിൽ നിർണായക കൂട്ട് കെട്ട് പടുത്തുയർത്തി ലങ്കയെ കൂട്ടതകർച്ചയിൽ നിന്ന് പതിയെ കരകയറ്റി, പാക്കിസ്ഥാൻ ബോളർമാരെ സധൈര്യം നേരിട്ട ആ ഇന്നിങ്ങിസിനു നൂറിൽ നൂറു മാർക്ക്‌ കൊടുക്കാം, നിർണായകമായ ആ 71* റൺസിന് ഏഷ്യകപ്പിനോളം വിലയുണ്ട് എന്ന് പറഞ്ഞാൽ അത് അതിശയോക്തി ആവില്ല.
171 വിജയ ലക്ഷ്യവുമായി ഇറങ്ങിയ പാകിസ്താനെ മികച്ച രീതിയിൽ പന്തെറിഞ്ഞ ലങ്കൻ ബോളർമാർ വരിഞ്ഞു മുറുക്കി, വിക്കറ്റ് കൈയിൽ ഉണ്ടായിട്ടും പാകിസ്താന് ആക്രമിച്ച് കളിക്കാൻ ഒരു അവസരവും അവർ നൽകിയില്ല, ശ്രീലങ്കൻ ക്യാപ്റ്റൻ ഷാണകയ്ക്ക് ക്യാപ്റ്റൻസിയിലുള്ള അപാര കഴിവ് ലങ്കൻ വിജയത്തിലെ നിർണായക ഘടകമാണ്, ഫീൽഡ് സെറ്റ് ചെയ്യുന്നതിലും ഏത് ബോളറെ എപ്പോൾ കൊണ്ട് വരണമെന്നും കൃത്യമായ കണക്കു കൂട്ടലും, അത് നടപ്പിൽ വരുത്താനും സാധിച്ചു എന്നത് ഒരു മികച്ച ക്യാപ്റ്റന് വേണ്ട ഏറ്റവും വലിയ കഴിവുകളിൽ ഒന്നാണ്,
ഏഷ്യ കപ്പ് തുടങ്ങുന്നതിന് മുമ്പ് ക്രിക്കറ്റ്‌ നിരൂപകരോ, ആരും തന്നെ ശ്രീലങ്ക ഫൈനലിൽ എത്തും എന്ന് പോലും പ്രതീക്ഷിച്ചിട്ടില്ല, ഗ്രൂപ്പ്‌ ഘട്ടത്തിലെ ആദ്യ മത്സരത്തിൽ അഫ്ഗാനിസ്ഥാനോട് 8 വിക്കറ്റിന് തോറ്റതോട് കൂടി ലങ്കയെ എല്ലാവരും എഴുതി തള്ളിയിരുന്നു, എന്നാൽ ആ തോൽവിക്ക് ശേഷം ഒരു ഫീനിക്സ് പക്ഷിയെപ്പോലെ കുതിച്ചു അവർ, പ്രതിസന്ധികളെ തരണം ചെയ്ത് മുന്നേറി, ആ മുന്നേറ്റം അവരെ സംബന്ധിച്ചിടത്തോളം നിലനിൽപ്പിന്റെ പോരാട്ടം കൂടെ ആയിരുന്നു.
ഫൈനൽ മത്സരത്തിൽ ഇന്ത്യ, അഫ്ഗാൻ കാണികളുടെ പിന്തുണ മുഴുവൻ ശ്രീലങ്കയ്‌ക്കൊപ്പമായിരുന്നു, അവർ ലങ്കയ്ക്കായി ജയ് വിളിച്ചു സ്റ്റേഡിയത്തിൽ സജീവമായിരുന്നു, മത്സരത്തിൽ “ലങ്കൻ” ആരാധനും പാക്കിസ്ഥാൻ ആരാധകനും തമ്മിലുള്ള വാക് പോരാട്ടത്തിന്റെ വീഡിയോ സോഷ്യൽ മീഡിയയിൽ നിറഞ്ഞു നിന്നു, എന്നാൽ റിസ്‌വാൻ ഔട്ട് ആയതിനു ശേഷമാണ് ചുറ്റുമുള്ളവർക്ക് കാര്യം മനസ്സിലായതും, ശ്രീലങ്കൻ ആരാധകൻ ശരിക്കും ആരാണ് എന്ന് മനസ്സിലായതും.
ആറാം ഏഷ്യകപ്പ് വിജയവുമായി ശ്രീലങ്ക, കലാശപ്പോരാട്ടത്തിൽ ആദ്യം ബാറ്റ് ചെയ്ത ശ്രീലങ്ക ഭാനുക രജപക്ഷയുടെ വെടിക്കെട്ട് ഇന്നിങ്സിന്റെ പിൻബലത്തിൽ നിശ്ചിത 20 ഓവറിൽ 170/6 എന്ന മികച്ച സ്കോർ നേടിയെടുക്കുകയായിരുന്നു.
തകർച്ചയോടെയാണ് ശ്രീലങ്കൻ ഇന്നിങ്ങ്സ് തുടങ്ങിയത് കുശാൽ മെൻഡിസിനെ നസീം ഷാ ക്ലീൻ ബൗൾഡ് ആക്കി പാകിസ്താന് ആദ്യ വിക്കറ്റ് സമ്മാനിച്ചു, പിന്നാലെ പാകിസ്താനെതിരായ കഴിഞ്ഞ കളിയിലെ താരം നിസങ്കയെയും, ധനുഷ്ക ഗുണതിലകയെയും ഹാരിസ് റൗഫ് മടക്കി അയച്ചു, കൃത്യമായ ഇടവേളകളിൽ വിക്കറ്റ് വീണു കൊണ്ടിരുന്നപ്പോൾ ശ്രീലങ്ക 58/5 എന്ന നിലയിൽ തകർന്നു, എന്നാൽ ലങ്കൻ പോരാട്ട വീര്യത്തിന്റെ കനൽ കെട്ടടങ്ങിയിരുന്നില്ല, ലങ്കൻ മുൻനിരയെ തകർത്ത ആത്മവിശ്വാസത്തിൽ വീണ്ടും ആ ചാരം ചികയാൻ നിന്ന പാക്കിസ്ഥാൻ ബോളർമാരുടെ കൈ പൊള്ളി.
ആറാം വിക്കറ്റിൽ ഹസരംഗയെ കൂട്ട് പിടിച്ച് ഭാനുക രജപക്ഷ തകർച്ചയിലേക്ക് കൂപ്പു കുത്തുകയായിരുന്ന ശ്രീലങ്കയെ പതിയെ മുന്നോട്ട് നയിച്ചു, “ആക്രമണമാണ് ഏറ്റവും നല്ല പ്രതിരോധം” എന്ന ആശയത്തിൽ നിന്ന് കൊണ്ടായിരുന്നു ഇരുവരും ബാറ്റ് വീശിയത്, അപ്രതീക്ഷിതമായ ഈ ആക്രമണം അത്രയും നേരം നല്ല രീതിയിൽ ബോൾ ചെയ്ത് കൊണ്ടിരുന്ന പാക് ബോളർമാരുടെ താളം തെറ്റിക്കാൻ കെല്പുള്ളതായിരുന്നു, 45 ബോളിൽ 6 ഫോറും 3 സിക്സും അടക്കം 71* റൺസ് ആണ് ഭാനുക രജപക്ഷ അടിച്ചെടുത്തത്.
മറുപടി ബാറ്റിങ്ങിനിറങ്ങിയ പാകിസ്ഥാനും തുടക്കത്തിൽ 2 വിക്കറ്റ് നഷ്ടമായെങ്കിലും, മുഹമ്മദ് റിസ്‌വാനും, ഇഫ്തിക്കാർ അഹമ്മദും പാകിസ്താനെ കരകയറ്റുകയായിരുന്നു, എന്നാൽ കണിശതയോടെ ബോൾ എറിഞ്ഞ ലങ്കൻ ബോളർമാർ ഇരുവർക്കും അടിച്ച് തകർക്കാനുള്ള അവസരം നൽകിയില്ല, അടിച്ചെടുക്കാനുള്ള റൺ റേറ്റ് കൂടി വന്നതോടെ ഇരുവരും സമ്മർദ്ദത്തിലായി, പിന്നീട് കൂറ്റനടികൾക്ക് ശ്രമിച്ച് പരാജയപ്പെട്ട് കൊണ്ട് ഓരോ പാക്കിസ്ഥാൻ ബാറ്ററും പവലിയനിലേക്ക് ഘോഷയാത്ര നടത്തുന്ന കാഴ്ചയാണ് ദുബായ് ക്രിക്കറ്റ്‌ സ്റ്റേഡിയം സാക്ഷ്യം വഹിച്ചത്. ഒടുവിൽ 147 റൺസിനു പാക്കിസ്ഥാൻ ഓൾ ഔട്ട് ആയി.
മത്സരത്തിന് ശേഷം ഇന്ത്യൻ താരം ഗൗതം ഗംഭീർ ശ്രീലങ്കൻ പതാക പിടിച്ച് നിൽക്കുന്ന വീഡിയോ സമൂഹ മാധ്യമങ്ങളിൽ വൈറൽ ആയി, ഇന്ത്യ കൂടി ഉൾപ്പെട്ട ടൂർണമെന്റിൽ ഗംഭീറിന്റെ ഈ പ്രവർത്തി ഇന്ത്യൻ ടീമിനെ അപമാനിക്കുന്നതിന് തുല്യമാണെന്ന് ചില ആരാധകർ അഭിപ്രായം പങ്ക് വെച്ചു, ഇതിപ്പോൾ പാക്കിസ്ഥാൻ ആണ് ജയിച്ചതെങ്കിൽ താങ്കൾ അവരുടെ പതാക പിടിച്ച് നിൽക്കുമോ എന്നും ചില ആരാധകർ ഈ വീഡിയോക്ക് താഴെ അഭിപ്രായം പങ്ക് വെച്ചു.
ക്രിക്കറ്റ്‌ ആയാലും ഏത് കായിക ഇനമായാലും അതിൽ രാഷ്ട്രീയം കലർത്തുന്നതിനോട് ഒട്ടും യോജിക്കാൻ കഴിയില്ല, ഇന്ത്യ പാക്കിസ്ഥാൻ മത്സരത്തിൽ നിർണായക സമയത്ത് അർഷ്ദീപ് സിംഗ് ആസിഫ് അലിയുടെ അനായാസമായൊരു ക്യാച്ച് നിലത്തിട്ടു, അതിന്റെ പേരിൽ നമുക്ക് അയാളെ വിമർശിക്കാൻ സ്വാതന്ത്രമുണ്ട് എന്ന് കരുതി അയാളെ രാജ്യദ്രോഹി, ഘാലിസ്ഥാൻ തീവ്രവാദി എന്നൊന്നും മുദ്ര കുത്താൻ ഒരാൾക്കും അവകാശമില്ല, തെറ്റുകൾ മനുഷ്യസഹജമാണ് അത്രയും സമ്മർദ്ദഘട്ടത്തിൽ യുവതാരമായ അദ്ദേഹത്തിൽ നിന്നും അങ്ങനൊരു കൈയബദ്ധം സംഭവിച്ചു, ടെലിവിഷനിൽ കളി കണ്ടു കൊണ്ടിരിക്കുന്ന നമ്മൾ ആ സമയം എത്ര സമ്മർദ്ദം അനുഭവിക്കുന്നുണ്ടോ അതിന്റെ എത്ര മടങ്ങു ഗ്രൗണ്ടിൽ നിൽക്കുന്ന ഒരു യുവതാരത്തിന് ഉണ്ടാകുമെന്നത് ഊഹിക്കാമല്ലോ,
നാട്ടിലെ ക്രിക്കറ്റ്‌ ടൂർണമെന്റുകളിൽ കളിച്ചിട്ടുള്ളവർക്ക് അറിയാം ആ സമയം അനുഭവിക്കുന്ന സമ്മർദ്ദം അതിന്റെ നൂറിരട്ടി സമ്മർദ്ദം ആയിരിക്കും ഒരു ഇന്ത്യ പാക്കിസ്ഥാൻ മത്സരത്തിൽ ഒരു താരത്തിന് ഉണ്ടാവുക, ഇതിൽ വിരോധാഭാസം എന്തെന്ന് വെച്ചാൽ ജീവിതത്തിൽ ഇത് വരെ ക്രിക്കറ്റ്‌ കളിച്ചിട്ടില്ലാത്തവരും ക്രിക്കറ്റിനെക്കുറിച്ച് ഒരു ചുക്കും അറിയാത്തവരും ആകും ചിലരെ രാജ്യദ്രോഹി ആക്കാൻ മുൻപന്തിയിൽ, അവരോടൊക്കെ ഒന്നേ പറയാൻ ഉള്ളു ഇത് മത്സരമാണ് യുദ്ധമല്ല, ക്രിക്കറ്റ്‌ മൈതാനങ്ങളെ വർഗീയമായ ചേരി തിരിവുകൾക്ക് ഉപയോഗിക്കുന്നത് യഥാർഥ ക്രിക്കറ്റ്‌ പ്രേമികൾ ഒരു കാലത്തും അനുകൂലിക്കില്ല.
ഏഷ്യകപ്പിലെ ഫൈനൽ പോരാട്ടത്തിൽ ശ്രീലങ്കക്ക് 23 റൺസിന്റെ മിന്നുന്ന ജയം,ആദ്യം ബാറ്റ് ചെയ്ത ശ്രീലങ്ക ഭാനുക രജപക്ഷയുടെ വെടിക്കെട്ട് ഇന്നിങ്സിന്റെ പിൻബലത്തിൽ നിശ്ചിത 20 ഓവറിൽ 170/6 എന്ന മികച്ച ടോട്ടൽ നേടിയെടുത്തു.
തകർച്ചയോടെയാണ് ശ്രീലങ്കൻ ഇന്നിങ്ങ്സ് തുടങ്ങിയത് കുശാൽ മെൻഡിസിനെ നസീം ഷാ ക്ലീൻ ബൗൾഡ് ആക്കി പാകിസ്താന് ആദ്യ വിക്കറ്റ് സമ്മാനിച്ചു, പിന്നാലെ പാകിസ്താനെതിരായ കഴിഞ്ഞ കളിയിലെ താരം നിസങ്കയെയും, ധനുഷ്ക ഗുണതിലകയെയും ഹാരിസ് റൗഫ് മടക്കി അയച്ചു, കൃത്യമായ ഇടവേളകളിൽ വിക്കറ്റ് വീണു കൊണ്ടിരുന്നപ്പോൾ ശ്രീലങ്ക 58/5 എന്ന നിലയിൽ തകർന്നു, എന്നാൽ ലങ്കൻ പോരാട്ട വീര്യത്തിന്റെ കനൽ കെട്ടടങ്ങിയിരുന്നില്ല, ലങ്കൻ മുൻനിരയെ തകർത്ത ആത്മവിശ്വാസത്തിൽ വീണ്ടും ആ ചാരം ചികയാൻ നിന്ന പാക്കിസ്ഥാൻ ബോളർമാരുടെ കൈ പൊള്ളി.
ആറാം വിക്കറ്റിൽ ഹസരംഗയെ കൂട്ട് പിടിച്ച് ഭാനുക രജപക്ഷ തകർച്ചയിലേക്ക് കൂപ്പു കുത്തുകയായിരുന്ന ശ്രീലങ്കയെ പതിയെ മുന്നോട്ട് നയിച്ചു, “ആക്രമണമാണ് ഏറ്റവും നല്ല പ്രതിരോധം” എന്ന ആശയത്തിൽ നിന്ന് കൊണ്ടായിരുന്നു ഇരുവരും ബാറ്റ് വീശിയത്, അപ്രതീക്ഷിതമായ ഈ ആക്രമണം അത്രയും നേരം നല്ല രീതിയിൽ ബോൾ ചെയ്ത് കൊണ്ടിരുന്ന പാക് ബോളർമാരുടെ താളം തെറ്റിക്കാൻ കെല്പുള്ളതായിരുന്നു, 45 ബോളിൽ 6 ഫോറും 3 സിക്സും അടക്കം 71* റൺസ് ആണ് ഭാനുക രജപക്ഷ അടിച്ചെടുത്തത്.
മറുപടി ബാറ്റിങ്ങിനിറങ്ങിയ പാകിസ്ഥാനും തുടക്കത്തിൽ 2 വിക്കറ്റ് നഷ്ടമായെങ്കിലും, മുഹമ്മദ് റിസ്‌വാനും, ഇഫ്തിക്കാർ അഹമ്മദും പാകിസ്താനെ കരകയറ്റുകയായിരുന്നു, എന്നാൽ കണിശതയോടെ ബോൾ എറിഞ്ഞ ലങ്കൻ ബോളർമാർ ഇരുവർക്കും അടിച്ച് തകർക്കാനുള്ള അവസരം നൽകിയില്ല, അടിച്ചെടുക്കാനുള്ള റൺ റേറ്റ് കൂടി വന്നതോടെ ഇരുവരും സമ്മർദ്ദത്തിലായി, പിന്നീട് കൂട്ടനടികൾക്ക് ശ്രമിച്ച് പരാജയപ്പെട്ട് കൊണ്ട് ഓരോ പാക്കിസ്ഥാൻ ബാറ്ററും പവലിയനിലേക്ക് ഘോഷയാത്ര നടത്തുന്ന കാഴ്ചയാണ് ദുബായ് ക്രിക്കറ്റ്‌ സ്റ്റേഡിയം സാക്ഷ്യം വഹിച്ചത്.
ശ്രീലങ്കൻ താരം ഹസരംഗ എറിഞ്ഞ 17ആം ഓവർ മത്സരത്തിൽ ഏറെ നിർണായമായി, വെറും 2 റൺസ് മാത്രം വഴങ്ങി മുഹമ്മദ് റിസ്‌വാൻ, ആസിഫ് അലി, കുഷ്ദിൽ ഷാ, എന്നിവരുടെ വിക്കറ്റുകളാണ് താരം ആ ഓവറിൽ നേടിയത്, ഈ ഓവർ കഴിഞ്ഞപ്പോഴേക്കും മത്സരം ശ്രീലങ്കയുടെ വരുതിയിൽ ആയി കഴിഞ്ഞിരുന്നു, തകർച്ചയിൽ നിന്നും ശ്രീലങ്കയെ കരകയറ്റിയ മികച്ച ഇന്നിംഗ്സ് കാഴ്ച വെച്ച ഭാനുക രജപക്ഷ കളിയിലെ താരമായി തിരഞ്ഞെടുക്കപ്പെട്ടു.
ഏഷ്യ കപ്പ് ഫൈനൽ മത്സരത്തിൽ ഇന്ന് ശ്രീലങ്കയും പാക്കിസ്ഥാനും ഏറ്റുമുട്ടുകയാണ്. ദുബായ് അന്താരാഷ്ട്ര സ്റ്റേഡിയത്തിൽ നടക്കുന്ന പോരാട്ടത്തിൽ ടോസ് നേടിയ പാക്കിസ്ഥാൻ നായകൻ ബാബർ അസം ബാറ്റിംഗ് തിരഞ്ഞെടുക്കുകയായിരുന്നു. ശ്രീലങ്ക ടീമിൽ മാറ്റങ്ങൾ ഒന്നും തന്നെ ഉണ്ടായിരുന്നില്ല. എന്നാൽ കഴിഞ്ഞ മത്സരത്തിൽ നിന്നും രണ്ട് മാറ്റങ്ങളോടെയാണ് പാക്കിസ്ഥാൻ ഇറങ്ങിയത്. വിശ്രമം അനുവദിച്ചിരുന്ന ശദാബ്‌ ഖാനും നസീം ഷായും ടീമിൽ തിരിച്ചെത്തിയപ്പോൾ ഹസൻ അലിയും ഉസ്മാൻ ഖാദിരും പുറത്തിരുന്നു.
മത്സരത്തിനിടെ ബൗണ്ടറി ലൈനിൽ ക്യാച്ച് എടുക്കാനുള്ള ശ്രമത്തിൽ പാക്ക് ടീമിലെ രണ്ട് താരങ്ങൾ കൂട്ടിമുട്ടുകയും പന്ത് സിക്സ് ആവുകയും ചെയ്തു. ഇത് ആദ്യമായല്ല പാക്ക് താരങ്ങൾ ഒന്നിച്ചുവന്ന് ക്യാച്ച് എടുക്കാൻ ശ്രമിച്ച് ഡ്രോപ്പ് ചെയ്യുന്നത്. അവരുടെ പല മത്സരങ്ങളിലും പതിവ് കാഴ്ചയാണ് ഇത്. മത്സരത്തിന്റെ പത്തൊമ്പതാം ഓവറിലെ അവസാന പന്തിൽ ആയിരുന്നു സംഭവം. മുഹമ്മദ് ഹാസ്നൈൻ എറിഞ്ഞ പന്തിൽ ബാറ്റിംഗ് ചെയ്തിരുന്നത് അർദ്ധ സെഞ്ചുറി നേടിയ ഭാനുകാ രാജപക്സെ.
ഓഫ് കട്ടർ ആയി എറിഞ്ഞ പന്ത് ഡീപ് മിഡ് വിക്കറ്റിലേക്ക് ഉയർത്തി അടിച്ചപ്പോൾ പന്ത് നേരെ ലോങ് ഓണിലും ഡീപ് മിഡ് വിക്കറ്റിനും ഇടയിലേക്ക് പോയി. ലോങ് ഓൺ ഫീൽഡർ ആസിഫ് അലിക്കായിരുന്നൂ കൂടുതൽ അടുത്ത്. എന്നാലും ശദാബ്‌ ഖാനും അവിടേക്ക് ഓടി എത്തുകയായിരുന്നു. ആരാണ് ക്യാച്ച് എടുക്കുന്നതെന്ന് ശ്രദ്ധിക്കുകയോ വിളിച്ചുപറയുകയോ ചെയ്യാതെ ഇരുവരും ആകാശത്ത് കൂടി വരുന്ന പന്തിനെ മാത്രം നോക്കി വരുകയായിരുന്നു.
പന്ത് വന്ന് ആസിഫ് അലിയുടെ കയ്യിൽ ഇരുന്നതും തൊട്ടപ്പുറത്ത് നിന്നും ശദാബ്‌ ഖാൻ ക്യാച്ചിനായി ചാടി ആസിഫ് അലിയുടെ ദേഹത്തിലേക്ക്‌ വീണതും ഒരുമിച്ചായിരുന്നു. ഇതോടെ അലിയുടെ കയ്യിൽ നിന്നും തെറിച്ചുപോയ പന്ത് നേരെ ചെന്ന് വീണത് അതിർത്തിവരക്ക്‌ അപ്പുറത്തും. വിക്കറ്റ് ആകേണ്ട പന്തിൽ അതോട്ട്‌ കിട്ടിയുമില്ല, വിലപ്പെട്ട ആറ് റൺസ് പോവുകയും ചെയ്തു പാക്കിസ്ഥാന്.
തുടർന്ന് ഇരു താരങ്ങളും മൈതാനത്ത് വീണു കിടക്കുന്ന കാഴ്ചയാണ് കാണാൻ കഴിഞ്ഞത്. ആസിഫ് അലി വേഗം എഴുന്നെട്ടുവെങ്കിലും ശദാബ്‌ ഖാനു കഴുത്ത് വന്നിടിച്ച ആഘാതത്തിൽ നിന്നും പെട്ടെന്ന് മുക്തനാകാൻ കഴിഞ്ഞില്ല. തുടർന്ന് ടീം ഫിസിയോ എത്തി താരത്തെ നിരീക്ഷിക്കുകയും അല്പനേരം മത്സരം തടസ്സപ്പെടുകയും ഉണ്ടായി. പരുക്ക് ഗുരുതരം ആകുമോയെന്ന ഭയത്താൽ ഗാലറിയിൽ ഉണ്ടായിരുന്ന പാക്ക് ആരാധകർ പ്രാർത്ഥനയോടെ നിൽക്കുന്നത് കാണാമായിരുന്നു. പിന്നീട് അദ്ദേഹത്തെ ബൗണ്ടറി ലൈനിന്‌ പുറത്തേക്ക് മാറ്റി മത്സരം തുടർന്നു.
ജീവൻ ലഭിച്ച രാജപക്സെ അവസാന ഓവറിൽ ഒരു ബൗണ്ടറിയും ഒരു സിക്സും അടക്കം വിലപ്പെട്ട 14 റൺസ് ആണ് നേടിയത്. മൊത്തം 45 പന്ത് നേരിട്ട അദ്ദേഹം ആറ് ബൗണ്ടറിയും മൂന്ന് സിക്സും അടക്കം 71 റൺസ് നേടി പുറത്താകാതെ നിന്നു. ഒരു ഘട്ടത്തിൽ 58/5 എന്ന നിലയിൽ പരുങ്ങലിലായ അവരെ രക്ഷിച്ചത് ആറാം വിക്കറ്റിലും ഏഴാം വിക്കറ്റിലും അദ്ദേഹം നേതൃത്വം നൽകിയ അർദ്ധ സെഞ്ചുറി കൂട്ടുകെട്ടുകൾ ആണ്. ഹാസരംഗ 21 പന്തിൽ 36 റൺസും കരുണറത്‌നെ 14 പന്തിൽ 14 റൺസും എടുത്തു രജപക്സെയ്ക്ക് കൂട്ടായി. പാക്ക് ബോളർ ഹാരിസ് റൗഫ് 3 വിക്കറ്റുകൾ വീഴ്ത്തി. നിശ്ചിത ഇരുപത് ഓവറിൽ 6 വിക്കറ്റ് നഷ്ടത്തിൽ 170 റൺസ് ആണ് അവർ നേടിയത്.
ഏഷ്യകപ്പിലെ ഫൈനൽ പോരാട്ടത്തിൽ ആദ്യം ബാറ്റ് ചെയ്ത ശ്രീലങ്ക ഭാനുക രജപക്ഷയുടെ വെടിക്കെട്ട് ഇന്നിങ്സിന്റെ പിൻബലത്തിൽ നിശ്ചിത 20 ഓവറിൽ 170/6 എന്ന മികച്ച സ്കോർ നേടി, ടോസ്സ് നേടിയ പാക്കിസ്ഥാൻ ക്യാപ്റ്റൻ ബാബർ അസം ശ്രീലങ്കയെ ബാറ്റിങ്ങിനു അയക്കുകയായിരുന്നു, ടോസിന്റെ ഭാഗ്യം പാകിസ്താന് ഈ മത്സരത്തിൽ എത്രത്തോളം അനുകൂലമാകുമെന്ന് കണ്ടറിയേണ്ട കാര്യമാണ്, ടോസ്സ് കിട്ടിയാൽ ഈ പിച്ചിൽ എല്ലാ ക്യാപ്റ്റന്മാരും ചെയ്യുന്നത് എതിർ ടീമിനെ ആദ്യം ബാറ്റിങ്ങിന് വിട്ട് റൺസ് പിന്തുടരുക എന്നതാണ്.
തകർച്ചയോടെയാണ് ശ്രീലങ്കൻ ഇന്നിംഗ്സ് തുടങ്ങിയത് കുശാൽ മെൻഡിസിനെ നസീം ഷാ ക്ലീൻ ബൗൾഡ് ആക്കി പാകിസ്താന് ആദ്യ വിക്കറ്റ് സമ്മാനിച്ചു, പിന്നാലെ പാകിസ്താനെതിരായ കഴിഞ്ഞ കളിയിലെ താരം നിസങ്കയെയും, ധനുഷ്ക ഗുണതിലകയെയും ഹാരിസ് റൗഫ് മടക്കി അയച്ചു, കൃത്യമായ ഇടവേളകളിൽ വിക്കറ്റ് വീണു കൊണ്ടിരുന്നപ്പോൾ ശ്രീലങ്ക 58/5 എന്ന നിലയിൽ തകർന്നു, എന്നാൽ ലങ്കൻ പോരാട്ട വീര്യത്തിന്റെ കനൽ കെട്ടടങ്ങിയിരുന്നില്ല, ലങ്കൻ മുൻനിരയെ തകർത്ത ആത്മവിശ്വാസത്തിൽ വീണ്ടും ആ ചാരം ചികയാൻ നിന്ന പാക്കിസ്ഥാൻ ബോളർമാരുടെ കൈ പൊള്ളി.
ആറാം വിക്കറ്റിൽ ഹസരംഗയെ കൂട്ട് പിടിച്ച് ഭാനുക രജപക്ഷ തകർച്ചയിലേക്ക് കൂപ്പു കുത്തുകയായിരുന്ന ശ്രീലങ്കയെ പതിയെ മുന്നോട്ട് നയിച്ചു, “ആക്രമണമാണ് ഏറ്റവും നല്ല പ്രതിരോധം” എന്ന ആശയത്തിൽ നിന്ന് കൊണ്ടായിരുന്നു ഇരുവരും ബാറ്റ് വീശിയത്, അപ്രതീക്ഷിതമായ ഈ ആക്രമണം അത്രയും നേരം നല്ല രീതിയിൽ ബോൾ ചെയ്ത് കൊണ്ടിരുന്ന പാക് ബോളർമാരുടെ താളം തെറ്റിക്കാൻ കെല്പുള്ളതായിരുന്നു, 45 ബോളിൽ 6 ഫോറും 3 സിക്സും അടക്കം 71* റൺസ് ആണ് ഭാനുക രജപക്ഷ അടിച്ചെടുത്തത്.
ഏഷ്യകപ്പിൽ മികച്ച ഫോമിൽ കളിച്ച് കൊണ്ടിരുന്ന കുശാൽ മെൻഡിസിന് പാകിസ്താനെതിരെ കഴിഞ്ഞ കളിയിൽ പറ്റിയ പിഴവ് ഇത്തവണയും ആവർത്തിച്ചു, കഴിഞ്ഞ കളിയിൽ മുഹമ്മദ് ഹസ്നൈനിന്റെ ആദ്യ ബോളിൽ തന്നെ താരം ഔട്ട് ആയിരുന്നു, ഇത്തവണ ബോളർ മാറി നസീം ഷാ ആയി എന്ന വ്യത്യാസം മാത്രമേ ഉണ്ടായുള്ളൂ, നസീം ഷാ യുടെ വേഗതയാർന്ന ഒരു ഇൻസ്വിങ്ങർ കുശാൽ മെൻഡിസിന്റെ കുറ്റി തെറിപ്പിക്കുകയായിരുന്നു.
